കേന്ദ്രമന്ത്രി ജെപി നഡ്ഡ, ജയറാം താക്കുര്‍ എന്നിവര്‍ക്കാണ് മുന്‍തൂക്കം. പ്രേം കുമാര്‍ ധുമലിന്റെ മകന്‍ അനുരാഗ് താക്കൂറും മുഖ്യമന്ത്രി സ്ഥാനത്തിനായി രംഗത്തുണ്ടെന്നാണ് വിവരം. പ്രേംകുമാര്‍ ധുമലിനെ തന്നെ മുഖ്യമന്ത്രിയാക്കണമെന്നാവശ്യപ്പെട്ട് കോര്‍കമ്മിറ്റി മീറ്റിംഗ് നടക്കുന്ന ഹാളിന് മുന്നില്‍ ബിജെപി പ്രവര്‍ത്തകര്‍ പ്രകടനം നടത്തി. അതേസമയം, ഗാന്ധിനഗറില്‍ ചേരുന്ന നിയമസഭാ കക്ഷിയോഗത്തില്‍ ഗുജറാത്ത് മുഖ്യമന്ത്രിയെ ഇന്ന് തീരുമാനിക്കുമെന്നാണ് റിപ്പോര്‍ട്ട്.

ഇതിന് മുന്നോടിയായി വിജയ് രൂപാനിയുടെ നേതൃത്വത്തിലുള്ള നിലവിലെ മന്ത്രിസഭ രാജിസമര്‍പ്പിച്ചു. വിജയ് രൂപാനിയെ തന്നെ പുതിയ മുഖ്യമന്ത്രിയായി തെരഞ്ഞെടുക്കുമെന്നാണ് സൂചന. രാഹുല്‍ഗാന്ധിയുടേയും യുവനേതാക്കളായ അല്‍പേഷ് താക്കൂര്‍, ഹാര്‍ദ്ദിക് പട്ടേല്‍, ജിഗ്‌നേഷ് മേവാനി തുടങ്ങിയവരുടേയും കൂട്ടുകെട്ടില്‍ ഗുജറാത്തില്‍ ശക്തമായ മത്സരമാണ് ഇത്തവണ നടന്നത്. 99 സീറ്റുമായാണ് ബി.ജെ.പി അധികാരം നിലനിര്‍ത്തിയത്. അതേസമയം, സീറ്റ് കുറഞ്ഞത് മുഖ്യമന്ത്രി വിജയ് രൂപാനിയുടെ വീഴ്ച്ചയായി ചിലര്‍ ഉയര്‍ത്തുന്നുണ്ട്. ബി.ജെ.പി ദേശീയ അധ്യക്ഷന്‍ അമിത്ഷാ കൂടി പങ്കെടുക്കുന്ന യോഗത്തില്‍ മുഖ്യമന്ത്രിയെ തീരുമാനിക്കും. പുതിയ സര്‍ക്കാര്‍ അധികാരമേല്‍ക്കുന്നത് വരെ വിജയ് രൂപാനി കാവല്‍ മുഖ്യമന്ത്രിയായി തുടരും. അതേസമയം, നിതിന്‍ പട്ടേലിനെ മുഖ്യമന്ത്രിയായി തെരഞ്ഞെടുക്കണമെന്നും ആവശ്യമുയരുന്നുണ്ട്.

