harbhajan Singh – Chandrika Daily https://www.chandrikadaily.com Tue, 14 Oct 2025 09:14:05 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg harbhajan Singh – Chandrika Daily https://www.chandrikadaily.com 32 32 ഓസീസിനെതിരെ കോഹ്ലി രണ്ട് സെഞ്ച്വറി നേടും പ്രവചനവുമായി ഹര്‍ഭജന്‍ സിംഗ് https://www.chandrikadaily.com/1harbhajan-singh-predicts-kohli-to-score-two-centuries-against-aussies.html https://www.chandrikadaily.com/1harbhajan-singh-predicts-kohli-to-score-two-centuries-against-aussies.html#respond Tue, 14 Oct 2025 09:12:36 +0000 https://www.chandrikadaily.com/?p=358365 ന്യൂഡല്‍ഹി: ഓസ്‌ട്രേലിയക്കെതിരായ ഏകദിന പരമ്പരയില്‍ വിരാട് കോഹ്ലി രണ്ട് സെഞ്ച്വറി നേടും എന്ന് മുന്‍ ഇന്ത്യന്‍ താരം ഹര്‍ഭജന്‍ സിംഗ് പ്രവചിച്ചു. മൂന്ന് മത്സരങ്ങളടങ്ങിയ പരമ്പരക്ക് ഈ മാസം 19-ന് തുടക്കമാകാനിരിക്കെയാണ് ഹര്‍ഭജന്റെ ആത്മവിശ്വാസം നിറഞ്ഞ പ്രവചനം.

”ദയവായി ആരും വിരാട് കോഹ്ലിയുടെ ഫിറ്റ്‌നസിനെക്കുറിച്ച് ചോദിക്കരുത്. ഫിറ്റ്‌നസിന്റെ കാര്യത്തില്‍ അവന്‍ ഗുരുവാണ്.

അവന്‍ ചെയ്യുന്ന കാര്യങ്ങളാണ് മറ്റുള്ളവര്‍ പിന്തുടരുന്നത്. അതുകൊണ്ട് ഫിറ്റ്‌നസിനെക്കുറിച്ച് ആശങ്കപ്പെടേണ്ട കാര്യമില്ല. മികച്ച പ്രകടനവും അവന്‍ കാഴ്ചവെക്കും,” എന്ന് ഹര്‍ഭജന്‍ പറഞ്ഞു.

ഇതിനിടെ, ഇന്ത്യന്‍ ജേഴ്‌സിയിലുള്ള വിരാട് കോഹ്ലിയുടെയും രോഹിത് ശര്‍മയുടെയും തിരിച്ചുവരവിനായി ആരാധകര്‍ ആകാംക്ഷയോടെ കാത്തിരിക്കുന്നു. കഴിഞ്ഞ ചാമ്പ്യന്‍സ് ട്രോഫി ഫൈനലിലാണ് ഇരുവരും അവസാനം ഏകദിനം കളിച്ചത്.

ടെസ്റ്റില്‍ നിന്നും വിരമിച്ച ഇരുവരും ഉടന്‍ ഏകദിനത്തില്‍ നിന്നും വിരമിക്കും എന്ന അഭ്യൂഹങ്ങളും ഉയര്‍ന്നുവരുന്നുണ്ട്. അതിനാല്‍ തന്നെ ഓസീസിനെതിരായ പരമ്പരയിലെ പ്രകടനം ഇരുവരുടെയും ഭാവി കരിയറിനെ നിര്‍ണയിക്കുന്നതാകുമെന്നാണു വിലയിരുത്തല്‍.

2027-ല്‍ നടക്കുന്ന അടുത്ത ഏകദിന ലോകകപ്പിലും കോഹ്ലിയും രോഹിത്തും ടീമിലുണ്ടാകുമോ എന്നത് ഇപ്പോള്‍ ആരാധകരും ക്രിക്കറ്റ് ലോകവും ഉറ്റുനോക്കുന്ന ചോദ്യമാണ്.

