മുഖ്യമന്ത്രി വിജയ് രൂപാനിയുടെ വസതിയില്‍ ചേര്‍ന്ന യോഗത്തില്‍ ധനവകുപ്പും നഗരവികസന വകുപ്പും വേണമെന്ന പട്ടേലിന്റെ ആവശ്യം തള്ളിയതാണ് പ്രശ്‌നങ്ങള്‍ക്ക് കാരണമായത്. പ്രധാന വകുപ്പുകളില്‍ നിന്നും തന്നെ മാറ്റിയ രൂപാനിയുടെ നടപടിക്കെതിരെ മാധ്യമങ്ങള്‍ക്കു മുന്നില്‍ രൂക്ഷമായാണ് പട്ടേല്‍ പ്രതികരിച്ചത്. ഇതിനു പിന്നാലെ മന്ത്രിസഭയില്‍ ഉള്‍പ്പെടുത്തിയില്ലെങ്കില്‍ പത്ത് എം.എല്‍.എമാര്‍ക്കൊപ്പം താനും രാജിവെക്കുമെന്ന് മുന്‍മന്ത്രിയും വഡോദര എം.എല്‍.എയുമായ രാജേന്ദ്ര ത്രിവേദിയും ഭീഷണിയും മുഴക്കിയിരുന്നു. ആവശ്യപ്പെട്ട വകുപ്പുകള്‍ കിട്ടിയില്ലെങ്കില്‍ രാജിവയ്ക്കുമെന്നറിയിച്ച് നിതിന്‍ പട്ടേല്‍ പ്രധാനമന്ത്രി നരേന്ദ്ര മോദിക്കും പാര്‍ട്ടി അധ്യക്ഷന്‍ അമിത് ഷായ്ക്കും കത്തയക്കുകയും ചെയ്തു.

നിതിന്‍പട്ടേല്‍ ഇടഞ്ഞുനിന്നതോടെ പട്ടേല്‍ സമരസമിതി നേതാവ് ഹാര്‍ദ്ദിക് പട്ടേല്‍ നിതിനെ കോണ്‍ഗ്രസ്സിലേക്ക് ക്ഷണിച്ചിരുന്നു. അര്‍ഹിച്ച സ്ഥാനം നല്‍കാമെന്നായിരുന്നു ഹാര്‍ദ്ദികിന്റെ വാഗ്ദാനം. തുടര്‍ന്ന്് വിജയ് രൂപാനിയുടെ നേതൃത്വത്തില്‍ സര്‍ക്കാര്‍ രൂപീകരിച്ചതിനു പിന്നാലെ പാര്‍ട്ടിയുമായ ഇടഞ്ഞ നിതിന്‍ പട്ടേലിന് പിന്തുണ കൂടിയിരുന്നു.

നിതിന് പിന്തുണ പ്രഖ്യാപിച്ച് സര്‍ദാര്‍ പട്ടേല്‍ ഗ്രൂപ്പ് (എസ്.പി.ജി) കണ്‍വീനര്‍ ലാല്‍ജി പട്ടേലാണ് ഒടുവില്‍ രംഗത്തെത്തി. ഇതോടെ വിജയ് രൂപാണിക്ക് കീഴിലുള്ള പുതിയ മന്ത്രിസഭയുടെ ഭാവി അനിശ്ചിത്വത്തിലായെന്നാണ് കരുതിയത്. പക്ഷേ, പാര്‍ട്ടിയുടെ കേന്ദ്രനേതൃത്വത്തിന്റെ ഇടപെടലില്‍ നിതിന്‍പട്ടേല്‍ ധനകാര്യമന്ത്രിയായിത്തന്നെ ചുമതലയേല്‍ക്കുമെന്നാണ് റിപ്പോര്‍ട്ട്.

