21 ദിവസത്തെ ഫര്‍ലോ അനുവദിച്ച് മൂന്ന് മാസത്തിന് ശേഷമാണ് വീണ്ടും 40 ദിവസത്തെ പരോള്‍ അനുവദിക്കുന്നത്. 2017 മുതല്‍ ഇത് 14-ാം തവണയാണ് ഇയാള്‍ക്ക് പരോള്‍ ലഭിക്കുന്നത്.

ഇന്ന് രാവിലെയാണ് ഗുര്‍മീത് റാം റഹീം ഹരിയാനയിലെ സിര്‍സയിലുള്ള ദേരാ ആശ്രമത്തിലേക്ക് പോയതെന്ന് അധികൃതര്‍ അറിയിച്ചു.

2017ല്‍ തന്റെ രണ്ട് ശിഷ്യരെ ബലാത്സംഗം ചെയ്തതിന് ദേരാ സച്ചാ സൗദ തലവനെ 20 വര്‍ഷം തടവിന് ശിക്ഷിച്ചിരുന്നു. 2019ല്‍ മാധ്യമപ്രവര്‍ത്തകനായ രാം ചന്ദര്‍ ഛത്തര്‍പതിയെ കൊലപ്പെടുത്തിയ കേസില്‍ അദ്ദേഹവും മറ്റ് മൂന്ന് പേരും ശിക്ഷിക്കപ്പെട്ടു. 2002ല്‍ തന്റെ മാനേജര്‍ രഞ്ജിത് സിങ്ങിനെ കൊലപ്പെടുത്തിയ കേസില്‍ റാം റഹീമിന് ജീവപര്യന്തം തടവും വിധിച്ചിട്ടുണ്ട്. എന്നിരുന്നാലും, അദ്ദേഹവും മറ്റ് നാലുപേരും – അവതാര്‍ സിംഗ്, കൃഷന്‍ ലാല്‍, ജസ്ബീര്‍ സിംഗ്, സബ്ദില്‍ സിംഗ് എന്നിവരെ 2024 മെയ് മാസത്തില്‍ കുറ്റവിമുക്തരാക്കി.

ഏപ്രില്‍ 9 ന് റാം റഹീമിന് 21 ദിവസത്തെ അവധി ലഭിച്ചു. ഇതിന് മുമ്പ് ഈ വര്‍ഷം ജനുവരിയില്‍ 20 ദിവസത്തെ പരോള്‍ അനുവദിച്ചിരുന്നു.

മുന്‍കാലങ്ങളില്‍, ബലാത്സംഗക്കേസിലെ പ്രതിയുടെ ചില പരോളുകളും ഫര്‍ലോകളും പഞ്ചാബ്, ഹരിയാന, അയല്‍ സംസ്ഥാനങ്ങളിലെ തെരഞ്ഞെടുപ്പുമായി ഒത്തുവന്നിട്ടുണ്ട്. 2022-ല്‍, അദ്ദേഹം മൂന്ന് തവണ ജയിലില്‍ നിന്ന് പുറത്തിറങ്ങി – ആദ്യം ഫെബ്രുവരിയില്‍ 21 ദിവസത്തേക്ക് പഞ്ചാബ് നിയമസഭാ തെരഞ്ഞെടുപ്പിലും, ജൂണില്‍ ഹരിയാനയില്‍ സിവില്‍ ബോഡി തിരഞ്ഞെടുപ്പ് നടന്ന ഒരു മാസവും, തുടര്‍ന്ന് ഒക്ടോബറില്‍ ഹരിയാന ഉപതിരഞ്ഞെടുപ്പ് സമയത്ത് 40 ദിവസവും. അതിനുമുമ്പ്, ഹരിയാന നിയമസഭാ തിരഞ്ഞെടുപ്പ് നടന്ന 2020 ഒക്ടോബറില്‍ അദ്ദേഹം 40 ദിവസത്തെ പരോളില്‍ പുറത്തിറങ്ങി.

എന്നാല്‍, തിരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങളില്‍ പങ്കെടുക്കുന്നതിനും പ്രസംഗങ്ങള്‍ നടത്തുന്നതിനും തിരഞ്ഞെടുപ്പ് കാലത്ത് സംസ്ഥാനങ്ങളില്‍ തങ്ങുന്നതിനും വിലക്കേര്‍പ്പെടുത്തി.