]]> https://www.chandrikadaily.com/1harbhajan-singh-predicts-kohli-to-score-two-centuries-against-aussies.html/feed 0 വിരാട് കോഹ്‌ലി ഉടന്‍ തന്നെ ലോകകപ്പ് ട്രോഫി ഉയര്‍ത്തുമെന്ന് ഹര്‍ഭജന്‍ സിങ് https://www.chandrikadaily.com/the-time-is-very-near-where-virat-kohli-will-be-lifting-the-world-cup-harbhajan-singh-interview.html https://www.chandrikadaily.com/the-time-is-very-near-where-virat-kohli-will-be-lifting-the-world-cup-harbhajan-singh-interview.html#respond Mon, 23 Nov 2020 11:12:26 +0000 https://www.chandrikadaily.com/?p=168917 മുംബൈ: ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോഹ്‌ലി ഉടന്‍ തന്നെ ലോകകപ്പ് ട്രോഫി ഉയര്‍ത്തുമെന്ന് മുതിര്‍ന്ന ഇന്ത്യന്‍ താരം ഹര്‍ഭജന്‍ സിങ്. 2021 ലെ ട്വന്റി20 ലോകകപ്പ് വിജയിക്കുകയെന്നതു വലിയ കാര്യമാണ്. ഏതൊരു ക്യാപ്റ്റനും അത് ആഗ്രഹിക്കും. അത് കോഹ്‌ലിയെ വലിയ താരമാക്കില്ല. ഇപ്പോള്‍ തന്നെ അദ്ദേഹം വലിയ താരമാണ്. എന്നാല്‍ ലോകകപ്പ് നേടിയ ക്യാപ്റ്റനെന്ന കാര്യം കൂടി കോഹ്‌ലിയുടെ മഹത്വത്തിന്റെ ഭാഗമാകും. ഒരു ട്രോഫിയും സ്വന്തമാക്കാതെ കോഹ്‌ലി കരിയര്‍ അവസാനിപ്പിക്കുമെന്ന് എനിക്കു തോന്നുന്നില്ല.

എന്തായാലും അടുത്തു തന്നെ കോഹ്‌ലി ലോകകപ്പ് ട്രോഫി ഉയര്‍ത്തും. ഒരുപക്ഷേ അത് ട്വന്റി20 ലോകകപ്പ് ആയിരിക്കാം. അല്ലെങ്കില്‍ മറ്റേതെങ്കിലും വിജയം ആകാം- ഒരു ദേശീയ മാധ്യമത്തിനു നല്‍കിയ അഭിമുഖത്തില്‍ ഹര്‍ഭജന്‍ പറഞ്ഞു. റെക്കോര്‍ഡുകള്‍ തകര്‍ത്തു മുന്നേറുന്ന കോഹ്‌ലി നിലവിലെ ക്രിക്കറ്റ് താരങ്ങളില്‍ ഏറ്റവും മികച്ച ബാറ്റ്‌സ്മാനായാണു വിലയിരുത്തുന്നത്. 32 വയസ്സുകാരനായ കോഹ്‌ലി രാജ്യാന്തര ക്രിക്കറ്റില്‍ 70 സെഞ്ചുറികള്‍ ഇതിനകം പൂര്‍ത്തിയാക്കി.

അതേസമയം ഐസിസി ടൂര്‍ണമെന്റുകളിലെ ഒരു ട്രോഫി എന്നത് ഇപ്പോഴും കോഹ്‌ലിയുടെ സ്വപ്നമായി അവശേഷിക്കുകയാണ്. 2017 ചാമ്പ്യന്‍സ് ട്രോഫിയില്‍ ഇന്ത്യ ഫൈനലിലെത്തിയെങ്കിലും പാക്കിസ്ഥാനോടു പരാജയപ്പെടുകയായിരുന്നു. 2019 ഏകദിന ലോകകപ്പില്‍ സെമി ഫൈനലിലെത്തിയ ഇന്ത്യ ന്യൂസീലന്‍ഡിനോടു തോറ്റു പുറത്തായി.