50 വന്‍കിട കമ്പനികള്‍ 8.35 ലക്ഷം കോടി ബാങ്കുകള്‍ക്ക് തിരിച്ചടയ്ക്കാനുണ്ട്. അതില്‍ മൂന്നെണ്ണം ഗുജറാത്ത് കേന്ദ്രമാക്കി പ്രവര്‍ത്തിക്കുന്ന റിലയന്‍സ്, അദാനി, എസ്സാര്‍ എന്നിവയാണ്. ഇവ മൂന്നുലക്ഷം കോടി രൂപ അടയ്ക്കാനുണ്ടന്നുമായിരുന്നു സിംഗ്‌വിയുടെ പരാമര്‍ശം. ഇത്തരത്തില്‍ വീഴ്ച്ച വരുത്തിയ കമ്പനികളുമായി റാഫേല്‍ ഇടപാട് പോലുള്ള കരാറുകള്‍ ഉണ്ടാക്കി സര്‍ക്കാര്‍ സഹായിക്കുകയാണെന്നും സിംഗ്‌വി പറഞ്ഞിരുന്നു. ഇതിനെതിരെയാണ് അനില്‍ അംബാനി കോടതിയെ സമീപിച്ചിരിക്കുന്നത്.

ഇന്നലെ നിശബ്ദപ്രചാരണ ദിവസമായിരുന്നിട്ടും വിവാദങ്ങള്‍ക്ക് കുറവൊന്നുമുണ്ടായിരുന്നില്ല. രാഹുല്‍ ഗാന്ധിയുടെ ഗുജറാത്ത് സമാചാര്‍ ടിവിക്കു നല്‍കിയ അഭിമുഖം തെരഞ്ഞെടുപ്പ് ചട്ടലംഘനമാണെന്ന് ചൂണ്ടിക്കാട്ടി ബി.ജെ.പി രംഗത്തെത്തുകയായിരുന്നു. രാഹുല്‍ഗാന്ധിക്കെതിരെ തെരഞ്ഞെടുപ്പ് കമ്മീഷന്റെ നോട്ടീസും ലഭിച്ചു. കമ്മീഷന്റെ മോഡല്‍ കോഡ് ഓഫ് കണ്ടക്ട് പ്രകാരം അഭിമുഖങ്ങള്‍ ചാനലുകള്‍ക്ക് നല്‍കുന്നത് അനുവദനീയമല്ല. ഇത്തരം അഭിമുഖങ്ങള്‍ നല്‍കുന്നത് ഗുരുതരമായ ചട്ടലംഘനമാണ്. എന്നാല്‍ ഗുജറാത്ത് സമാചാര്‍ ടിവിക്കു നല്‍കിയ രാഹുലിന്റെ അഭിമുഖം രണ്ടാംഘട്ട വോട്ടെടുപ്പിന് 48 മണിക്കൂര്‍ മാത്രം ബാക്കി നില്‍ക്കെയാണ് സംപ്രേക്ഷണം ചെയ്തത്. അഭിമുഖത്തില്‍ ഗുജറാത്തില്‍ കോണ്‍ഗ്രസിന്റെ വിജയം സുനിശ്ചിതമാണെന്നും ബി.ജെ.പിക്ക് ഗുജറാത്തിനെകുറിച്ചുള്ളത് നല്ല കാഴ്ചപ്പാടല്ലെന്നും രാഹുല്‍ പ്രതികരിച്ചിരുന്നു.

നോട്ടീസിന്റെ മറുപടി ഡിസംബര്‍ 18നകം നല്‍കണമെന്നും അല്ലാത്തപക്ഷം തുടര്‍നടപടികള്‍ കമ്മീഷന്‍ കൈക്കൊള്ളുമെന്നും നോട്ടീസില്‍ പറയുന്നതായാണ് റിപ്പോര്‍ട്ടുകള്‍. കൂടാതെ അഭിമുഖം സംപ്രേക്ഷണം ചെയ്ത ചാനലുകള്‍ക്ക് തെരഞ്ഞെടുപ്പ് ചട്ടം സെക്ഷന്‍ 126 (1) (ബി) വകുപ്പുകള്‍ ലംഘനം ചുമത്തി കേസെടുക്കാനും ഉത്തരവിട്ടുണ്ട്. അതേസമയം ഇത്തരം അഭിമുഖങ്ങള്‍ സംപ്രേക്ഷണം ചെയുന്ന ചാനലുക്കള്‍ക്കെതിരെ ശക്തമായ നിയമനടപടി സ്വീകരിക്കുമെന്നും കമ്മീഷന്‍ മുന്നറിയിപ്പ് നല്‍കി. അതേസമയം, റോഡ്‌ഷോക്കുള്ള അനുമതി നിഷേധിച്ചതോടെ പ്രധാനമന്ത്രി നരേന്ദ്രമോദി സബര്‍മതി നന്ദിയില്‍ നിന്നു ജലവിമാനത്തില്‍ പറന്നുപൊങ്ങി രണ്ടാംഘട്ട പരസ്യപ്രചാണം നടത്തിയത് വിവാദത്തിലായി. പണം നല്‍കിയാണ് അണികളെ എത്തിച്ചതെന്ന് ബി.ജെ.പി നേതാവും എം.എല്‍.എയുമായ ഭൂഷണ്‍ ഭട്ടിന്റെ ആഹ്വാനത്തില്‍ നിന്നും വ്യക്തമായതോടെ തെരഞ്ഞെടുപ്പ് കമ്മീഷന്‍ നോട്ടീസ് നല്‍കുകയായിരുന്നു.

