ശൈത്യകാല സമ്മേളനത്തിന്‍റെ ആദ്യ ദിനമായ ഇന്നലെ ഇരുസഭകളും സംഗമമായി നടന്നെങ്കിലും ഇന്ന് മുതല്‍ അങ്ങനെയാകില്ല. ജനങ്ങളെ ബാധിക്കുന്ന വിഷയങ്ങള്‍ ഉയര്‍ത്തി സര്‍ക്കാരിനെ പ്രതിരോധത്തിലാക്കാനാണ് പ്രതിപക്ഷ പാര്‍ട്ടികളുടെ തീരുമാനം.

വിലക്കയറ്റത്തിനും തൊഴിലില്ലായ്മയ്ക്കും പുറമെ എയിംസ് സെര്‍വര്‍ ഹാക്കിംഗ്, ഇന്ത്യ ചൈന അതിര്‍ത്തി തര്‍ക്കം, കേന്ദ്ര ഏജന്‍സികളുടെ ദുരുപയോഗം തുടങ്ങിയ 20 ഓളം വിഷയങ്ങള്‍ ഇരുസഭകളിലും ഉയര്‍ത്തും. ചര്‍ച്ചകള്‍ അനുവദിച്ചില്ലെങ്കില്‍ പ്രതിഷേധം ശക്തമാക്കും.

कांग्रेस नहीं…
बेरोज़गारी हारी हैं, शिक्षा हारी हैं, किसान हारा हैं, महिला का सम्मान हारा हैं, आम जनता से जुड़ा हर मुद्दा हारा हैं, एक उम्मीद हारी हैं, सच कहे तो हिंदुस्तान की जनता हारी हैं।कांग्रेस के सभी कार्यकर्ता की लड़ाई को सलाम करता हूँ।लड़ेंगे और जीतेंगे।जय हिंद

— Hardik Patel (@HardikPatel_) May 23, 2019

തോറ്റത് കോണ്‍ഗ്രസല്ല. തൊഴിലില്ലായ്മ തോറ്റു, വിദ്യാഭ്യാസം തോറ്റു, കര്‍ഷകര്‍ക്ക് അവരുടെ അന്തസ്സാണ് നഷ്ടപ്പെട്ടത്, സ്ത്രീകളാണ് തോറ്റത്, പൊതുജനങ്ങളുമായി ബന്ധപ്പെട്ട എല്ലാ പ്രശ്‌നങ്ങളും അവരുടെ പ്രതീക്ഷയുമാണ് നഷ്ടപെട്ടത്. ഇന്ത്യയുടെ ജനത പരാജയപ്പെടുത്.
എന്നാല്‍ എല്ലാ കോണ്‍ഗ്രസ് പ്രവര്‍ത്തകരേയും അവരുടെ പോരാട്ടത്തെ ഞാന്‍ അഭിവാദ്യം ചെയ്യുന്നു. ഞങ്ങളിനും പോരാടി വിജയിക്കുക തന്നെ ചെയ്യും. ജയ് ഹിന്ദ്…ഹര്‍ദിക് ട്വിറ്ററില്‍ കുറിച്ചു.

നിയമസഭാ ഉപതെരഞ്ഞെടുപ്പില്‍ കോണ്‍ഗ്രസ് വിട്ട് എത്തിയവര്‍ക്ക് സീറ്റ് നല്‍കാനുള്ള പാര്‍ട്ടി നേതൃത്വത്തിന്റെ നിലപാടിനെതിരെ കലാപക്കൊടി ഉയര്‍ത്തി മുതിര്‍ന്ന നേതാക്കള്‍ തന്നെ രംഗത്തെത്തിയതോടെ ബി.ജെ.പി നേതൃത്വം വെട്ടിലായി. പ്രധാനമന്ത്രി നരേന്ദ്ര മോദിയുടെ തട്ടകമായ ഗുജറാത്തിലെ 26 ലോക്‌സഭാ സീറ്റുകള്‍ ബി.ജെ.പിക്ക് ഏറെ നിര്‍ണായകമായതിനാല്‍ പ്രവര്‍ത്തകര്‍ക്കിടയിലെ അസ്വാരസ്യം പാര്‍ട്ടിക്ക് ഏറെ തലവേദന സൃഷ്ടിക്കുന്നുണ്ട്. ലോക്‌സഭാ തെരഞ്ഞെടുപ്പ് പ്രഖ്യാപനത്തിന് തൊട്ടു മുമ്പായി നാല് കോണ്‍ഗ്രസ് എം.എല്‍.എമാരെയാണ് ബി.ജെ.പി അടര്‍ത്തി രാജിവെപ്പിച്ചത്.

