36 ഗോളുകളാണ് താരം ഈ സീസണില്‍ അടിച്ചു കൂട്ടിയത്. 72 പോയിന്റുകള്‍ക്ക് പട്ടികയില്‍ ഏറെ മുന്നിലാണ് താരം. ടോട്ടന്‍ഹാം താരമായിരുന്ന കെയ്ന്‍ ഈ സീസണിലാണ് ബയേണിനൊപ്പം ചേരുന്നത്. ഗോള്‍ഡന്‍ ബൂട്ട് നേടിയാല്‍ ഈ നേട്ടം നേടുന്ന മൂന്നാമത് ബുണ്ടസ് ലീഗ താരമാകും കെയ്ന്‍.

ഫ്രഞ്ച് ലീഗ് വണ്ണിലെ ടോപ് സ്‌കോററായ എംബാപ്പയാണ് രണ്ടാമത്. 27 ഗോളുകളാണുള്ളത് എംബാപ്പക്കുള്ളത്. 54 പോയിന്റാണ് താരത്തിനുള്ളത്. ഈ സീസണോടെ ക്ലബ് വിടുമെന്ന് സൂചന നല്‍കിയ താരം റയല്‍ മാഡ്രിഡിലേക്ക് കൂടുമാറാന്‍ നില്‍ക്കുന്നു എന്ന് അഭ്യൂഹങ്ങളുണ്ട്

മൂന്നാം സ്ഥാനത്തുള്ളത് ജര്‍മന്‍ ക്ലബായ വി എഫ് ബി സ്റ്റുട്ട്ഗര്‍ട്ടിന്റെ ഗുയ്രാസിയാണ്. 52 പോയിന്റാണ് താരത്തിനുള്ളത്. ബുണ്ടസ് ലീഗയില്‍ ടീമിനെ മൂന്നാമതെത്തിക്കുന്നതില്‍ നിര്‍ണ്ണായക പങ്ക് വഹിച്ച താരമായിരുന്നു ഫ്രഞ്ച് താരം. 25 ഗോളും 50 പോയിന്റുമായി ഏര്‍ലിങ് ഹാലാണ്ടാണ് പട്ടികയില്‍ നാലാം സ്ഥാനത്തുള്ളത്.

നിലവില്‍ പോയിന്റ് പട്ടികയില്‍ രണ്ടാം സ്ഥാനത്താണ് മാഞ്ചസ്റ്റര്‍ സിറ്റി. ഒരു പോയിന്റ് മാത്രം വ്യത്യാസത്തില്‍ ആഴ്‌സണല്‍ ഒന്നാം സ്ഥാനത്ത് തുടരുമ്പോള്‍ അവശേഷിക്കുന്ന രണ്ട് മത്സരങ്ങളും വിജയിച്ച് ലീഗ് കിരീടം നേടാമെന്ന പ്രതീക്ഷയിലാണ് ഹാലണ്ടും കൂട്ടരും.

ജര്‍മ്മനിയില്‍ നടക്കുന്ന യൂറോ കപ്പ് ഫുട്‌ബോളിന് മുമ്പായാണ് ഇംഗ്ലീഷ് ടീം രണ്ട് സൗഹൃദ മത്സരങ്ങള്‍ കളിക്കുന്നത്. രണ്ട് മത്സരങ്ങളിലും കളിച്ചില്ലെങ്കിലും ബയേണ്‍ താരം ഹാരി കെയ്ന്‍ യൂറോ കപ്പിനുള്ള ഇംഗ്ലണ്ട് ടീമില്‍ സ്ഥാനം ഉറപ്പാണ്. അതിനിടെ മറ്റ് ചില ഇംഗ്ലണ്ടിന്റെ സുപ്രധാന താരങ്ങളും പരിക്കിന്റെ പിടിയിലുണ്ട്.