ഗുജറാത്തില്‍ രാഹുല്‍ ഗാന്ധിയുടെ പ്രചാരണം കൊഴുക്കുന്ന സാഹചര്യത്തിലാണ് ബി.ജെ.പിയുടെ മുതിര്‍ന്ന നേതാക്കളെല്ലാവരും സംസ്ഥാനത്തെത്തുന്നത്. ഒറ്റ ദിവസം തന്നെ മന്ത്രിമാരുള്‍പ്പെടെ 30മുതിര്‍ന്ന നേതാക്കള്‍ പ്രചാരണത്തിനായി സംസ്ഥാനത്തിന്റെ വിവിധ മണ്ഡലങ്ങളിലെത്തും. കേന്ദ്രമന്ത്രിമാരായ രാജ്‌നാഥ് സിംങ്, സ്മൃതി ഇറാനി, നിതിന്‍ ഗഡ്ഗരി തുടങ്ങിയവരും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്, വസുന്ദര രാജെ, മധ്യപ്രദേശ് മുഖ്യമന്ത്രി ശിവരാജ് ചൗഹാന്‍, ദേവേന്ദ്ര ഫഡ്‌നാവിസ്, രാമണ്‍ സിങ്, മനോഹര്‍ ലാല്‍ ഖട്ടര്‍ തുടങ്ങി മുതിര്‍ന്ന നേതാക്കള്‍ വിവിധ റാലികളിലായി പങ്കെടുക്കും. ഓരോ നേതാക്കള്‍ക്കും മൂന്നു പരിപാടികള്‍ വീതം ഉണ്ടായിരിക്കും. നാമനിര്‍ദ്ദേശ പത്രിക സമര്‍പ്പിച്ചതിനുശേഷമായിരിക്കും നേതാക്കള്‍ മണ്ഡലങ്ങളില്‍ സജീവമാവുക എന്നാണ് റിപ്പോര്‍ട്ട്. അതേസമയം, മുപ്പതോളം നേതാക്കളെത്തി പ്രചാരണം നടത്തുന്നതിന്റെ പ്രായോഗിക ബുദ്ധിമുട്ടുകള്‍ മറികടക്കാന്‍ ശ്രമിക്കുകയാണ് പാര്‍ട്ടി. ഏകദേശം 25-ഓളം നേതാക്കളെങ്കിലും പ്രചാരണത്തിനെത്തുമെന്നും അവര്‍ അവകാശപ്പെടുന്നു. മോദിയുടെ സ്വന്തം തട്ടകത്തില്‍ ഭരണം നിലനിര്‍ത്തുക എന്നതാണ് ബി.ജെ.പിയുടെ ലക്ഷ്യം. നിലവില്‍ 120സീറ്റുകളാണ് ബി.ജെ.പിക്കുള്ളത്. അത് നിലനിര്‍ത്തുന്നതിനാണ് പാര്‍ട്ടിയുടെ ശ്രമം.

അതേസമയം, രാഹുല്‍ഗാന്ധിയുടെ നാലാംഘട്ട ഗുജറാത്ത് പര്യടനം ഇന്ന് അവസാനിക്കും. ബി.ജെ.പി ശക്തി കേന്ദ്രങ്ങളായ വടക്കന്‍ ഗുജറാത്തില്‍ കഴിഞ്ഞ രണ്ടു ദിവസങ്ങളിലായി രാഹുല്‍ പ്രചാരണം നടത്തിവരികയാണ്. പ്രധാനമന്ത്രി നരേന്ദ്രമോദിയുടെ തെറ്റുകള്‍ ചൂണ്ടിക്കാട്ടുമെങ്കിലും അദ്ദേഹം വഹിക്കുന്ന പദവിയോട് ഒരിക്കലും അനാദരവ് പുലര്‍ത്തില്ലെന്ന് രാഹുല്‍ഗാന്ധി പറഞ്ഞിരുന്നു. മുന്‍ പ്രധാനമന്ത്രിയോട് തികച്ചും അനാദരവോടെയാണ് മോദി പെരുമാറിയിരുന്നതെന്നും രാഹുല്‍ കൂട്ടിച്ചേര്‍ത്തു.

സര്‍വ്വേപ്രകാരം ഗുജറാത്തില്‍ ബി.ജെ.പി തന്നെ അധികാരത്തില്‍ വരുമെന്നാണ് പറയുന്നത്. 113-മുതല്‍ 121സീറ്റുകള്‍ ബി.ജെ.പിക്ക് ലഭിക്കുമ്പോള്‍ 58-64സീറ്റുകളാണ് കോണ്‍ഗ്രസ്സിന് ലഭിക്കുക. എന്നാല്‍ ആഗസ്റ്റില്‍ നടത്തിയ സര്‍വ്വേയില്‍ നിന്നും ബി.ജെ.പി താഴോട്ടുപോയതായാണ് റിപ്പോര്‍ട്ട്. ആദ്യതവണ നടത്തിയ സര്‍വ്വേയില്‍ 59ശതമാനം വോട്ടുകള്‍ ബി.ജെ.പിക്ക് ലഭിക്കുമെന്നായിരുന്നുപ്രവചനം. എന്നാല്‍ പുതിയ സര്‍വ്വേ പ്രകാരം അത് 47ശതമാനമായിമാറി. കോണ്‍ഗ്രസ്സിന് 41ശതമാനം വോട്ടും ലഭിക്കുവെന്നും സര്‍വ്വേ പ്രവചിക്കുന്നു.