എം.എല്‍.എമാരുടെ എണ്ണം വര്‍ധിപ്പിക്കുക എന്നതായിരുന്നു ഇത് വഴി മുഖ്യമന്ത്രി വിജയ് രൂപാണി ലക്ഷ്യമിട്ടത്. ഇതോടൊപ്പം ലോക്‌സഭാ തെരഞ്ഞെടുപ്പില്‍ വലിയ ഓളം സൃഷ്ടിക്കാമെന്നും പാര്‍ട്ടി കണക്ക് കൂട്ടി. കോണ്‍ഗ്രസില്‍ നിന്നും രാജിവെച്ചതിന് പിന്നാലെ മാനവദാര്‍ എം.എല്‍.എയായിരുന്ന ജവാഹര്‍ ചാവ്ഡയെ രൂപാണി മന്ത്രിസഭയില്‍ അംഗമാക്കുകയും ചെയ്തിരുന്നു. എന്നാല്‍ അഞ്ചു മണ്ഡലങ്ങളിലേക്ക് നടക്കുന്ന ഉപതെരഞ്ഞെടുപ്പില്‍ മൂന്നിടത്ത് ബി.ജെ.പി സ്ഥാനാര്‍ത്ഥികളെ പ്രഖ്യാപിച്ചിട്ടുണ്ട്.

ഇവിടെ കോണ്‍ഗ്രസ് വിട്ട് ബി.ജെ.പിയിലെത്തിയവരാണ് സ്ഥാനാര്‍ത്ഥികള്‍. ഇതില്‍ ദ്രാങ്ദാരയില്‍ മത്സരിക്കുന്ന പര്‍ശോത്തം സബരിയക്കെതിരെ ബി.ജെ.പി പ്രവര്‍ത്തകര്‍ പരസ്യമായി രംഗത്തെത്തുകയും മണ്ഡലത്തിന്റെ വിവിധയിടങ്ങളില്‍ അദ്ദേഹത്തിന്റെ കോലം കത്തിക്കുകയും ചെയ്തു. ഇതിന് പുറമെ ഉന്‍ജയില്‍ കോണ്‍ഗ്രസ് വിട്ടെത്തിയ ആശ പട്ടേലിന് ടിക്കറ്റ് നല്‍കിയാല്‍ ബി.ജെ.പിയെ തോല്‍പിക്കുമെന്ന ഭീഷണിയുമായി പാര്‍ട്ടിയുടെ അഞ്ചു തവണ എം.എല്‍.എയായിരുന്ന മുതിര്‍ന്ന നേതാവ് നരന്‍ പട്ടേല്‍ രംഗത്തു വന്നതും പാര്‍ട്ടിയെ കുഴക്കുന്നുണ്ട്.

മോദിയുടെ ജന്മനാടായ വദ്‌നഗര്‍ ഉള്‍പ്പെടുന്ന മണ്ഡലത്തില്‍ ആശ പട്ടേലിനോട് തോറ്റയാളാണ് നരന്‍ പട്ടേല്‍. നരന്റെ ഭീഷണി മെഹ്‌സാന ലോക്‌സഭാ മണ്ഡലത്തില്‍ ബി.ജെ.പി സാധ്യതകളെ തകിടം മറിക്കുമെന്ന് പാര്‍ട്ടി ഭയക്കുന്നുണ്ട്. ജാംനഗറിലും കോണ്‍ഗ്രസ് വിട്ടെത്തിയ ആളെ സ്ഥാനാര്‍ത്ഥിയാക്കിയതിനെതിരെ ബി.ജെ.പിക്കുള്ളില്‍ അസ്വാരസ്യം പുകയുന്നുണ്ട്. ലോക്‌സഭാ തെരഞ്ഞെടുപ്പിനൊപ്പം നിയമസഭാ ഉപതെരഞ്ഞെടുപ്പ് നടക്കുന്നതിനാല്‍ പാര്‍ട്ടിക്കുള്ളിലെ അസ്വാരസ്യം ലോക്‌സഭാ സാധ്യതകളെ ബാധിക്കുമെന്ന ഭീതി ബി.ജെ.പിക്കുണ്ട്.

അതേസമയം ബി.ജെ.പി നേതൃത്വത്തിനും അമിത് ഷാക്കും കടുത്ത തിരിച്ചടി നേരിട്ട 2017ലെ രാജ്യസഭാ തെരഞ്ഞെടുപ്പില്‍ അഹമ്മദ് പട്ടേലിന് വോട്ട് ചെയ്ത മുന്‍ ബി.ജെ.പി എം.എല്‍.എയാണ് ഇപ്പോള്‍ അറസ്റ്റിലായിരിക്കുന്നതെന്നത് രാഷ്ട്രീയ ചര്‍ച്ചകള്‍ക്കും കാരണമായിട്ടുണ്ട്.

