ന്യൂഡല്‍ഹി: ഗുജറാത്തിലെ കഴിഞ്ഞ നിയമസഭാ തെരഞ്ഞെടുപ്പിലെ കോണ്‍ഗ്രസ് പാര്‍ട്ടിയുടെ പ്രകടനം വിലയിരുത്താന്‍ പാര്‍ട്ടി ദേശീയ അധ്യക്ഷന്‍ രാഹുല്‍ ഗാന്ധി നാളെ ഗുജറാത്തിലെത്തും.

ഗുജറാത്ത് സന്ദര്‍ശനം നടത്തുന്ന രാഹുല്‍ ഗാന്ധി ജാതി-പാര്‍ട്ടി തല നേതാക്കളുമായി തെരഞ്ഞെടുപ്പിലെ നേട്ടങ്ങളെയും കോട്ടങ്ങളെയും വിലയിരുത്താന്‍ പ്രതേക കൂട്ടിക്കാഴച നടത്തും . ഗുജറാത്ത് തെരഞ്ഞെടുപ്പില്‍ കോണ്‍ഗ്രസിനായി രാഹുല്‍ ഗാന്ധിയും ബി.ജെ.പിക്കുവേണ്ടി പ്രധാനമന്ത്രി നരേന്ദ്ര മോദിയുമാണ് നേരിട്ട്  പ്രചാരണത്തിനിറങ്ങിയത് തുടര്‍ന്ന് ഇരുവരും തമ്മിലുള്ള പോരാട്ടമാണ് ഗുജറാത്തില്‍ അരങ്ങേറിയതെന്ന് രാഷ്ട്രീയ നേതാക്കളും നിരീക്ഷകരും അഭിപ്രായപ്പെട്ടിരുന്നു.

നിയമസഭാ തെരഞ്ഞെടുപ്പില്‍ വന്‍മുന്നേറ്റം കാഴ്ചവെച്ച കോണ്‍ഗ്രസ് സഖ്യം 80 സീറ്റാണ് നേടിയത്. ഇതില്‍ 77 സീറ്റുകള്‍ കോണ്‍ഗ്‌സും രണ്ടു സീറ്റുകള്‍ സഖ്യകക്ഷിയായ ഭാരതീയ ട്രൈബല്‍ പാര്‍ട്ടിയും ഒരു സീറ്റ് കോണ്‍ഗ്രസ് പിന്തുണയോടെ മത്സരിച്ച സ്വതന്ത്ര ദളിത് യുവ നേതാവ് ജിഗ്നേഷ് മേവാനിവുമാണ് നേടിയത്. അതേസമയം അധികാരം നിലനിര്‍ത്തിയെങ്കിലും 115 സീറ്റില്‍ നിന്നും 99 ചുരുങ്ങുന്നതായിരുന്നു ബി.ജെ.പിയുടെ പ്രകടനം. 1995നു ശേഷം സംസ്ഥാനത്ത് പാര്‍ട്ടിയുടെ ഏറ്റവും മോശപ്പെട്ട പ്രകടനമാണിത്

നോട്ടുനിരോധനവും ചരക്ക് സേവന നികുതി (ജി.എസ്.ടി) തുടങ്ങി നിര്‍ണ്ണായക കേന്ദ്ര സര്‍ക്കാറിന്റെ തീരുമാനങ്ങള്‍ ശേഷം നടന്ന തെരഞ്ഞടുപ്പ് എന്ന നിലയില്‍ രാജ്യം വളരെയധികം ശ്രദ്ധനേടിയ തെരഞ്ഞെടുപ്പായിരുന്നു ഗുജറാത്ത്. പ്രചാരണത്തില്‍ മുന്‍ പ്രധാനമന്ത്രി മന്‍മോഹന്‍ സിങിന് പാക് ബന്ധം തുടങ്ങി ഗുരുതര പരാമര്‍ശം മോദി ഉയര്‍ത്തിയിരുന്നു. ഇത്തരം മോശമായ പ്രചാരണ ആയുധങ്ങള്‍ പ്രയോഗിച്ചിട്ടും മോദിയുടെ ജന്മനാട്ടായ മണ്ഡലത്തില്‍ ബി.ജെ.പിക്ക് തോല്‍വിയായിരുന്നു ഫലം.അതേസമയം ഗുജറാത്ത് തെരഞ്ഞെടുപ്പ് കാമ്പെയ്‌നിന്റെ ഭാഗമായി ദിവസേന ഒരു ചോദ്യം ഉയര്‍ത്തിയ രാഹുലിന് കൃത്യമായ മറുപടി നല്‍കാന്‍ ബി.ജെ.പിക്ക് ഇതുവരെ ആയിട്ടില്ല. ഇത്തവണ രാഹുല്‍ കൂടുതല്‍ ആക്രമിക്കാന്‍ സാധ്യതയുള്ളതിനാല്‍ മറുപടി നല്‍കാന്‍ ഒരുങ്ങി തന്നെയാവും ബി.ജെ.പി ക്യാമ്പ്.

