ബാലൺ ദി ഓർ നേട്ടത്തിന് ശേഷം വീണ്ടുമൊരു അംഗീകാരത്തിന് അരികെയാണ് മെസി. 2022 ഡിസംബർ 19 മുതൽ 2023 ഓഗസ്റ്റ് 20 വരെയുള്ള കാലയളവിലെ പ്രകടനമാണ് പുരസ്‌കാരത്തിനായി പരിഗണിക്കുന്നത്. അർജന്റീനയെ ലോകകിരീടത്തിലെത്തിച്ചതും പി.എസ്.ജിക്കൊപ്പം ലീഗ് വൺ നേടിയതുമെല്ലാം മെസിക്ക് അനുകൂലമാകും.

ലോകകപ്പ് ഗോൾഡൻ ബൂട്ട് ജേതാവായ എംബാപെ ഫ്രാൻസിനെ ഫൈനലിലെത്തിക്കുന്നതിൽ നിർണായക പങ്കുവഹിച്ചിരുന്നു. മാഞ്ചസ്റ്റർ സിറ്റിയെ ഇംഗ്ലീഷ് പ്രീമിയർലീഗ്, ചാമ്പ്യൻസ് ലീഗ് നേട്ടത്തിലെത്തിച്ചതാണ് ഹാളണ്ടിനെ അന്തിമ പട്ടികയിലെത്തിച്ചത്.

മികച്ച വനിതാ താരത്തിനുള്ള പട്ടികയിൽ ഐതാന ബോൺമതി, ലിൻഡ കെയ്‌സെഡോ, ജെന്നിഫർ ഹെർമോസോ എന്നിവർ ഇടംപിടിച്ചു. മികച്ച പരിശീലകനാകാൻ മാഞ്ചസ്റ്റർ സിറ്റിയുടെ പെപ് ഗാർഡിയോള, ബാഴ്‌സലോണയുടെ സാവി ഹെർണാണ്ടസ് എന്നിവർ മത്സരിക്കും.

ഫിഫയുടെ നിലവിലെ മികച്ച പുരുഷതാരമായ ലയണല്‍ മെസ്സി ഇത്തവണയും പുരസ്‌കാര പോരാട്ടത്തിനുണ്ട്. ഫ്രഞ്ച് സൂപ്പര്‍ താരം കിലിയന്‍ എംബാപ്പെയാണ് മെസ്സിക്ക് ശക്തമായ വെല്ലുവിളിയുയര്‍ത്തി പട്ടികയിലുള്ളത്. 2022 ഖത്തര്‍ ലോകകപ്പിലെ ഫൈനലില്‍ അര്‍ജന്റീനയ്ക്കെതിരായി ഹാട്രിക് നേടിയ എംബാപ്പെ ടൂര്‍ണമെന്റിലെ ടോപ് സ്‌കോററായിരുന്നു. നിലവില്‍ ഫ്രഞ്ച് ക്ലബ്ബായ പാരിസ് സെന്റ് ജര്‍മ്മന്റെ താരമാണ് 24കാരനായ കിലിയന്‍ എംബാപ്പെ.

ട്രെബിള്‍ വിജയത്തിന് ശേഷം മാഞ്ചസ്റ്റര്‍ സിറ്റി താരങ്ങള്‍ക്കാണ് പട്ടികയില്‍ ആധിപത്യം. 2022-23 സീസണില്‍ പ്രീമിയര്‍ ലീഗ്, എഫ്എ കപ്പ്, ചാമ്പ്യന്‍സ് ലീഗ് എന്നിവ നേടിയ സിറ്റിയ്ക്ക് വേണ്ടി 52 ഗോളുകള്‍ നേടിക്കൊടുത്ത യുവതാരം എര്‍ലിങ് ഹാലണ്ടാണ് പുരസ്‌കാര പട്ടികയിലെ മറ്റൊരു മത്സരാര്‍ഥി. 23കാരനായ സൂപ്പര്‍ താരത്തെ യുവേഫ പ്ലേയര്‍ ഓഫ് ദ ഇയര്‍ പുരസ്‌കാരം തേടിയെത്തുകയും ബാലണ്‍ ദി ഓര്‍ പുരസ്‌കാര പട്ടികയില്‍ ഇടം പിടിക്കുകയും ചെയ്തിരുന്നു. 2023 ചാമ്പ്യന്‍സ് ലീഗ് ഫൈനലില്‍ സിറ്റിയുടെ വിജയ ഗോള്‍ നേടിയ റോഡ്രി, ബാഴ്‌സലോണയിലേക്ക് പോകുന്നതിന് മുമ്പ് സിറ്റിയെ ട്രെബിള്‍ വിജയത്തിലേക്ക് നയിച്ച ക്യാപ്റ്റന്‍ ഇല്‍കെ ഗുണ്ടോഗനും പട്ടികയിലുണ്ട്. കെവിന്‍ ഡി ബ്രൂയ്നെ,ലോകകപ്പ് വിജയി ജൂലിയന്‍ അല്‍വാരസ്, ബെര്‍ണാഡോ സില്‍വ എന്നിവര്‍ സിറ്റി ടീമംഗമായ ഹാലണ്ടിനൊപ്പം ഷോര്‍ട്ട്‌ലിസ്റ്റില്‍ ഇടം നേടി