ദേശീയ ശ്രദ്ധ നേടിയ 2017ലെ ഗുജറാത്തിലെ രാജ്യസഭാ തെരഞ്ഞെടുപ്പില്‍ ബി.ജെ.പി കളിച്ച കളി തിരിച്ചു കളിച്ചായിരുന്നു അഹമ്മദ് പട്ടേല്‍ കോണ്‍ഗ്രസിന് വിജയം നേടിക്കൊടുത്തത്. ആറ് കോണ്‍ഗ്രസ് എം.എല്‍.എമാര്‍ ബി.ജെ.പിയിലേക്ക് കൂറുമാറിയ സാഹചര്യത്തില്‍ അഹമ്മദ് പട്ടേലിന്റെ വിജയം നിര്‍ണയകമായിരുന്നു. തുടര്‍ന്നാണ് ബി.ജെ.പിക്കും അമിത്ഷാക്കും ഞെട്ടലുണ്ടാക്കി കൊട്ടാഡിയുടെയും ജെ.ഡി.യു എം.എല്‍.എയുടെയും വോട്ടുകള്‍ അഹമ്മദ് പട്ടേലിന് ആശ്വാസമായെത്തിയത്.

ഗുജറാത്ത് പരിവര്‍ത്തന്‍ പാര്‍ട്ടിയിലൂടെയാണ് കൊട്ടാഡിയ നിയമസഭയിലെത്തിയത്. തുടര്‍ന്ന് 2014ല്‍ ഈ പാര്‍ട്ടി ബി.ജെ.പിയില്‍ ലയിക്കുകയായിരുന്നു. തന്റെ സമുദായത്തെ ബിജെപി സര്‍ക്കാര്‍ അവഗണിച്ചുവെന്ന് ആരോപിച്ചാണ് ബിജെപി അംഗമായ നളിന്‍ കൊട്ടാഡിയ അഹ്മദ് പട്ടേലിന് വോട്ട് ചെയ്തത്. കോണ്‍ഗ്രസിന് വോട്ട് ചെയ്ത കാര്യം കൊട്ടാഡിയ ഫെയ്‌സ്ബുക്കിലൂടെയാണ് വെളിപ്പെടുത്തിയത്. തുടര്‍ന്ന് കൊട്ടാഡിയെ കോണ്‍ഗ്രസിലേക്ക് ക്ഷണിക്കുകയുമുണ്ടായിരുന്നു. പ്രധാനമന്ത്രി നരേന്ദ്രമോദിയുടെ കടുത്ത വിമര്‍ശകനായി ഗുജറാത്ത് മുന്‍ ഐപിഎസ് ഉദ്യോഗസ്ഥന്‍ സഞ്ജീവ് ഭട്ടിനെ കഴിഞ്ഞ ദിവസം സിഐഡി അറസ്റ്റ് ചെയ്തിരുന്നു. 22 വര്‍ഷം മുമ്പത്തെ കേസില്‍ 2018 സെപ്റ്റംബര്‍ അഞ്ചിനാണ് ഭട്ടിനെ അറസ്റ്റു ചെയ്യുന്നത്.

അതേസമയം ക്രിമിനല്‍ ഇന്‍വെസ്റ്റിഗേഷന്‍ വിഭാഗം (സി.ഐ.ഡി) നടത്തിയ അന്വേഷണത്തിലാണ് നോട്ടുനിരോധനകാലത്ത് ബിജെപി എം.എല്‍.എയായിരുന്ന നളിന്‍ കൊട്ടാഡിയ ഉള്‍പ്പെടെയുള്ളവര്‍ നടത്തിയ കള്ളപ്പണം വെളുപ്പിക്കല്‍ പുറത്തുവന്നത്. 2016 നവംബറിനും 2017 ജനുവരിക്കുമിടയിലുള്ള മൂന്ന് മാസത്തിനിടെയാണ് 4,500 കോടി രൂപയുമാണ് ക്രിപ്‌റ്റോകറന്‍സി, ബിറ്റ്‌കോയിന്‍ എന്നിവയിലേയ്ക്ക് മാറ്റി കള്ളപ്പണം വെളുപ്പിക്കല്‍ നടന്നതെന്നാണ് സി.ഐ.ഡി കണ്ടെത്തിയത്. അഴിമതി നിരോധന നിയമപ്രകാരം ഐപിസി സെക്ഷന്‍ 364 എ, 384 (പിടിച്ചുപറി) എന്നീ വകുപ്പുകളാണ് കൊട്ടാഡിയ മേല്‍ ചുമത്തിയിരിക്കുന്നത്. 2012-17 കാലഘട്ടത്തില്‍ ഗുജറാത്തിലെ ധാരി മണ്ഡലത്തിലെ ബി.ജെ.പി എം.എല്‍.എയായിരുന്നു കൊട്ടാഡിയ.

