മൂന്നു നേരം മനുഷ്യരെ ഊട്ടുന്ന ഗുബൈശയുടെ പുണ്യ പ്രവൃത്തിയറിഞ്ഞ് ഷെയ്ഖ് മുഹമ്മദ് ബ്ന്‍ സായിദ് അവരെ ടെലഫോണില്‍ വിളിച്ച് സന്തോഷമറിയിക്കുകയായിരുന്നു. ‘ഇത് എന്റെ കടമയാണ്. നിര്‍ബന്ധമായ കടമകള്‍ക്കപ്പുറമൊന്നും ഞാന്‍ ചെയ്തിട്ടില്ല. അവര്‍ ഞങ്ങളുടെ കുടുംബമാണ്’ ഇതാണു ഇതേ കുറിച്ച് മാധ്യമങ്ങളോട് റുബയ്യ പറഞ്ഞത്. പരപ്രേരണയില്ലാത്ത പുണ്യപ്രവൃത്തിയെ പ്രശംസിച്ചും പ്രാര്‍ഥിച്ചുമുള്ള ശൈഖ് മുഹമ്മദിന്റെ വാക്കുകള്‍ ഹൃദയത്തില്‍ സന്തോഷവും സംതൃപ്തിയും നല്‍കിയതായി ഗുബൈഷ പറഞ്ഞു.നമ്മുടെ സ്ത്രീസമൂഹത്തിലെ മാതൃകയാണു ഗുബൈശയെന്നു ഷെയ്ഖ് മുഹമ്മദ് പിന്നീട് ട്വീറ്റും ചെയ്തു.

അല്‍ഐനിലെ ശുവൈബ് മേഖലയിലാണു ഗുബൈശയും കുടുംബവും താമസിക്കുന്നത്. സമീപത്തുള്ള സുരക്ഷാ പരിശോധന കേന്ദ്രത്തിലെ ജോലിക്കാര്‍ക്കാണു പ്രതിഫലമാഗ്രഹിക്കാതെ ഈ ഉമ്മ മാസങ്ങളായി ഭക്ഷണം നല്‍കുന്നത്.
അതിഥികളെ ആദരിക്കുന്ന അറബ് കേളിക്ക് ആധുനിക കാലത്തും പോറലേറ്റിട്ടില്ലെന്ന് ഈ ഉമ്മ തെളിയിക്കുന്നു.