മെഹ്‌സാനയില്‍ ഉപമുഖ്യമന്ത്രി നിധിന്‍ പട്ടേല്‍, വഡ്ഗാമില്‍ ദളിത് സമരനായകന്‍ ജിഗ്‌നേഷ് മേവാനി രാധന്‍പൂരില്‍ ഒബിസി നേതാവ് അല്‍പേഷ് ഠാക്കൂര്‍ എന്നിവരാണ് രണ്ടാംഘട്ട വോട്ടെടുപ്പിലെ പ്രമുഖ സ്ഥാനാര്‍ത്ഥികള്‍. 22 വര്‍ഷമായി ഗുജറാത്ത് ഭരിക്കുന്നത് ബിജെപിയാണ്. അധികാരം നിലനിര്‍ത്തണമെന്ന ലക്ഷ്യത്തോടെയാണ് ബി.ജെ.പി കച്ചകെട്ടിയിട്ടുള്ളതും. നിയുക്ത അധ്യക്ഷന്‍ രാഹുല്‍ ഗാന്ധിയുടെ രാഷ്ട്രീയ വിജയം കൂടിയായിരിക്കും ഗുജറാത്തിലെ വിജയം. അടുത്ത തിങ്കളാഴ്ചയാണ് വോട്ടെണ്ണല്‍.

89 മണ്ഡലങ്ങളിലാണ് നാളെ വോട്ടെടുപ്പ് നടക്കുക. ഒന്നാംഘട്ട പരസ്യപ്രചാരണങ്ങള്‍ അവസാനിച്ച ഇന്നലെ പ്രധാനമന്ത്രി നരേന്ദ്രമോദിക്കെതിരെയുള്ള മണിശങ്കര്‍ അയ്യരുടെ പരാമര്‍ശങ്ങള്‍ വിവാദമായിരുന്നു. തരംതാഴ്ന്ന, സംസ്‌കാരമില്ലാത്ത വ്യക്തിയാണ് മോദിയെന്നായിരുന്നു മണിശങ്കര്‍ മോദിയെ പറഞ്ഞത്. എന്തിനാണ് അദ്ദേഹം വിലകുറഞ്ഞ രാഷ്ട്രീയം കളിക്കുന്നതെന്നും അയ്യര്‍ ചോദിച്ചിരുന്നു. ഗുജറാത്തില്‍ നടന്ന തെരഞ്ഞെടുപ്പ് റാലിയില്‍ നെഹ്‌റുവിനെ പരാമര്‍ശിക്കാതെ ഇന്ത്യയുടെ നിര്‍മിതിക്കായി അംബേദ്കര്‍ നല്‍കിയ സംഭാവനകളെ മോദി പ്രശംസിച്ചിരുന്നു. അംബേദ്കറിന്റെ പരിശ്രമങ്ങളെ തഴയാനുള്ള ശ്രമങ്ങള്‍ നടന്നിട്ടുണ്ടെന്നും എന്നാല്‍ അത് വിജയിച്ചില്ലെന്നും നെഹ്‌റുവിനെ പരോക്ഷമായി സൂചിപ്പിച്ച് മോദി പറഞ്ഞതാണ് അയ്യരെ ചൊടിപ്പിച്ചത്. രാജ്യത്തിന് നിരവധി സംഭാവനകള്‍ ചെയ്ത നെഹ്‌റു കുടുംബത്തെ മോദി നിരന്തരമായി അധിക്ഷേപിക്കുകയാണെന്നും സംസ്‌കാരമില്ലാത്ത ഇത്തരം പ്രവൃത്തി അംഗീകരിക്കാനാവില്ലെന്നും അദ്ദേഹം പറഞ്ഞു. ഇത് വിവാദമായതിനെ തുടര്‍ന്ന് മണിശങ്കര്‍ മാപ്പു പറയണമെന്ന ആവശ്യവുമായി രാഹുല്‍ഗാന്ധി രംഗത്തെത്തുകയായിരുന്നു. കോണ്‍ഗ്രസ്സിന്റെ മുതിര്‍ന്ന നേതാവ് അഹമ്മദ് പട്ടേലിനെതിരെയുള്ള പ്രചാരണങ്ങളും ഇന്നലെ ഉയര്‍ന്നിരുന്നു. പട്ടേല്‍ മുഖ്യമന്ത്രി സ്ഥാനാര്‍ത്ഥിയാണെന്ന രീതിയില്‍ പോസ്റ്ററുകളുള്‍പ്പെടെ വ്യാപകമായി പ്രചരിച്ചിരുന്നു. ഇത് നിഷേധിച്ച് കോണ്‍ഗ്രസ് രംഗത്തെത്തി. പ്രചാരണത്തിന് പിന്നില്‍ ബി.ജെ.പിയാണെന്ന് പട്ടേലും വ്യക്തമാക്കിയിരുന്നു.

