പ്രമാദമായ കൊലപാതകകേസില്‍ പ്രതി കുടുങ്ങിയത് ഒന്നര മിനുട്ട് നേരത്തെ മൊബൈല്‍ ഉപയോഗം. നവദമ്പതികളുടെ കൊലപാതകത്തെ തുടര്‍ന്ന് മോഷ്ടിച്ച മൊബൈല്‍ ഫോണ്‍ പ്രതിയുടെ ഭാര്യ ഒന്നര മിനുട്ട് നേരം ഉപയോഗിച്ചതാണ് പൊലീസിന് കൊലയാളിയിലേക്ക് വഴി കാണിച്ചത്. മോഷ്ടിച്ച മൊബൈല്‍ ഫോണ്‍ ഉപയോഗിച്ചില്ലായിരിന്നുവെങ്കില്‍ പ്രതി ഇപ്പോഴും മറക്ക് പുറത്ത് തന്നെ ആകുമായിരുന്നു.

ഫാത്തിമ അണിഞ്ഞ സ്വര്‍ണ്ണാഭരണം മോഷ്ടിച്ചതിന് പുറമെ ഫാത്തിമയുടെ മൊബൈല്‍ ഫോണും പ്രതിയായ തൊട്ടില്‍ പാലം മരുതോറയില്‍ കലങ്ങോട്ടുമ്മല്‍ വിശ്വനാഥന്‍ മോഷ്ടിച്ചിരുന്നു. ഫോണ്‍ സ്വിച്ച് ഓഫാക്കുകയും ചെയ്തു.
അതിനിടെ കൊലപാതക കേസ്സില്‍ പിടിയിലായ നിരവധി കളവ് കേസ്സിലെ പ്രതി തൊട്ടില്‍ പാലം മരുതോറയില്‍ കലങ്ങോട്ടുമ്മല്‍ വിശ്വന്‍ എന്ന വിശ്വനാഥനേയും പോലീസ് നേരത്തേ ചോദ്യം ചെയ്യുകയും വിട്ടയക്കുകയും ചെയ്തിരുന്നു. പിന്നീട് വിശ്വനാഥന്‍ പോലീസ് നിരീക്ഷണത്തിലുമായിരുന്നു.

മോഷണം പോയ മൊബൈല്‍ സ്വിച്ച് ഓണ്‍ ആകുന്നുണ്ടോ എന്നറിയാന്‍ 24 മണിക്കൂറും നിരീക്ഷണത്തിലായിരുന്നു പോലീസ്. ഫാത്തിമ ഉപയോഗിച്ച സാംസങ്ങ് ഫോണാണ് മോഷണം പോയത്. ഈ ഫോണില്‍ സിമ്മിട്ട് വിശ്വനാഥന്റെ ഭാര്യ മഹിജഒന്നര മിനുട്ട് നേരം ഉപയോഗിച്ചതോടെയാണ് പോലീസ് പ്രതിയെ പിടികൂടുന്നത്. പിന്നീട് പ്രതിയെ ചോദ്യം ചെയ്യുകയും പ്രതി കുറ്റം സമ്മതിക്കുകയുമായിരുന്നുവെന്ന് പോലീസ് പറഞ്ഞു.

അതിനിടെ സംഭവ ദിവസം പ്രതി ധരിച്ച വസ്ത്രങ്ങള്‍ തൊട്ടില്‍ പാലം കാവിലുംപാറയിലെ പ്രതിയുടെ വീട്ടില്‍ നിന്നും പോലീസ് കണ്ടെടുത്തു. ഇതിന് പുറമെ പ്രതിമോഷ്ടിച്ച ഫാത്തിമയുടെ സ്വര്‍ണ്ണാഭരണങ്ങള്‍ കുറ്റ്യാടിയിലെ ഒരു സ്വര്‍ണ്ണാഭരണപണിക്കാരന് വില്‍പ്പന നടത്തിയിരുന്നു. ആ ഭരണങ്ങള്‍ ഉരുക്കി കട്ടിയാക്കിയതിനാല്‍ 64.080 ഗ്രാം സ്വര്‍ണ്ണവും നേരത്തേ പോലീസ് കണ്ടെടുത്തിരുന്നു.

