ഇതില്‍ 208 പേര്‍ പുരുഷന്മാരും 196 സ്ത്രീകളുമാണ്. മലയാളികള്‍ക്ക് പുറമെ രണ്ട് പേര്‍ തമിഴ്‌നാട് സ്വദേശികളാണ്. ഹജ്ജ് കര്‍മത്തിന് യാത്ര തിരിക്കുമ്പോള്‍ ഇതേ വിമാനത്തില്‍ 405 പേരാണ് ഉണ്ടായിരുന്നത്. ഇതില്‍ ഒരാള്‍ ഹജ്ജ് കര്‍മം പൂര്‍ത്തിയാക്കിയ ശേഷം ഖത്തറിലേക്ക് പോയി. നെടുമ്പാശേരി വിമാനത്താവളം വഴി സംസ്ഥാന ഹജ്ജ് കമ്മിറ്റിക്ക് കീഴില്‍ 2841 ഹാജിമാരാണ് ഇക്കുറി ഹജ്ജ് കര്‍മ്മത്തിനായി യാത്ര തിരിച്ചത്. ബാക്കിയുള്ള ഹാജിമാര്‍ തൊട്ടടുത്ത ദിവസങ്ങളിലായി മടങ്ങിയെത്തും. ഹാജിമാരുടെ മടക്ക യാത്രക്കായി ഏഴ് വിമാനങ്ങളാണ് സൗദി എയര്‍ലൈന്‍സ് ഷെഡ്യൂള്‍ ചെയ്തിരിക്കുന്നത്. മടങ്ങിയെത്തുന്ന ഹാജിമാരുടെ സഹായത്തിനായി പ്രത്യേകം വളണ്ടിയര്‍മാരെയും വിമാനത്താവളത്തില്‍ നിയോഗിക്കും.

ഓരോ ഹാജിമാര്‍ക്കും അഞ്ച് ലിറ്റര്‍ വീതം സംസം വെളളം വിമാനത്താവളത്തില്‍ വച്ച് വിതരണം ചെയ്യും. ഇതിന് ആവശ്യമായ സംസം ബോട്ടിലുകള്‍ ഇതിനകം തന്നെ നെടുമ്പാശേരിയില്‍ എത്തിച്ച് വിമാനത്താവളത്തില്‍ പ്രത്യേകമായി സൂക്ഷിച്ചിരിക്കുകയാണ്. ഹാജിമാരെ സ്വീകരിക്കാനുള്ള എല്ലാ ഒരുക്കങ്ങളും പൂര്‍ത്തിയായതായി നെടുമ്പാശേരി ഹജ്ജ് ക്യാമ്പിന്റെ ചുമതലയുള്ള സ്വാഗത സംഘം ചെയര്‍മാന്‍ മുഹമ്മദ് മുഹ്‌സിന്‍ എംഎല്‍എ അറിയിച്ചു.

കരിപ്പൂരില്‍ ഇറങ്ങുന്ന ആദ്യ വിമാനത്തിലെ ഹാജിമാരെ 13ന് സ്പോര്‍ട്സ്, ഹജ്ജ് വഖഫ് വകുപ്പു മന്ത്രി വി.അബ്ദുറഹമാന്റെ നേതൃത്വത്തില്‍ സ്വീകരിക്കും. ഹജ്ജ് കമ്മിറ്റി ചെയര്‍മാനും ഹജ്ജ് കമ്മിറ്റി അംഗങ്ങളും സന്നിഹിതരായിരിക്കും. 11556 പേരാണ് ഇത്തവണ കേരളത്തില്‍ നിന്നും ഹജ്ജിന് യാത്ര തിരിച്ചത്. ഇതില്‍ 11252 പേര്‍ കേരളത്തില്‍ നിന്നുള്ളവും 304 പേര്‍ മറ്റു സംസ്ഥാനങ്ങളില്‍ നിന്നുള്ളവരുമാണ്.

തമ്പുകളില്‍നിന്ന് പുറത്തിറങ്ങുന്നവര്‍ക്കും കാല്‍നടക്കാര്‍ക്കും ഇത് വലിയ ആശ്വാസമാണുണ്ടാക്കുന്നത്. അന്തരീക്ഷത്തിലേക്ക് ജലധൂളികള്‍ പരക്കുന്നതിനാല്‍ താപനില അഞ്ചുമുതല്‍ ഏഴ് ഡിഗ്രിവരെ കുറയുന്നു. കാലാവസ്ഥ വകുപ്പിന്റെ അറിയിപ്പ് അനുസരിച്ച് ഈ വര്‍ഷത്തെ ഹജ്ജ് സീസണില്‍ പുണ്യസ്ഥലങ്ങളിലെ താപനില 42.45 ഡിഗ്രി സെല്‍ഷ്യസ് വരെയാണ്.

