‘ഗ്രാമ വാസ്തവ്യ’ പരിപാടിയുടെ ഭാഗമായി വെള്ളിയാഴ്ച ട്രെയിന്‍ മാര്‍ഗം യദ്ഗിറിലെത്തിയ കുമാരസ്വാമി ട്രാന്‍സ്‌പോര്‍ട്ട് ബസിലാണ് ചന്ദ്രകി ഗ്രാമത്തിലെത്തിയത്. ഗ്രാമങ്ങളില്‍ താമസിച്ച് ജനങ്ങളുടെ പ്രശ്‌നങ്ങള്‍ അടുത്തറിയുക എന്നതാണ് ഗ്രാമ വാസ്തവ്യയുടെ ലക്ഷ്യം. ഗ്രാമത്തിലെ ഒരു സ്‌കൂളിലാണ് കുമാരസ്വാമി താമസിച്ചത്. സ്‌കൂളിലെ തറയില്‍ കുമാര സ്വാമി കിടക്കുന്ന ചിത്രം വൈറലായിരുന്നു. എന്നാല്‍ ഇവിടെ മുഖ്യമന്ത്രിക്കായി ആഡംബര ടോയ്!ലറ്റ് നിര്‍മ്മിച്ചെന്ന് ആക്ഷേപം ഉയര്‍ന്നു.

നിയമസഭാ സ്പീക്കര്‍ കെ.ആര്‍ രമേശ് കുമാറിന്റെ നിര്‍ദേശപ്രകാരം മുഖ്യമന്ത്രി എച്ച്.ഡി കുമാരസ്വാമിയാണ് പ്രത്യേക അന്വേഷണ സംഘത്തെ നിയോഗിച്ചത്. 15 ദിവസത്തിനകം അന്വേഷണ റിപ്പോര്‍ട്ട് സമര്‍പ്പിക്കാനാണ് നിര്‍ദ്ദേശം. താനടക്കം എം.എല്‍.എമാരെ സംശയത്തില്‍ നിര്‍ത്തിയ നടപടിയില്‍ അന്വേഷണം വേണമെന്ന്് സ്പീക്കര്‍ നിയമസഭയില്‍ ആവശ്യപ്പെട്ടതിന് പിന്നാലെയാണ് പ്രത്യേക സംഘത്തെ നിയോഗിച്ചത്.

കഴിഞ്ഞ എട്ടാം തിയ്യതി കര്‍ണാടക ബജറ്റ് അവതരിപ്പിക്കുന്നതിനു തൊട്ടുമുന്‍പാണ് മുഖ്യമന്ത്രി കുമാരസ്വാമി ശബ്ദരേഖ പുറത്തുവിട്ടത്. എന്നാല്‍ വെളിപ്പെടുത്തലിനെ എതിര്‍ത്ത് ബിജെപിയും യെദ്യൂരപ്പയും രംഗത്തെത്തുകയായിരുന്നു. ശരണഗൗഡയെ കണ്ടിട്ടില്ലെന്നും ശബ്ദം മിമിക്രിക്കാരെ ഉപയോഗിച്ച് സൃഷ്ടിച്ചതാണെന്നുമായിരുന്നു യെദ്യൂരപ്പയുടെ ആദ്യ പ്രതികരണം. ശബ്ദം തന്റേതെന്നു തെളിയിക്കാനായാല്‍ 24 മണിക്കൂറിനകം രാഷ്ട്രീയം വിടാമെന്നും അദ്ദേഹം വെല്ലുവിളിച്ചു. എന്നാല്‍ കുരുക്ക് മുറുകിയതോടെ ദേവദുര്‍ഗയിലെ ഗസ്റ്റ് ഹൗസില്‍ ശരണഗൗഡയെ കണ്ടിരുന്നതായി യെദ്യൂരപ്പ സമ്മതിച്ചു. അന്വേഷണം പ്രഖ്യാപിക്കുമെന്ന് ഉറപ്പായതോടെ ശബ്ദം തന്റേതാണെന്നും പറഞ്ഞു. സ്പീക്കര്‍ രമേഷ് കുമാറിനെ 50 കോടി രൂപ നല്‍കി വശത്താക്കിയിട്ടുണ്ടെന്നും സുപ്രീംകോടതിയിലെ കാര്യങ്ങള്‍ പ്രധാനമന്ത്രിയും അമിത് ഷായും നോക്കിക്കൊള്ളുമെന്നും യെഡിയൂരപ്പ പറയുന്നതായി ഓഡിയോയിലുണ്ട്.

അതേസമയം അന്വേഷണത്തെ എതിര്‍ത്ത് ബി.ജെ.പി നേതാക്കള്‍ രംഗത്തെത്തി. സര്‍ക്കാര്‍തല അന്വേഷണത്തില്‍ വിശ്വാസമില്ലെന്നും സ്പീക്കര്‍ തന്നെ മറ്റൊരു അന്വേഷണ കമ്മിറ്റിയെ നിയമിക്കണമെന്നും ബി.ജെ.പി നേതാവ് ജഗദീഷ് ഷെട്ടാര്‍ ആവശ്യപ്പെട്ടു. തന്നെ കുടുക്കാന്‍ കുമാരസ്വാമി ശരണഗൗഡയെ അയയ്ക്കുകയായിരുന്നു എന്നാണ് യെദ്യൂരപ്പയുടെ പുതിയ ന്യായീകരണം.