മോഷണശ്രമത്തിനിടെയാണ് പ്രതി കൊലപാതകം നടത്തിയതെന്ന് എസ്.പി കറപ്പസ്വാമി അറിയിച്ചു. പ്രതിയെ കോടതിയില്‍ ഹാജരാക്കി കസ്റ്റഡിയില്‍ വാങ്ങാന്‍ അപേക്ഷ നല്‍കും. പ്രദേശത്ത് നേരത്തേ പരിചയമുള്ളയാളാണ് പ്രതി. ലോട്ടറി കച്ചവടവുമായി ബന്ധപ്പെട്ട് ജില്ലയില്‍ നിരവധി തവണ എത്തിയിട്ടുള്ള ഇയാള്‍ക്ക് വ്യാപാരിയായ ഉമ്മറിനെക്കുറിച്ച് ധാരണയുണ്ടായിരുന്നു. പ്രതി നേരത്തേ പല കേസുകളിലായി പിടിക്കപ്പെട്ട് ജയില്‍ ശിക്ഷ അനുഭവിച്ചിട്ടുണ്ടെന്നും എസ്.പി പറഞ്ഞു. കേസിന്റെ ഭാഗമായി 800ലധികം പേരെ ചോദ്യം ചെയ്തതായും നിരവധി വാഹനങ്ങളും സി.സി.ടി.വി ദൃശ്യങ്ങളും പരിശോധിച്ചതായും അദ്ദേഹം പറഞ്ഞു.

കഴിഞ്ഞ രണ്ട് മാസത്തിലധികമായി നടത്തുന്ന അന്വേഷണത്തിനൊടുവിലാണ് പ്രതിയെ ക്കുറിച്ചുള്ള സൂചനകളിലേക്ക് അന്വേഷണ സംഘത്തിന് എത്താന്‍ കഴിഞ്ഞത്. ജൂലൈ ആറിനായിരുന്നു കണ്ടത്തുവയല്‍ പൂരിഞ്ഞിയില്‍ വാഴയില്‍ ഉമര്‍, ഭാര്യ ഫാത്തിമ എന്നിവരെ കിടപ്പുമുറിയില്‍ കൊല്ലപ്പെട്ട നിലയില്‍ കണ്ടെത്തിയത്. തലക്ക് മാരകമായി വെട്ടേറ്റിരുന്നു. അന്വേഷണത്തെ വഴിതെറ്റിക്കാന്‍ വീടിന് പരിസരത്ത് മുളക് പൊടി വിതറുകയും ചെയ്തിരുന്നു. വീട്ടില്‍ നിന്ന് എട്ടരപവന്‍ സ്വര്‍ണ്ണാഭരണങ്ങളും നഷ്ടപ്പെട്ടിരുന്നു. മാനന്തവാടി ഡി വൈ എസ് പി കെ ദേവസ്യയുടെ നേതൃത്വത്തിലുള്ള 28 അംഗ സംഘമാണ് കേസന്വേഷിച്ചത്. പ്രതിയെ പിടികൂടാത്തതിനെതിരെ ആക്ഷന്‍ കമ്മിറ്റി പ്രക്ഷോഭത്തിനൊരുങ്ങുന്നതിനിടെയാണ് അറസ്റ്റ്.

തെലങ്കാനയിലെ ജ്യോതി ആസ്പത്രിയില്‍ നിന്നും സ്ഥിരം നടത്തുന്ന മെഡിക്കല്‍ ചെക്കപ്പിന് ശേഷം ഭാര്യ അമൃതയേയും അമ്മയേയുമായി മടങ്ങിപോയ ഭര്‍ത്താവായ പ്രണയ് എന്ന വിനേയാണ്‌ അഞ്ജാതന്‍ വെട്ടികൊലപ്പെടുത്തിയത്. ചെക്കപ്പിന് ശേഷം മൂന്നും പേരും സംസാരിച്ച് പുറത്തിറങ്ങുന്നതിനിടെ ആസ്പത്രിയ ഗൈറ്റിന് സമീപത്ത് വെച്ചായിരുന്നു ആക്രമമുണ്ടായത്. ഇവരുടെ പിറകെ തന്നെ ആയുധവുമായി വന്ന ഒരാള്‍ പ്രണയിയെ പിറകില്‍ നിന്നും വലിച്ചു തിരിച്ച് കഴുത്തില്‍ വെട്ടുകയുമായിരുന്നു. സംഭവത്തിന്റെ സിസിടിവി ദൃശ്യം പുറത്തായി.