30 പുരുഷ താരങ്ങളും 20 വനിത താരങ്ങളും ബാലന്‍ഡി ഓര്‍ പുരസ്‌കാരത്തിനായി മത്സരിക്കും. യുവേഫ ജേതാവ് ഐറ്റാന ബോണ്‍മതിയാണ് വനിതകളുടെ പട്ടികയില്‍ ഇടം ഉറപ്പുള്ള താരം. മികച്ച ഗോള്‍ കീപ്പര്‍ക്കുള്ള ലെവ് യാഷിന്‍ ട്രോഫി പട്ടികയില്‍ 10 താരങ്ങള്‍ക്കാണ് ഇടം ലഭിക്കുക. ഇന്ത്യന്‍ സമയം രാത്രി 10 മണിക്കാണ് പുരസ്‌കാര പട്ടിക പ്രഖ്യാപിക്കുന്നത്. സെപ്റ്റംബര്‍ 30നാണ് ജേതാവിനെ പ്രഖ്യാപിക്കുക.

അര്‍ജന്റീനയുടെ ലോകകപ്പ് വിജയം, മികച്ച ലോകകപ്പ് താരത്തിനുള്ള ഗോള്‍ഡന്‍ ബോള്‍ പുരസ്‌കാരം, ഫ്രഞ്ച് ലീഗ് കിരീടം, പിഎസ്ജിക്കായി 38 ഗോളുകള്‍, 25 അസിസ്റ്റുകള്‍ തുടങ്ങിയവയാണ് മെസ്സിക്ക് അനുകൂലമായ കണക്കുകള്‍. നിലവില്‍ 7 തവണ മെസ്സി ബാലന്‍ഡി ഓര്‍ നേടിയിട്ടുണ്ട്.

മാഞ്ചസ്റ്റര്‍ സിറ്റിയുടെ ട്രബിള്‍ നേട്ടം, പ്രീമിയര്‍ ലീഗില്‍ ഒരു സീസണില്‍ കൂടുതല്‍ ഗോളുകള്‍, കഴിഞ്ഞ സീസണില്‍ സിറ്റിക്ക് വേണ്ടി 53 മത്സരങ്ങളില്‍ നിന്ന് 52 ഗോളുകള്‍ തുടങ്ങിയവയാണ് ഹാളണ്ടിന് അനുകൂലമാകുന്നത്. ആദ്യ ബലോന്‍ ദ് ഓര്‍ പുരസ്‌കാരമാണ് ഹാളണ്ട് ലക്ഷ്യമിടുന്നത്.

ലോകകപ്പില്‍ കൂടുതല്‍ ഗോള്‍ നേടിയ താരത്തിനുള്ള ഗോള്‍ഡന്‍ ബൂട്ട് പുരസ്‌കാരം, പിഎസ്ജിക്കായി കഴിഞ്ഞ സീസണിലെ 50 ല്‍ അധികം ഗോളുകള്‍, ഫ്രഞ്ച് ലീഗ് കിരീടം തുടങ്ങിയവയാണ് കിലിയന്‍ എംബാപ്പെയുടെ കണക്കുകളിലുള്ളത്. മാഞ്ചസ്റ്റര്‍ സിറ്റി മധ്യനിരയിലെ മികച്ച പ്രകടനമാണ് കെവിന്‍ ഡി ബ്രൂയ്‌നെയ്ക്കും റോഡ്രിഗോ ഹെര്‍ണാണ്ടസിനും അനുകൂലമാകുന്നത്.

റയല്‍ മാഡ്രിഡിനായി നടത്തിയ മിന്നും പ്രകടനമാണ് വിനീഷ്യസ് ജൂനിയറിന് അനുകൂലമാകുന്നത്. കഴിഞ്ഞ സീസണില്‍ റയല്‍ മാഡ്രിഡിനായി 25 ഗോളുകളും 26 അസിസ്റ്റുകളും ബ്രസീല്‍ താരം നേടിയിട്ടുണ്ട്. കോപ്പ ഡെല്‍ റെ, ക്ലബ് ലോകകപ്പ്, യുവേഫ സൂപ്പര്‍ കപ്പ് തുടങ്ങിയ കിരീടങ്ങളും റയല്‍ താരമായ വിനീഷ്യസ് നേടികഴിഞ്ഞിട്ടുണ്ട്.