വ്യാജ രേഖകളുമായി പ്രവേശനം തേടിയെത്തിയവരെയാണ് ഇമിഗ്രേഷന്‍ ആന്റ് കസ്റ്റംസ് എന്‍ഫോഴ്‌സ്‌മെന്റ്(ഐ.സി.ഇ)അറസ്റ്റ് ചെയ്തത്.

തട്ടിപ്പുകാര്‍ വിദ്യാര്‍ത്ഥികള്‍ക്ക് യു.എസില്‍ താമസിക്കാനുള്ള വ്യാജ രേഖകള്‍ തയാറാക്കുകയായിരുന്നു. എന്നാല്‍ വ്യാജ കോളജാണെന്ന് അറിയാതെ തട്ടിപ്പു രേഖകളുമായി വിദ്യാര്‍ഥികള്‍ യൂണിവേഴ്‌സിറ്റി ഓഫ് ഫാമിങ്ടണില്‍ എത്തിയതോടെ പിടിലാവുകയായിരുന്നു. വിസയും രേഖകളും തയാറാക്കി നല്‍കിയതിന് തട്ടിപ്പുകാര്‍ വിദ്യാര്‍ത്ഥികളില്‍നിന്ന് ആയിരക്കണക്കിന് ഡോളര്‍ ഈടാക്കിയത്. എന്നാല്‍ വ്യാജമാണെന്ന് അറിഞ്ഞുകൊണ്ട് തന്നെയാണ് വിദ്യാര്‍ത്ഥികള്‍ പ്രവേശനം നേടിയതെന്ന് അന്വേഷണ ഏജന്‍സികള്‍ വ്യക്തമാക്കി. എട്ട് പേര്‍ക്കെതിരെ കേസെടുത്തിട്ടുണ്ട്. അറസ്റ്റിലായ വിദ്യാര്‍ത്ഥികളെ ഐ.സി.ഇ കസ്റ്റഡിയില്‍ ചോദിച്ചു. ഇന്ത്യന്‍ എംബസിയും കോണ്‍സുലേറ്റുകളും യു.എസ് അധികൃതരുമായി ബന്ധപ്പെട്ട് തുടര്‍ നടപടികള്‍ ആരംഭിച്ചിട്ടുണ്ട്.

വാഷിങ്ടണ്‍: എച്ച്.1ബി വിസയില്‍ അമേരിക്കയില്‍ എത്തിയവരുടെ പങ്കാളികള്‍ക്കും ജോലി ചെയ്യാന്‍ അനുമതി നല്‍കുന്നത് നിര്‍ത്തലാക്കാന്‍ യു.എസ് ഭരണകൂടം നീക്കം തുടങ്ങി. എച്ച്.1ബി വിസയുള്ളവരുടെ പങ്കാളികള്‍ക്ക് ജോലി ചെയ്യുന്നതിന് മുന്‍ പ്രസിഡന്റ് ബറാക് ഒബാമ അനുവദിച്ച പ്രത്യേക ആനുകൂല്യമാണ് പ്രസിഡന്റ് ഡൊണാള്‍ഡ് ട്രംപ് റദ്ദാക്കുന്നത്.
അമേരിക്കയിയുള്ള ആയിരക്കണക്കിന് ഇന്ത്യക്കാരെയും അവരുടെ കുടുംബങ്ങളെയും ഇത് പ്രതികൂലമായി ബാധിക്കും. 2015ലാണ് എച്ച്.1ബി വിസ ഉള്ളവരുടെ ജീവിത പങ്കാളികള്‍ക്ക് എച്ച്4 ആശ്രിതവിസയില്‍ ജോലി ചെയ്യാന്‍ ഒബാമ ഭരണകൂടം അനുമതി നല്‍കിയത്. ഇന്ത്യക്കാരുള്‍പ്പെടെ ആയിരക്കണക്കിന് കുടിയേറ്റക്കാര്‍ക്ക് ഇത് ആശ്വാസമായിരുന്നു. അമേരിക്കന്‍ പൗരന്മാര്‍ക്ക് പ്രഥമ പരിഗണന നല്‍കുകയെന്ന ട്രംപിന്റെ നയത്തിന്റെ ഭാഗമായാണ് പുതിയ നീക്കത്തിനു പിന്നിലെന്ന് അറിയുന്നു. 2014ല്‍ എച്ച്4 ആശ്രിത വിസയുള്ള 41,000 പേര്‍ക്കും ഈവര്‍ഷം ജൂണ്‍ വരെ 36,000 പേര്‍ക്കും അമേരിക്കയില്‍ ജോലി ചെയ്യാന്‍ അനുമതി നല്‍കിയിരുന്നു.
ട്രംപ് ഭരണകൂടത്തിന്റെ നീക്കം ഐ.ടി കമ്പനികളെയും ബാധിക്കും. പ്രതിവര്‍ഷം പതിനായിരക്കണക്കിന് തൊഴിലാളികളെയാണ് ഐ.ടി കമ്പനികള്‍ എച്ച്1ബി വിസ വഴി നിയമിക്കുന്നത്.
ഐ.ടി കമ്പനികളുടെ നിരന്തര സമ്മര്‍ദ്ദത്തെ തുടര്‍ന്നാണ് പങ്കാളികള്‍ക്കും ജോലി ചെയ്യാന്‍ ഒബാമ ഭരണകൂടം അനുമതി നല്‍കിയിരുന്നത്. എച്ച്.1ബി വിസയില്‍ മാറ്റങ്ങള്‍ വരുത്താനും ഭരണകൂടം ആലോചിക്കുന്നുണ്ട്.
ഏറ്റവും മികച്ച വിദേശ പൗരന്മാരെ മാത്രം തെരഞ്ഞെടുക്കകയെന്ന ലക്ഷ്യത്തോടെ ഈ വിസക്ക് യോഗ്യമാകുന്ന തൊഴിലുകള്‍ എതെല്ലാമാണെന്ന് ആഭ്യന്തര സുരക്ഷാ വിഭാഗം പരിശോധിക്കും. പങ്കാളികള്‍ക്ക് ജോലി ചെയ്യാനുള്ള അനുമതി റദ്ദാക്കുന്നതോടെ ഇന്ത്യക്കാരെയാണ് ഏറെ ബാധിക്കുക. കാരണം അമേരിക്കയില്‍ എച്ച്.1ബി വിസയില്‍ ജോലിച്ചുന്നവരില്‍ 70 ശതമാനവും ഇന്ത്യക്കാരാണ്.