ഇതിനെ തുടര്‍ന്ന് സൂര്യാഘാതമേല്‍ക്കുന്നവര്‍ക്ക് ചികിത്സ നല്‍കാന്‍ ആരോഗ്യ മന്ത്രാലയം 217 കിടക്കകള്‍ ഒരുക്കിയിട്ടുണ്ട്. ഇതില്‍ 166 എണ്ണം മിനയിലും അറഫയിലുമാണ്. മക്കയിലെ ആശുപത്രികളില്‍ 51 കിടക്കകളുമുണ്ട്. സൂര്യാഘാതമേല്‍ക്കാതിരിക്കാന്‍ പാലിക്കേണ്ട നിര്‍ദേശങ്ങള്‍ ആരോഗ്യ മന്ത്രാലയം തീര്‍ഥാടകരെ നിരന്തരം അറിയിക്കുന്നുണ്ട്.

വെറുപ്പും പകയും അരുത്. ഹജ്ജ് എന്ന ലക്ഷ്യത്തില്‍ ആത്മാര്‍ത്ഥതയുണ്ടാവണം. പ്രവാചക ചര്യ പിന്തുടരണം. ദൈവത്തിന്റെ വിശുദ്ധിയെ ആദരിക്കണം. വൈകാരികമായ ചിന്തയില്‍ നിന്നും ഇടപെടലുകളില്‍ നിന്നും ഹാജിമാര്‍ വഴിമാറണം. നാഥന്‍ നമുക്ക് നല്‍കിയ അനുഗ്രഹങ്ങള്‍ക്ക് നന്ദി പ്രകടിപ്പിക്കുയും അവന്റെ വിധിവിലക്കുകള്‍ പാലിക്കുകയും ചെയ്യുകയെന്നതാണ് ഓരോ വിശ്വാസിയുടെയും കടമയെന്നും ഗ്രാന്‍ഡ് മുഫ്തി ഹജ്ജിനോട് അനുബന്ധിച്ച് നടത്തിയ പ്രസ്താവനയില്‍ ഓര്‍മിപ്പിച്ചു.

ഹജ്ജ് കര്‍മങ്ങളില്‍ പങ്കെടുക്കുന്നതിനായി ഹാജിമാര്‍ മിനയിലേക്ക് ഒഴുകി കൊണ്ടിരിക്കുകയാണ്. നാളെ വൈകുന്നേരം വരെ ആഭ്യന്തര തീര്‍ഥാടകരുടെ വരവ് തുടരും. മക്കയില്‍ പ്രവേശിക്കുമ്പോഴും പുണ്യസ്ഥലങ്ങളില്‍ സഞ്ചരിക്കുമ്പോഴും ആഭ്യന്തര തീര്‍ഥാടകര്‍ തങ്ങളുടെ ഡിജിറ്റല്‍ കാര്‍ഡ് സ്മാര്‍ട്ട് ഫോണില്‍ സൂക്ഷിക്കേണ്ടതാണ്. സുരക്ഷാ ഉദ്യോഗസ്ഥര്‍ ആവശ്യപ്പെട്ടാല്‍ ഇവ കാണിക്കേണ്ടി വരും. എല്ലാ തീര്‍ഥാടകരും നുസുക് ആപ്ലിക്കേഷന്‍ ഡൗണ്‍ലോഡ് ചെയ്യണം. അതില്‍ ഡിജിറ്റല്‍ പെര്‍മിറ്റ് പ്രവര്‍ത്തന സജ്ജമാക്കണമെന്ന് ഹജ്ജ് കമ്പനികളുടെ ഏകോപന സമിതി നിര്‍ദേശിച്ചു.

പുണ്യസ്ഥലങ്ങളില്‍ സഞ്ചരിക്കുന്നതിനും മക്കയിലെ ഹറം പള്ളിയിലേക്ക് പ്രവേശിക്കുവാനും ഇത് നിര്‍ബന്ധമാണെന്ന് ഹജ്ജ് മന്ത്രാലയം. ഹജ്ജ് തീര്‍ഥാടകര്‍ക്ക് വേണ്ടി തവക്കല്‍നാ ആപ്പിന്റെ സേവനങ്ങള്‍ ഹിന്ദിയും ഉറുദുവും ഇംഗ്ലീഷും ഉള്‍പ്പെടെ ഏഴ് ഭാഷകളില്‍ ലഭ്യമാകുമെന്ന് തവക്കല്‍ന അറിയിച്ചു. 77 രാജ്യങ്ങളില്‍ നിന്ന് ഇതിന്റെ സേവനം പ്രയോജനപ്പെടുത്താം. മക്കയിലേയും മദീനയിലേയും കാലാവസ്ഥ, ഖിബല സേവനം, ഹജ്ജ് സ്മാര്‍ട്ട് കാര്‍ഡ്, വാഹനങ്ങള്‍ക്കും വ്യക്തികള്‍ക്കും പുണ്യ സ്ഥലങ്ങളിലേക്ക് പ്രവേശിക്കാനുള്ള പെര്‍മിറ്റുകള്‍ തുടങ്ങി 241 സേവനങ്ങള്‍ തവക്കല്‍നയിലൂടെ ലഭ്യമാകും.

