കത്തുന്ന ചൂടായിരുന്നു ഉച്ചസമയം മക്കയിൽ. അതുകൊണ്ടുതന്നെ കഅ്ബയുടെ മുറ്റത്തേക്ക് ജുമുഅ സമയത്ത് നിയന്ത്രണമേർപ്പെടുത്തി. ഹറം പള്ളിക്കുള്ളിലാണ് ഭൂരിഭാഗം തീർഥാടകർ പ്രാർഥനകൾ നിർവഹിച്ചത്. ഹജ്ജിന്റെ ത്വവാഫ് പൂർത്തിയാക്കി ഹാജിമാർ മടങ്ങി.

ഹറമിൽ ഹജ്ജിനേക്കാൾ തിരക്കേറുന്ന സമയമാണ് റമദാൻ. ഓരോ നന്മകൾക്കും വിശ്വാസികൾ ദൈവത്തിന്റെ സന്തോഷം അധികമായി ഏറ്റവാങ്ങുന്നുണ്ട് ഹറമിൽ. മദീനയിലും വൻ തിരക്കാണ് അനുഭവപ്പെടുന്നത്. ഹറം ഭൂപരിധിക്കകത്ത് മസ്ജിദുൽ ഹറാം കൂടാതെ നിരവധി പള്ളികളുണ്ട്. ഹറം പരിധിയിലെ ഏത് പള്ളിയിലും ഹറമിന്റെ അതേ പുണ്യം ലഭിക്കുമെന്നാണ് ഇസ്ലാമിക പാഠം. തിരക്കൊഴിവാക്കാൻ ഹറം പരിധിയിലെ വിവിധ പള്ളികളുപയോഗിക്കാമെന്നും ഇസ്ലാമിക കാര്യ മന്ത്രാലയം അറിയിച്ചു.

റിയാദ് : വിശുദ്ധ മക്കയിലും മദീനയിലുമെത്തുന്ന തീർത്ഥാടകരും സന്ദർശകരും മാസ്‌ക് ധരിക്കണമെന്ന് പൊതുസുരക്ഷാ വകുപ്പ് അറിയിച്ചു. ആരോഗ്യ സംരക്ഷണത്തിനും രോഗം പകരാതിരിക്കാനും പകർച്ചവ്യാധികൾ തടയാനും മാസ്‌ക് ഏറ്റവും മികച്ച കവചമാണെന്ന് സുരക്ഷാ വകുപ്പ് ചൂണ്ടിക്കാട്ടി. മക്കയിലെയും മദീനയിലെയും ഹറമുകൾക്കകത്തും പുറത്ത് മുറ്റങ്ങളിലും മാസ്‌ക് ധരിക്കുന്നത് സ്വയം സുരക്ഷക്കൊപ്പം മറ്റുള്ളവർക്കും സംരക്ഷണം നല്കുന്നതുമാണെന്നും സുരക്ഷാ വകുപ്പ് പുറത്തിറക്കിയ എക്സ് അക്കൗണ്ടിൽ വ്യക്തമാക്കി.

വിശുദ്ധ ഉംറ നിർവഹിക്കാനെത്തുന്നവരും മദീനയിൽ റൗള സന്ദർശത്തിനെത്തുന്നവരും മാസ്‌ക് കൈവശം സൂക്ഷിക്കാൻ ശ്രദ്ധിക്കണം. വിവിധ രാജ്യങ്ങളിൽ നിന്നെത്തുന്ന ഉംറ തീർത്ഥാടകരുടെയും സന്ദർശകരുടെയും ആരോഗ്യ സുരക്ഷക്ക് ഏറെ മുൻ‌തൂക്കം നൽകിയുള്ള നടപടികളാണ് പൊതുസുരക്ഷാ വിഭാഗം കൈക്കൊള്ളുന്നത്.