അപ്രധാന വകുപ്പുകള്‍ നല്‍കിയതിനെ തുടര്‍ന്ന് ഉപമുഖ്യമന്ത്രി സ്ഥാനം ഏറ്റെടുക്കാന്‍ നിതിന്‍ പട്ടേല്‍ തയ്യാറാവാതെ നിന്നതാണ് പ്രതിസന്ധിക്ക് കാരണമായത്. എന്നാല്‍ പാര്‍ട്ടി ദേശീയ അധ്യക്ഷന്‍ അമിത് ഷായുമായി നടത്തിയ ഫോണ്‍ സംഭാഷണത്തിലൂടെ പ്രശ്‌നത്തില്‍ പരിഹാരം കാണുകായായിരുന്നു.

ഞായറാഴ്ച രാവിലെ അമിത് ഷായുമായി നടത്തിയ ഫോണ്‍ സംഭാഷണത്തില്‍ യോജിക്കുന്ന വകുപ്പുകള്‍ നല്‍കാമെന്ന ഉറപ്പു തനിക്ക് ലഭിച്ചതായി നിതിന്‍ മാധ്യമ പ്രവര്‍ത്തകരോട് വ്യക്തമാക്കി.

രണ്ട് പ്രധാന വകുപ്പുകള്‍ നല്‍കാമെന്ന് ഷാ അറിയിച്ചതായി നിതിന്‍ പറഞ്ഞു. അതേ സമയം, ധനകാര്യം, നഗരവികസനം തുടങ്ങിയ വകുപ്പുകള്‍ നല്‍കുമെന്ന ഉറപ്പ് ലഭിച്ചിട്ടുണ്ടോയെന്ന ചോദ്യത്തിന് നിതിന്‍ റുപടി നല്‍കിയില്ല.

വകുപ്പു വിഭജനത്തില്‍ ആദ്യം ധനകാര്യവും നഗരവികസന വകുപ്പുമായിരുന്നു നിതിന് നല്‍കിയിരുന്നത്. പിന്നീട് ഇവ മാറ്റുകയും ആരോഗ്യം, റോഡ്-പാലം വകുപ്പുകള്‍ പകരമായി നല്‍കുകയും ചെയ്തു. ഇതില്‍ അതൃപ്തനായാണ് ആദ്യം നിതിന്‍ ഉപമുഖ്യമന്ത്രി സ്ഥാനം ഏറ്റെടുക്കാന്‍ വിസമ്മതിച്ചത്.

ഇതോട ഗുജറാത്തില്‍ രാഷ്ട്രീയ പ്രതിസന്ധിക്ക് തുടക്കമാവുകയായിരുന്നു. വകുപ്പുകള്‍ ലഭിച്ചില്ലെങ്കില്‍ താനും 10 എം.എല്‍.എമാരും സ്ഥാനം രാജിവെക്കുമെന്നു വരെ നിതിന്‍ പട്ടേല്‍ ഭീഷണി മുഴക്കിയിരുന്നു. ഇതോടെ നിതിന് പിന്തുണയുമായി പട്ടേല്‍ വിഭാഗം നേതാവ് ഹര്‍ദിക് പട്ടേലും, കോണ്‍ഗ്രസ് നേതൃത്വവും രംഗത്തെത്തിയിരുന്നു.

മുഖ്യമന്ത്രി വിജയ് രൂപാനിയുടെ വസതിയില്‍ ചേര്‍ന്ന യോഗത്തില്‍ ധനവകുപ്പും നഗരവികസന വകുപ്പും വേണമെന്ന പട്ടേലിന്റെ ആവശ്യം തള്ളിയതാണ് പ്രശ്‌നങ്ങള്‍ക്ക് കാരണമായത്. പ്രധാന വകുപ്പുകളില്‍ നിന്നും തന്നെ മാറ്റിയ രൂപാനിയുടെ നടപടിക്കെതിരെ മാധ്യമങ്ങള്‍ക്കു മുന്നില്‍ രൂക്ഷമായാണ് പട്ടേല്‍ പ്രതികരിച്ചത്. ഇതിനു പിന്നാലെ മന്ത്രിസഭയില്‍ ഉള്‍പ്പെടുത്തിയില്ലെങ്കില്‍ പത്ത് എം.എല്‍.എമാര്‍ക്കൊപ്പം താനും രാജിവെക്കുമെന്ന് മുന്‍മന്ത്രിയും വഡോദര എം.എല്‍.എയുമായ രാജേന്ദ്ര ത്രിവേദിയും ഭീഷണിയും മുഴക്കിയിരുന്നു. ആവശ്യപ്പെട്ട വകുപ്പുകള്‍ കിട്ടിയില്ലെങ്കില്‍ രാജിവയ്ക്കുമെന്നറിയിച്ച് നിതിന്‍ പട്ടേല്‍ പ്രധാനമന്ത്രി നരേന്ദ്ര മോദിക്കും പാര്‍ട്ടി അധ്യക്ഷന്‍ അമിത് ഷായ്ക്കും കത്തയക്കുകയും ചെയ്തു.

