ദിബിന്‍ ഗോപന്‍

ഏതൊരു താരത്തിന്റെയും ആഗ്രഹം തന്നെയാണ് സ്പാനിഷ് വമ്പന്മാരായ ബാഴ്‌സിലോണക്ക് വേണ്ടി ബൂട്ടണിയുക എന്നത്. പുതിയ താരങ്ങളെ ടീമിലെത്തിക്കാന്‍ ബാര്‍സ എപ്പോഴും ശ്രദ്ധിക്കാറുണ്ട്. ഈ സീസണില്‍ അത്‌ലറ്റിക്കോ മാഡ്രിഡില്‍ നിന്ന് ഫ്രഞ്ച് താരം ഗ്രീസ്മാനെയും അജാക്‌സില്‍ നിന്ന് നെതര്‍ലാന്റ് താരം ഡീജോങിനെയും ടീമിലെത്തിച്ച് പുതിയ സീസണ് ടീം തയ്യാറാണെന്ന് മാനേജ്‌മെന്റ് വ്യക്തമാക്കിയിരിക്കുന്നു.

ടീം ശക്തമാണ്. ഫ്രാന്‍സിന് ലോകകപ്പ് സമ്മാനിച്ചതില്‍ നിര്‍ണായക പങ്കുവഹിച്ച ഗ്രീസ്മാനും കഴിഞ്ഞ സീസണില്‍ റയല്‍ മാഡ്രിഡിനെ വിറപ്പിച്ച ഡീജോങും ടീമിലെത്തുമ്പോള്‍ എതിര്‍ ടീമുകള്‍ തീര്‍ച്ചയായും പ്രതിരോധത്തിലാവും. എന്നാല്‍ മൈതാനത്ത് ടീമിന്റെ ആദ്യ ഇലവനെ അണിനിരത്താന്‍ കോച്ചാവും ബുദ്ധിമുട്ടുക.

രാജ്യാന്തര മത്സരങ്ങളില്‍ അര്‍ജന്റീനയുടെ മുന്നേറ്റ താരം പൗലോ ഡിബാല അനുഭവിക്കുന്ന പ്രശ്‌നം ബാര്‍സയില്‍ ഗ്രീസ്മാനും അനുഭവിക്കാന്‍ സാധ്യതയുണ്ട്. രണ്ട് പേരും മികച്ച താരങ്ങള്‍ തന്നെയാണ് എന്നാല്‍ മെസി എന്ന സൂപ്പര്‍ താരത്തിന് അവസരം നല്‍കാതിരിക്കുക എന്നത് സ്വപ്‌നത്തില്‍ പോലും പ്രതീക്ഷിക്കാന്‍ സാധിക്കാത്ത കാര്യമാണ്.

നിലവില്‍ മെസി ബാര്‍സയുമായി കരാര്‍ പുതുക്കിയിട്ടില്ല. നെയ്മറിനെ ടീമില്‍ എത്തിക്കണം എന്ന ആവശ്യത്തില്‍ തന്നെയാണ് അദ്ദേഹം ഇപ്പോഴും ഉള്ളത്. മെസിയുടെ സമ്മര്‍ദത്തിന് വഴങ്ങി മാനേജ്‌മെന്റ് നെയ്മറിനെ ടീമിലെത്തിക്കാനും സാധ്യതകളുണ്ട്. ആരൊക്കും ടീമിലെത്തിയാലും മാനേജ്‌മെന്റിന് വ്യക്തമായി അറിയാം മെസി തന്നെയാണ് നിലവില്‍ ബാര്‍സയുടെ മുഖമെന്ന്.

മികച്ച താരങ്ങളെ ടീമിലെത്തിക്കാന്‍ ക്ലബ്ബുകള്‍ മത്സരിക്കുമ്പോള്‍ അവരുടെ ഭാവി പകരക്കാരുടെ ബെഞ്ചില്‍ മാത്രമായി പോവരുത്. കക്ക എന്ന ബ്രസീലിയന്‍ താരത്തെ ആരും മറന്ന് കാണില്ല. ബ്രസീലിന് വേണ്ടി മികച്ച രീതിയില്‍ കളിച്ചിരുന്ന കക്കയെ റയല്‍ മാഡ്രിഡ് ടീമിലെത്തിക്കുകയും പകരക്കാരുടെ ബെഞ്ചിലെ സ്ഥിരം സാന്നിധ്യമായി മാറിയതോടെ അദ്ദേഹത്തിന് നഷ്ടമായത് തന്റെ ഫുട്‌ബോള്‍ ജീവിതം തന്നെയായിരുന്നു. ഇനിയൊരു കക്കയെ കാണാന്‍ ഫുട്‌ബോള്‍ ലോകം ആഗ്രഹിക്കില്ല.