182 മണ്ഡലങ്ങളിലേക്കാണ് തെരഞ്ഞെടുപ്പ് നടക്കുന്നത്. രണ്ടു ഘട്ടങ്ങളിലായി നടക്കുന്ന തെരഞ്ഞെടുപ്പിന്റെ ഫലം പുറത്തുവരുന്നത് ഡിസംബര്‍ 18-നാണ്. രണ്ടാംഘട്ട വോട്ടെടുപ്പ് ഡിസംബര്‍ 14-നാണ്.

തിരഞ്ഞെടുപ്പില്‍ കോണ്‍ഗ്രസിന് 68 സീറ്റുകള്‍ കിട്ടുമെന്നുമാണ് സര്‍വ്വേ പ്രവചനം. കോണ്‍ഗ്രസിന് കഴിഞ്ഞ തവണത്തെക്കാള്‍ ഏഴ് സീറ്റുകള്‍ കൂടുതല്‍ ലഭിക്കും. എന്നാല്‍ കോണ്‍ഗ്രസ്സിന് ഭരണത്തിലെത്താനാവില്ലെന്നാണ് സര്‍വ്വേഫലം പറയുന്നത്. ടൈംസ് നൗ സര്‍വ്വേക്ക് പുറമെ ഇന്ത്യാ ടി.വി വി.എം.ആര്‍. സര്‍വേയും ബി.ജെ.പി.ക്ക് വിജയം പ്രവചിക്കുന്നു. ബി.ജെ.പി.ക്ക് 106-116 സീറ്റുകളും കോണ്‍ഗ്രസിന് 63-73 സീറ്റുകളുമാണ് ഇവര്‍ കണക്കാക്കുന്നത്. എല്ലാ സര്‍വേകളും സംസ്ഥാനത്തില്‍ കോണ്‍ഗ്രസിന് മുന്നേറ്റം ഉണ്ടാകുമെന്ന് വ്യക്തമാക്കുന്നുണ്ട്. എന്നാല്‍ ഭരിക്കാനുള്ള ഭൂരിപക്ഷം ലഭിക്കില്ലെന്ന് പ്രവചിക്കുന്നു.

ഡിസംബര്‍ ഒമ്പതിനും 14-നുമായി രണ്ടു ഘട്ടങ്ങളായാണ് തിരഞ്ഞെടുപ്പ്. ഫലം 18നാണ് പുറത്തുവരിക. 182 അംഗ നിയമസഭയില്‍ ബി.ജെ.പി.ക്ക് 115 ഉം കോണ്‍ഗ്രസിന് 61ഉം സീറ്റുകളാണ് നിലവിലുള്ളത്.