ആറു സ്ഥാനാര്‍ത്ഥികളെയാണ് കോണ്‍ഗ്രസ് മത്സരംഗത്തിറക്കിയത്. ഇതില്‍ മൂന്നു പേര്‍ വിജയിക്കുകയും ചെയ്തു.അതേസമയം സ്വതന്ത്ര്യരായും മറ്റു പാര്‍ട്ടികള്‍ക്കു കീഴിലും മത്സരിച്ച മുസ്‌ലിം സ്ഥാനാര്‍ത്ഥികള്‍ കോണ്‍ഗ്രസിനു ലഭിക്കേണ്ട വോട്ടുകള്‍ ഭിന്നിപ്പിച്ച് ബി.ജെ.പിക്ക് ജയമൊരുക്കുകയാണ് ചെയ്തതെന്നാണ് വിദഗ്ധരുടെ വിലയിരുത്തല്‍ .

പതിനാറോളം സീറ്റുകളില്‍ ഇരുനൂറ് മുതല്‍ രണ്ടായിരം വരെ വോട്ടുകള്‍ക്കാണ് കോണ്‍ഗ്രസ് ബി.ജെ.പിയോട് തോറ്റത്. മുസ്‌ലിം വോട്ടുകള്‍ ഇത്തരത്തില്‍ ഭിന്നിച്ചിരുന്നില്ലെങ്കില്‍ ബി.ജെ.പി അധികാരം നിലനിര്‍ത്തിയ സാഹചര്യം തന്നെ ചിലപ്പോള്‍ മാറിയേനെ.

ജമല്‍പൂര്‍ ഖാദിയയില്‍ നിന്ന് ഇംറാന്‍ ഖേഡാവാല, ദരിയാപൂരില്‍ നിന്ന് ഗിയാസുദ്ദീന്‍ ഷെയ്ക്ക്, വാങ്കനീറില്‍ നിന്ന് മുഹമ്മദ് പിര്‍സാദ എന്നിവരാണ് ജയം സ്വന്തമാക്കിയ മുസ്‌ലിം സ്ഥാനാര്‍ത്ഥികള്‍. ഇതില്‍ ബി.ജെ.പി 42 വര്‍ഷമായി സ്വന്തമാക്കി വെച്ചിരുന്ന ഖാദിയ 29,339 വോട്ടുകള്‍ക്ക് പിടിച്ചെടുത്ത ഇംറാന്‍ ഖേഡാവാലയുടേതാണ് ഏറ്റവും വലിയ വിജയം. വോട്ടര്‍മാരില്‍ 61 ശതമാനം ഉള്ള ഖാദിയയില്‍ ബി.ജെ.പിയുടെ അശോക് ഭട്ടിനെയാണ് ഖേഡാവാല തോല്‍പ്പിച്ചത്.

ദരിയാപൂരില്‍ എം.എല്‍.എ ആയിരുന്ന ഗിയാസുദ്ദീന്‍ ഷെയ്ക്ക് മണ്ഡലം നിലനിര്‍ത്തിയപ്പോള്‍ പിര്‍സാദ 1361 വോട്ടുകള്‍ക്ക് കടന്നു കൂടുകയാണുണ്ടായത്. ആദം ചാകി (ഭുജ്), ഇഖ്ബാല്‍ പട്ടേല്‍ (സൂറത്ത് വെസ്റ്റ്), സുലൈമാന്‍ പട്ടേല്‍ (വാഗ്ര) എന്നിവരാണ് തോറ്റ കോണ്‍ഗ്രസ് മുസ്‌ലിം സ്ഥാനാര്‍ത്ഥികള്‍.

2011ലെ സെന്‍സെസ് പ്രകാരം ഗുജറാത്തിലെ ജനസംഖ്യ നിരക്കില്‍ 9.65 ശതമാനം മുസ്‌ലിം മത വിശ്വാസികളാണ്. സംസ്ഥാനത്തെ ഏറ്റവും വലിയ ന്യൂനപക്ഷ വിഭാഗവും ഇവര്‍തന്നെയാണ്. നിയമസഭാ തെരഞ്ഞെടുപ്പില്‍ ഈ വോട്ടുകള്‍ മുഴുവനായും കോണ്‍ഗ്രസിന് അനുകൂലമായി ലഭിച്ചിരുന്നെങ്കില്‍ ചിലപ്പോള്‍ രണ്ടുപതിറ്റാണ്ടായി തുടരുന്ന അധികാരം നിലനിര്‍ത്താന്‍ ബി.ജെ.പി കഴിയില്ലായിരുന്നു. സ്വതന്ത്രരെ കൂടാതെ ബി.എസ്.പി തുടങ്ങിയ രാഷ്ട്രീയ പാര്‍ട്ടികളാണ് മുസ്‌ലിം സ്ഥാനാര്‍ത്ഥികളെ മത്സരംഗത്ത് ഇറക്കിയത്.