 

]]> https://www.chandrikadaily.com/the-time-is-very-near-where-virat-kohli-will-be-lifting-the-world-cup-harbhajan-singh-interview.html/feed 0 പ്രായം ചിലര്‍ക്കു പുറത്തേക്കുള്ള വഴി; ഇര്‍ഫാന്റെ ട്വീറ്റിനെ പിന്തുണച്ച് ഹര്‍ഭജന്‍ https://www.chandrikadaily.com/irfan-pathan-tweet-harbhajan-support.html https://www.chandrikadaily.com/irfan-pathan-tweet-harbhajan-support.html#respond Sun, 04 Oct 2020 18:51:33 +0000 https://www.chandrikadaily.com/?p=158977 ന്യൂഡല്‍ഹി: ‘പ്രായം ചിലര്‍ക്ക് വെറും നമ്പര്‍ മാത്രം, വേറെ ചിലര്‍ക്ക് അത് പുറത്താകാനുള്ള കാരണവും’ എന്ന മുന്‍ ഇന്ത്യന്‍ താരം ഇര്‍ഫാന്‍ പത്താന്റെ ട്വീറ്റിനെ പിന്തുണച്ച് ഹര്‍ഭജന്‍ സിങ്. ഇര്‍ഫാന്റെ നിലപാടിനോട് 10000000 ശതമാനം യോജിക്കുന്നുവെന്ന് ഹര്‍ഭജന്‍ ട്വിറ്ററില്‍ വ്യക്തമാക്കി. ഇര്‍ഫാന്‍ പത്താന്റെ കഴിഞ്ഞ ദിവസത്തെ ട്വീറ്റ് ഹര്‍ഭജന്‍ റീട്വീറ്റ് ചെയ്തിട്ടുമുണ്ട്.

കഴിഞ്ഞ ദിവസം ഇര്‍ഫാന്‍ ട്വിറ്ററില്‍ ഇത് പങ്കുവച്ചപ്പോള്‍ ഇതിന്റെ മുന നീളുന്നത് ആരിലേക്ക് എന്നതായിരുന്നു ചര്‍ച്ച. ചെന്നൈ സൂപ്പര്‍ കിങ്‌സ് നായകന്‍ ധോനിക്കെതിരായി ഇര്‍ഫാന്‍ പായിച്ച ഒളിയമ്പായിരുന്നു ഇതെന്നാണ് സൂചന. പ്രത്യേകിച്ച് കഴിഞ്ഞ കളിയിലെ ധോനിയുടെ മോശം പ്രകടനത്തിനു ശേഷമാണ് ഇര്‍ഫാന്‍ ഈ ട്വീറ്റ് നടത്തിയത് എന്നതു കൊണ്ട്.

മലയാളത്തില്‍ ഉള്‍പെടെയുള്ള കമന്റുകള്‍ ട്വീറ്റിനു താഴെ വന്നിട്ടരുന്നു. കഴിഞ്ഞ ദിവസം ധോനിയുടെ ചെന്നൈ സൂപ്പര്‍ കിങ്‌സ് സണ്‍റൈസേഴ്‌സ് ഹൈദരാബാദിനോട് പരാജയപ്പെട്ടിരുന്നു. ഹൈദരാബാദ് ഉയര്‍ത്തിയ വിജയലക്ഷ്യം പിന്തുടരുന്നതിനായി ചെന്നൈക്കായിരുന്നില്ല. അവസാന ഓവറുകളില്‍ ധോനിയായിരുന്നു ക്രീസില്‍. എന്നാല്‍ ഫിനിഷര്‍ എന്ന പേര് അദ്ദേഹത്തിന് ഇന്നലെ അന്വര്‍ഥമാക്കാനായില്ല. അവസാന ഓവറില്‍ 28 റണ്‍സ് വേണ്ടിടത്ത് നേടിയത് 20 റണ്‍സ്. ഇതോടെ ചെന്നൈ ഏഴു റണ്‍സിന് തോറ്റു. ടീം തോറ്റു എന്നതിനപ്പുറം ധോനിയുടെ കഴിഞ്ഞ ദിവസത്തെ ശരീര ഭാഷ തന്നെ ക്ഷീണം പിടിച്ചതായിരുന്നു. ബാറ്റിങ്ങിനിടയില്‍ പലപ്പോഴും ക്ഷീണം പ്രകടിപ്പിച്ച ധോനി ഇടക്കിടെ കാല്‍മുട്ടിലൂന്നി നിന്ന് ചുമക്കുന്നത് കാണാമായിരുന്നു. ഇതേ തുടര്‍ന്നായിരുന്നു ഇര്‍ഫാന്റെ ട്വീറ്റ് വന്നത്.