വെട്ടേറ്റ് നിലത്ത് വീണ പ്രണായിയെ രക്ഷിക്കാനായി ഭാര്യയും അമ്മയും ശ്രമം നടത്തിയെങ്കിലും അക്രമി വീണ്ടും വെട്ടുകയായിരുന്നു. രംഗം കണ്ട് ഭയന്ന ഗര്‍ഭിണിയും അമ്മയും ആസ്പത്രിയിലേക്ക് ഓടിക്കയറുന്നതാണ് ദൃശ്യങ്ങളില്‍ കാണുന്നത്.

അതേസമയം കൊലപാതകത്തിന് പിന്നില്‍ പെണ്‍കുട്ടിയുടെ വീട്ടുകാരാണെന്ന ആരോപണവുമായി പ്രണായിയുടെ കുടുംബം രംഗത്തെത്തി.

വ്യത്യസ്ത ജാതിയില്‍പ്പെട്ടവരായ പ്രണായിയുടെയും അമൃതയുടേയും വിവാഹം നടന്നത് ആറുമാസം മുമ്പായിരുന്നു. വീട്ടുകാരുടെ എതിര്‍പ്പിനെ മറികടന്നായിരുന്നു ഇരുവരുയേടും വിവാഹം.

സവര്‍ണ വിഭാഗത്തില്‍ പെടുന്ന മകള്‍ താഴ്ന്ന ജാതിയില്‍പെട്ട യുവാവിനെ വിവാഹം ചെയ്യുന്നതിനെതിരെ അമൃതയുടെ കുടുംബം രംഗത്തെത്തിയിരുന്നു. കൊലപാതകവുമായി ബന്ധപ്പെട്ട് റിയല്‍ എസ്‌റ്റേറ്റ് ബിസിനസുകാരനായ അമൃതയുടെ പിതാവ് മാരുതി റാവുവിനെ അറസ്റ്റ് ചെയ്യണമെന്ന് ആവശ്യപ്പെട്ട് പ്രണയുടെ വീട്ടുകാര്‍ സ്‌റ്റേഷന് മുന്നില്‍ പ്രതിഷേധിച്ചു.

സംഭവത്തില്‍ അന്വേഷണം ആരംഭിച്ച പോലീസ് പ്രതികള്‍ക്കായി ലുക്ക് ഔട്ട് നോട്ടീസ് ഇറക്കിയിട്ടുണ്ട്.

വിരാജുവും ജിത്തുവും ഏറെ നാളായി വേര്‍പിരിഞ്ഞു കഴിയുകയായിരുന്നു. കഴിഞ്ഞ ദിവസം കുടുംബശ്രീയില്‍നിന്നും എടുത്ത വായ്പ തിരിച്ചടയ്ക്കാനായി എത്തിയപ്പോഴാണ് ജിത്തുവിന് നേരെ അക്രമമുണ്ടായത്. പണമിടപാടിനായി വെളളിക്കുളങ്ങരയിലെ കുടുംബശ്രീ യോഗത്തിലേക്ക് പിതാവിനൊപ്പമാണ് ജീത്തു എത്തിയത്. ജീത്തു കുടുംബശ്രീയ്ക്ക് എത്തിയതറിഞ്ഞ ഭര്‍ത്താവ് വിരാജ് കൊല്ലാന്‍ പദ്ധതിയിട്ട് പുറത്തു കാത്തു നില്‍ക്കുകയായിരുന്നുവെന്നാണ് വിവരം.

