Congratulations to Shri @Bhupendrapbjp ji on being elected as the Gujarat BJP Legislature Party Leader. He has risen from the grassroots to become the Chief Minister of Gujarat.

I am confident that he will work towards taking Gujarat to greater glory in his second innings. pic.twitter.com/UA03SSaAVV

— Rajnath Singh (@rajnathsingh) December 10, 2022

തിങ്കളാഴ്ച രാവിലെ 11ന് മുഖ്യമന്ത്രി സത്യപ്രതിജ്ഞ ചെയ്ത് അധികാരമേറും. 20 മന്ത്രിമാരും മുഖ്യമന്ത്രിയോടൊപ്പം സത്യപ്രതിജ്ഞ ചെയ്യും. കേന്ദ്രമന്ത്രി രാജനാഥ് സിംഗും യോഗത്തില്‍ പങ്കെടുത്തിരുന്നു.

159 സീറ്റ് നേടിയാണ് ഏഴാം തവണയും ഗുജറാത്തില്‍ ബിജെപി അധികാരത്തിലേറിയത്. കോണ്‍ഗ്രസിനെ കേവലം 15 സീറ്റ് മാത്രമാണ് നേടാന്‍ ആയത്. ആം ആദ്മി പാര്‍ട്ടിയും തങ്ങളെക്കൊണ്ടാവുന്ന മുന്നേറ്റം നടത്തി.

അതേസമയം ബിജെപിയെ തോല്‍പ്പിച്ച് ഹിമാചല്‍ പ്രദേശില്‍ കോണ്‍ഗ്രസ് ഗംഭീര തിരിച്ചുവരവ് നടത്തി. 68 സീറ്റുകള്‍ ഉള്ള സംസ്ഥാനത്ത് 39 സീറ്റ് കോണ്‍ഗ്രസ് നേടി. വെറും 26 സീറ്റ് നേടാനെ ബിജെപിക്ക് കഴിഞ്ഞുള്ളൂ.

182 സീറ്റുള്ള ഗുജറാത്തില്‍ 150 ഓളം സീറ്റ് ബിജെപി മുന്നറിക്കൊണ്ടിരിക്കുന്നു.19 സീറ്റില്‍ കോണ്‍ഗ്രസും ഏഴിടത്ത് ആം ആദ്മി പാര്‍ട്ടിയും നാലിടത്ത് മറ്റുള്ളവരും മുന്നേറുന്നു.

എന്നാല്‍ 68 സീറ്റുള്ള ഹിമാചല്‍ പ്രദേശില്‍ ഫോട്ടോ ഫിനിഷിലേക്കാണ് കാര്യങ്ങള്‍ പോകുന്നത്. നിലവില്‍ 38 സീറ്റുകളില്‍ കോണ്‍ഗ്രസ് മുന്നേറുമ്പോള്‍ 27 ഇടത്ത് ബിജെപി മുന്നേറുന്നു. എന്നാല്‍ ഇതുവരെയുള്ള കണക്ക് പ്രകാരം ആം ആദ്മി പാര്‍ട്ടിക്ക് നിലവില്‍ അക്കൗണ്ട് തുറക്കാന്‍ ആയിട്ടില്ല.

92 സീറ്റാണ് കേവല ഭൂരിപക്ഷത്തിന് വേണ്ടത്. വോട്ടെണ്ണല്‍ തുടങ്ങി ആദ്യ മണിക്കൂറില്‍ തന്നെ ബിജെപി കുതിപ്പ് തുടര്‍ന്നിരുന്നു. ഗുജറാത്തില്‍ ബിജെപി തുടര്‍ന്ന് ഭരണം ഉണ്ടാകുമെന്ന് എക്‌സിറ്റ്‌പോള്‍ ഫലം ശരി വെക്കുന്നതാണ് ഇപ്പോള്‍ കാണാനാവുന്നത്. 2017ലെ നിയമസഭാ തിരഞ്ഞെടുപ്പില്‍ ബിജെപി 99 സീറ്റും കോണ്‍ഗ്രസ് 77 സീറ്റുമാണ് നേടിയത്.

