പഞ്ചായത്തിൽ നൽകിയ അപേക്ഷകളിലെ തീർപ്പ് കൽപ്പിക്കൽ, പ്രാദേശിക വികസനവുമായി ബന്ധപ്പെട്ട പരാതികൾ, നിത്യ ചികിത്സയുമായി ബന്ധപ്പെട്ട പ്രയാസങ്ങൾ, ദൈനംദിന ഭക്ഷണത്തിന് ബുദ്ധിമുട്ടനുഭവിക്കുന്നവരുടെ പ്രയാസങ്ങൾ, വഴി സംബന്ധമായ പ്രശ്‌നങ്ങൾ, അയൽപ്പക്ക ബന്ധങ്ങളിൽ അസ്വാരസ്യങ്ങൾ, കുടുംബ പ്രശ്‌നങ്ങൾ, കുട്ടികളുടെ വിദ്യാഭ്യാസ പ്രശ്‌നങ്ങൾ തുടങ്ങി വിവിധ പ്രശ്നങ്ങളാണ് ജനസഭയിൽ ഉന്നയിക്കപ്പെട്ടത്. ചികിത്സയുമായി ബന്ധപ്പെട്ട് മുൻകൂട്ടി അപേക്ഷ നൽകിയ മുഴുവനാളുകൾക്കും , ഭക്ഷണ പ്രയാസങ്ങൾ ഉന്നയിച്ചവർക്കും ഭക്ഷണത്തിനും മരുന്നിനുമായി പ്രത്യേക കൂപ്പണുകൾ കൈമാറി.

വഴി പ്രശ്നങ്ങൾ ഉൾപ്പെടെ എതിർകക്ഷികളുമായി സംസാരിച്ച് പരിഹരിക്കേണ്ട പ്രശ്നങ്ങൾക്ക് തീർപ്പ് കൽപ്പിക്കാൻ പ്രത്യേക തിയ്യതികൾ നിശ്ചയിച്ചു. വില്ലേജ് ഓഫീസർ, അസ്സിസ്റ്റന്റ് എൻജിനിയർ (വാട്ടർ അതോരിറ്റി ,കെ.എസ്.ഇ.ബി), കൃഷി വികസന ഓഫീസർ തുടങ്ങിയവർ വിവിധ പരാതികള്ക്ക് പരിഹാര നിർദ്ധേശങ്ങള് നൽകി.

ഇതിന് മുമ്പും പഞ്ചായത്ത് വിഭജന ആവശ്യം ഉയർന്നിരുന്നുവെങ്കിലും തങ്ങളുടെ രാഷ്ട്രീയ ആധിപത്യത്തിന് കോട്ടം തട്ടും എന്ന് കരുതി ഒളവണ്ണയിലെ ഭരണക്കാരും സർക്കാരും അതിനോട് മുഖം തിരിഞ്ഞ് നിൽക്കുകയാണ് ചെയ്‌തിരുന്നത്. കോഴിക്കോട് കോർപ്പറേഷ- നോട് അതിർത്തി പങ്കിടുകയും ജനങ്ങൾ തിങ്ങി താമസിക്കുകയും ചെയ്യുന്ന ഒളവണ്ണയിലെ ജനങ്ങളോട് സർക്കാർ പുലർത്തുന്ന ഈ സമീപനം പ്രതിഷേധാർഹമാണ്.ഒളവണ്ണ വിഭജിച്ച് കൂടുതൽ പഞ്ചായത്തുകൾ രൂപീകരിക്കുന്ന പക്ഷം ആളോഹരി സേവനം വർദ്ധിപ്പിക്കുവു- ാനും ജനങ്ങൾക്ക് കൂടുതൽ സേവനങ്ങൾ ലഭ്യമാക്കുവാനും സാധിക്കും.അത് പോലെ കൃഷി ഓഫീസ്, മൃഗാശുപത്രി, ഹോമിയോ ഡിസ്‌പൻസറി, ആയുർവേദ ക്ലിനിക്കുകൾ പോലയെള്ള സേവനങ്ങളും, പഞ്ചായത്തുകൾക്ക് വിവിധയിടങ്ങളിൽ നിന്നും ലഭിക്കുന്ന ഫണ്ടുകളും കൂടുതൽ ലഭ്യമാക്കാൻ സാധിക്കും. കേവലം രാഷ്ട്രീയ താത്പര്യങ്ങൾ മാത്രം മുൻ നിറുത്തി ഒരു വാർഡ് അധികരിപ്പിക്കാനാണ് സർക്കാരും അധികാരികളും ഇപ്പോൾ ശമിക്കുന്നത്.വാർ ഡുകൾ പുനഃക്രമീകരിച്ചത് കൊണ്ട് തദ്ദേശ സ്ഥാപനങ്ങളിലെ പ്രയാസങ്ങൾ മാറുകയില്ല.മറി- ച്ച് കൂടുതൽ പ്രയാസങ്ങളിലേക്ക് തള്ളിവിടുകയാണ് ചെയ്യുക.ഒരു വാർഡ് കൂടുതൽ വരു- മ്പോൾ തന്നെ ഗ്രാമ പഞ്ചായത്തിലെ മുഴുവൻ വാർഡ് നമ്പറുകളും മാറുകയും, അതിനനുസരിച്ച് കെട്ടിട നമ്പറുകളിലും മാറ്റം വരും. കെട്ടിട നമ്പർ പതിക്കുന്നതും, രജിസ് ട്രേഷൻ പുതുക്കുന്നതുമായി ഒരുപാട് ഉത്തരാവാദിത്തങ്ങൾ പഞ്ചായത്ത് ജീവനക്കാരിലേ- ക്ക് വരും.ഇത് ജോലി ഭാരം അധികരിപ്പിക്കുകയും തദ്ദേശ സ്വയം ഭരണ സ്ഥാപനങ്ങളിലെ പ്രവർത്തനങ്ങളെ കൂടുതൽ സങ്കീർണതയിലാക്കുകയുമാണ് ചെയ്യുക.

ഒളവണ്ണയിലെ ജനസംഖ്യയും ജനസാന്ദ്രതയും കണക്കിലെടുത്ത് ഒളവണ്ണ പഞ്ചായത്തിനെ മൂന്ന് ഗ്രാമ പഞ്ചായത്തുകളിായി വിഭജിക്കാൻ സർക്കാർ ഉത്തരവിറക്കണമെന്ന് 2024 ആഗസ്റ്റ് 19 തിങ്കളാഴ്‌ച ചേർന്ന മുസ്‌ലിം യൂത്ത് ലീഗ് ഒളവണ്ണ പഞ്ചായത്ത് പ്രവർത്തക സമിതി യോഗം പ്രമേയത്തിലൂടെ ആവശ്യപ്പെട്ടിരിക്കുന്നു.