കോഴിക്കോട്: മുന്‍ രാഷ്ട്രപതി ഹാമിദ് അന്‍സാരിയെ വ്യക്തിഹത്യ ചെയ്യാനും മുസ്്‌ലിം ന്യൂനപക്ഷത്തിന്റെ ദേശക്കൂറ് ചോദ്യം ചെയ്യാനും സംഘ്പരിവാര്‍ പടച്ചുവിടുന്ന നുണക്കഥ ഏറ്റുപിടിച്ച് മലയാള മാധ്യമങ്ങളും. ഇറാനിലെ ഇന്ത്യന്‍ അംബാസഡറായിരിക്കുമ്പോള്‍ അന്‍സാരി ഇന്ത്യയുടെ റിസര്‍ച്ച് ആന്റ് അനലൈസിസ് വിംഗിനെ (റോ) തകര്‍ക്കാന്‍ ശ്രമിച്ചുവെന്ന് മുന്‍ റോ ഉദ്യോഗസ്ഥനും ആര്‍.എസ്.എസ് അനുഭാവിയും കടുത്ത ന്യൂനപക്ഷ വിരോധിയുമായ എന്‍.കെ സൂദാണ് ആരോപിച്ചത്.

‘എന്റെ പ്രധാനമന്ത്രി നരേന്ദ്ര മോദി; വിദേശ സഞ്ചാരങ്ങളും നേട്ടങ്ങളും’ എന്ന കൃതിയുടെ രചയിതാവുമാണ്, 2010ല്‍ റോയില്‍ നിന്നു പിരിഞ്ഞ എന്‍.കെ സൂദ്. അദ്ദേഹത്തിന്റെ ടീറ്റുകള്‍ പലപ്പോഴും വിദ്വേഷം ജനിപ്പിച്ചാണ് ശ്രദ്ധ നേടാറുള്ളത്. ‘ഹിന്ദുക്കളുടെ പ്രവൃത്തി പ്രോത്സാഹിപ്പിക്കേണ്ടതാണ്. മുസ്്‌ലിംകളെ ആക്രമണത്തിലൂടെ മാത്രമേ നേരിടാനാവൂ. 60കളിലെ വെള്ളിയാഴ്ച പ്രാര്‍ത്ഥനക്കു ശേഷം മുസ്‌ലിംകള്‍ ജുമാ മസ്ജിദിനു സമീപമുള്ള ഹിന്ദു ഷോപ്പുകള്‍ ആക്രമിക്കാറുണ്ടായിരുന്നു. ആര്‍.എസ്.എസ് മുന്നോട്ടുവന്നാണ് അത് തടുത്തത്.’ എന്നും ഗാന്ധിയന്‍ മാര്‍ഗത്തിലൂടെയല്ല, അക്രമത്തിലൂടെ വേണം മുസ്‌ലിംകളോട് പോരാടാനെന്നും സൂദ് ടീറ്റു ചെയ്തിരുന്നു.

ഇതിന്റെ തുടര്‍ച്ചയെന്നോണം, ട്വിറ്ററിലൂടെ ആരോപണമുന്നയിച്ച സൂദിനു പുറമെ ആധികാരികമായ രേഖകളോ അദ്ദേഹം പരാതിപ്പെട്ടതായ രേഖകളോ സണ്‍ഡേ ഗാര്‍ഡിയന്റെ റിപ്പോര്‍ട്ടിലില്ല. ഒന്നാം മോദി സര്‍ക്കാറില്‍ മന്ത്രിയായിരുന്ന എം.ജെ അക്ബര്‍ 2010ല്‍ ആരംഭിച്ച സണ്‍ഡേ ഗാര്‍ഡിയനാണ് ദുഷ്പ്രചാരണം ആദ്യം പ്രക്ഷേപണം ചെയ്തത്. 1990-1992 കാലയളവില്‍ ഇറാനില്‍ ഹാമിദ് അന്‍സാരി ദേശീയ താല്‍പര്യങ്ങളില്‍ വിട്ടുവീഴ്ച ചെയ്തുവെന്നും ഇറാന്‍ ഇന്റലിജന്‍സ് ഏജന്‍സിയായ സവാകുമായി അദ്ദേഹം ഒത്തുകളിച്ചെന്നുമാണ് സൂദിന്റെ പേരില്‍ സണ്‍ഡേ ഗാര്‍ഡിയന്‍ റിപ്പോര്‍ട്ട് ചെയ്തത്. ഇക്കാര്യത്തില്‍ അന്വേഷണം നടത്തണമെന്നാവശ്യപ്പെട്ട് 2017ല്‍ ഏതാനും ഉദ്യോഗസ്ഥര്‍ പ്രധാനമന്ത്രി മോദിയെ കണ്ടിരുന്നുവെന്നും റിപ്പോര്‍ട്ടില്‍ പറയുന്നു.