ഡിസംബര്‍ ഒന്നു മുതല്‍ അഞ്ചുവരെ രണ്ട് ഘട്ടങ്ങളിലായിരുന്നു ഗുജറാത്തില്‍ ഇലക്ഷന്‍ നടന്നത്.

പ്രധാനമന്ത്രി നരേന്ദ്ര മോദിയുടെ നാട്ടില്‍ ബിജെപി തുടര്‍ച്ചയായി ഏഴാം തവണയും വിജയിക്കുമെന്ന് എക്സിറ്റ് പോള്‍ ഫലങ്ങള്‍ പ്രവചിക്കുന്നു. ആം ആദ്മി പാര്‍ട്ടി ശക്തമായ പ്രചാരണം നടത്തിയെങ്കിലും 10 സീറ്റില്‍ താഴെ മാത്രമേ വിജയിക്കൂവെന്ന് സര്‍വേകള്‍ പറയുന്നു.ഡിസംബര്‍ 8 നാണ് വോട്ടെണ്ണല്‍.

ഗുജറാത്ത് എക്സിറ്റ് പോള്‍ ഫലങ്ങള്‍

ന്യൂസ് എക്‌സ്

ബിജെപി 117 – 140
കോണ്‍ 34 – 51
ആപ് 6 – 13
മറ്റ് 1 – 2

റിപ്പബ്ലിക്ക്

ബിജെപി 128 – 148
കോണ്‍ 30 – 42
ആപ് 2- 10
മറ്റ് 0 -3

ടിവി 9

ബിജെപി 125 – 130
കോണ്‍ 40- 50
ആപ് 3-5
മറ്റ് 3-7

ഹിമാചല്‍ പ്രദേശ് എക്സിറ്റ് പോള്‍ ഫലങ്ങള്‍

ഇന്ത്യ ടുഡേ ആക്‌സിസ് മൈ ഇന്ത്യ

ബിജെപി – 24 -34
കോണ്‍ഗ്രസ് – 30-40
ആം ആദ്മി – 0 – 0
മറ്റുള്ളവര്‍ – 4-8

ഇന്ത്യ ടിവി/മാട്രിസ്

ബിജെപി – 35-40
കോണ്‍ഗ്രസ് – 26-31
ആം ആദ്മി – 0
മറ്റുള്ളവര്‍ – 00

ന്യൂസ് എക്‌സ്/ജന്‍കീ ബാത്ത്

ബിജെപി – 32-40
കോണ്‍ഗ്രസ് – 27-34
ആം ആദ്മി – 0 – 0
മറ്റുള്ളവര്‍ – 02-01

ഇടിജി – ടിഎന്‍എന്‍

ബിജെപി – 38
കോണ്‍ഗ്രസ് – 28
ആം ആദ്മി – 0
മറ്റുള്ളവര്‍ – 02

റിപ്പബ്‌ളിക് ടിവി – പി മാര്‍ക്യൂ

ബിജെപി – 34-39
കോണ്‍ഗ്രസ് – 28-33
ആം ആദ്മി – 00 -01
മറ്റുള്ളവര്‍ – 00

ഭാരത് ജോഡോ യാത്രയില്‍നിന്ന് അവധിയെടുത്ത രാഹുല്‍ ഗാന്ധി, തിങ്കളാഴ്ചയാണ് സംസ്ഥാനത്ത് എത്തിയത്. സൂറത്തിലും രാജ്‌കോട്ടിലും നടന്ന റാലികളില്‍ അദ്ദേഹം പങ്കെടുത്തിരുന്നു. എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍, രാജസ്ഥാന്‍ മുഖ്യമന്ത്രി അശോക് ഗഹെ്‌ലോട്ട്, രമേശ് ചെന്നിത്തല എന്നിവരും രാഹുലിനൊപ്പമുണ്ടായിരുന്നു. നരേന്ദ്ര മോദി കഴിഞ്ഞ ദിവസം മൂന്ന് റാലികളിലാണ് പ്രസംഗിച്ചത്.