സൗരാഷ്ട്ര കച്ച്, വടക്കന്‍ ഗുജറാത്ത് എന്നിവിടങ്ങളില്‍ ബി.ജെ.പിക്ക് വലിയ തിരിച്ചടിയുണ്ടാവുമെന്നും സര്‍വ്വേ പറയുന്നു. എന്നാല്‍ അവിടെ ബി.ജെ.പിക്കും കോണ്‍ഗ്രസ്സിനും 42% വോട്ടുനേടാന്‍ കഴിയും. ബി.ജെ.പിയുടെ ശക്തികേന്ദ്രമായി കണക്കാക്കപ്പെടുന്ന വടക്കന്‍ ഗുജറാത്തില്‍ കോണ്‍ഗ്രസ് 49% വോട്ടുകള്‍ നേടും. ബി.ജെ.പിയുടെ വോട്ടുഷെയര്‍ 44% ആയി കുറയുമെന്നും അഭിപ്രായ സര്‍വ്വേ പറയുന്നു.

അതേസമയം, തെരഞ്ഞെടുപ്പില്‍ ബി.ജെ.പിക്കൊപ്പം നില്‍ക്കാതെ ഒറ്റക്ക് മത്സരിക്കുമെന്നാണ് ശിവസേനയുടെ നിലപാട്. പാര്‍ട്ടിയുടെ ഔദ്യോഗിക വൃത്തങ്ങള്‍ ഇക്കാര്യം അറിയിച്ചു. എന്നാല്‍ മറ്റേതെങ്കിലും പാര്‍ട്ടി സഖ്യത്തിനൊപ്പം നില്‍ക്കുമോ എന്നതിനെക്കുറിച്ച് ശിവസേന വ്യക്തമാക്കിയിട്ടില്ല. പാര്‍ട്ടിയുടെ ശക്തി കേന്ദ്രങ്ങളായ സൂററ്റ് മുതല്‍ അഹമ്മദാബാദ് വരെയുള്ള മണ്ഡലങ്ങളില്‍ ശിവസേന ഒറ്റക്ക് മത്സരിക്കുമെന്ന് ഗുജറാത്ത് വിംഗ് കോര്‍ഡിനേറ്റര്‍ രാജുല്‍ പട്ടേല്‍ പറഞ്ഞു. രാജ്‌കോട്ടിലുള്‍പ്പെടെ സ്ഥാനാര്‍ഥികളെ നിര്‍ത്തുന്നതിനെക്കുറിച്ചുള്ള ചര്‍ച്ച നടക്കുകയാണ്. എന്നാല്‍ തെരഞ്ഞെടുപ്പില്‍ ഏതെങ്കിലും രാഷ്ട്രീയപാര്‍ട്ടിക്കൊപ്പം നില്‍ക്കുമോ എന്നത് പാര്‍ട്ടി അധ്യക്ഷന്‍ ഉദ്ധവ് താക്കറെയുടെ അന്തിമതീരുമാനത്തിനനുസരിച്ചാണെന്നും പട്ടേല്‍ കൂട്ടിച്ചേര്‍ത്തു. ഗുജറാത്തില്‍ ബി.ജെ.പിയുമായി അകന്ന ശിവസേന നേതാവ് താക്കറെ എന്‍.സി.പി നേതാവ് ശരത് പവാറുമായും മമതബാനര്‍ജിയുമായും കൂടിക്കാഴ്ച്ച നടത്തിയിരുന്നു. ഡിസംബര്‍ ഒന്‍പതിനും പതിനാലിനുമാണ് ഗുജറാത്തില്‍ തെരഞ്ഞെടുപ്പ്.