LIVE: Rahul Gandhi addresses a public meeting in Bhavnagar, Gujarat. #Navsarjan_With_Congress https://t.co/PQI0yp2wGB

— Congress (@INCIndia) November 30, 2017

സാധാരണക്കാരന്‍ തെരുവില്‍ അസാധു നോട്ടുകള്‍ മാറാന്‍ ക്യൂനിന്നപ്പോള്‍ കള്ളപ്പണക്കാര്‍ പിന്‍വാതിലിലൂടെ കള്ളപ്പണം വെളുപ്പിച്ചു. നോട്ട് നിരോധനം കൊണ്ട് യഥാര്‍ത്ഥത്തില്‍ സംഭവിച്ചത് ഇതാണെന്നും അദ്ദേഹം വ്യക്തമാക്കി. കേന്ദ്ര സര്‍ക്കാറിന്റെ സാമ്പത്തിക കെടുകാര്യസ്ഥതക്ക് ഗുജറാത്തിലെ ജനങ്ങള്‍ എന്തിനാണ് വില നല്‍കുന്നതെന്നും അദ്ദേഹം ചോദിച്ചു. ബി.ജെ.പി കഴിഞ്ഞ തെരഞ്ഞെടുപ്പില്‍ പ്രഖ്യാപിച്ച വാഗ്ദാനങ്ങള്‍ ഓരോന്നായി ഓരോ ദിവസം ചോദ്യങ്ങളായി ഉന്നയിക്കുന്ന രാഹുല്‍ ഇന്നലെ ഗുജറാത്തിന്റെ കടക്കെണിയെ കുറിച്ചാണ് ചോദ്യമുന്നയിച്ചത്. 1995ല്‍ ഗുജറാത്തിന്റെ മൊത്തം കടം 9183 കോടിയായിരുന്നു. 2017ല്‍ ഇത് 2.14 ലക്ഷമായി ഉയര്‍ന്നു. ഇതിനര്‍ത്ഥം ഓരോ ഗുജറാത്തിക്കും 37,000 രൂപ കടമുണ്ടെന്നാണെന്നും അദ്ദേഹം പറഞ്ഞു.

Congress VP Rahul Gandhi meets citizens of Vallabhipur, Bhavnagar. #Navsarjan_With_Congress pic.twitter.com/mZIT5StBEe

— Congress (@INCIndia) November 30, 2017

സര്‍ക്കാറിന്റെ സാമ്പത്തിക കെടുകാര്യസ്ഥതക്ക് ഗുജറാത്തികള്‍ എന്തിന് വില നല്‍കണമെന്നാണ് തന്റെ ചോദ്യമെന്നും അദ്ദേഹം പറഞ്ഞു. 22 വര്‍ഷത്തെ ഭരണത്തിന് ഗുജറാത്തിന് ബി.ജെ.പി ഉത്തരം നല്‍കണമെന്നായിരുന്നു കഴിഞ്ഞ ദിവസം രാഹുല്‍ ആവശ്യപ്പെട്ടത്. 50 ലക്ഷം ഭവനങ്ങള്‍ നിര്‍മിക്കുമെന്ന് വാഗ്ദാനം ചെയ്ത ഗുജറാത്തിലെ ബി.ജെ.പി സര്‍ക്കാര്‍ അഞ്ചു വര്‍ഷം കൊണ്ട് 4.72 ലക്ഷം ഭവനങ്ങളാണ് നിര്‍മിച്ചതെന്നും ഇനി ബാക്കി വീടുകള്‍ നിര്‍മിക്കാന്‍ 45 വര്‍ഷം വേണ്ടി വരുമോ എന്നും അദ്ദേഹം ചോദിച്ചിരുന്നു.

തെരഞ്ഞെടുപ്പിലെ കോണ്‍ഗ്രസ് സീറ്റുവിഭജന തര്‍ക്കത്തെത്തുടര്‍ന്ന് അധ്യക്ഷന്‍ രാജിവെച്ചെന്നായിരുന്നു ബി.ജെ.പിയുടെ ഫോട്ടോഷോപ്പ് പ്രചാരണം. ഭരത് സിംഗ് സോളങ്കിയുടെ വ്യാജലെറ്റര്‍പാഡുപയോഗിച്ചായിരുന്നു പ്രചാരണം. എന്നാല്‍ ഇത് നിഷേധിച്ച് സോളങ്കി രംഗത്തെത്തിയതോടെ ബി.ജെ.പിയുടെ നാടകം പൊളിഞ്ഞു. ഇതോടെ പ്രചാരണത്തിലെ പൊള്ളത്തരം സാമൂഹ്യമാധ്യമങ്ങളിലുള്‍പ്പെടെ ചര്‍ച്ചയാവുകയും ചെയ്തു. സോണിയാ ഗാന്ധിയോടും രാഹുല്‍ ഗാന്ധിയോടും എന്നും കൂറുള്ള വ്യക്തിയാണ് താനെന്നും അതിനാല്‍തന്നെ രാജിയെ പറ്റിയുള്ള ചോദ്യം ഉയരുന്നില്ലെന്നുമായിരുന്നു അദ്ദേഹത്തിന്റെ പ്രതികരണം. പൊതുജനങ്ങള്‍ക്കിടയില്‍ തെറ്റായ ധാരണകള്‍ പടര്‍ത്താനാണ് ബി.ജെ.പിയുടെ ശ്രമം. സംസ്ഥാന സര്‍ക്കാരിന്റെ അഴിമതി മറച്ചുവെക്കാനാണ് അവര്‍ ശ്രമിക്കുന്നത്. കോണ്‍ഗ്രസ് അധികാരത്തിലെത്തുമോ എന്ന ഭയം കൂടിയാണ് ഇതിനുപിന്നിലെന്നും സോണിയാഗാന്ധിക്ക് താനൊരു കത്തും നല്‍കിയിട്ടില്ലെന്നും സോളങ്കി വ്യക്തമാക്കി.

