CD बनाने के चक्कर में भाजपा घोषणा पत्र बनाना भूल गई,कल वोटिंग हैं।

— Hardik Patel (@HardikPatel_) December 8, 2017

ഹര്‍ദിക് പട്ടേലുമായി രൂപസാദൃശ്യമുള്ളയാളുടെ ഉള്‍പ്പെട്ട ലൈംഗിക സി.ഡി പുറത്തിറങ്ങിയ സംഭവത്തെ സൂചിപ്പിച്ചാണ് പട്ടേലിന്റെ പരിഹാസം. ഇതിനുപിന്നില്‍ ബിജെപി ആണെന്നാണ് ഹാര്‍ദിക്ക് നേരത്തെ ആരോപണമുയര്‍ത്തിയിരുന്നു.

The BJP has shown unbelievable disrespect towards the people of Gujarat. Campaign is over and STILL no mention of a manifesto for the people, no vision and no ideas presented for Gujarat’s future. #BJPDisrespectsGujarat

— Office of RG (@OfficeOfRG) December 7, 2017

ബിജെപി പ്രകടനപത്രിക പുറത്തിറക്കാത്തതിനെതിരെ നേരത്തേ നിയുക്ത കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും രംഗത്തെത്തിയിരുന്നു. പത്രിക പുറത്തിറക്കാതെ ബിജെപി ഗുജറാത്തിലെ ജനങ്ങളെ അവഹേളിക്കുകയാണെന്ന് അദ്ദേഹം ആരോപിച്ചു. പ്രചാരണം അവസാനിച്ചു, എന്നിട്ടും പ്രകടന പത്രികയെക്കുറിച്ച് യാതൊരു സൂചനയുമില്ല. ഗുജറാത്തിന്റെ ഭാവിക്കുവേണ്ടി ദര്‍ശനങ്ങളോ ആശയങ്ങളോ അവര്‍ പ്രചരിപ്പിച്ചില്ലെന്നും, രാഹുല്‍ ട്വീറ്റ് ചെയ്തു.

അതേസമയം, തെരഞ്ഞെടുപ്പിനോട് അനുബന്ധിച്ച് ബി.ജെ.പി നേരത്തേ ദര്‍ശന രേഖ പുറത്തിറക്കിയിരുന്നു. എന്നാല്‍ പതിവു രീതിയിലുള്ള പ്രകടനപത്രികയുടെ രൂപത്തിലായിരുന്നില്ല അതെന്നതും വിവാദമായി. അടുത്ത അഞ്ചുവര്‍ഷം പാര്‍ട്ടി ചെയ്യാനുദ്ദേശിക്കുന്ന കാര്യങ്ങള്‍ അക്കമിട്ട് നിരത്തുന്ന പ്രകടപത്രികയില്‍ നിന്നും വ്യത്യസ്തമായതാണ് വിമര്‍ശനത്തിന് കാരണം.

#WATCH Surat: Patidar Anamat Andolan Samiti workers clash with Congress workers over ticket distribution (earlier visuals) pic.twitter.com/uz5fx9oXIc

— ANI (@ANI) November 20, 2017

സ്ഥാനാര്‍ത്ഥി പട്ടികയിലെ എതിര്‍പ്പാണ് ആക്രമണത്തിന് പിന്നില്‍. സ്ഥാനാര്‍ത്ഥി പട്ടികയില്‍ സമ്മതമില്ലാതെ പട്ടീദാര്‍ സമിതി നേതാക്കളുടെ പേര് ഉള്‍പ്പെടുത്തിയതിലെ പ്രതിഷേധമാണ് ഇതെന്നാണ് പറയുന്നത്. പട്ടീദാര്‍ സമിതിയുടെ നേതാക്കളായ ലളിത് വാസൂയ, നീലേഷ് പട്ടേല്‍ എന്നിവരെയാണ് കോണ്‍ഗ്രസ് സമ്മതമില്ലാതെ പട്ടികയില്‍ ഉള്‍പ്പെടുത്തിയത്. ഇതിനെതിരെയാണ് പട്ടീദാര്‍ വിഭാഗക്കാരുടെ പ്രതിഷേധം അരങ്ങേറിയത്. കോണ്‍ഗ്രസ് സമ്മതമില്ലാതെയാണ് നേതാക്കളുടെ പേര് ഉള്‍പ്പെടുത്തിയതെന്നും ഇതിനെതിരെ സംസ്ഥാനത്താകമാനം പ്രക്ഷോഭം നടത്താനാണ് പട്ടീദാര്‍ സമിതി തീരുമാനിച്ചിരിക്കുന്നതെന്നും സമിതി വക്താവ് ദിനേഷ് ബംബാനിയ അറിയിച്ചു. സംവരണവുമായി ബന്ധപ്പെട്ട് ഇന്നലെ കോണ്‍ഗ്രസ്സും പട്ടീദാര്‍ വിഭാഗവും തമ്മില്‍ ധാരണയിലെത്തിയിരുന്നു. ഇന്ന് രാജ്‌കോട്ടില്‍ നടക്കാനിരിക്കുന്ന പരിപാടിയില്‍ ഇത് പ്രഖ്യാപിക്കാനിരിക്കുമ്പോഴായിരുന്നു അപ്രതീക്ഷിത ആക്രമണം. ഇന്നത്തെ യോഗത്തില്‍ ഹാര്‍ദ്ദിക് പട്ടേല്‍ പങ്കെടുക്കില്ലെന്നാണ് വിവരം.