എ.എ.പി ടിക്കറ്റില്‍ മത്സരിച്ച സ്ഥാനാര്‍ത്ഥികളില്‍ ഏറ്റവും കൂടുതല്‍ വോട്ട് നേടിയത് ചോട്ട ഉദയ്‌പോര്‍ മണ്ഡലത്തില്‍ മത്സരിച്ച അര്‍ജുന്‍ഭായ് വെര്‍സിങ്ഭായ് റത്‌വയ്ക്കാണ് .4551 വോട്ടുകളാണ് റത്‌വയ്ക്ക് ലഭിച്ചത്. മണ്ഡലത്തില്‍ കോണ്‍ഗ്രസ് സ്ഥാനാര്‍ത്ഥി മോഹന്‍സിന് ചോട്ടുഭായ് 46.04 ശതമാനം വോട്ടുമായി ജയിച്ചപ്പോള്‍ എ.എ.പി സ്ഥാനാര്‍ത്ഥിക്ക് 2.79 ശതമാനമാണ്. ഇവിടെയും നോട്ടയാണ് മൂന്നാം സ്ഥാനത്ത്.

അങ്കലേഷ്‌വാര്‍ മണ്ഡലത്തിലാണ് ഏറ്റവും കുറവ് വോട്ട് നേടിയ എ.എ.പി സ്ഥാനാര്‍ത്ഥിയുള്ളത്. 243 വോട്ടുകളാണ് ഇവിടെ നേടിയത്. ഒട്ടുമിക്ക മണ്ഡലങ്ങളിലും നോട്ടയ്ക്ക് ലഭിച്ച വോട്ടിനെക്കാളും കുറവാണ് ആംആദ്മി പാര്‍ട്ടി നേടിയിരിക്കുന്നതെന്ന് കണക്കുകള്‍ വ്യക്തമാക്കുന്നു. പലയിടത്തും പാര്‍ട്ടിക്ക് കെട്ടിവെച്ച കാശുപോലും നഷ്ടമായി.

തെരഞ്ഞെടുപ്പ് ഫലത്തില്‍ പ്രതികരിച്ച പാര്‍ട്ടി, ഗുജറാത്ത് തിരഞ്ഞെടുപ്പില്‍ നേരിട്ട തിരിച്ചടിയില്‍ കടുത്ത നിരാശ അറിയിച്ചു. തെരഞ്ഞെടുപ്പില്‍ എ.എ.പി നേടിയ വോട്ടുകളുടെ എണ്ണം പാര്‍ട്ടിയെ നിരാശപ്പെടുത്തുന്നതാണ്. പ്രചാരണത്തിലുണ്ടായ കുറവും പോരായ്മയുമാണ് പരാജയത്തിനു പിന്നിലെന്ന് പാര്‍ട്ടി വക്താക്കള്‍ പറഞ്ഞു.

മാസങ്ങള്‍ക്കു മുമ്പ് ഗുജറാത്ത് തിരഞ്ഞെടുപ്പില്‍ മത്സരിക്കാന്‍ ഉദ്ദേശിക്കുന്നില്ലെന്നും ഡല്‍ഹി ഭരണത്തില്‍ തന്നെ ശ്രദ്ധ കേന്ദ്രീകരിക്കാനാണ് താത്പര്യപ്പെടുന്നതെന്നും എ.എ.പി നേതാക്കള്‍ പറഞ്ഞിരുന്നു.എന്നാല്‍ പാര്‍ട്ടിക്കുള്ളില്‍ നടന്ന തുടര്‍ച്ചയായ ചര്‍ച്ചകള്‍ക്കുശേഷമാണ് തീരുമാനം മാറ്റി തെരഞ്ഞെടുപ്പില്‍ മത്സരിച്ചത്.

ന്യൂഡല്‍ഹി: ഗുജറാത്ത്, ഹിമാചല്‍ പ്രദേശ് സംസ്ഥാനങ്ങളിലെ ബി.ജെ.പി വിജയത്തില്‍ സന്തോഷം പങ്കിട്ട് പ്രധാനമന്ത്രി നരേന്ദ്രമോദി. പാര്‍ലമെന്റിലേക്ക് കയറും മുന്‍പ് മാധ്യമങ്ങളെ നോക്കി വിജയചിഹ്നം കാട്ടിയായിരുന്നു മോദി സന്തോഷം പങ്കിട്ടത്. അതേസമയം പ്രധാനമന്ത്രി മാധ്യമങ്ങളോട് സംസാരിച്ചില്ല

PM Modi flashes victory sign as BJP takes unassailable lead in #GujaratVerdict, #HimachalPradeshElections

Read @ANI story | https://t.co/Xduu9Dr1mK pic.twitter.com/c4Ey7YDoWQ

— ANI Digital (@ani_digital) December 18, 2017

ഗുജറാത്തിലും ഹിമാചലിലും ബി.ജെ.പി വിജയിക്കുമെന്നും കൃത്യമായ ഭൂരിപക്ഷത്തോടെ സര്‍ക്കാര്‍ രൂപീകരിക്കുമെന്നും ആഭ്യന്തരമന്ത്രി രാജ്‌നാഥ് സിങ് മാധ്യമങ്ങളോട് പ്രതികരിച്ചു.