ഒ.ബി.സി. വിഭാഗങ്ങള്‍ക്ക് ഭൂരിപക്ഷമുള്ള സുരേന്ദ്രനഗര്‍, ആദിവാസി വിഭാഗങ്ങള്‍ക്ക് ഭൂരിപക്ഷമുള്ള നവ്‌സാരി, ബറൂച്ച് എന്നിവിടങ്ങളിലാണ് മോദി എത്തിയത്. കേന്ദ്ര ആഭ്യന്തരമന്ത്രി അമിത് ഷാ, ബി.ജെ.പി. ദേശീയ അധ്യക്ഷന്‍ ജെ.പി നദ്ദ, യു.പി മുഖ്യമന്ത്രി യോഗി ആദിത്യനാഥ് എന്നിവര്‍ പ്രചാരണത്തിലുണ്ട്. ഡിസംബര്‍ അഞ്ചിനാണ് രണ്ടാംഘട്ട വോട്ടെടുപ്പ്. ഫലപ്രഖ്യാപനം എട്ടിന് നടക്കും.

ഗുജറാത്ത് സര്‍ക്കാറിനെതിരെ കുറ്റപത്രം പുറത്തിറക്കിയ കോണ്‍ഗ്രസ് ഭരണവിരുദ്ധ വികാരം മുതലെടുക്കാമെന്ന കണക്കുകൂട്ടലിലാണ്. മോര്‍ബി അപകടം ഉള്‍പ്പടെ 22 കുറ്റങ്ങളാണ് പത്രികയില്‍ ബി.ജെ.പിക്കെതിരെ കോണ്‍ഗ്രസ് ആരോപിച്ചിരിക്കുന്നത്. ബി.ജെ.പി നേതൃത്വം നല്‍കുന്ന ഗുജറാത്ത് സര്‍ക്കാരിന്റെ നേട്ടങ്ങള്‍ എന്ന ആക്ഷേപഹാസ്യ തലക്കെട്ടോടെ ആണ് കുറ്റപത്രം പുറത്തിറക്കിയത്. മോര്‍ബി തൂക്കുപാലം അപകടവും, ബില്‍ക്കീസ് ബാനു കേസില്‍ കുറ്റവാളികളുടെ ജയില്‍ മോചനവും കോണ്‍ഗ്രസ് തുറന്നുകാട്ടുന്നു.

ഗുജറാത്ത് ജനത ബി.ജെ.പി ഭരണത്തില്‍ അടിച്ചമര്‍ത്തലും വിശപ്പും ഭയവും നേരിടുന്നവര്‍ ആയി മാറിയെന്നും കോണ്‍ഗ്രസ് കുറ്റപ്പെടുത്തി. പണപ്പെരുപ്പം ഉള്‍പ്പടെയുള്ള ദേശീയ രാഷ്ട്രീയ വിഷയങ്ങളും അവര്‍ ചര്‍ച്ചയാക്കുന്നു. ജനങ്ങളെ ബാധിക്കുന്ന പ്രധാന വിഷയങ്ങളില്‍ നിന്ന് ജനശ്രദ്ധ തിരിച്ചുവിടാന്‍ ബിജെപി ശ്രമിക്കുമ്പോള്‍ ആ വിഷയങ്ങള്‍ ചര്‍ച്ചയാക്കാന്‍ ആണ് കുറ്റപത്രം പുറത്തിറക്കിയതെന്ന് മുന്‍ കേന്ദ്രമന്ത്രിയും കോണ്‍ഗ്രസ് നേതാവുമായ ഭരത് സിംഗ് സോളങ്കി പറഞ്ഞു. ഒക്ടോബര്‍ 30ന്‌മോര്‍ബിയിലെ മച്ചു നദിയില്‍ തൂക്കുപാലം തകര്‍ന്ന് 135 പേരാണ് മരിച്ചത്. അഴിമതിയാണ് ദുരന്തത്തിലേക്ക് നയിച്ചതെന്ന് വ്യക്തമായിരുന്നു. 2017ല്‍ ബി.ജെ.പിയെ വിറപ്പിക്കാനായതും സൗരാഷ്ട്രയിലും കച്ചിലും മികച്ച പ്രകടനം കാഴ്ചവച്ചതുമാണ് കോണ്‍ഗ്രസിന്റെ പ്രതീക്ഷ. വടക്കന്‍ ഗുജറാത്തില്‍ പകുതി സീറ്റും അവര്‍ക്ക് നേടാനായി. 182 സീറ്റില്‍ ബിജെപി 99 സീറ്റാണ് അന്ന് നേടിയത്. കോണ്‍ഗ്രസ് 77 ഉം. ബിടിപി 2, എന്‍സിപി 1, സ്വതന്ത്രര്‍ 3 എന്നിങ്ങനെയായിരുന്നു മറ്റുള്ളവര്‍.