കുടുംബശ്രീ യോഗം കഴിഞ്ഞ് പുറത്തിറങ്ങിയ ജീത്തുവിന് നേരെ വളരെ പെട്ടെന്നായിരുന്നു അക്രമം.
ജിത്തുവിന്റെ ദേഹത്ത് പെട്രോള്‍ ഒഴിച്ചുടനെ തന്നെ ഭര്‍ത്താവ് വിരാജ് തീ കൊളുത്തുകയായിരുന്നു. പൊടുന്നനെയുണ്ടായ അക്രമത്തിനെതിരെ നാട്ടുകാര്‍ക്ക് ഒന്നു ചെയ്യാന്‍ കഴിഞ്ഞില്ലെന്നാണ് റിപ്പോര്‍ട്ട്. കുടുംബശ്രീ യോഗത്തിന് വന്ന 20ലധികം പേരും ജീത്തുവിന്റെ പിതാവും സ്ഥലത്തുണ്ടായിരുന്നെങ്കിലും അവര്‍ക്ക് സംഭവം നോക്കി നില്‍ക്കാനേ കഴിഞ്ഞുളളൂ.

ജീത്തുവിന്റെ പിതാവിന്റെ പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. കൊലപാതക ശേഷം സംഭവസ്ഥലത്തുനിന്നും കടന്നു കളഞ്ഞ വിരാജുവിനായുള്ള ശക്തമായ തിരച്ചിലിലാണ് പൊലീസ്.

ഒഡീഷയിലെ ബൊലംഗീറില്‍ ജില്ലയില്‍ വെള്ളിയാഴ്ചയാണ് ദാരുണസംഭവം നടന്നത്. പൊട്ടിത്തെറിയെ തുടര്‍ന്ന് വരന്റെ മുത്തശ്ശി സംഭവസ്ഥലത്തു വച്ചും വരന്‍ ആസ്പത്രിയില്‍ വെച്ചുമാണ് മരിച്ചത്.

#Odisha: Groom killed, bride critically injured after a wedding gift received by the couple exploded in Bolangir district’s Patnagarh. The groom’s grandmother also died in the incident. Police probe underway. pic.twitter.com/rDG7f5bQYb

— ANI (@ANI) February 24, 2018

ഈമാസം 18നായിരുന്നു വിവാഹം. തുടര്‍ന്ന് 21ാം തിയതി നടത്തിയ സത്ക്കാരത്തിനിടെ വിവാഹ സമ്മാനപ്പൊതി തുറക്കുമ്പോള്‍ ആയിരുന്നു പൊട്ടിത്തെറി.

ഗുരുതരമായ പരുക്കേറ്റ മുത്തശ്ശി സംഭവ സ്ഥലത്തുവച്ച് തന്നെ മരിച്ചു. നവവരനെ ബൊലംഗീര്‍ ജില്ലാ ആസ്പത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. വധു ഗുരുതരനിലയില്‍ ബര്‍ലയിലെ ആസ്പത്രിയില്‍ ചികിത്സയിലാണ്.

കഴിഞ്ഞ ഞായറാഴ്ചയായിരുന്നു ഇവരുടെ വിവാഹം. തുടര്‍ന്ന് ഫെബ്രുവരി 21ന് നടത്തിയ വിവഹ റിസപ്ഷനില്‍ ലഭിച്ച സമ്മാനപ്പൊതിയാണ് പൊട്ടിത്തെറിച്ചത്. റിസപ്ഷന് ശേഷം വീട്ടിലെത്തിച്ച സമ്മാനപൊതി തുറക്കുമ്പോള്‍ പൊട്ടിത്തെറിക്കുകയായിരുന്നു.

നവവധുവരന്മാര്‍ക്ക് സമ്മാനം നല്‍കിയത് ആരാണെന്ന് വ്യക്തമല്ല. സമ്മാനപെട്ടിക്കുള്ളില്‍ എന്തുതരം സ്‌ഫോടന വസ്തുവാണ് ഉപയോഗിച്ചതെന്ന് പൊലീസ് അന്വേഷിച്ചുവരികയാണ്. തെളിവുകള്‍ ശേഖരിച്ചുവരികയാണ്. ആരാണ് സമ്മാനം നല്‍കിയതെന്ന് കണ്ടെത്താനുള്ള ശ്രമത്തിലാണെന്നും പാട്‌നഗര്‍ സബ് ഡിവിഷണല്‍ പൊലീസ് ഓഫീസര്‍ സെസദേവ ബാരിഹ പറഞ്ഞു.