ഗുജറാത്ത്, ഹിമാചല്‍ സംസ്ഥാനങ്ങളിലെ അന്തിമ ഫലം പുറത്തുവരും മുമ്പെ ബി.ജെ.പി പാര്‍ട്ടി ആസ്ഥാനത്ത് ആഘോഷം ആരംഭിച്ചിട്ടുണ്ട്. ബി.ജെ.പി ഓഫീസിന് മുന്നില്‍ പടക്കംപൊട്ടിച്ചും ലഡുവിതരണം ചെയ്തുമാണ് പ്രവര്‍ത്തകര്‍ വിജയം ആഘോഷിക്കുന്നത്.

ഗുജറാത്തില്‍ മുഖ്യമന്ത്രി വിജയ് രൂപാണിക്ക് ജയവും പ്രവര്‍ത്തകര്‍ ആഘോഷിക്കുകയാണ്. രാജ്‌കോട്ട് വെസ്റ്റിലാണ് രൂപാണി മത്സരിച്ചത്. തുടക്കത്തില്‍ കോണ്‍ഗ്രസിന്റെ ഇന്ദ്രാനില്‍ രാജ്ഗുരുവിന്റെ പിന്നിലായിരുന്നു രൂപാണി.

നിലവില്‍ ബി.ജെ.പി 103, കോണ്‍ഗ്രസ് 77, മറ്റുള്ളവര്‍ 2 എന്നിങ്ങനെയാണ് ലീഡ് നില.

കോണ്‍ഗ്രസ് പിന്തുണയോടെ വദ്ഗാമില്‍ മണ്ഡലത്തില്‍ മത്സരിച്ച ദളിത് നേതാവ് യുവനേതാവ് ജിഗ്‌നേഷ് മേവാനിക്ക് വിജയം. പതിനായിരത്തിലധികം വോട്ടുകള്‍ക്കാണ് മേവാനിയുടെ ജയം.

Dalit leader, Jignesh Mevani wins from Vadgam constituency @jigneshmevani80 https://t.co/y8lH0vbFcw

— Alex M. Thomas (@alexmthomas) December 18, 2017

ഗുജറാത്തില്‍ വോട്ടെണ്ണല്‍ രണ്ടു മണിക്കൂര്‍ പിന്നിടുമ്പോള്‍ 103 സീറ്റുകളുമായി ബി.ജെ.പി മുന്നേറുന്നു. 75 സീറ്റില്‍ കോണ്‍ഗ്രസും നാലു സീറ്റുകളില്‍ മറ്റുള്ളവരുമാണ് മുന്നേറുന്നത്.

22 വര്‍ഷമായി അധികാരത്തിലുള്ള ബി.ജെ.പി അധികാരം നിലനിര്‍ത്തുന്ന തരത്തലുള്ള സൂചനകളാണ് ഇപ്പോള്‍ പുറത്തുവരുന്നത്.

അതേസമയം രാജ്‌കോട്ടില്‍ പിന്നിലായിരുന്ന പ്രമുഖ ബി.ജെ.പി നേതാവ് വിജയ് രൂപാണി അവസാനം ജയിച്ചു കയറി.

33 ജില്ലകളിലായി 37 കേന്ദ്രങ്ങളിലാണ് വോട്ടെണ്ണല്‍. ഗുജറാത്തില്‍ രണ്ടുഘട്ടങ്ങളിലായി 182 മണ്ഡലങ്ങലിലേക്കാണ് തിരഞ്ഞെടുപ്പ് നടന്നത്. ഭൂരിപക്ഷത്തിന് 92 സീറ്റുകളാണ് വേണ്ടത്.

ഗുജറാത്തില്‍ ബി.ജെ.പി അധികാരം നിലനിര്‍ത്തുന്ന എക്‌സിറ്റ്‌പോള്‍ ഫലങ്ങള്‍ പ്രവചിരുന്നു

അഹമ്മദാബാദ്: ഗുജറാത്തില്‍ വോട്ടെണ്ണല്‍ രണ്ടു മണിക്കൂര്‍ പിന്നിടുമ്പോള്‍ 103 സീറ്റുകളുമായി ബി.ജെ.പി മുന്നേറുന്നു. 75 സീറ്റില്‍ കോണ്‍ഗ്രസും നാലു സീറ്റുകളില്‍ മറ്റുള്ളവരുമാണ് മുന്നേറുന്നത്.

22 വര്‍ഷമായി അധികാരത്തിലുള്ള ബി.ജെ.പി അധികാരം നിലനിര്‍ത്തുന്ന തരത്തലുള്ള സൂചനകളാണ് ഇപ്പോള്‍ പുറത്തുവരുന്നത്.

