പോസ്റ്റിന്റെ പൂര്‍ണ്ണരൂപം:

പ്രിയപ്പെട്ടവരേ, ഞാന്‍ രണ്ടു കുട്ടികളുടെ അമ്മ ആണ്. അതുകൊണ്ട് എഴുതുവാന്‍ എന്നിലെ അമ്മ മനസ്സ് പറയുന്നു. മുലയൂട്ടുക എന്നുള്ളത് ഒരു അമ്മയുടെ ഏറ്റവും പാവനവും പരിശുദ്ധവും ആയ വികാരം ആണ്. ദൈവികമാണ്. അതിലൂടെ വിശപ്പ് മാറ്റുക എന്നതിലുപരി സ്‌ട്രോങ്ങ് ബോണ്ടിങ് ആണ് രൂപപ്പെടുന്നത്. ആ മാതൃസ്‌നേഹം കുഞ്ഞു അനുഭവിച്ചു തുടങ്ങുന്നത് മുലപ്പാലിലൂടെയും. എന്നിലെ അമ്മ എപ്പോഴും സ്വാര്‍ത്ഥത ഉള്ള അമ്മ ആണ്. മുലയൂട്ടലിന്റെ കാര്യത്തില്‍ പ്രത്യേകിച്ചും. അവിടെ തുറിച്ചു നോട്ടങ്ങള്‍ ഉണ്ടോ എന്നൊന്നും നോക്കാറില്ല. ആരെയും തുറന്നു കാണിക്കാതെ മുലയൂട്ടാന്‍ ആണ് എല്ലാ അമ്മയും ഇഷ്ടപ്പെടുക. കാരണം ആ സ്വകാര്യത അമ്മയ്ക്കും കുട്ടിക്കും മാത്രം അവകാശപ്പെട്ടതാണ്. അങ്ങനെ തന്നെ പബ്ലിക് സ്ഥലത്തും മുലയൂട്ടിയിട്ടുണ്ട്. ബാഡ് എക്‌സ്പീരിയന്‍സ് ഉണ്ടായിട്ടില്ല. പിന്നെ എന്റെ കുട്ടിക്കു മറ്റൊരു സ്ത്രീ മുലയൂട്ടുന്നത് എന്നിലെ അമ്മയ്ക്ക് ചിന്തിക്കാന്‍ പോലും കഴിയില്ല. അതും അമ്മയാകാത്ത പാല് ചുരത്താത്ത ഒരു സ്ത്രീയില്‍ നിന്നും. ആ കുഞ്ഞു മനസ്സിനെ വിഡ്ഢി ആക്കിയിട്ടു എന്തു importance ആണ് ഒരു തുറിച്ചു നോട്ടത്തിനോ ഒരു ക്യാമ്പയിനോ ഒരമ്മയ്ക്കുള്ളത് ? This is my personal opinion, if anyone is hurt i am sorry.

സ്ത്രീകളെ മോശമായി ചിത്രീകരിക്കുന്നുവെന്ന് കാണിച്ചാണ് കേസ്.സ്ത്രീകളെ മാന്യതയില്ലാതെ ചിത്രീകരിക്കുന്നത് തടയുന്ന നിയമം 1986 ലെ സെക്ഷന്‍ 3, 4 വകുപ്പുകള്‍ പ്രകാരമാണ് കേസ്. രണ്ട് വര്‍ഷം വരെ തടവ് കിട്ടാവുന്ന വകുപ്പുകളാണ് കേസില്‍ ആരോപിച്ചിരിക്കുന്നതെന്നാണ് വിവരം. മൊഴി എടുക്കുന്നതടക്കമുള്ള നടപടികള്‍ക്കായി കേസ് 16ലേക്ക് മാറ്റി. ഓപ്പണ്‍ കോടതിയില്‍ മൊഴിയെടുക്കും. നേരത്തെ, അഡ്വ ജിയാസ് ജമാല്‍ ബാലാവകാശ കമ്മീഷന് പരാതി നല്‍കിയിരുന്നു. പരാതിയില്‍ കുഞ്ഞിന്റെ അവകാശത്തെ ഹനിച്ചുവെന്നാണ് പറയുന്നത്. മാഗസിന്‍, മോഡല്‍, കുഞ്ഞിന്റെ മാതാപിതാക്കള്‍ എന്നിവര്‍ക്കെതിരെ കേസെടുക്കണമെന്നാണ് ആവശ്യപ്പെട്ടിരിക്കുന്നത്.

അവിവാഹിതയായ പരസ്യമോഡല്‍ ജിലുജോസഫ് കൈക്കുഞ്ഞിനെ വാടകക്കെടുത്താണ് ചിത്രത്തില്‍ പ്രത്യക്ഷപ്പെട്ടിട്ടുള്ളതെന്ന് പരാതിയില്‍ പറയുന്നു. മുലപ്പാലില്ലാത്ത മാറിടം കുഞ്ഞിന്റെ വായില്‍ തിരുകികൊണ്ട് എടുത്ത ഈ ചിത്രം കുഞ്ഞിന്റെ ആരോഗ്യവും അവകാശവും ചൂഷണം ചെയ്യുകയാണ്. വാണിജ്യ ആവശ്യത്തിനായി കുഞ്ഞിനെ ഉപയോഗിച്ചത് അത്യന്തം ഗൗരവകരമായ വിഷയമാണ്. മാതൃത്വത്തേയും മുലയൂട്ടലിനേയും വില്‍പ്പന ചരക്കാക്കുന്ന ഇത്തരം പ്രവര്‍ത്തനം മൂലം ഹനിക്കപ്പെടുന്നത് പിഞ്ചുകുഞ്ഞിന്റെ അവകാശമാണെന്നും ഇതിനെതിരെ നടപടി സ്വീകരിക്കണമെന്നുമാണ് പരാതിയില്‍ പറയുന്നത്. സംഭവത്തില്‍ പ്രസിദ്ധീകരണം, കുഞ്ഞിന്റെ മാതാപിതാക്കള്‍, മോഡല്‍ ജിലുജോസഫ് എന്നിവര്‍ക്കെതിരെ നിയമനടപടി സ്വീകരിക്കണമെന്ന് ആവശ്യപ്പെടുന്നു.

Child Rights

Child Rights1