നിതിന്‍പട്ടേല്‍ ഇടഞ്ഞുനിന്നതോടെ പട്ടേല്‍ സമരസമിതി നേതാവ് ഹാര്‍ദ്ദിക് പട്ടേല്‍ നിതിനെ കോണ്‍ഗ്രസ്സിലേക്ക് ക്ഷണിച്ചിരുന്നു. അര്‍ഹിച്ച സ്ഥാനം നല്‍കാമെന്നായിരുന്നു ഹാര്‍ദ്ദികിന്റെ വാഗ്ദാനം. തുടര്‍ന്ന്് വിജയ് രൂപാനിയുടെ നേതൃത്വത്തില്‍ സര്‍ക്കാര്‍ രൂപീകരിച്ചതിനു പിന്നാലെ പാര്‍ട്ടിയുമായ ഇടഞ്ഞ നിതിന്‍ പട്ടേലിന് പിന്തുണ കൂടിയിരുന്നു.

നിതിന് പിന്തുണ പ്രഖ്യാപിച്ച് സര്‍ദാര്‍ പട്ടേല്‍ ഗ്രൂപ്പ് (എസ്.പി.ജി) കണ്‍വീനര്‍ ലാല്‍ജി പട്ടേലാണ് ഒടുവില്‍ രംഗത്തെത്തി. ഇതോടെ വിജയ് രൂപാണിക്ക് കീഴിലുള്ള പുതിയ മന്ത്രിസഭയുടെ ഭാവി അനിശ്ചിത്വത്തിലായെന്നാണ് കരുതിയത്. പക്ഷേ, പാര്‍ട്ടിയുടെ കേന്ദ്രനേതൃത്വത്തിന്റെ ഇടപെടലില്‍ നിതിന്‍പട്ടേല്‍ ധനകാര്യമന്ത്രിയായിത്തന്നെ ചുമതലയേല്‍ക്കുമെന്നാണ് റിപ്പോര്‍ട്ട്.

മുഖ്യമന്ത്രി വിജയ് രൂപാനിയുടെ വസതിയില്‍ ചേര്‍ന്ന യോഗത്തില്‍ ധനവകുപ്പും നഗരവികസന വകുപ്പും വേണമെന്ന പട്ടേലിന്റെ ആവശ്യം തള്ളിയതാണ് പ്രശ്നങ്ങള്‍ക്ക് കാരണം്. പ്രധാന വകുപ്പുകളില്‍ നിന്നും തന്നെ മാറ്റിയ രൂപാനിയുടെ നടപടിക്കെതിരെ മാധ്യമങ്ങള്‍ക്കു മുന്നില്‍ രൂക്ഷമായാണ് പട്ടേല്‍ പ്രതികരിച്ചത്. ഇതിനു പിന്നാലെ മന്ത്രിസഭയില്‍ ഉള്‍പ്പെടുത്തിയില്ലെങ്കില്‍ പത്ത് എം.എല്‍.എമാര്‍ക്കൊപ്പം താനും രാജിവെക്കുമെന്ന് മുന്‍മന്ത്രിയും വഡോദര എം.എല്‍.എയുമായ രാജേന്ദ്ര ത്രിവേദിയും ഭീഷണി മുഴക്കിയിട്ടുണ്ട്. ആവശ്യപ്പെട്ട വകുപ്പുകള്‍ കിട്ടിയില്ലെങ്കില്‍ രാജിവയ്ക്കുമെന്നറിയിച്ച് നിതിന്‍ പട്ടേല്‍ പ്രധാനമന്ത്രി നരേന്ദ്ര മോദിക്കും പാര്‍ട്ടി അധ്യക്ഷന്‍ അമിത് ഷായ്ക്കും കത്തയച്ചതായും വിവരമുണ്ട്.