അതേസമയം രാജ്‌കോട്ടില്‍ പിന്നിലായിരുന്ന പ്രമുഖ ബി.ജെ.പി നേതാവ് വിജയ് രൂപാണി ഇപ്പോള്‍ മുന്നിലാണ്. ദളിത് നേതാവ് ജിഗ്‌നേഷ് മേവാനി ഏഴായിരത്തിലധികം വോട്ടിന് അദ്ദേഹത്തിന്റെ മണ്ഡലത്തില്‍ മുന്നിട്ടു നില്‍ക്കുന്നു.

33 ജില്ലകളിലായി 37 കേന്ദ്രങ്ങളിലാണ് വോട്ടെണ്ണല്‍. ഗുജറാത്തില്‍ രണ്ടുഘട്ടങ്ങളിലായി 182 മണ്ഡലങ്ങലിലേക്കാണ് തിരഞ്ഞെടുപ്പ് നടന്നത്. ഭൂരിപക്ഷത്തിന് 92 സീറ്റുകളാണ് വേണ്ടത്.

ഗുജറാത്തില്‍ ബി.ജെ.പി അധികാരം നിലനിര്‍ത്തുന്ന എക്‌സിറ്റ്‌പോള്‍ ഫലങ്ങള്‍ പ്രവചിരുന്നു.

https://t.co/TlSyDIxF1d

— Twitter India (@TwitterIndia) December 8, 2017

അഹമ്മദാബാദ്: ഗുജറാത്തില്‍ ബി.ജെ.പിക്കെതിരെ ശക്തമായ പ്രകടനം പുറത്തെടുത്ത് കോണ്‍ഗ്രസ് മുന്നിട്ടു നില്‍ക്കുന്നു. ഒടുവില്‍ വിവരം ലഭിക്കുമ്പോള്‍ 88 സീറ്റില്‍ ലീഡുമായി കോണ്‍ഗ്രസ് മുന്നിട്ടു നില്‍ക്കുന്നു. അതേസമയം. ഒരു അവസരത്തില്‍ ലീഡില്‍ നൂറിലധികം സീറ്റുമായി കേവല ഭൂരിപക്ഷവുമായി മുന്നേറിയ ബി.ജെ.പിയെ 82 സീറ്റുകളില്‍ മാത്രം മുന്നിട്ടു നില്‍ക്കുന്നത്.

രാജ്യം വീക്ഷിക്കുന്ന ഗുജറാത്ത് നിയമസഭാ തെരഞ്ഞെടുപ്പുകളുടെ വോട്ടെണ്ണല്‍ പുരോഗമിക്കുന്നു. ഏറ്റവും ഒടുവില്‍ വിവരം കിട്ടുമ്പോള്‍ 96 സീറ്റുകളില്‍ മുന്നേറ്റം നടത്തിയ ബി.ജെ.പി ലീഡ് നിലയില്‍ കേവല ഭൂരിപക്ഷം നേടുന്ന റിപ്പോര്‍ട്ടുകളാണ് പുറത്തുവരുന്നത്. ആദ്യ സുചനകള്‍ പുറത്തു വരുമ്പോള്‍ ഇരു സംസ്ഥാനങ്ങളിലും ബി.ജെ.പി മുന്നിട്ടു നില്‍ക്കുന്നു. ഒടുവില്‍ വിവരം കി്ട്ടുമ്പോള്‍ ഗുജറാത്തില്‍ 20 സീറ്റുകളില്‍ 16 സീറ്റില്‍ ബി.ജെ.പിയും നാലു സിറ്റുകളില്‍ കോണ്‍ഗ്രസും ലീഡിലാണ്. അതേസമയം ഹിമാചലില്‍ രണ്ടു സീറ്റില്‍ ബി.ജെ.പിയും ഒരു സീറ്റില്‍ കോണ്‍ഗ്രസും മുന്നിട്ടു നില്‍ക്കുന്നു.രാവിലെ എട്ടോടെയാണ് വോട്ടെണ്ണല്‍ ആരംഭിച്ചത്.ആദ്യ രണ്ടു മണിക്കൂറിനുള്ളില്‍ തന്നെ ജനവിധി വ്യക്തമാവുമെന്നാണ് അറിയുന്നത്. 2007 നു ശേഷം കോണ്‍ഗ്രസ് ശക്തമായ പോരാട്ടമാണ് ഇത്തവണ ഗുജറാത്തില്‍ കാഴ്ചവെച്ചിരുന്നത്.

അട്ടിമറിജയം പ്രതീക്ഷിച്ച് കോണ്‍ഗ്രസ് കേന്ദ്രങ്ങള്‍ ഫലപ്രഖ്യാപനത്തെ വീക്ഷിക്കുമ്പോള്‍ എക്‌സിറ്റ്‌പോള്‍ പ്രവചനങ്ങളുടെ ആത്മവിശ്വാസത്തിലാണ് ബി.ജെ.പി. 182 മണ്ഡലങ്ങളുള്ള ഗുജറാത്തില്‍ ഭൂരിപക്ഷത്തിന് 92 സീറ്റുകളാണ് വേണ്ടത്.