ഇക്കഴിഞ്ഞ ജനുവരി 18നാണ് ചെക്കിപ്പള്ളത്ത് ഒറ്റക്ക് താമസിച്ചിരുന്ന സുബൈദയെ വീട്ടിനുള്ളില്‍ കൊല്ലപ്പെട്ട നിലയില്‍ കണ്ടെത്തിയത്. കൈകാലുകള്‍ പരസ്പരം കെട്ടിയ നിലയിലായിരുന്നു മൃതദേഹം കാണപ്പെട്ടത്. ചെക്കിപ്പള്ളത്തെ മുഹമ്മദ് കുഞ്ഞിയുടെ വാടക ക്വാട്ടേഴ്‌സ് അന്വേഷിക്കാനെന്ന വ്യാജേനെയാണ് സംഘം പെരിയയില്‍ എത്തിയത്. വെളുത്ത ഐ20 ആസ്ട്ര കാറിലാണ് സംഘം എത്തിയത്. ക്വാട്ടേഴ്‌സ് അന്വേഷിച്ച് എത്തിയ സംഘം സുബൈദയെ സമീപിക്കുകയും തുടര്‍ന്ന് സുബൈദ താന്‍ മുമ്പ് നോക്കി നടത്തിയിരുന്ന മേല്‍പ്പറഞ്ഞ ക്വാട്ടേഴ്‌സ് കാണിച്ചുകൊടുക്കുകയും ചെയ്തു. തുടര്‍ന്ന് പ്രതികള്‍ സുബൈദയുടെ വീടും പരിസരവും വീക്ഷിക്കുകയും വരാമെന്ന് പറഞ്ഞ് പോവുകയും ചെയ്തു. പിറ്റേദിവസം മറ്റൊരു ചുവന്ന കളര്‍ സ്വിഫ്റ്റ് കാറില്‍ നാലുപേരും വീണ്ടും ഉച്ചക്ക് 12.30മണിയോടെ സുബൈദയുടെ വീട്ടിലെത്തി.

എന്നാല്‍ സുബൈദയുടെ വീട് പൂട്ടിക്കിടക്കുന്നതിനാല്‍ തിരിച്ചുപോകും വഴിയില്‍ വെച്ച് സുബൈദയെ കാണുകയും പിന്തുടര്‍ന്ന് വീട്ടിലേക്ക് സംഘം മടങ്ങിവരികയും ചെയ്തു. സബൈദ വീട്ടില്‍ കയറിയതോടെ അബ്ദുല്‍ ഖാദറും മറ്റൊരു പ്രതിയും കാറില്‍ പരിചയം ഭാവിച്ച് വീട്ടിലേക്ക് കയറിചെല്ലുകയും ചെയ്തു. സംസാരിച്ചിരിക്കുന്നതിനിടയില്‍ കുടിക്കാന്‍ വെള്ളം ആവശ്യപ്പെട്ടതിനെതുടര്‍ന്ന് ചെറുനാരങ്ങ വെള്ളം ഉണ്ടാക്കാനായി സുബൈദ അുക്കളയിലേക്ക് പോയി. നാരങ്ങ വെള്ളം തയാറാക്കി വരുന്നതിനിടയില്‍ മൂന്നാം പ്രതി കയ്യില്‍ കരുതിയ ക്ലോറോഫോം ഒഴിച്ച തുണി ഉപയോഗിച്ച് സുബൈദയെ പിന്നില്‍ നിന്നും മൂക്കുംവായും പൊത്തിപ്പിടിച്ച് ശ്വാസംമുട്ടിക്കുകയായിരുന്നു. അബോധാവസ്ഥയില്‍ നിലത്ത് വീണ സുബൈദയെ നിലത്ത് കിടത്തി ദേഹത്തിലണിഞ്ഞിരുന്ന സ്വര്‍ണാഭരണങ്ങള്‍ ഊരിയെടുക്കുകയും പണവുമെടുത്ത് വീട് പുറത്തുനിന്നും പൂട്ടി കടന്നുകളയുകയുമായിരുന്നു. കാറില്‍ ചുറ്റിത്തിരിഞ്ഞ് കാസര്‍കോട്ടെത്തിയ സംഘം അന്ന് തന്നെ സ്വര്‍ണങ്ങള്‍ വില്‍പ്പന നടത്തി തുക പങ്കിട്ടെടുക്കുകയും ചെയ്തു. മൂന്ന്, നാല് പ്രതികളെ കൂടി ലഭിച്ചാല്‍ കൂടുതല്‍ കേസ് സംബന്ധിച്ചും മറ്റു കേസുകളുമായുള്ള സംഘത്തിന്റെ ബന്ധത്തെ കുറിച്ച് വ്യക്തമാവുമെന്നും പൊലീസ് പറഞ്ഞു.