If Gujarat Deputy CM #NitinPatel along with 10 MLAs is ready to leave BJP, then will talk to Congress to get him a good position. If BJP does not respect him, he should leave the party: Hardik Patel in Gujarat’s Sarangpur pic.twitter.com/cFlORE7Yqu

— ANI (@ANI) December 30, 2017

ഇതോടെയാണ് ഗുജറാത്ത് ഉപമുഖ്യമന്ത്രി നിതിന്‍ പട്ടേലിനെ പാട്ടിദാര്‍ അനാമത്ത് ആന്തോളന്‍ സമിതിയിലേക്ക് സ്വാഗതം ചെയ്ത് ഹാര്‍ദിക് രംഗത്തെത്തിയത്. പാര്‍ട്ടിയുടെ ഉന്നമനത്തിനുവേണ്ടി ഏറെ അധ്വാനിച്ച വ്യക്തിയാണ് അദ്ദേഹം. നിതിന്‍ പട്ടേലിനെ ബിജെപി ബഹുമാനിക്കുന്നില്ലെങ്കില്‍ അദ്ദേഹത്തിന് പട്ടേല്‍ സംവരണ പ്രക്ഷോഭ സമിതിക്കൊപ്പം ചേരാമെന്ന് സംഘടനയുടെ ചിന്തന്‍ ശിബിരത്തില്‍ ഹാര്‍ദിക് വ്യക്തമാക്കി. നിതിന്‍ പട്ടേലിന് ഉചിതമായ സ്ഥാനം നല്‍കാനായി കോണ്‍ഗ്രസുമായി ചര്‍ച്ച നടത്താന്‍ തയാറാണെന്നും ഹാര്‍ദിക് പറഞ്ഞു.

അതേസമയം, ഗുജറാത്തില്‍ നിര്‍ണായക രാഷ്ട്രീയ നീക്കുവുമായി കോണ്‍്ഗ്രസും രംഗത്തെത്തി. സംസ്ഥാനത്തെ പുതിയ സംഭവവികാസങ്ങള്‍ നിരീക്ഷിച്ചു വരികയാണെന്നും ഗുജറാ്ത്തില്‍ സര്‍ക്കാര്‍ രൂപീകരിക്കാന്‍ പാര്‍ട്ടി തയാറാണെന്ന് കോണ്‍ഗ്രസ് നേതൃത്വം അറിയിച്ചു.

നിതില്‍ പട്ടേലിന്റെയും അദേഹത്തിന്റെ അനുയായികളുടെയും പിന്തുണയുണ്ടെങ്കില്‍ സര്‍ക്കാര്‍ രൂപീകരിക്കാന്‍ കോണ്‍ഗ്രസ് പാര്‍ട്ടി തയാറാണെന്ന് ഗുജറാത്ത് കോണ്‍ഗ്രസ് അധ്യക്ഷന്‍ ഭരത്‌സിങ് സോളങ്കി അറിയിച്ചു. എന്നാല്‍ കോണ്‍ഗ്രസ് കേന്ദ്ര നേതൃത്വം വിഷയത്തില്‍ ഇതുവരെ പ്രതകരിച്ചിട്ടില്ല.
പട്ടേല്‍ സമുദായത്തോട് മുഖംതിരിക്കുന്ന ബിജെപി നേതൃത്വം മുന്‍ മുഖ്യമന്ത്രി ആനന്ദിബെന്‍ പട്ടേലിന് ശേഷം നിതിന്‍ പട്ടേലിനെ ലക്ഷ്യം വയ്ക്കുകയാണെന്നതും വിവാദത്തിന് ശക്തി പകരുന്നത്.

No, he didn’t say any such thing (of resignation). I know he is upset and that’s why I am here. This is a mistake, and must be rectified: Narottam Patel,BJP on Nitin Patel upset over not being given departments of his choice pic.twitter.com/LluxXYdil2

— ANI (@ANI) December 30, 2017

അതേസമയം നിതന്‍ പട്ടേലിന്റെ രാജി സന്നദത നിഷേധിച്ച് ബിജെപി മുതിര്‍ന്ന പട്ടേല്‍ നേതാവ് നരോത്തം പട്ടേല്‍ രംഗത്തെത്തി. നിതിന്‍ ഭായിപട്ടേല്‍ മുന്‍ ഉപമുഖ്യമന്ത്രിയും കഴിവുള്ള നേതാവുമാണ്. അയാള്‍ അത്തരത്തിലുള്ള ഒരു കാര്യം പറഞ്ഞിട്ടില്ലെന്നും ആഗ്രഹിച്ച വകുപ്പുകള്‍ ലഭിക്കാത്തതാണ് അദ്ദേഹത്തെ അസ്വസ്ഥരാക്കിയതെന്നും നരോത്തം, മാധ്യമങ്ങളോട് പറഞ്ഞു.