68 സീറ്റുകളുള്ള ഹിമാചല്‍ നിയമസഭയില്‍ മുപ്പത്തിയഞ്ചോ അതിലധികമോ സീറ്റ് നേടുന്നവര്‍ക്ക് ഭരണം ഉറപ്പിക്കാം. നരേന്ദ്ര മോദിയും രാഹുല്‍ ഗാന്ധിയുമാണ് ഇരു മുന്നണികള്‍ക്കമായി ഗുജറാത്തില്‍ തെരഞ്ഞെടുപ്പ് നയിച്ചിരുന്നത്. ഗുജറാത്തില്‍ ഭരണം നിലനിര്‍ത്താനാവുമെന്ന് പ്രതീക്ഷിക്കുന്ന ബി.ജെ.പി. ഹിമാചലില്‍ കോണ്‍ഗ്രസില്‍നിന്ന് ഭരണം പിടിച്ചെടുക്കുമെന്നും അവകാശപ്പെടുന്നു.

2012 ലെ സീറ്റു നിലയനുസരിച്ച് ഗുജറാത്തില്‍ ബി.ജെ.പിയ്ക്ക് 115 സീറ്റുകളാണുള്ളത്. കോണ്‍ഗ്രസിനു 61 ഉം ജി.ജി.പിയ്ക്ക് 1 ഉം എന്‍.സി.പി, ജെ.ഡി.യു, എന്നിവര്‍ക്ക ഓരോ സീറ്റും ഒരു സ്വതന്ത്രനുമാണ് നിയമസഭയില്‍. എന്നാല്‍ ഉപതിരഞ്ഞെടുപ്പുകളും കൂറുമാറ്റങ്ങളും മൂലം അവസാനഘട്ടത്തില്‍ കോണ്‍ഗ്രസിന്റെ അംഗബലം 43 ആയി ചുരുങ്ങിയിരുന്നു.

2012 ല്‍ ഹിമാചലിലെ 68 സീറ്റില്‍ 36 എണ്ണം കോണ്‍ഗ്രസിനൊപ്പമായിരുന്നു. ബി.ജെ.പിയ്ക്ക് 26 ഉം ഹിമാചല്‍ ലോക്ഹിത് പാര്‍ട്ടിയ്ക്ക 1 ഉം 5 സ്വതന്ത്രരുമാണ് നിയമസഭയില്‍. നവംബര്‍ ഒന്‍പതിന് ഒറ്റഘട്ടമായാണ് ഹിമാചലില്‍ തെരഞ്ഞെടുപ്പ് നടന്നിരുന്നത്. 50,25,941 വോട്ടര്‍മാരുള്ള സംസ്ഥാനത്ത് 74 ശതമാനം പേര്‍ വോട്ട് രേഖപ്പെടുത്തി. 2012ലെ തിരഞ്ഞെടുപ്പിനെക്കാള്‍ 0.5 ശതമാനം കൂടുതലായിരുന്നു ഇത്.

അഹമ്മദാബാദ്: രാജ്യം വീക്ഷിക്കുന്ന ഗുജറാത്ത് നിയമസഭാ തെരഞ്ഞെടുപ്പുകളുടെ വോട്ടെണ്ണല്‍ പുരോഗമിക്കുന്നു. ഏറ്റവും ഒടുവില്‍ വിവരം കിട്ടുമ്പോള്‍ 96 സീറ്റുകളില്‍ മുന്നേറ്റം നടത്തിയ ബി.ജെ.പി ലീഡ് നിലയില്‍ കേവല ഭൂരിപക്ഷം നേടുന്ന റിപ്പോര്‍ട്ടുകളാണ് പുറത്തുവരുന്നത്. ആദ്യ സുചനകള്‍ പുറത്തു വരുമ്പോള്‍ ഇരു സംസ്ഥാനങ്ങളിലും ബി.ജെ.പി മുന്നിട്ടു നില്‍ക്കുന്നു. ഒടുവില്‍ വിവരം കി്ട്ടുമ്പോള്‍ ഗുജറാത്തില്‍ 20 സീറ്റുകളില്‍ 16 സീറ്റില്‍ ബി.ജെ.പിയും നാലു സിറ്റുകളില്‍ കോണ്‍ഗ്രസും ലീഡിലാണ്. അതേസമയം ഹിമാചലില്‍ രണ്ടു സീറ്റില്‍ ബി.ജെ.പിയും ഒരു സീറ്റില്‍ കോണ്‍ഗ്രസും മുന്നിട്ടു നില്‍ക്കുന്നു.രാവിലെ എട്ടോടെയാണ് വോട്ടെണ്ണല്‍ ആരംഭിച്ചത്.ആദ്യ രണ്ടു മണിക്കൂറിനുള്ളില്‍ തന്നെ ജനവിധി വ്യക്തമാവുമെന്നാണ് അറിയുന്നത്. 2007 നു ശേഷം കോണ്‍ഗ്രസ് ശക്തമായ പോരാട്ടമാണ് ഇത്തവണ ഗുജറാത്തില്‍ കാഴ്ചവെച്ചിരുന്നത്.