ജോര്‍ദാന്‍ ഹെന്‍ഡേഴ്‌സണും കോള്‍ പാല്‍മറും കളിക്കില്ലെന്ന് ഇംഗ്ലണ്ട് പരിശീലകന്‍ വ്യക്തമാക്കിയിട്ടുണ്ട്. എന്നാല്‍ ഇരുവരും ബെല്‍ജിയത്തിനിയെതിരായ മത്സരത്തില്‍ തിരിച്ചുവന്നേക്കും. ബുക്കായോ സാക്ക നേരത്തെ തന്നെ പരിക്കിനെ തുടര്‍ന്ന് പിന്മാറിയിരുന്നു. ഒല്ലി വാട്ട്കിന്‍സ്, ഇവാന്‍ ടോണി എന്നിവര്‍ ഇംഗ്ലണ്ട് ടീമില്‍ കളിച്ചേക്കുമെന്നാണ് സൂചന.

നിഷ്‌നി നോവോഗാര്‍ഡില്‍ നടന്ന കളിയിലുടനീളം ആധിപത്യം പുലര്‍ത്തിയ ഇംഗ്ലീഷുകാര്‍ ഒരിക്കല്‍ പോലും പനാമയ്ക്കു മേല്‍കൈ നല്‍കാന്‍ അനുവദിച്ചില്ല. 1986 ന് ശേഷം തുടര്‍ച്ചയായ രണ്ട് കളികളില്‍ രണ്ടോ അതിലധികമോ ഗോളുകള്‍ നേടുന്ന താരമെന്ന റെക്കോര്‍ഡും ഹാരി കെയ്ന്റെ പേരിലായി മാറി. എന്നാല്‍ ഇന്നത്തെ ഹാട്രിക്കോടെ ഈ ലോകകപ്പിലെ ടോപ്പ് സ്‌കോററായും ഹാരി കെയ്ന്‍ മാറി എന്നതാണ് ഏറ്റവും ശ്രദ്ധേയമായ നേട്ടം.

നായകന്‍ ഹാരി നേടിയ ഇരട്ട ഗോളുകളിലൂടെ ടൂണീഷ്യക്കെതിരെ ആദ്യ മല്‍സരം ജയിച്ചവരാണ് ഇംഗ്ലണ്ട് . പാനമയാവട്ടെ കന്നി ലോകകപ്പിലെ കന്നി മല്‍സരത്തില്‍ ബെല്‍ജിയത്തോട് കുറേ സമയം പൊരുതി നിന്ന് അവസാനം മൂന്ന് ഗോളുകള്‍ക്ക് പരാജയപ്പെട്ടവരും.

നേരത്തെ നാല് ഗോളുമായി മുന്നില്‍ നിന്നിരുന്നത് പോര്‍ച്ചുഗല്‍ നായകന്‍ ക്രിസ്റ്റിയാനോ റൊണാള്‍ഡോയും ബെല്‍ജിയത്തിന്റെ സൂപ്പര്‍ താരം ലുകാക്കുവുമായിരുന്നു. ഇരുവരും നാല് ഗോളായിരുന്നു നേടിയിരുന്നത്. കളിയ്ക്ക് മുമ്പ് രണ്ട് ഗോള്‍ നേടിയുന്ന ഹാരി ഹാട്രിക്കോടെ തന്റെ ഗോള്‍ നേട്ടം അഞ്ചാക്കി ഉയര്‍ത്തുകയും പട്ടികയില്‍ ഒന്നാമതെത്തുകയും ചെയ്തു.

ടോട്ടനത്തിനും തിരിച്ചടിയാണ് ഹാരിയുടെ പരുക്ക്. എഫ്.എ കപ്പില്‍ സ്വാന്‍സിക്കെതിരായ ക്വാര്‍ട്ടറും പ്രീമിയര്‍ ലീഗില്‍ ചെല്‍സിക്കെതിരായ നിര്‍ണായക പോരാട്ടവും വരാനിരിക്കവെയാണ് പരുക്ക്. 4-1ന് ടോട്ടനം ജയിച്ച മല്‍സരത്തിന്റെ അവസാനത്തില്‍ മറ്റൊരു സ്‌ട്രൈക്കര്‍ ഡാലെ അലിയും പരുക്കേറ്റ് മടങ്ങിയിട്ടുണ്ട്.