എന്നാല്‍, മലയാള പത്രം കൂടുതല്‍ മസാല പുരട്ടിയാണ് അന്‍സാരിയെ വേട്ടയാടുന്നത്. പൗരനെന്ന നിലയില്‍ ഇന്ത്യയില്‍ സുരക്ഷിതനല്ലെന്നും എല്ലാ ജില്ലകളിലും ശരീഅത്ത് കോടതികള്‍ സ്ഥാപിക്കണമെന്നും അന്‍സാരി പ്രസ്താവിച്ചതായി പറയുന്നു. ഹാമിദ് അന്‍സാരി ഇവ്വിധം പ്രസ്താവന നടത്തിയതായി ഇന്നേവരെ ആരും റിപ്പോര്‍ട്ട് ചെയ്തിട്ടില്ല. സംഘ് പരിവാര്‍ അനുകൂല പ്രചരണ വെബ്‌സൈറ്റായ ഓപ് ഇന്ത്യ, ഹാമിദ് അന്‍സാരിയുടെ വാക്കുകള്‍ വളച്ചൊടിച്ച് നല്‍കിയ റിപ്പോര്‍ട്ട് പ്രമുഖ മലയാള പത്രം ഏറ്റുപിടിച്ചപ്പോള്‍, വ്യക്തിഹത്യ പ്രചരിപ്പിക്കുന്ന തിരക്കിലാണ് സംഘ്പരിവാര്‍.

നീണ്ട കാലം നയതന്ത്രജ്ഞനായും ഉപരാഷ്ട്രപതിയായും സേവനം ചെയ്ത ഹാമിദ് അന്‍സാരിക്കെതിരെ ഇപ്പോള്‍ ആരോപണം ഉയരാനുള്ള കാരണം ആര്‍.എസ്.എസിന്റെ ഗൂഢാലോചനയാണെന്നാണ് വ്യക്തമാവുന്നത്. രാജ്യത്ത് ആള്‍ക്കൂട്ട കൊലപാതകങ്ങള്‍ വര്‍ധിച്ച സാഹചര്യത്തില്‍ ഹാമിദ് അന്‍സാരി അതിനെതിരെ പ്രതികരിച്ചിരുന്നുയ ഇത് ആര്‍.എസ്.എസ് നേതൃത്വത്തെയും പ്രധാനമന്ത്രി മോദിയേയും ചൊടിപ്പിച്ചിരുന്നു. മോദി തന്നെ പരസ്യമായി ഇതിനെതിരെ രംഗത്ത് വന്നിരുന്നു. ഇന്ത്യയെ പോലൊരു ജനാധിപത്യ രാജ്യത്ത് റോയും ഐ.ബിയും പാര്‍ലമെന്റിന് മുന്നില്‍ ഉത്തരം പറയേണ്ടതുണ്ടെന്ന നിലപാടും അന്‍സാരി സ്വീകരിച്ചിരുന്നു. ഇതും സംഘപരിവാര്‍ നേതൃത്വത്തെ പ്രകോപിപ്പിച്ചിരുന്നു.

ഇപ്പോള്‍ ആരോപണമുന്നയിച്ച എന്‍.കെ സൂദ് ആര്‍.എസ്.എസ് പക്ഷപാതിയും കടുത്ത മുസ്ലിം വിരുദ്ധനുമാണ്. അടിച്ചമര്‍ത്തലുകളിലൂടെ മാത്രമേ മുസ്ലിംകളെ പ്രതിരോധിക്കാന്‍ കഴിയൂ എന്നും ഇതില്‍ പൊലീസിന് ഒന്നും ചെയ്യാനാവില്ലെന്നും ഇതിനായി ആര്‍.എസ്.എസ് രംഗത്ത് വരണമെന്നും ട്വീറ്റ് ചെയ്ത വ്യക്തിയാണ് എന്‍.കെ സൂദ്.

രാജ്യത്ത് ശരീഅത്ത് കോടതികള്‍ സ്ഥാപിക്കാനുള്ള മുസ്്‌ലിം വ്യക്തി നിയമ ബോര്‍ഡിന്റെ നിര്‍ദേശത്തെ അദ്ദേഹം പിന്തുണച്ചു. ജനങ്ങളുടെ സാമൂഹിക ജീവിതവും രാജ്യത്തെ നിയമ സംവിധാനവും തമ്മില്‍ ആശയക്കുഴപ്പങ്ങളുണ്ട്. ഏതൊരു വിഭാഗത്തിനും അവരുടെ വ്യക്തി നിയമങ്ങള്‍ അനുസരിച്ച് ജീവിക്കാനുള്ള അവകാശം നമ്മുടെ നിയമം നല്‍കുന്നുണ്ട്. വിവാഹം, വിവാഹ മോചനം, ദത്തെടുക്കല്‍, പാരമ്പര്യ സ്വത്തവകാശം തുടങ്ങിയവ ഇന്ത്യയില്‍ വ്യക്തി നിയമങ്ങളുടെ പരിധിയില്‍ വരുന്നതാണ്. ഓരോ സമുദായങ്ങളിലും പെട്ടവര്‍ക്ക് അവരവരുടെ വ്യക്തി നിയമങ്ങള്‍ അനുസരിച്ച് ജീവിക്കാന്‍അവകാശമുണ്ടെന്നും ഹാമിദ് അന്‍സാരി വ്യക്തമാക്കി.