സോണിയാഗാന്ധിയുടെ സെക്രട്ടറി സ്ഥാനത്തുനിന്ന് താന്‍ പടിയിറങ്ങുകയാണെന്നും പാര്‍ട്ടിയുടെ വര്‍ക്കിംഗ് കമ്മിറ്റി മെമ്പറായി തുടരുമെന്നും അഹമ്മദ് പട്ടേല്‍ പറഞ്ഞു. പുതിയ അധ്യക്ഷനായി ചുമതലയേറ്റ രാഹുല്‍ഗാന്ധി അദ്ദേഹത്തിന്റെ പുതിയ സംഘത്തിലേക്കുള്ളവരെ തീരുമാനിക്കുമെന്നും പട്ടേല്‍ കൂട്ടിച്ചേര്‍ത്തു. രാഹുല്‍, ചെറുപ്പക്കാരനും ഊര്‍ജ്ജസ്വലനുമാണ്. രാജ്യത്തിന് വേണ്ടി എന്തെങ്കിലും ചെയ്യണമെന്ന കാഴ്ച്ചപ്പാടുള്ളയാളുമാണ്. മക്കളുമായി ചര്‍ച്ച നടത്തിയതിനുശേഷം സോണിയ പാര്‍ട്ടിയിലെ ഭാവി പരിപാടിയെക്കുറിച്ച് തീരുമാനിക്കും. ഗുജറാത്തില്‍ ബഹുജന്‍ സമാജ് വാദി പാര്‍ട്ടിയുള്‍പ്പെടെയുള്ള കൂട്ടുകെട്ടിലെ അപാകതകളും ദുര്‍ബല സ്ഥാനാര്‍ത്ഥികളുമാണ് കോണ്‍ഗ്രസ്സിന് 100 അംഗബലം ലഭിക്കാതിരുന്നതിന് കാരണമായത്. ഇലക്ട്രോണിക് വോട്ടിംഗ് മെഷീനില്‍ കൃത്രിമം നടന്നതുമായി ബന്ധപ്പെട്ടുള്ള ആശങ്കകള്‍ക്ക് അടിസ്ഥാനമുണ്ടെന്നും പട്ടേല്‍ പറഞ്ഞു. ഗുജറാത്തില്‍ വമ്പിച്ച ജനപങ്കാളിത്തമാണ് കോണ്‍ഗ്രസ്സിന് റാലികളില്‍ ഉണ്ടായിരുന്നത്. എന്നാല്‍ പലസീറ്റുകളിലും വിജയിച്ചില്ല. ഇലക്ട്രോണിക് മെഷീനുമായി ബന്ധപ്പെട്ട് ഉയര്‍ന്നുവന്ന പൊതുജനങ്ങളുടെ സംശയങ്ങള്‍ പരിഹരിക്കാന്‍ തെരഞ്ഞെടുപ്പ് കമ്മീഷന്‍ തയ്യാറാവണമെന്നും പട്ടേല്‍ ആവശ്യപ്പെട്ടു. തെരഞ്ഞെടുപ്പ് പ്രചാരണവേളയില്‍ മുന്‍ പ്രധാനമന്ത്രി മന്‍മോഹന്‍സിംഗിനെതിരെയുള്ള പാക് ആരോപണത്തിനു നേരെയും അഹമ്മദ് പട്ടേല്‍ വിമര്‍ശനമുന്നയിച്ചു. തെരഞ്ഞെടുപ്പ് സമയത്ത് മന്‍മോഹന്‍സിംഗിനെ ലക്ഷ്യം വെച്ചത് ലജ്ജാകരമായിപ്പോയി. അദ്ദേഹം ഒരു ആദരണീയനായ മനുഷ്യനാണ്. സത്യസന്ധതയുടെ പര്യായമാണ് മന്‍മോഹന്‍സിംഗ്. പ്രധാനമന്ത്രി സ്ഥാനത്തിന് നിരക്കാത്തതാണ് മോദിയുടെ ആരോപണമെന്നും പട്ടേല്‍ പറഞ്ഞു.

ഗുജറാത്ത്, ഹിമാചല്‍ തെരഞ്ഞെടുപ്പുകള്‍ക്കു ശേഷമാണ് രാഹുല്‍ഗാന്ധി കോണ്‍ഗ്രസ് അധ്യക്ഷനായി ചുമതലയേല്‍ക്കുന്നത്. ഗുജറാത്തിലെ വന്‍ജനപങ്കാളിത്തമുള്ള പ്രചാരണത്തിനു ശേഷമാണ് രാഹുല്‍ അധ്യക്ഷസ്ഥാനം ഏറ്റെടുത്തത്. നിലവില്‍ 80അംഗ ബലത്തിലാണ് ഗുജറാത്തില്‍ കോണ്‍ഗ്രസ്. കോണ്‍ഗ്രസില്‍ നിന്നും പുറത്തുപോയ റാത്തോഡ് ബി.ജെ.പിക്ക് പിന്തുണ നല്‍കിയതോടെ 100അംഗ ബലത്തോടെയാണ് വിജയ് രൂപാനി സര്‍ക്കാര്‍ അധികാരത്തിലുള്ളത്.