അട്ടിമറിജയം പ്രതീക്ഷിച്ച് കോണ്‍ഗ്രസ് കേന്ദ്രങ്ങള്‍ ഫലപ്രഖ്യാപനത്തെ വീക്ഷിക്കുമ്പോള്‍ എക്‌സിറ്റ്‌പോള്‍ പ്രവചനങ്ങളുടെ ആത്മവിശ്വാസത്തിലാണ് ബി.ജെ.പി. 182 മണ്ഡലങ്ങളുള്ള ഗുജറാത്തില്‍ ഭൂരിപക്ഷത്തിന് 92 സീറ്റുകളാണ് വേണ്ടത്.

68 സീറ്റുകളുള്ള ഹിമാചല്‍ നിയമസഭയില്‍ മുപ്പത്തിയഞ്ചോ അതിലധികമോ സീറ്റ് നേടുന്നവര്‍ക്ക് ഭരണം ഉറപ്പിക്കാം. നരേന്ദ്ര മോദിയും രാഹുല്‍ ഗാന്ധിയുമാണ് ഇരു മുന്നണികള്‍ക്കമായി ഗുജറാത്തില്‍ തെരഞ്ഞെടുപ്പ് നയിച്ചിരുന്നത്. ഗുജറാത്തില്‍ ഭരണം നിലനിര്‍ത്താനാവുമെന്ന് പ്രതീക്ഷിക്കുന്ന ബി.ജെ.പി. ഹിമാചലില്‍ കോണ്‍ഗ്രസില്‍നിന്ന് ഭരണം പിടിച്ചെടുക്കുമെന്നും അവകാശപ്പെടുന്നു.

2012 ലെ സീറ്റു നിലയനുസരിച്ച് ഗുജറാത്തില്‍ ബി.ജെ.പിയ്ക്ക് 115 സീറ്റുകളാണുള്ളത്. കോണ്‍ഗ്രസിനു 61 ഉം ജി.ജി.പിയ്ക്ക് 1 ഉം എന്‍.സി.പി, ജെ.ഡി.യു, എന്നിവര്‍ക്ക ഓരോ സീറ്റും ഒരു സ്വതന്ത്രനുമാണ് നിയമസഭയില്‍. എന്നാല്‍ ഉപതിരഞ്ഞെടുപ്പുകളും കൂറുമാറ്റങ്ങളും മൂലം അവസാനഘട്ടത്തില്‍ കോണ്‍ഗ്രസിന്റെ അംഗബലം 43 ആയി ചുരുങ്ങിയിരുന്നു.

2012 ല്‍ ഹിമാചലിലെ 68 സീറ്റില്‍ 36 എണ്ണം കോണ്‍ഗ്രസിനൊപ്പമായിരുന്നു. ബി.ജെ.പിയ്ക്ക് 26 ഉം ഹിമാചല്‍ ലോക്ഹിത് പാര്‍ട്ടിയ്ക്ക 1 ഉം 5 സ്വതന്ത്രരുമാണ് നിയമസഭയില്‍. നവംബര്‍ ഒന്‍പതിന് ഒറ്റഘട്ടമായാണ് ഹിമാചലില്‍ തെരഞ്ഞെടുപ്പ് നടന്നിരുന്നത്. 50,25,941 വോട്ടര്‍മാരുള്ള സംസ്ഥാനത്ത് 74 ശതമാനം പേര്‍ വോട്ട് രേഖപ്പെടുത്തി. 2012ലെ തിരഞ്ഞെടുപ്പിനെക്കാള്‍ 0.5 ശതമാനം കൂടുതലായിരുന്നു ഇത്.

അഹമ്മദാബാദ്: ഗുജറാത്തില്‍ വോട്ടിങ് യന്ത്രങ്ങളെച്ചൊല്ലി വിവാദം മുറുമുറുക്കുന്നതിനിടെ ഏഴു ബൂത്തുകളില്‍ ഇന്നു റീ പോളിങ്. സംസ്ഥാനത്ത് നിയമസഭാ തെരഞ്ഞെടുപ്പു ഫലം നാളെ വരാനിരിക്കെ രണ്ടാം ഘട്ടത്തിലെ ഏഴു ബൂത്തുകളില്‍ ഇന്നു റീപോളിങ് നടക്കും. റീപോളിങിനു കാരണം കമ്മീഷന്‍ ഇതുവരെ വ്യക്തമാക്കിയിട്ടില്ല. അതേസമയം സാങ്കേതിക കാരണങ്ങളാലാണെന്നാണു വിലയിരുത്തല്‍. ദലിത് നേതാവ് ജിഗ്നേഷ് മെവാനി മത്സരിക്കുന്ന വഡ്ഗാമിലെ ചില ബൂത്തുകളിലടക്കമാണു റീപോളിങ്.