കോണ്‍ഗ്രസില്‍നിന്നും മറ്റും എംഎല്‍എമാര്‍ കൂറുമാറിയതോടെ നിലവില്‍ 111 പേരാണ് ബിജെപിക്കുള്ളത്. കോണ്‍ഗ്രസിന് 63 ഉം. കഴിഞ്ഞതവണ ചിത്രത്തിലില്ലാതിരുന്ന എഎപി 29 സീറ്റുകളിലാണ് മത്സരിച്ചത്. ഭൂരിപക്ഷം സീറ്റിലും കെട്ടിവച്ച കാശു പോയി. 25 ലേറെ സീറ്റുകളില്‍ നോട്ടയ്ക്കും പിന്നിലായി.

മുഖ്യ പ്രതിപക്ഷ കക്ഷിയായ കോണ്‍ഗ്രസിന് തിരിച്ചുവരവിനുള്ള എല്ലാ സാധ്യതകളും നിലവിലുണ്ട്. ഒപ്പം ആം ആദ്മി പാര്‍ട്ടി കൂടി കളത്തിലിറങ്ങിയതോടെ പ്രചാരണം സജീവമായി. പതിവ് ചേരുവകളില്‍ പിടിച്ചുനില്‍ക്കാനാവില്ലെന്ന തിരിച്ചറിവ് ബി.ജെ.പിക്കുണ്ട്. ഏറ്റവും ഒടുവിലായി 135 പേരുടെ മരണത്തിന് ഇടയാക്കിയ മോര്‍ബി തൂക്കുപാലം ദുരന്തവും പ്രചാരണ വിഷയമാവും. ചര്‍ച്ചയായേക്കാവുന്ന വിഷയങ്ങള്‍ ഇവയാണ്:

ബില്‍ക്കിസ് ബാനു കേസിലെ പ്രതികളുടെ ശിക്ഷാ ഇളവ്

സംഘപരിവാറിന്റെ ഹിന്ദുത്വ പരീക്ഷണ ശാലയായ ഗുജറാത്തില്‍ പ്രധാന പ്രചാരണ വിഷയങ്ങളിലൊന്നാണ് ബില്‍ക്കിസ് ബാനു കൂട്ട ബലാത്സംഗക്കേസിലെ പ്രതികളുടെ ശിക്ഷ ഇളവ് ചെയ്ത സംഭവം. ഭൂരിപക്ഷ-ന്യൂനപക്ഷ സമുദായങ്ങള്‍ ഇത് വ്യത്യസ്തമായ രീതിയിലാണ് സ്വീകരിച്ചിരിക്കുന്നത്.