സുബൈദ കൊലക്കേസ് രണ്ടാഴ്ചക്കകം തെളിയിച്ച ജില്ലാ പൊലീസിന്റെ പ്രത്യേക അന്വേഷണ സംഘത്തെ ഡിജിപി അഭിനന്ദിച്ചു. കാഞ്ഞങ്ങാട് ഡിവൈഎസ്പി കെ ദാമോദരന്‍, സിഐമാരായ അബ്ദുല്‍ റഹിമാന്‍, വികെ വിശ്വംഭരന്‍, സികെ സുനില്‍കുമാര്‍, ബേക്കല്‍ എസ്.ഐ വിപിന്‍, മധുമദന്‍ അടങ്ങുന്ന 22 അംഗ സംഘമാണ് അന്വേഷണത്തിന് നേതൃത്വംനല്‍കിയത്.

ജോലികഴിഞ്ഞു മടങ്ങുമ്പോഴായിരുന്നു മുന്‍ സഹപ്രവര്‍ത്തകനായ കാര്‍ത്തിക്(26) എന്ന യുവാവ് പെണ്‍കുട്ടിയെ മണ്ണെണ്ണയൊഴിച്ച് തീകൊളുത്തിയത്. ബൈക്കില്‍ പിറകെ എത്തിയ യുവാവിന്റെ പ്രണയാഭ്യര്‍ത്ഥന പെണ്‍കുട്ടി നിരസിച്ചതോടെ ഇരുവരും വാക്കേറ്റത്തിലാവുകയും കയ്യിലുണ്ടായിരുന്ന മണ്ണെണ്ണ പെണ്‍കുട്ടിയുടെ ദേഹത്തേക്കൊഴിച്ച് കത്തിക്കുകയുമായിരുന്നു. കരച്ചില്‍ കേട്ട് ചുറ്റുമുള്ളവര്‍ ഓടിയെത്തി തീയണച്ചെങ്കിലും 60ശതമാനത്തോളം പൊള്ളലേറ്റിരുന്നു. തുടര്‍ന്ന് ആസ്പത്രിയില്‍ ചികിത്സയിലിരിക്കെയായിരുന്നു മരണം.

സംഭവത്തില്‍ പ്രതിക്കെതിരെ കൊലക്കുറ്റത്തിന് കേസെടുത്തതായി പൊലീസ് പറഞ്ഞിരുന്നു. പെണ്‍കുട്ടിയെ ഇയാള്‍ സ്ഥിരമായി ശല്യം ചെയ്യാറുള്ളതാണെന്നും എന്നാല്‍ ഇതുവരെയും പെണ്‍കുട്ടി ഇക്കാര്യം വീട്ടില്‍ അറിയിച്ചിട്ടില്ലെന്നും പ്രതിയെക്കുറിച്ചുള്ള കൂടുതല്‍ വിവരങ്ങള്‍ അന്വേഷിച്ചു വരികയാണെന്നും പൊലീസ് വ്യക്തമാക്കി.