വിസ്‌നഗര്‍, ബെച്ചറാജി, മൊദാസ, വെജല്‍പൂര്‍, വത്വ,സജമാല്‍പൂര്‍-ഖാദിയ, സാല്‍വി, സന്‍ഖേദ തുടങ്ങി പത്ത് പോളിങ് സ്റ്റേഷനുകളിലെ വിവിപാറ്റ് രസീതുകള്‍ എണ്ണാനും കമ്മീഷന്‍ തീരുമാനിച്ചിട്ടുണ്ട്. മോക്ക് പോളിങ് സമയത്ത് രേഖപ്പെടുത്തിയ വോട്ടുകള്‍ പ്രിസൈഡിങ്് ഓഫീസര്‍മാര്‍ നീക്കം ചെയ്യാതിരുന്നതാണ് ഇതിന് കാരണം.

നേരത്തെ ഗുജറാത്തില്‍ വോട്ടെണ്ണലിനൊപ്പം വിവിപ്പാറ്റ് എണ്ണണമെന്ന ആവിശ്യവുമായി കോണ്‍ഗ്രസ് പാര്‍ട്ടി സുപ്രീം കോടതിയെ സമീപിച്ചിരുന്നു. എന്നാല്‍ കോടതി തെരഞ്ഞെടുപ്പ് കമ്മീഷന്റെ അധികാരത്തില്‍ കൈക്കടത്താനാവില്ലെന്ന് പറഞ്ഞ് ഹര്‍ജി കോടതി തള്ളുകയായിരുന്നു.

ഹിമാചല്‍പ്രദേശിലും നാളെയാണ് വോട്ടെണ്ണല്‍. ഇരുസംസഥാനങ്ങളിലും ബി.ജെ.പി അധികാരത്തില്‍ വരുമെന്നാണ് എക്സിറ്റ് പോള്‍ ഫലങ്ങള്‍ പ്രവചിരിരുന്നു. വോട്ടിങ് യന്ത്രങ്ങളുടെ വിശ്വാസ്യതയെ ചോദ്യം ചെയ്തു ഹാര്‍ദിക് പട്ടേലും അല്‍പേശ് ഠാക്കൂറും രംഗത്തെത്തി. ഡിസംബര്‍ ഒമ്പത്, പതിനാല് എന്നീ ദിവസങ്ങളിലായിട്ടായിരുന്നു ഗുജറാത്തിലെ വോട്ടിങ്് നടന്നത്.

വോട്ടിനൊപ്പം 20 ശതമാനം വിവിപ്പാറ്റും എണ്ണണമെന്ന് ആവിശ്യപ്പെട്ടാണ് കോണ്‍ഗ്രസ് കോടതിയെ സമീപിച്ചത്. 10 ശതമാനമെങ്കിലും എണ്ണണമെന്ന ആവിശ്യവും കോടതി പരിഗണിച്ചില്ല.

കഴിഞ്ഞ ഗുജറാത്ത് നിയമസഭാ തരഞ്ഞെടുപ്പില്‍ വിവിപ്പാറ്റ് സംവിധാനം ഉപയോഗിച്ചിരുന്നു. വോട്ട് രേഖപ്പെടുത്തിയ വോട്ടര്‍മാര്‍ക്ക് താങ്ങള്‍ ആര്‍ക്കാണ് വോട്ട് രേഖപ്പെടുത്തിയതെന്ന് തിരിച്ചറിയാനുള്ള സംവിധാനമാണ് വിവിപ്പാറ്റ് (വോട്ടോഴ്‌സ് വെരിഫയബിള്‍ പേപ്പര്‍ ഓഡിറ്റ്).

കോണ്‍ഗ്രസിനുവേണ്ടി ഗുജറാത്ത് പിസിസി സെക്രട്ടറി മുഹമ്മദ് ആരിഫ് രാജ്പുതാണ് സുപ്രിം കോടതിയില്‍ ഹര്‍ജി സമര്‍പ്പിച്ചത്. കൂടാതെ ഹര്‍ജിയില്‍ ഇന്നുതന്നെ ഇടക്കാല ഉത്തരവ് പുറപ്പെടുവിക്കണമെന്നും ആവിശ്യപ്പെട്ടിടുണ്ടിരുന്നു. അതേസമയം ഹര്‍ജി പരിഗണിക്കുമെന്ന് ചീഫ് ജസ്റ്റിസ് ദീപക് മിശ്ര അറിയിച്ചിരുന്നു.തിങ്കളാഴ്ചയാണ് ഗുജറാത്തിലേയും ഹിമാചല്‍ പ്രദേശിലേയും വോട്ടെണ്ണല്‍.