നേരത്തെ, പട്ടേല്‍ നേതാവ് ഹര്‍ദ്ദിക് പട്ടേലിനു നേരെയും ആരോപണങ്ങളുണ്ടായിരുന്നു. ലൈംഗിക ടേപ്പ് പുറത്തുവിട്ടായിരുന്നു ഹര്‍ദ്ദികിനെ നേരിട്ടത്. ഹര്‍ദ്ദികിന് പിന്തുണയുമായി ദളിത് നേതാവ് ജിഗ്നേഷ് മേവ്‌നാനിയും രംഗത്തെത്തിയിരുന്നു. തുടര്‍ന്ന് ബി.ജെ.പിയെ വെട്ടിലാക്കി ഹര്‍ദ്ദികിന്റെ വെളിപ്പെടുത്തലുകളുണ്ടായി. ബി.ജെ.പിയില്‍ ചേരാന്‍ 1,200 കോടി രൂപ വാഗ്ദാനം ചെയ്തുവെന്നായിരുന്നു ഹര്‍ദ്ദികിന്റെ വെളിപ്പെടുത്തല്‍. ഇതും ബി.ജെ.പിക്ക് തിരിച്ചടിയാവുകയായിരുന്നു. ഡിസംബര്‍ ഒന്‍പതിനും പതിനാലിനും നടക്കുന്ന തെരഞ്ഞെടുപ്പിന്റെ ഫലം പുറത്തുവരുന്നത് ഡിസംബര്‍ 18നാണ്.

തകരാറിലായ എല്ലാ വോട്ടിംങ് മെഷീനുകളും മാറ്റി നില്‍കിയെന്നാണ് തെരഞ്ഞെടുപ്പ് കമ്മീഷന്‍ അറിയിച്ചിട്ടുള്ളത്. തെരഞ്ഞെടുപ്പുമായി ബന്ധപ്പെട്ടുള്ള പരാതികള്‍ നല്‍കേണ്ടത് കമ്മീഷനാണെന്നും കോടതി വ്യക്തമാക്കി. ഡിസംബര്‍ ഒന്‍പതിനും പതിനാലിനും നടക്കുന്ന തെരഞ്ഞെടുപ്പിന്റെ ഫലം പുറത്തുവരുന്നത് ഡിസംബര്‍ 18-നാണ്.