ഇന്നലെ ലീഗില്‍ നടന്ന മല്‍സരത്തിലവര്‍ ലഗാനസിനെ നാല് ഗോളിന് തരിപ്പണമാക്കി. ലഗാനസിനെതിരെ ടീം നേടിയ നാല് ഗോളുകളും ഗ്രീസ്മാന്റെ ബൂട്ടില്‍ നിന്നായിരുന്നു. ഈ വിജയത്തോടെ ലീഗില്‍ രണ്ടാം സ്ഥാനത്തുള്ള അത്‌ലറ്റികോ മാഡ്രിഡ് ഒന്നാം സ്ഥാനക്കാരായ ബാര്‍സിലോണക്ക് നാല് പോയിന്റ് അരികിലെത്തി. കഴിഞ്ഞ മല്‍സരത്തില്‍ എസ്പാനിയോളിന് മുന്നില്‍ ഒരു ഗോളിന് തല താഴ്ത്തിയ റയല്‍ മാഡ്രിഡ് മൂന്നാം സ്ഥാനം നിലനിര്‍ത്താന്‍ പൊരുതുമ്പോഴാണ് ഗ്രീസ്മാനും സംഘവും അത്യുഗ്രന്‍ ഫോമില്‍ കളിക്കുന്നത്. ഒരാഴ്ച്ചക്കിടെ രണ്ടാമത് ഹാട്രിക്കുമായി ഗ്രീസ്മാന്‍ തന്റെ മൂല്യം തെളിയിക്കുമ്പോള്‍ ചാമ്പ്യന്‍ഷിപ്പ് തന്നെയാണ് ടീമിന്റെ ലക്ഷ്യമെന്ന് ടീം മാനേജ്‌മെന്റും വിശദീകരിക്കുന്നു.ബാര്‍സയുടെ അരികിലെത്തിയ സന്തോഷമാണ് ഗ്രീസ്മാന്‍ പ്രകടിപ്പിക്കുന്നത്. സമീപ മല്‍സരങ്ങളില്‍ റയലിനെ പോലെ ബാര്‍സയും തപ്പിതടയുമ്പോള്‍ ഗ്രീസ്മാന്റെ ഫോം തന്നെയാണ് അത്‌ലറ്റികോ സംഘത്തിന് പ്രതീക്ഷ നല്‍കുന്നത്.

ഈ നൂറ്റാണ്ടില്‍ ആദ്യമായാണ് അത്‌ലറ്റികോയുടെ ഒരുതാരം തുടര്‍ച്ചയായ മല്‍സരങ്ങളില്‍ ഹാട്രിക് സ്വന്തമാക്കുന്നത്. 2014 ല്‍ കൊളംബിയക്കാരന്‍ റാഡിമല്‍ ഫല്‍ക്കാവോ ഒരു മല്‍സരത്തില്‍ നാല് ഗോളുകള്‍ സ്‌ക്കോര്‍ ചെയ്തതിന് ശേഷം ഈ നേട്ടം കൈവരിക്കുന്ന ആദ്യ അത്‌ലറ്റികോ താരമെന്ന ബഹുമതിയും ഗ്രീസ്മാന്‍ സ്വന്തമാക്കി. 26,35,56,67 മിനുട്ടുകളിലായിരുന്നു ലഗാനസിനെതിരായ ഗോളുകള്‍. 35,033 ത്തിലധികം കാണികളെ സാക്ഷി നിര്‍ത്തി അക്ഷരാര്‍ത്ഥത്തില്‍ തകര്‍പ്പന്‍ ഗോള്‍ വേട്ടയായിരുന്നു അത്. വേഗതയും ലക്ഷ്യബോധവും പിന്നെ കൗശലവുമായപ്പോള്‍ ഗ്രീസ്മാന് മുന്നില്‍ ലഗാനസ് ഡിഫന്‍സും ഗോള്‍ക്കീപ്പറും തല താഴ്ത്തുകയായിരുന്നു.

ലഗാനസിനെതിരെ ഇരുപകുതികളിലായാണ് ഫ്രഞ്ച് മുന്‍നിരക്കാരന്‍ തന്റെ ഗോളുകള്‍ സ്‌ക്കോര്‍ ചെയ്തത്. മല്‍സരത്തിന് 26 മിനുട്ട് പ്രായമായപ്പോഴായിരുന്നു ഗ്രീസ്മാന്റെ ആദ്യ ഗോള്‍. അത്‌ലറ്റികോ താരം ജെറാര്‍ഡ് ഗുംബാവുനന്റെ ഷോട്ട് ഗോള്‍ക്കീപ്പര്‍ തടുത്തെങ്കിലും പന്ത് മറ്റൊരു അത്‌ലറ്റികോ താരം ഗബ്രിയേലിന്റെ കാലുകളിലേക്കായിരുന്നു. ആ ഷോട്ട് ഡിഫന്‍ഡര്‍ തടുത്തപ്പോള്‍ പന്ത് ഗ്രീസ്മാന്റെ അരികില്‍. അദ്ദേഹത്തിന്റെ ഷോട്ട് ആര്‍ക്കും തടുക്കാനായില്ല. രണ്ടാം ഗോള്‍ ഒമ്പത് മിനുട്ടിനകം അതിമനോഹരമായ ഫ്രീകിക്കില്‍ നിന്നായിരുന്നു. ഹെഡ്ഡറില്‍ നിന്ന് ഹാട്രിക് തികച്ചത് രണ്ടാം പകുതിയില്‍. പതിനൊന്ന് മിനുട്ടിന് ശേഷം ഹെഡ്ഡറില്‍ നിന്നും നാലാം ഗോള്‍. ലീഗില്‍ സിമയോണി സംഘത്തിന്റെ ഏഴാം തുടര്‍ച്ചയായ വിജയമാണിത്. അടുത്ത മല്‍സരത്തിലവര്‍ നേരിടുന്നത് ശക്തരായ ബാര്‍സിലോണയെയാണ്.