ഭരണവിരുദ്ധ വികാരം

1998 മുതല്‍ കഴിഞ്ഞ 24 വര്‍ഷത്തെ ബിജെപി ഭരണത്തിന് കീഴില്‍ ഗുജറാത്തിലെ ജനങ്ങള്‍ക്കിടയില്‍ വലിയ രീതിയിലുള്ള അതൃപ്തി ഉടലെടുത്തു കഴിഞ്ഞുവെന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത്. വിലക്കയറ്റവും തൊഴിലില്ലായ്മയും ജനജീവിതവുമായി ബന്ധപ്പെട്ട അടിസ്ഥാന പ്രശ്‌നങ്ങളുമെല്ലാം ഇക്കാലയളവില്‍ പരിഹരിക്കപ്പെടാതെ കിടക്കുന്നുവെന്ന വിശ്വാസമാണ് ജനങ്ങള്‍ക്കിടയില്‍ ഇപ്പോഴുമുള്ളത്.

മോര്‍ബി പാലം ദുരന്തം

ഒക്ടോബര്‍ 30 ന് 135 പേരുടെ മരണത്തിനിടയാക്കിയ മോര്‍ബി പാലം തകര്‍ച്ചയാണ് സംസ്ഥാനത്തെ ഇപ്പോഴത്തെ ചര്‍ച്ചാ വിഷയം. സര്‍ക്കാരും വ്യവസായികളും തമ്മിലുള്ള അവിശുദ്ധ കൂട്ടുകെട്ടിന്റെ ഫലമാണ് ദുരന്തമെന്ന ആരോപണമാണ് പ്രതിപക്ഷ പാര്‍ട്ടികള്‍ ഉന്നയിക്കുന്നത്. ഇത് സര്‍ക്കാരിനെതിരെ അഴിമതിയാരോപണങ്ങള്‍ ഉയരുന്നതിനും കാരണമായി. നിയമസഭാ തെരഞ്ഞെടുപ്പില്‍ ഈ ദുരന്തം വോട്ടര്‍മാരെ സ്വാധീനിക്കും.

തൊഴിലില്ലായ്മ

തുടര്‍ച്ചയായി സംഭവിക്കുന്ന പരീക്ഷാ പേപ്പര്‍ ചോര്‍ച്ചയും സര്‍ക്കാര്‍ റിക്രൂട്ട്‌മെന്റ് പരീക്ഷകള്‍ മാറ്റിവച്ചതും യുവാക്കള്‍ക്കിടയില്‍ അതൃപ്തി വര്‍ധിച്ചു. ഇത് സര്‍ക്കാര്‍ ജോലി കാത്തിരിക്കുന്ന യുവാക്കളുടെ പ്രതീക്ഷകള്‍ തകര്‍ക്കുകയും വലിയ പ്രക്ഷോഭങ്ങള്‍ സംഘടിപ്പിക്കുന്നതിന് കാരണമാവുകയും ചെയ്തു.

വികസനമില്ലാത്ത ഗ്രാമപ്രദേശങ്ങള്‍

സംസ്ഥാനത്തിന്റെ ഉള്‍ഗ്രാമങ്ങളില്‍ വികസനം എങ്ങുമെത്തിയിട്ടില്ലെന്ന ആരോപണം ശക്തമാണ്. അടിസ്ഥാന വിദ്യാഭ്യാസ ആരോഗ്യ സംവിധാനങ്ങള്‍ മോശം നിലയിലാണ്. ആവശ്യത്തിന് ക്ലാസ് മുറികള്‍ നിര്‍മിച്ചാല്‍ അധ്യാപകരില്ലാത്തതും അധ്യാപകരെ നിയമിച്ചാല്‍ ക്ലാസ് മുറി ഇല്ലാത്തതുമായ അവസ്ഥയാണ് നിലനില്‍ക്കുന്നത്. പ്രാഥമിക ആരോഗ്യ കേന്ദ്രങ്ങളോ ആവശ്യത്തിന് ഡോക്ടര്‍മാരോ ഇല്ലാത്തതും ജനങ്ങളെ ദുരിതത്തിലാക്കുകയാണ്. മോര്‍ബി പാലം ദുരന്തത്തിന് പിന്നാലെ പ്രധാനമന്ത്രിയുടെ സന്ദര്‍ശനത്തിനായി ആശുപത്രി മോടി പിടിപ്പിച്ചതടക്കം ഈ ദുരവസ്ഥ പുറത്തെത്തിച്ചിട്ടുണ്ട്.