ഉത്തര്‍പ്രദേശിലെ മീററ്റ് ഉപതെരഞ്ഞെടുപ്പില്‍ ബി.ജെ.പിക്കു മാത്രം വോട്ടു ചെയ്യുന്ന യന്ത്രം കഴിഞ്ഞ ദിവസം കണ്ടെത്തിയിരുന്നു. ഏത് ബട്ടണ്‍ അമര്‍ത്തിയാലും ബി.ജെ.പിക്കു മാത്രം വോട്ട് രേഖപ്പെടുത്തുന്ന കാര്യം ഒരു ബി.എസ്.പി പ്രവര്‍ത്തകനാണ് കണ്ടുപിടിച്ചത്. ഇതേത്തുടര്‍ന്ന് വോട്ടിങ് മണിക്കൂറുകളോളം വൈകിയ സാഹചര്യവും ഉണ്ടായിരുന്നു. ബി.ജെ.പി അധികാരത്തിലേറിയതിനു ശേഷമുള്ള ആദ്യത്തെ തദ്ദേശ സ്വയംഭരണ തെരഞ്ഞെടുപ്പാണ് യു.പിയില്‍ ഇന്നലെ ആരംഭിച്ചത്. മീററ്റിലെ 89ാം നമ്പര്‍ ബൂത്തില്‍ ബി.ജെ.പിയുടെ താമര ചിഹ്നത്തില്‍ മാത്രം വോട്ട് പതിയുന്ന യന്ത്രം കണ്ടെത്തുകയായിരുന്നു. ബി.എസ്.പി പ്രവര്‍ത്തകന്‍ തസ്‌ലീം അഹമ്മദ് ബി.എസ്.പിയുടെ ചിഹ്നത്തില്‍ വിരലമര്‍ത്തുമ്പോള്‍ ബി.ജെ.പി ചിഹ്നത്തിനു നേരെയും നോട്ടക്കു നേരെയുമുള്ള എല്‍.ഇ.ഡി ലൈറ്റ് തെളിയുന്നത് ദൃശ്യങ്ങളില്‍ വ്യക്തമാണ്. ഇത് സാമൂഹ്യമാധ്യമങ്ങളിലൂടെ വൈറലായിരുന്നു.

രാഹുല്‍ഗാന്ധി അവഗണിച്ചുവെന്ന് ആരോപിച്ചാണ് വിജയ് കെല്ല പാര്‍ട്ടിയില്‍ നിന്നും രാജി വെക്കുന്നത്. സമുദായ നേതാക്കള്‍ക്കള്‍ക്ക് മാത്രമാണ് രാഹുല്‍ഗാന്ധി പ്രാധാന്യം നല്‍കുന്നതെന്നും പാര്‍ട്ടി പ്രവര്‍ത്തകരെ അവഗണിക്കുകയാണെന്നും കെല്ല പറഞ്ഞു. ഗുജറാത്തിലെ കോണ്‍ഗ്രസ്സ് റിലീഫ് കമ്മിറ്റി ചെയര്‍മാനായ വിജയ് കെല്ല പാര്‍ട്ടി പ്രസിഡന്റ് ഭരത് സിംഗ് സോളങ്കിക്ക് രാജിക്കത്ത് കൈമാറി. രാഹുല്‍ഗാന്ധി പട്ടേല്‍ നേതാവ് ഹര്‍ദ്ദിക് പട്ടേലുമായും, ജിഗ്നേഷ് മേവ്‌നാനിയുമായും, അല്‍പേഷ് താക്കൂറുമായും നടത്തിയ ചര്‍ച്ചകള്‍ കെല്ലയെ ചൊടിപ്പിക്കുകയായിരുന്നു. സമുദായനേതാക്കള്‍ക്കുമാത്രമാണ് പ്രാധാന്യം നല്‍കുന്നതെന്നും ഭരത് സിംഗ് സോളങ്കിയല്ല തീരുമാനമെടുക്കുന്നതെന്നും കെല്ല പറഞ്ഞു.

കഴിഞ്ഞ 38 വര്‍ഷമായി കോണ്‍ഗ്രസ്സിനൊപ്പമാണ് വിജയ് കെല്ല. നേരത്തെ മണിനഗറില്‍ മത്സരിച്ചുവെങ്കിലും കെല്ല പരാജയപ്പെടുകയായിരുന്നു. കോണ്‍ഗ്രസ്സിന്റെ സമുദായ പ്രീണനങ്ങള്‍ക്കെതിരെ രംഗത്തിറങ്ങുമെന്ന് കെല്ല പറഞ്ഞു. അതേസമയം, വിജയ് കെല്ല ദിവസങ്ങള്‍ക്കകം ബി.ജെ.പിയില്‍ ചേരുമെന്നും അഭ്യൂഹങ്ങളുണ്ട്. ഡിസംബര്‍ ഒന്‍പതിനും പതിനാലിനുമാണ് തെരഞ്ഞെടുപ്പ്. ഡിസംബര്‍ 18ന് ഫലം പുറത്തുവരും. ഹര്‍ദ്ദികും ജിഗ്നേഷ് മേവ്‌നാനിയും അല്‍പേഷ് താക്കൂറുമുള്‍പ്പെടെയുള്ള കൂട്ടുകെട്ടില്‍ ബി.ജെ.പിയെ നേരിടാനാണ് രാഹുലിന്റെ നീക്കം.