16 ഇന്ത്യക്കാര്‍ ഉള്‍പ്പെടെ 26 നാവികരെയാണ് തടവിലാക്കിയിരുന്നത്. അറസ്റ്റ് ചെയ്തവരെ നൈജീരിയക്ക് കൈമാറുമെന്ന ആശങ്കക്കിടയിലാണ് ഇവരെ കപ്പലില്‍ തിരികെ എത്തിച്ചിരിക്കുന്നത്. എന്നാല്‍,തിരികെ എത്തിച്ച സംഘത്തെ ഒരു മുറിയില്‍ പൂട്ടിയിട്ടിരിക്കുകയാണെന്നും, പുറത്ത് സൈനികര്‍ കാവല്‍ നില്‍ക്കുന്നുണ്ടെന്നും കൊല്ലം സ്വദേശി വിജിത് വി നായര്‍ പറഞ്ഞു.

തടവിലാക്കി 3 മാസം പിന്നിട്ടതോടെ ആരോഗ്യപ്രശ്നങ്ങളും സമ്മര്‍ദവുംമൂലം സംഘത്തില്‍ പലരും അവശരായിരുന്നു. എത്രയും പെട്ടെന്ന് പൂര്‍ണ്ണമായും തിരികെ എത്തിയാലെ സുരക്ഷിതരായെന്നു പറയാന്‍ സാധിക്കുവെന്ന് സനു ജോസ് പറഞ്ഞു.