 

 

 

]]> https://www.chandrikadaily.com/irfan-pathan-tweet-harbhajan-support.html/feed 0 ഇന്ത്യന്‍ ക്രിക്കറ്റ് ടീമിലെ മുസ്‌ലിം പ്രാതിനിധ്യം ചോദ്യം ചെയ്ത് സഞ്ജീവ് ഭട്ട്; മറുപടിയുമായി ഹര്‍ഭജന്‍ സിങ് https://www.chandrikadaily.com/why-no-muslims-in-indian-cricket-team-asks-sacked-officer-sanjiv-bhatt-harbhajan-singh-responds.html https://www.chandrikadaily.com/why-no-muslims-in-indian-cricket-team-asks-sacked-officer-sanjiv-bhatt-harbhajan-singh-responds.html#respond Tue, 24 Oct 2017 12:46:55 +0000 http://www.chandrikadaily.com/?p=49586 ന്യൂഡല്‍ഹി: ഇന്ത്യന്‍ ക്രിക്കറ്റ് ടീമിലെ മുസ്‌ലിം പ്രാതിനിധ്യത്തെ ചോദ്യം ചെയ്ത് ഗുജറാത്ത് മുന്‍ ഐ.പി.എസ് ഓഫീസര്‍ സഞ്ജീവ് ഭട്ട്.

സ്വാതന്ത്ര്യത്തിന് ശേഷം എത്ര മുസ്‌ലിംകള്‍ ഇന്ത്യന്‍ ക്രിക്കറ്റ് ടീമില്‍ കളിച്ചിട്ടുണ്ടെന്നാണ് ഭട്ട് ഉന്നയിച്ച ചോദ്യം. ട്വീറ്റിലൂടെയായിരുന്നു മുന്‍ ഐ.പി.എസ് ഓഫീസര്‍ ക്രിക്കറ്റ് ടീമിലെ മത അനുപാതത്തെ സംബന്ധിച്ച സംശയം ഉന്നയിച്ചത്.


“സ്വാതന്ത്ര്യത്തിന് ശേഷം എത്ര മുസ് ലിംകള്‍ ഇന്ത്യന്‍ ക്രിക്കറ്റ് ടീമില്‍ കളിച്ചിട്ടുണ്ട്. ഇപ്പോഴത്തെ ടീമില്‍ എത്ര മുസ് ലിംകളുണ്ട്. മുസ് ലിംകള്‍ ക്രിക്കറ്റ് കളിക്കുന്നത് അവസാനിപ്പിച്ചോ. അല്ലെങ്കില്‍ സെലക്ടര്‍മാര്‍ ക്രിക്കറ്റ് കളിക്കാരെ തെരഞ്ഞെടുക്കുന്നത് വേറെ കളിയുടെ നിയമപ്രകാരമാണോ”, സഞ്ജീവ് ഭട്ട് ട്വീറ്റ് ചെയ്തു.

അതേസമയം, മറുപടിയുമായി മുന്‍ ഇന്ത്യന്‍ ക്രിക്കറ്റ് താരം ഹര്‍ഭജന്‍ സിങ് രംഗത്തെത്തി. ക്രിക്കറ്റില്‍ മതത്തിന് പ്രാധാന്യമില്ലെന്നായിരുന്നു, ട്വിറ്ററിലൂടെ തന്നെ ഭാജിയുടെ മറുപടി.


“ഇന്ത്യന്‍ ക്രിക്കറ്റില്‍ മതത്തിന് പ്രാധാന്യമില്ല. ദേശീയ ടീമില്‍ ഒരാള്‍ കളിക്കുന്നത് ഇന്ത്യക്കാരന്‍ എന്ന പേരിലാണ്. ജാതിയും വര്‍ണ്ണവും നോക്കിയല്ല സെലക്ഷനെന്നും”, ഹര്‍ഭജന്‍ ട്വീറ്ററില്‍ കുറിച്ചു.