എം.പി അബ്ദുസ്സമദ് സമദാനി എം.പി , വി.ടി ഇബ്രാഹിം എം.എല്‍.എ , മലപ്പുറം ജില്ലാ കലക്ടര്‍ വി.ആര്‍ പ്രേംകുമാര്‍ തുടങ്ങിയവര്‍ സംസാരിച്ചു. കണ്ണൂരില്‍ പുതിയ ഹജ്ജ് ഹൗസ് തുടങ്ങുന്നതിനുള്ള ശ്രമം ആരംഭിച്ചതായി മന്ത്രി വി.അബ്ദുറഹ്മാന്‍ പറഞ്ഞു.

മനുഷ്യായുസിന്റെ പ്രധാന യാത്ര കൂടിയായ പരിശുദ്ധ ഹജജിൽ നിന്നും ലഭിക്കുന്ന പാഠം ജീവിതത്തിലുടനീളം കാത്തുസൂക്ഷിക്കണമെന്ന് പാണക്കാട് സാദിഖലി ശിഹാബ് തങ്ങൾ ഓർമ്മിപ്പിച്ചു.

അല്ലാഹുവിന്റ അതിഥി കളായി തെരഞ്ഞെടുത്ത ഹജ്ജ് തീർത്ഥാടകൻ ഹജജ് യാത്രയിലെ ഒരു ദിവസവും പാഴാക്കാൻ പാടില്ല. കരിപ്പൂർ ഹജ്ജ് ക്യാമ്പിലെത്തിയ തങ്ങൾ ഇന്നലെ പുറപ്പെട്ട ഹജ്ജ് തീർത്ഥാടകർക്ക് യാത്രാ മംഗളം നേർന്ന് ഉദ്ബോധന പ്രസംഗം നടത്തുകയായിരുന്നു.

മനൂഷ്യ ശരീര ത്തിലെ എല്ലാ ഭാഗവും ചലിക്കുന്ന പ്രക്രിയ കൂടിയാണ് ഹജ്ജ്. വിശ്വാസികൾക്ക് സഹനത്തിന്റെയും സ്നേഹത്തിന്റെയും സംഘ ബോധം നൽകുന്നതാണ് ഹജ്ജ്. മനുഷ്യാ വകാശത്തെ കുറിച്ച് പ്രവാചകൻ പ്രഖ്യാപിച്ച ഓർമ ഈ പുണ്യ ദിനത്തിലാണ്. ടി.വി. ഇബ്രാഹീം എം.എൽ.എ,ഹജ്ജ് സെൽ ഓഫീസർ മൊയ്തീൻ ക്കുട്ടി, ഹജ്ജ് സ്പെഷ്യൽ ഓഫീസർ പി.എം ഹമീദ്, ഡോ. ഐ.പി. അബ്ദു സലാം. പി.എ. ജബ്ബാർ ഹാജി,പി.കെ.സി. അബ്ദുറഹിമാൻ , നസീം പുളിക്കൽ, പി.വി. അഹമ്മദ് സാജു ,സി.ടി ഫാത്തിമത്ത് സുഹറാബി,സറീന ഹസീബ്, ഷെജിനി ഉണ്ണി, പി.വി.എ. ലത്തീഫ്, അഷ്റഫ് മടാൻ എന്നിവര്‍ പങ്കെടുത്തു.

ബുധനാഴ്ച കരിപ്പൂരിൽനിന്ന് മൂന്നു വിമാനങ്ങളിലായി 435 പേരും കണ്ണൂരിൽനിന്ന് 145 പേരും കൊച്ചിയിൽനിന്ന് 413 പേരും യാത്രയാകും. ചൊവ്വാഴ്ച നാലു വിമാനങ്ങളാണ് കരിപ്പൂരിൽനിന്ന് സർവീസ് നടത്തിയത്.

രാവിലെ 5.40-ന് പുറപ്പെട്ട വിമാനത്തിൽ 74 പുരുഷൻമാരും 71 സ്ത്രീകളും രാവിലെ 8.19- നു പുറപ്പെട്ട വിമാനത്തിൽ 75 പുരുഷൻമാരും 70 സ്ത്രീകളും യാത്രയായി. ഒൻപതിനും രാത്രി 7.20-നും പുറപ്പെട്ട വിമാനങ്ങളിൽ 75 പുരുഷൻമാരും 70 സ്ത്രീകളും വീതം യാത്രയായി. കണ്ണൂരിൽനിന്ന് ചൊവ്വാഴ്ച 12.30-ന് പുറപ്പെട്ട വിമാനത്തിൽ 76 പുരുഷൻമാരും 69 സ്ത്രീകളുമാണ് യാത്രയായത്.