#WATCH: Former Vice President Hamid Ansari speaks on India-Iran relations. pic.twitter.com/QJ7chpPS96

— ANI (@ANI) July 12, 2018

രാജ്യത്ത് ശരീഅത്ത് കോടതികള്‍ സ്ഥാപിക്കുന്നതിനെക്കുറിച്ച് കേന്ദ്ര സര്‍ക്കാറിന് പദ്ധതി സമര്‍പ്പിച്ചതായി ആള്‍ ഇന്ത്യ മുസ്്‌ലിം വ്യക്തി നിയമ ബോര്‍ഡ് കഴിഞ്ഞ ദിവസം വ്യക്തമാക്കിയിരുന്നു. ഈ സാഹചര്യത്തിലാണ് അന്‍സാരിയുടെ പ്രതികരണം.

ഇന്ത്യ വൈവിധ്യങ്ങളുടെ നാടാണ്. വിസ്തൃതിയില്‍ മുന്നില്‍ നില്‍ക്കുന്ന രാജ്യമായ ഇന്ത്യയില്‍ ഇത്തരമൊരു ആശയം നടപ്പാക്കാനാവില്ല. സുരക്ഷാ ക്രമീകരണങ്ങളുടെ കാര്യത്തിലും പ്രശ്‌നങ്ങളുണ്ടാകും. തെരഞ്ഞെടുപ്പ് നടക്കുമ്പോള്‍ ഒരേ സമയത്ത് രാജ്യത്ത് എല്ലായിടത്തും ഒരുപോലെ സുരക്ഷയൊരുക്കാന്‍ എങ്ങനെ സാധിക്കുമെന്നും അദ്ദേഹം ചോദിച്ചു.

തെരഞ്ഞെടുപ്പുകള്‍ ഒരുമിച്ച് നടത്തുന്നത് വന്‍ സാമ്പത്തിക ബാധ്യതയുണ്ടാക്കുമെന്ന് തെരഞ്ഞെടുപ്പ് കമ്മീഷനും പറഞ്ഞിരുന്നു. ഭരണവിരുദ്ധ വികാരം ഇടക്കിടെ വരുന്ന തെരഞ്ഞെടുപ്പുകളില്‍ ജനഹിതത്തെ സ്വാധീനിക്കുന്നത് മറികടക്കാനാണ് മോദി സര്‍ക്കാര്‍ ഒരു രാജ്യം, ഒരു തെരഞ്ഞെടുപ്പ് എന്ന ആശയം മുന്നോട്ട് വെച്ചത്.

പഞ്ചാബ്: സ്വതന്ത്ര ചിന്തകള്‍ വളരാന്‍ പര്യാപ്തമാവണം നമ്മുടെ യൂനിവേഴ്‌സിറ്റികളെന്ന് ഉപരാഷ്ട്രപതി ഹാമിദ് അന്‍സാരി.

സങ്കുചിത ചിന്താഗതികളാണ് യൂനിവേഴ്‌സിറ്റികളിലെ സ്വാതന്ത്ര്യങ്ങള്‍ക്ക് വെല്ലുവിളിയുയര്‍ത്തുന്നതെന്ന് ഉപരാഷ്ട്രപതി വിമര്‍ശിച്ചു. പഞ്ചാബ് യൂനിവേഴ്‌സിറ്റിയുടെ 66-ാമത് ബിരുദ ദാന സമ്മേളനത്തില്‍ പങ്കെടുത്ത് സംസാരിക്കുകയായിരുന്നു അദ്ദേഹം.

ഇടതനുകൂല വിദ്യാര്‍ത്ഥി സംഘടന എ.ഐ.എസ്.എയും ആര്‍.എസ്.എസ് പിന്തുണയുള്ള എ.ബി.വി.പിയും തമ്മില്‍ ഡല്‍ഹി യൂനിവേഴ്‌സിറ്റിയുടെ നോര്‍ത്ത് കാമ്പസില്‍ ഈയിടെയുണ്ടായ അനിഷ്ട സംഭവങ്ങള്‍ ഉപരാഷ്ട്രപതി ചൂണ്ടിക്കാട്ടി.

യൂനിവേഴ്‌സിറ്റികള്‍ എന്തിന് വേണ്ടി നിലകൊള്ളണമെന്നതില്‍ ഇന്നും ആശങ്കകള്‍ നിലനില്‍ക്കുന്നുവെന്നാണ് ഇത്തരം വാര്‍ത്തകള്‍ ഓര്‍മിപ്പിക്കുന്നതെന്നും സംഘട്ടനങ്ങള്‍ ഉണ്ടാവാമെങ്കില്‍പ്പോലും അടിച്ചമര്‍ത്തപ്പെടുമെന്ന ഭയമില്ലാതെ തുറന്ന് സംസാരിക്കാനുള്ള സ്വാതന്ത്ര്യം യൂനിവേഴ്‌സിറ്റികളിലുണ്ടാവണമെന്നും അദ്ദേഹം പറഞ്ഞു.