ഗുജറാത്തിലേക്ക് 250 പേരടങ്ങുന്ന മുസ്‌ലിം സംഘത്തെയാണ് പ്രചരണത്തിന് ഇറക്കുന്നത്. ബി.ജെ.പിയുടെ ന്യൂനപക്ഷ സെല്‍ വഴിയാണ് ഗുജറാത്തിലേക്കുള്ള ആളുകളെ ഇറക്കി കൊടുക്കുന്നതെന്നാണ് വിവരം. നവംബര്‍ 4,5 ദിവസങ്ങളില്‍ ആദ്യ സംഘം ഗുജറാത്തിലേക്ക് യാത്രതിരിക്കുമെന്നും റിപ്പോര്‍ട്ടില്‍ പറയുന്നു. 1980ന് ശേഷം ഒരു മുസ്‌ലിം സ്ഥാനാര്‍ത്ഥിയെ മാത്രമാണ് (1998) ഗുജറാത്ത് നിയമസഭാ തെരഞ്ഞെടുപ്പില്‍ ബി.ജെ.പി ഇറക്കിയിട്ടുള്ളത്. ഇയാള്‍ പരാജയപ്പെടുകയും ചെയ്തിരുന്നു.

ഡിസംബര്‍ 9,4തിയ്യതികളില്‍ രണ്ടു ഘട്ടങ്ങളിലായാണ് ഗുജറാത്തില്‍ തെരഞ്ഞെടുപ്പ് നടക്കുന്നത്. 182 മണ്ഡലങ്ങളിലേക്ക് നടക്കുന്ന തെരഞ്ഞെടുപ്പിന്റെ ഫലം ഡിസംബര്‍ 18ന് പുറത്തുവരും. ഇതുവരെ മുസ്‌ലിംങ്ങള്‍ ബി.ജെ.പിയെ നിശബ്ദമായാണ് പിന്തുണച്ച് കൊണ്ടിരുന്നതെന്ന് മൈനോറിറ്റി മോര്‍ച്ച പ്രസിഡന്റ് വസീംഖാന്‍ പറഞ്ഞു. എന്നാല്‍ ഇത്തവണ പിന്തുണ തുറന്നു പറയാന്‍ ആവശ്യപ്പെടുകയാണെന്ന് വസീംഖാന്‍ കൂട്ടിച്ചേര്‍ത്തു.

ഗുജറാത്ത് തെരഞ്ഞെടുപ്പ് അടുത്തിരിക്കെയാണ് ബി.ജെ.പിയുടെ അടിസ്ഥാന രഹിതമായ ആരോപണമുണ്ടാവുന്നത്. ഇതിന് പിന്നാലെ ബി.ജെ.പിക്ക് മറുപടിയുമായി പട്ടേല്‍ രംഗത്തെത്തി. ഗുജറാത്ത് തെരഞ്ഞെടുപ്പ് മനസ്സില്‍ കണ്ട് ദേശീയ സുരക്ഷയുമായി ബന്ധപ്പെട്ട കാര്യങ്ങളില്‍ ബി.ജെ.പി രാഷ്ട്രീയം കളിക്കുകയാണെന്ന് പട്ടേല്‍ പറഞ്ഞു. അറസ്റ്റിലായ വ്യക്തിയുടെ നിയമനവുമായി തന്നെ ബന്ധപ്പെടുത്താനാവില്ലെന്നും പട്ടേല്‍ വ്യക്തമാക്കി. അതേസമയം, അറസ്റ്റിലായ വ്യക്തി താല്‍ക്കാലിക ജീവനക്കാരനാണ്. ഒക്ടോബര്‍ നാലിന് രാജിവെക്കുകയും ചെയ്തിരുന്നു. പട്ടേലിനോ അദ്ദേഹത്തിന്റെ കുടുംബാംഗങ്ങള്‍ക്കോ ആസ്പത്രിയുമായി ബന്ധമില്ലെന്നും അധികൃതര്‍ വ്യക്തമാക്കി.