ലണ്ടന്‍ : ഇംഗ്ലീഷ് പ്രീമിയര്‍ ലീഗില്‍ കരുത്തരുടെ പോരാട്ടത്തില്‍ ആര്‍സെനലിനെ ഏകപക്ഷിമായ ഒരു ഗോളിന് മുട്ടുകുത്തിച്ച് ടോട്ടന്‍ഹാം ഹോട്ട്‌സ്പര്‍. വിജയത്തോടെ അടുത്ത വര്‍ഷത്തെ ചാമ്പ്യന്‍സ് ലീഗ് യോഗ്യതാ സാധ്യത സജീവമാക്കാനും സ്‌പേര്‍സിനായി. രണ്ടാം പകുതിയുടെ തുടക്കത്തില്‍ ഇംഗ്ലീഷ് താരം ഹാരി കെയ്‌നാണ് സ്‌പേര്‍സിനായി ലക്ഷ്യം കണ്ടത്. ബോക്‌സിനു പുറത്തു നിന്ന് പ്രതിരോധ താരം ബെന്‍ ഡേവിസ് നല്‍കിയ ക്രോസിന് തലവെച്ചാണ് കെയ്ന്‍ പീറ്റര്‍ ചെക്കിന്റെ വല കുലുക്കിയത്.

ലിവര്‍പൂളിനെതിരെ അവസാനം നിമിഷം സമനില നേടിയ ടോട്ടന്‍ഹാം വെംബ്ലിയിലും മികച്ച പ്രകടനം തന്നെയാണ് പുറത്തെടുത്ത്. ഹാരി കെയ്‌നിന്റെ പലമുന്നേറ്റങ്ങളും ആര്‍സെനല്‍ ഗോളി പീറ്റര്‍ ചെക്കിന്റെ മുന്നില്‍ ്അവസാനിക്കുകയായിരുന്നു. അതേസമയം കഴിഞ്ഞ വാരം എവര്‍ട്ടണിനെ വലിയ മാര്‍ജിനില്‍ തോല്‍പ്പിച്ച ഗണ്ണേഴ്‌സിന് കാര്യമായ വെല്ലുവിളി ഉയര്‍ത്താന്‍ കഴിഞ്ഞില്ല. പരുക്കു കാരണം മിഡ്ഫീല്‍ഡര്‍ ആരോണ്‍ റാംസി കളിക്കാത്തതും ഗണ്ണേഴ്‌സിന് തിരിച്ചടിയായി. ഓംബുയാങ്- മിക്കിതാരിയന്‍-ഓസില്‍ സംഖ്യത്തെ മുന്നില്‍ പരീക്ഷിച്ച പരിശീലകന്‍ വെങറുടെ പ്രതീക്ഷക്കൊത്തുയരാന്‍ ഇവര്‍ക്കായില്ല. കളി തീരാന്‍ മിനുറ്റുകള്‍ ശേഷിക്കെ പകരക്കാരനായി ഇറങ്ങിയ ഫ്രഞ്ച് താരം ലക്കസെറ്റ മികച്ചൊരു അവസരം പുറത്തേക്ക് അടിച്ചതും ടീമിന് വിനയായി.

27 മത്സരങ്ങളില്‍ നിന്നായി 52 പോയന്റുള്ള ടോട്ടന്‍ഹാം പോയിന്റ് ടേബിളില്‍ മൂന്നാം സ്ഥാനത്താണ്. അതേസമയം ഇത്രയും തന്നെ മത്സരങ്ങളില്‍നിന്നായി 45 പോയന്റുള്ള ആര്‍സെനല്‍ ആറാം സ്ഥാനത്താണ്. ലീഗിലെ ആദ്യ നാലു സ്ഥാനക്കാര്‍ക്കാണ് ചാമ്പ്യന്‍സ് ലീഗ് യോഗ്യത ലഭിക്കുക.