കഴിഞ്ഞ തെരഞ്ഞെടുപ്പുകളിലെ അംഗബലം താരതമ്യം ചെയ്യുകയാണെങ്കില്‍ ഇത്തവണ ബി.ജെ.പിയുടെ നില മോശമായിരുന്നു. 99 സീറ്റുകളില്‍ മാത്രമാണ് ബി.ജെ.പിക്ക് ജയിക്കാന്‍ കഴിഞ്ഞത്. ഈ സാഹചര്യത്തിലാണ് രത്തന്‍സിംങിന്റെ പിന്തുണ ബി.ജെ.പിക്ക് ലഭിക്കുന്നത്. ഇതോടെ മുഖ്യമന്ത്രിയായി അധികാരമേല്‍ക്കുന്ന വിജയ് രൂപാനി മന്ത്രിസഭയില്‍ അംഗബലം നൂറായിരിക്കും. ജിഗ്നേഷ് മേവാനി, ഹര്‍ദ്ദിക് പട്ടേല്‍, അല്‍പേഷ് താക്കൂര്‍ കൂട്ടുകെട്ടില്‍ കോണ്‍ഗ്രസ് നിലമെച്ചപ്പെടുത്തി 80 അംഗബലത്തിലെത്തിയിട്ടുണ്ട്.

रिकाउंटिंग की मांग उठते ही EVM भरी ट्रक पलटी,इस कांड को कया नाम दे?? pic.twitter.com/qAw75cpfli

— Hardik Patel (@HardikPatel_) December 21, 2017

അതേസമയം സംഭവത്തില്‍ കടുത്ത ആരോപണവുമായി പട്ടേല്‍ പ്രക്ഷോഭക സമിതി തലവന്‍ ഹാര്‍ദിക് പട്ടേല്‍ രംഗത്തെത്തി.

വോട്ടിങ് മെഷീന്‍ കടത്തിയ ട്രക്ക് അപടകത്തില്‍പ്പെട്ടതില്‍ അസ്വഭാവികതയുണ്ടെന്ന് ആരോപിച്ചാണ് പട്ടേല്‍ പ്രക്ഷോഭക സമിതി തലവന്‍ ഹാര്‍ദിക് പട്ടേല്‍ രംഗത്തെത്തി. നേരത്തെ താന്‍ റീകൗണ്ടിങ് ആവശ്യപ്പെട്ടു പരാതി നല്‍കിയതിനു പിന്നാലെയാണ് അപകടമുണ്ടായിരിക്കുത്. ഇതാണ് ഹര്‍ദിക്കിന്റെ പരാധിക്ക് ആധാരമായത്.

അതേസമയത്തില്‍ സംഭവത്തില്‍ വിശദീകരണവുമായി ജില്ലാഭരണകൂടം രംഗത്തെത്തി. അപകടത്തില്‍പ്പെട്ടത് തെരഞ്ഞെടുപ്പില്‍ ഉപയോഗിക്കാത്ത വോട്ടിങ് യന്ത്രങ്ങളാണെന്നാണ് ജില്ലാഭരണകൂടം വ്യക്തമാക്കിയത്.
എന്നാല്‍ ഗുജറാത്ത് തെരഞ്ഞെടുപ്പില്‍ ഇലക്ട്രോണിക് മെഷീനെ സംബന്ധിച്ച ആരോപണങ്ങള്‍ക്ക് ചൂടുപിടിച്ചിരിക്കെ വോട്ടിങ് സാമഗ്രികളടങ്ങിയ ട്രക്ക് അപകടത്തില്‍ പെട്ടതും കൂടുതല്‍ വിവാദങ്ങളിലേക്കാണ് എത്തിക്കുന്നത്. നേരത്തെ ബിജെപി സര്‍ക്കാര്‍ ഇടപെട്ട് യന്ത്രങ്ങളില്‍ ക്രമക്കേട് കാണിച്ചെന്ന് കോണ്‍ഗ്രസ് ഉള്‍പ്പെടെ വിവിധ രാഷ്ട്രീയ പാര്‍ട്ടികള്‍ ആരോപിച്ചിരുന്നു. വിവിപാറ്റ് യന്ത്രത്തിനെതിരെ ഇതിനകം നാല്‍പതിലേറെ പരാതികളാണ് വന്നിരിക്കുന്നത്.