സൂററ്റില്‍ നിന്നും ഐ.എസ് ബന്ധമുണ്ടെന്നാരോപിച്ച് അറസ്റ്റിലായവരില്‍ ഒരാള്‍ക്ക് അഹമ്മദ് പട്ടേലുമായി ബന്ധമുണ്ടെന്നായിരുന്നു ആരോപണം. ഗുജറാത്ത് മുഖ്യമന്ത്രി വിജയ് രൂപാനിയാണ് ആരോപണവുമായി രംഗത്തെത്തിയത്. അറസ്റ്റിലായവരില്‍ ഒരാള്‍ അങ്കലേശ്വറിലെ സര്‍ദാര്‍ പട്ടേല്‍ ആസ്പത്രിയില്‍ ലാക് ടെക്‌നീഷ്യനായിരുന്നുവെന്നും അറസ്റ്റിലാവുന്നിന് രണ്ടു ദിവസം മുമ്പ് മാത്രമാണ് ജോലിയില്‍ നിന്നും രാജിവെക്കുന്നതെന്നുമായിരുന്നു ബി.ജെ.പിയുടെ വാദം. ആസ്പത്രിയുടെ ട്രസ്റ്റില്‍ ഒരാളാണ് പട്ടേല്‍. പട്ടേല്‍ നടത്തുന്ന ആസ്പത്രിയിലെ ഒരാള്‍ ഇത്തരത്തില്‍ പിടിക്കപ്പെടുന്നത് ഗുരുതരമാണെന്നും ബി.ജെ.പി പറഞ്ഞിരുന്നു. സോണിയാഗാന്ധിയും രാഹുല്‍ഗാന്ധിയും ഇതിന് മറുപടി പറയണമെന്നുമായിരുന്നു ബി.ജെ.പിയുടെ ആവശ്യം. കൂടാതെ പട്ടേല്‍ എം.പി സ്ഥാനം രാജിവെക്കണമെന്നും ബി.ജെ.പി ആവശ്യപ്പെട്ടിരുന്നു. അടിസ്ഥാന രഹിതമായ ആരോപണത്തിന് ശക്തമായ തിരിച്ചടി നല്‍കാനാണ് കോണ്‍ഗ്രസ്സിന്റെ തീരുമാനം. വിജയ് രൂപാനിക്കെതിരെ മാനനഷ്ടക്കേസ് നല്‍കാനാണ് കോണ്‍ഗ്രസ് തീരുമാനിച്ചിരിക്കുന്നത്. ഇതിനായി കോണ്‍ഗ്രസ് നിയമോപദേശം തേടി. ഇതോടെ ബി.ജെ.പിയുടെ നില പരുങ്ങലിലാവുകയായിരുന്നു.

ഗുജറാത്ത് പര്യടനത്തിനിടയില്‍ തനിക്കെതിരെ ഉണ്ടായ അക്രമത്തില്‍ പ്രതികരിച്ച് രാഹുല്‍ ഗാന്ധി. തന്റെ യാത്രക്കിടയില്‍ ഒരു ബി.ജെ.പി പ്രവര്‍ത്തകന്‍ കെല്ലറിഞ്ഞതായും കല്ല് തന്റെ വാഹനത്തില്‍ തറച്ചതായും രാഹുല്‍ ഗാന്ധി പറഞ്ഞു. ഇതാണ് ബി.ജെ.പി യുടേയും ആര്‍.എസ്.എസിന്റെയും പ്രവര്‍ത്ത രീതിയെന്നും രാഹുല്‍ ഗാന്ധികൂട്ടിച്ചേര്‍ത്തു

പ്രാധാനമന്ത്രിയുടെ മൗനം താന്‍ പ്രതീക്ഷിച്ചതാണെന്നും രാഹൂല്‍ ഗന്ധി പറഞ്ഞു.
വെള്ളിയാഴ്ച ലാല്‍ ചൗകിനു സമീപം രാഹുല്‍ ഗാന്ധി പ്രസംഗിച്ച വേദിക്കു നേരെ ആക്രമം ഉണ്ടായിരുന്നു. വേദിയിലേക്ക് കടന്നു വരുമ്പോള്‍ പ്രതിഷേധക്കാര്‍ കരിങ്കൊടി കാണിക്കാനും ശ്രമച്ചു.