അദാനി ഗ്രൂപ്പിന്റെ ഓഹരികള്‍ കുത്തനെ ഇടിഞ്ഞു; 20 ശതമാനമാണ് ഇടിവ്.

Chandrika Web — Fri, 27 Jan 2023 06:37:24 +0000

ഗുജറാത്ത് ആസ്ഥാനമായ അദാനി ഗ്രൂപ്പിന്റെ ഓഹരികള്‍ തുടര്‍ച്ചയായ രണ്ടാംദിനവും കുത്തനെ ഇടിഞ്ഞു. 20 ശതമാനമാണ് ഇടിവ്. ഹിന്‍ഡര്‍ബര്‍ഗ് ഇതുസംബന്ധിച്ച് റിപ്പോര്‍ട്ട് ചെയ്തതിനെ അദാനി എതിര്‍ത്തെങ്കിലും ഇന്നലെ ഓഹരിവിപണിയില്‍ ഇടിവ് പ്രകടമായി. ഇതാദ്യമായാണ് ഇത്രയും വലിയ ഇടിവ് രാജ്യത്തെ കുത്തകകളിലൊന്നായ അദാനി ഗ്രൂപ്പിന് സംഭവിക്കുന്നത്.നിരവധി വിമാനത്താവളങ്ങളും തുറമുഖങ്ങളും ഏറ്റെടുത്ത് നിര്‍മാണവും സേവനവും നടത്തിവരികയാണ് അദാനി ഗ്രൂപ്പ്. ഗൗതം അദാനിയാണ് സ്ഥാപനത്തിന്റെ തലപ്പത്ത്. വലിയ വിഭാഗം നിക്ഷേപകര്‍ ഇതേതുടര്‍ന്ന് പണം നഷ്ടപ്പെടുമോ എന്ന അങ്കലാപ്പിലാണ്.
അദാനി ട്രാന്‍സ്മിഷന് 19 ശതമാനവും ടോട്ടല്‍ഗാസിന് 19.1 ശതമാനവും ഇടിവുണ്ടായി. അദാനി എന്‍ടര്‍പ്രൈസസിന് 2 ശതമാനം കുറവാണ് അനുഭവപ്പെടുന്നത്.3112 മുതല് 3276 രൂപക്കാണ് അദാനിയുടെ ഓഹരികള്‍ വിറ്റഴിക്കുന്നത്. 2000 കോടിയുടെ വരുമാനമാണ് ജനുവരി 31ന് അവസാനിക്കുന്ന ഓഹരിവിറ്റഴിക്കലിലൂടെ പ്രതീക്ഷിക്കുന്നത്.

പുതിയ ഫീച്ചറുമായി വാട്‌സ്ആപ്പ്

Test User — Thu, 17 Nov 2022 10:10:54 +0000

ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പ് പുതിയ ഫീച്ചറുമായി രംഗത്ത്.ഗ്രൂപ്പ് ചാറ്റിലെ അംഗങ്ങളുടെ പ്രൊഫൈല്‍ ഫോട്ടോ ഉപഭോക്താക്കള്‍ക്ക് കാണാന്‍ സാധിക്കും.ഡെസ്‌ക്ടോപ്പില്‍ ബീറ്റ വേര്‍ഷന്‍ ഉപയോഗിക്കുന്ന ചിലരിലാണ് പരീക്ഷണമെന്നോണം വാട്‌സ്ആപ്പ് ഇതിനു തുടക്കമിട്ടത്.ഫോണ്‍ നമ്പര്‍ സേവ് ചെയ്തില്ലെങ്കിലും ഗ്രൂപ്പിലെ മറ്റു അംഗങ്ങളുടെ പ്രൊഫൈല്‍ ഫോട്ടോ തിരിച്ചറിയാന്‍ സഹായകമാകും.

അതുമാത്രമല്ല ചില സാഹചര്യങ്ങളില്‍ ഒരേ പേരിലുള്ള ഒന്നിലധികം പേര്‍ ഗ്രൂപ്പിലുണ്ടാകും.ഈ ഘട്ടത്തിലും മറ്റു അംഗങ്ങളെ തിരിച്ചറിയുന്നതിന് പുതിയ ഫീച്ചര്‍ സഹായിക്കും.

group – Chandrika Daily

അദാനി ഗ്രൂപ്പിന്റെ ഓഹരികള്‍ കുത്തനെ ഇടിഞ്ഞു; 20 ശതമാനമാണ് ഇടിവ്.

പുതിയ ഫീച്ചറുമായി വാട്‌സ്ആപ്പ്