ഇംഗ്ലീഷ് പ്രീമിയര്‍ ലീഗ് ഫുട്‌ബോളില്‍ ടോട്ടനത്തിനായി അരങ്ങ് തകര്‍ക്കുന്ന ഹാരി കെയിനാണ് സൈനുദ്ദീന്‍ സിദാന്‍ ലക്ഷ്യമിടുന്നത്. ടോട്ടനവുമായി പുതിയ കരാര്‍ ഇത് വരെ ഹാരി ഒപ്പിട്ടിട്ടില്ല എന്നതാണ് അദ്ദേഹം കളം മാറുന്നു എന്നതിന്റെ വ്യക്തമായ സൂചന നല്‍കുന്നത്. റയലിലേക്ക് വരണമെങ്കില്‍ ടീമിന്റെ പത്താം നമ്പര്‍ ജഴ്‌സി അദ്ദേഹം ആവശ്യപ്പെട്ടതായി ഡിയാരിയോ ഗോള്‍ പത്രം റിപ്പോര്‍ട്ട് ചെയ്തു. കഴിഞ്ഞ കലണ്ടര്‍ വര്‍ഷം പ്രീമിയര്‍ ലീഗിലെ ടോപ് സ്‌ക്കോറര്‍ പട്ടം സ്വന്തമാക്കിയ ഹാരി ലിയോ മെസി, കൃസ്റ്റിയാനോ റൊണാള്‍ഡോ എന്നിവര്‍ക്ക്് വെല്ലുവിളിയാവുമെന്നാണ് കരുതപ്പെടുന്നത്.

പ്രീമിയര്‍ലീഗിലെ റെക്കോര്‍ഡ് പ്രകടനത്തോടെ ബാഴ്‌സ സൂപ്പര്‍ താരം ലയണല്‍ മെസിയെയാണ് ഹാരി കെയ്ന്‍ മറികടന്നത്. ഇംഗ്ലീഷ് പ്രീമിയര്‍ലീഗില്‍ ഒരിക്കല്‍ കൂടി ഹാട്രിക്ക് നേടിയ ഹാരി കെയിന്‍ ഒരു കലണ്ടര്‍ വര്‍ഷം ഏറ്റവും കൂടുതല്‍ ഗോളുകള്‍ നേടിയ കളിക്കാരനെന്ന റെക്കോര്‍ഡാണ് ഇതോടെ സ്വന്തമാക്കിയത്.

Record breaker @HKane looks back on a memorable afternoon at Wembley. #OneOfOurOwn pic.twitter.com/b4FBU2AnyS

— Tottenham Hotspur (@SpursOfficial) December 26, 2017

ഒരു കലണ്ടര്‍ വര്‍ഷം യൂറോപ്പില്‍ തന്നെ ഏറ്റവും കൂടുതല്‍ ഗോളുകള്‍ നേടിയ താരമായിരിക്കുകയാണ് കെയിന്‍. 2017 കലണ്ടര്‍ വര്‍ഷത്തില്‍ 56 ഗോളുകളാണ് കെയിന്‍ ഇതോടെ സ്വന്തമാക്കിയത്. മെസി ഇതുവരെ 54 ഗോളുകളാണ് നേടിയത്. ബാര്‍സക്ക് ഈ വര്‍ഷം ഇനി മത്സരങ്ങളില്ല എന്നതും കെയ്‌നിന്റെ നേട്ടം ഉറപ്പിച്ചിരുക്കുകയാണ്.

അതേസമയം ഇംഗ്ലീഷ് പ്രീമിയര്‍ ലീഗില്‍ 22 വര്‍ഷങ്ങള്‍ക്ക് മുമ്പ് അലന്‍ ഷിയറര്‍ സ്ഥാപിച്ച 36 ഗോള്‍ എന്ന റെക്കോര്‍ഡും കെയിന്‍ മറികടന്നു. 39 ഗോളുകളാണ് ഈ വര്‍ഷം കെയിന്‍ പ്രീമിയര്‍ ലീഗില്‍ നേടിയത്. ബ്ലാക്ക്‌ബേണ്‍ റോവേഴ്‌സിന് വേണ്ടി 42 മത്സരങ്ങളില്‍ നിന്നാണ് അലന്‍ ഷിയറര്‍ 36 ഗോളുകള്‍ നേടിയത്. എന്നാല്‍ ഹാരി കെയ്ന്‍ ഈ നേട്ടം കൈവരിച്ചത് 36 മത്സരങ്ങളിലാണെന്നതും ടോട്ടനം താരത്തെ ശക്തനാക്കുന്നു്.