അതേസമയം, ശ്രീലങ്കക്കെതിരായ ടെസ്റ്റ് പരമ്പരക്കും ന്യൂസിലന്‍ഡിനെതിരായ ട്വന്റി20 മത്സരത്തിനുമായി കഴിഞ്ഞ ദിവസം നിലവില്‍ വന്ന ഇന്ത്യന്‍ ടീമില്‍ രണ്ട് മുസ്‌ലിം അംഗങ്ങളുണ്ട്. മുഹമ്മദ് ഷമി, മുഹമ്മദ് സിറാജ് എന്നിവരെയാണ് പുതുതായി ഉള്‍പ്പെടുത്തിയത്. എന്നാല്‍ ടീം നിലവില്‍  വരുന്നതിന് മുന്നേയായിരുന്നു സഞ്ജീവ് ഭട്ട് വിഷയത്തില്‍ ട്വീറ്റ് നടത്തിയത്.

]]> https://www.chandrikadaily.com/why-no-muslims-in-indian-cricket-team-asks-sacked-officer-sanjiv-bhatt-harbhajan-singh-responds.html/feed 0 ജി.എസ്.ടി; സര്‍ക്കാറിനെ പരിഹസിച്ച് ഹര്‍ഭജന്‍ സിങ് https://www.chandrikadaily.com/harbhajan-singhs-views-on-gst-leave-twitter-in-splits.html https://www.chandrikadaily.com/harbhajan-singhs-views-on-gst-leave-twitter-in-splits.html#respond Fri, 29 Sep 2017 15:17:13 +0000 http://www.chandrikadaily.com/?p=45794 മുംബൈ: മോദി സര്‍ക്കാറിന്റെ ജനദ്രോഹ നടപടിക്കെതിരെ കിടിലന്‍ ഗൂഗ്ലിമായി ഇന്ത്യന്‍ ഓഫ് സ്പിന്നര്‍ ഹര്‍ഭജന്‍ സിങ്. മോദി ഗലണ്‍മെന്റ് നടപ്പാക്കിയ ജി.എസി.ടി നടപടിയെ പരസ്യമായി പരിഹസിച്ചാണ് ഭാജി രംഗത്തെത്തിയത്.

ട്വിറ്ററിലൂടെയായിരുന്നു ഹര്‍ഭജന്റെ പരിഹാസം. “ഭക്ഷണം കഴിച്ചതിന്റെ ബില്ല് ഹോട്ടലില്‍ അടക്കുമ്പോള്‍ സര്‍ക്കാറുകളും ഒപ്പം കഴിച്ചതായി തോന്നും” എന്നായിരുന്നു ട്വീറ്റ്.
ജി.എസി.ടിക്ക് എതിരായി മോദി ഗവണ്‍മെന്റിനെതിരെ രാജ്യത്ത് പ്രചരിച്ച വാട്‌സ്അപ്പ് ട്രോളാണ് ഹര്‍ഭജന്‍ ട്വീറ്റിയത്.
അതേസമയം, ഭാജിയുടെ വാദത്തെ അനുകൂലിച്ച് നിരവധി പേരാണ് സോഷ്യല്‍മീഡിയില്‍ രംഗത്തെത്തിയത്.


നേരത്തെ ഇന്ത്യയോട് പരമ്പര നഷ്ടപ്പെട്ട ഓസ്ട്രേലിയയെ പരിഹസിച്ച് താരം രംഗത്തെത്തിയതും വാര്‍ത്തയായിരുന്നു. ഓസ്ട്രേലിയന്‍ ക്രിക്കറ്റ് ടീം വിരമിച്ച കളിക്കാരന്‍ മൈക്കിള്‍ ക്ലര്‍ക്കിനെ തിരികെ വിളിക്കണമെന്നായിരുന്നു ഹര്‍ഭജന്റെ ട്വീറ്റ്. കളിക്കളത്തിലുള്ളപ്പോള്‍ എതിര്‍ ടീമികള്‍ക്കുമായി ശക്തമായി വാക്കുതര്‍ക്കത്തിലേര്‍പ്പെടുന്ന താരമാണ് ഹര്‍ഭജന്‍.