കര്‍ഷക രോഷം

കഴിഞ്ഞ രണ്ട് വര്‍ഷക്കാലമായി മഴക്കെടുതിയില്‍ വിളകള്‍ നശിച്ച കര്‍ഷകര്‍ക്ക് നഷ്ടപരിഹാരം ലഭിച്ചിട്ടില്ല. സര്‍ക്കാരിനെതിരെ പ്രതിഷേധവുമായി കര്‍ഷക സംഘടനകള്‍ രംഗത്ത് വന്നു. കര്‍ഷക രോഷം ഇത്തവണത്തെ തിരഞ്ഞെടുപ്പിനെ സ്വാധീനിക്കുമെന്ന കാര്യ ഉറപ്പാണ്.

നിലവാരമില്ലാത്ത റോഡുകള്‍

ഗുജറാത്ത് മോഡല്‍ വികസനമെന്ന ബിജെപിയുടെ അവകാശവാദത്തിലെ പ്രധാന ആകര്‍ഷണമായിരുന്നു മികച്ച റോഡുകള്‍. കഴിഞ്ഞ ആറു വര്‍ഷമായി നല്ല റോഡുകള്‍ നിര്‍മിക്കുന്നതിനോ പഴയ റോഡുകള്‍ പരിപാലിക്കുന്നതിനോ സര്‍ക്കാരിന് കഴിഞ്ഞിട്ടില്ല. കുണ്ടും കുഴിയും നിറഞ്ഞ റോഡുകളാണ് നിരത്തിലെവിടെയും.

വൈദ്യുതി നിരക്ക് വര്‍ധന

രാജ്യത്ത് ഏറ്റവും കൂടുതല്‍ വൈദ്യുതി നിരക്ക് ഈടാക്കുന്ന സംസ്ഥാനങ്ങളിലൊന്നാണ് ഗുജറാത്ത്. അതുകൊണ്ട് തന്നെ 300 യൂണിറ്റ് വൈദ്യുതി സൗജന്യമായി നല്‍കുമെന്ന ആംആദ്മി പാര്‍ട്ടിയുടെയും കോണ്‍ഗ്രസിന്റെയും വാഗ്ദാനങ്ങള്‍ ജനങ്ങള്‍ സന്തോഷത്തോടെ മുഖവിലയ്ക്ക് എടുക്കുന്നുണ്ട്. മഹാരാഷ്ട്രയിലും തെലങ്കാനയിലും യൂണിറ്റിന് നാലു രൂപ നിരക്കാണെങ്കില്‍ യൂണിറ്റിന് 7.50 രൂപയാണ് ഗുജറാത്തില്‍ നല്‍കേണ്ടത്.

ഭൂമി പിടിച്ചെടുക്കല്‍

വിവിധ സര്‍ക്കാര്‍ പദ്ധതികള്‍ക്കെന്ന പേരില്‍ വലിയ തോതില്‍ ഭൂമി പിടിച്ചെടുക്കുന്നത് കര്‍ഷകര്‍ക്കും ഭൂവുടകള്‍ക്കും ഇടയില്‍ അതൃപ്തി ഉണ്ടാക്കിയിട്ടുണ്ട്. അഹമ്മദാബാദ് ബുള്ളറ്റ് ട്രെയിന്‍ പദ്ധതികള്‍ക്ക് വേണ്ടി ഭൂമി ഏറ്റെടുക്കുന്നതിനെതിരെ കര്‍ഷകര്‍ രംഗത്ത് എത്തിയിരുന്നു.