20 പട്ടേല്‍ വിഭാഗക്കാരടക്കം 77 സ്ഥാനാര്‍ത്ഥികളുടെ പട്ടികയാണ് കോണ്‍ഗ്രസ് പുറത്തിറക്കിയത്. കോണ്‍ഗ്രസിന്റെ മുഖ്യമന്ത്രി സ്ഥാനാര്‍ത്ഥിയാകുമെന്ന് കരുതപ്പെടുന്ന ശക്തി സിങ് ഗോഹില്‍ കച്ചിലെ മാണ്ഡ്‌ലി മണ്ഡലത്തിലും അര്‍ജുന്‍ മോദ് വാദിയ പോര്‍ബന്ദറിലും മത്സരിക്കും. കോണ്‍ഗ്രസിനെ സംബന്ധിച്ചിടത്തോളം ഏറെ നിര്‍ണായകമാണ് ഗുജറാത്ത് തെരഞ്ഞെടുപ്പ്. ഡിസംബര്‍ 9നും 14 നുമായി രണ്ട് ഘട്ടങ്ങളിലായി നടക്കുന്ന തെരഞ്ഞെടുപ്പിന്റെ ഫലം ഡിസംബര്‍ 18നറിയാം. ഹാര്‍ദ്ദിക് പട്ടേല്‍, ജിഗ്‌നേഷ് മേവാനി തുടങ്ങിയ നേതാക്കളെ ഒപ്പം കൂട്ടി നിയമസഭാ തെരഞ്ഞെടുപ്പില്‍ മുന്നേറാന്‍ ശ്രമിക്കുമ്പോഴാണ് പട്ടീദാര്‍ വിഭാഗക്കാരുടെ അപ്രതീക്ഷിത പ്രതിഷേധം.

താനെയില്‍ സംസാരിക്കുമ്പോഴാണ് സെക്‌സ് ടേപ്പ് വിവാദത്തില്‍ താക്കറെ പരാമര്‍ശം നടത്തിയത്. 2014ലെ ലോക്‌സഭ തെരഞ്ഞെടുപ്പില്‍ വികസന രേഖകാണിച്ചിട്ടായിരുന്നു ബി.ജെ.പി വിജയിച്ചിരുന്നത്. എന്നാല്‍ അധികാരത്തിലെത്തി മൂന്നുവര്‍ഷം കഴിഞ്ഞിട്ടും വികസനം കൊണ്ടുവരാന്‍ സര്‍ക്കാരിന് സാധിച്ചിട്ടില്ല. അതുകൊണ്ടാണ് മറ്റുള്ളവരുടെ കിടപ്പറയില്‍ ഒളിഞ്ഞ് നോക്കിയും ജനങ്ങളെ നീല ചിത്രം കാണിച്ചും ജയിക്കാന്‍ ബി.ജെ.പി ശ്രമിക്കുന്നതെന്നും താക്കറെ പറഞ്ഞു. കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധിയെ അധിക്ഷേപിക്കുന്നതിനേയും താക്കറെ വിമര്‍ശിച്ചു. രാഹുല്‍ പപ്പുവാണെങ്കില്‍ പിന്നെന്തിനാണ് രാഹുലിന് മറുപടി നല്‍കാന്‍ മുഴുവന്‍ മന്ത്രിമാരും ശ്രമിക്കുന്നതെന്നും അദ്ദേഹം കൂട്ടിച്ചേര്‍ത്തു.

സംസ്ഥാനത്താകെ ഹര്‍ദ്ദികിന്റെ പേരിലുള്ള സെക്‌സ്‌ടേപ്പുകള്‍ വ്യാപകമായി പ്രചരിക്കുകയാണ്. ഇതിന് പിന്നില്‍ ബി.ജെ.പി മുഖ്യമന്ത്രി വിജയ് രൂപാനിയും മുതിര്‍ന്ന നേതാക്കളുമാണെന്നും ഹര്‍ദ്ദിക് പ്രതികരിച്ചിരുന്നു. പിന്നില്‍ 40കോടി മുടക്കിയുള്ള മോര്‍ഫിംഗ് ഗൂഢാലോചനയാണെന്നും ഹര്‍ദ്ദിക് പറഞ്ഞിരുന്നു. തുടര്‍ന്നാണ് ബി.ജെ.പിയുടെ വില കുറഞ്ഞ നീക്കത്തിനെതിരെ താക്കറെ തന്നെ രംഗത്തെത്തുന്നത്.