അതേസമയം ഹര്‍ഭജന്‍ സിങ് രാഷ്ട്രീയത്തിലേക്ക് കടക്കാന്‍ ആലോചിക്കുന്നതായി നേരത്തെ റിപ്പോര്‍ട്ടുകള്‍ ഉണ്ടായിരുന്നു.

]]> https://www.chandrikadaily.com/harbhajan-singhs-views-on-gst-leave-twitter-in-splits.html/feed 0 ഹര്‍ഭജനും രാഷ്ട്രീയത്തിലേക്ക്? കോണ്‍ഗ്രസ് ടിക്കറ്റില്‍ മത്സരിച്ചേക്കും https://www.chandrikadaily.com/harbhajan-singh-likely-to-contest-punjab-assembly-election-on-congress-ticket.html https://www.chandrikadaily.com/harbhajan-singh-likely-to-contest-punjab-assembly-election-on-congress-ticket.html#respond Thu, 22 Dec 2016 05:40:54 +0000 http://www.chandrikadaily.com/?p=14010 ന്യൂഡല്‍ഹി: ക്രിക്കറ്റിന് പുറത്ത് പുതിയ ഇന്നിങ്‌സിന് തുടക്കമിടാനൊരുങ്ങി മുന്‍ ഇന്ത്യന്‍ സ്പിന്നര്‍ ഹര്‍ഭജന്‍ സിങ്. റിപ്പോര്‍ട്ടുകള്‍ ശരിയാണെങ്കില്‍ പഞ്ചാബ് തെരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥിയായി ഹര്‍ഭജന്‍ സിങ് മത്സരിച്ചേക്കും. ഇന്ത്യ ടുഡെയാണ് ഇക്കാര്യം റിപ്പോര്‍ട്ട് ചെയ്യുന്നത്. ജലന്ധര്‍ സീറ്റിലാവും മത്സരിക്കുകയെന്നാണ് വിവരം. എന്നാല്‍ ഇക്കാര്യത്തില്‍ ഔദ്യോഗിക സ്ഥിരീകരണങ്ങളൊന്നും വന്നിട്ടില്ല.

നേരത്തെ ബി.ജെ.പി വിട്ട മുന്‍ ക്രിക്കറ്റര്‍ നവ്‌ജ്യോത് സിങ് സിദ്ദു കോണ്‍ഗ്രസില്‍ ചേര്‍ന്നേക്കുമെന്ന് റിപ്പോര്‍ട്ടുകളുണ്ടായിരുന്നെങ്കിലും വ്യക്തത വന്നിട്ടില്ല. കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുമായി സിദ്ദു അടുത്തിടെ കൂടിക്കാഴ്ച നടത്തിയത് വാര്‍ത്തകള്‍ക്ക് ബലമേകി. പിന്നാലെയാണ് ഹര്‍ഭജനും കോണ്‍ഗ്രസില്‍ ചേര്‍ന്നേക്കുമെന്ന റിപ്പോര്‍ട്ടുകള്‍ വരുന്നത്. അടുത്ത വര്‍ഷമാണ് പഞ്ചാബില്‍ നിയമസഭാ തെരഞ്ഞെടുപ്പ്.

103 ടെസ്റ്റുകളും 236 ഏകദിനങ്ങള്‍ക്കും ഇന്ത്യക്കായി പന്തെറിഞ്ഞ ഹര്‍ഭജന്‍ അവസാനമായി ഇന്ത്യന്‍ ടീമില്‍ പ്രത്യക്ഷപ്പെട്ടത് 2015ല്‍ ദക്ഷിണാഫ്രിക്കയ്‌ക്കെതിരെ നടന്ന ഏകദിനത്തിലാണ്. ഐ.പി.എല്ലില്‍ മുംബൈ ഇന്ത്യന്‍സിന്റെ ഭാഗമാണ്. ടീമിലേക്ക് മടങ്ങിവരവ് ഏറെക്കുറെ ദുഷ്‌കരമായ സാഹചര്യത്തിലാണ് ഹര്‍ഭജന്റെ രാഷ്ട്രീയ പ്രവേശന വാര്‍ത്തകള്‍ വരുന്നത്.

]]> https://www.chandrikadaily.com/harbhajan-singh-likely-to-contest-punjab-assembly-election-on-congress-ticket.html/feed 0