കേരളമുള്‍പ്പെടെ വിവിധ സംസ്ഥാനങ്ങളില്‍ ഇയാള്‍ക്കെതിരെ അറുപതിലധികം ക്രിമിനല്‍ കേസുകളുണ്ട്. ആഫ്രിക്കയിലെ സെനഗലില്‍ വച്ചാണ് പൂജാരി അറസ്റ്റിലായതെന്ന സൂചന ഇന്നലെ രാത്രിയോടെയാണ് ബംഗളുരു പൊലീസ് അനൗദ്യോഗികമായി അറിയിച്ചത്.

എഴുപതോളം ക്രിമിനല്‍ കേസുകളില്‍ പ്രതിയാണ് രവി പൂജാരി. തട്ടിക്കൊണ്ടുപോയും ഭീഷണിപ്പെടുത്തിയും പണം തട്ടിയെന്ന കേസുകളാണ് ഇയാള്‍ക്കെതിരെ കൂടുതലായും റെജിസ്റ്റര്‍ ചെയ്തിരിക്കുന്നത്. സിനിമാ താരങ്ങളെയും ഭീഷണിപ്പെടുത്തി പണം തട്ടിയിട്ടുണ്ട്. അതേസമയം, രവിപൂജാരിയുടെ അറസ്റ്റ് ഔദ്യോഗികമായി അറിയിച്ചിട്ടില്ല.

പിന്തുണ പിന്‍വലിച്ച എംഎല്‍എമാര്‍ ഇപ്പോള്‍ മുംബൈയിലെ ഹോട്ടലിലാണെന്നാണ് റിപ്പോര്‍ട്ടുകള്‍. അതേസമയം ഇരുവരും പിന്തുണ പിന്‍വലിച്ചത് സര്‍ക്കാരിന് ഭീഷണിയാവില്ല. അതേസമയം നാല് കോണ്‍ഗ്രസ് എംഎല്‍എമാരും മുംബൈയിലെ ഹോട്ടലില്‍ കഴിയുന്നുണ്ടെന്ന റിപ്പോര്‍ട്ടുകളും പുറത്തുവരുന്നുണ്ട്.

അതേസമയം കര്‍ണാടകയില്‍ ബിജെപി കുതിരക്കച്ചവടം നടത്തുന്നതായ കോണ്‍ഗ്രസ് ആരോപണം ശക്തമായി. കോണ്‍ഗ്രസ്-ജെഡിഎസ് സര്‍ക്കാറിനെ അട്ടിമറിച്ച് ലോക്‌സഭ തെരഞ്ഞെടുപ്പിന് മുന്നേ ഗുഡനീക്കങ്ങള്‍ നടത്താനാണ് ബിജെപി സക്ഷ്യം. എന്നാല്‍ ബിജെപി പരസ്യമായി നടത്തുന്ന കുതിരക്കച്ചവടം തെരഞ്ഞെടുപ്പില്‍ കോണ്‍ഗ്രസിന് അനുകൂല തരംഗം സൃഷ്ടിക്കുമെന്ന വിലയിരുത്തലുമുണ്ട്.

അതേസമയം ബിജെപി കുതിരക്കച്ചവട ഭീഷണിയെ പുച്ചിച്ച് കര്‍ണാടക മുഖ്യമന്ത്രി എച്ച്ഡി കുമാരസ്വാമി രംഗത്തെത്തി. നിലവിലെ സാഹചര്യം ഞാന്‍ ആസ്വദിക്കുകയാണെന്നായിരുന്നു കുമാരസ്വാമിയുടെ പ്രതികരണം. ‘രണ്ട് എംഎല്‍എമാര്‍ അവരുടെ പിന്തുണ പിന്‍വലിച്ചാല്‍, എത്രയാവും സംഖ്യ എന്നായിരുന്നു വാര്‍ത്താ ഏജന്‍സിയായ എ.എന്‍.ഐയോട് അദ്ദേഹത്തിന്റെ ചോദ്യം. ഞാന്‍ തികച്ചും വിശ്രമത്തിലാണ്. എന്റെ ശക്തി എനിക്ക് അറിയാം, കുമാരസ്വാമി വ്യക്തമാക്കി.

ഇതിനിടെ മകരസംക്രാന്തിക്ക് ശേഷം കര്‍ണാടകയില്‍ സര്‍ക്കാരുണ്ടാക്കാനുള്ള എല്ലാ നീക്കങ്ങളും പൂര്‍ത്തിയായെന്ന് ബിജെപി നേതാക്കള്‍ സ്ഥിരീകരിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

മൂന്ന് കോണ്‍ഗ്രസ് എം.എല്‍.എമാരെ മുംബൈയിലെ ഹോട്ടലില്‍ താമസിപ്പിച്ചിരിക്കുകയാണെന്ന് ഡി.കെ ശിവകുമാര്‍ പറഞ്ഞിരുന്നു. എന്നാല്‍ ഈ വാര്‍ത്ത കുമാരസ്വാമി നിഷേധിക്കുകയായിരുന്നു. മൂന്ന് എം.എല്‍.എമാരും തന്നെ നിരന്തരമായി ബന്ധപ്പെടുന്നുണ്ടെന്ന് കുമാരസ്വാമി പറഞ്ഞു. മുംബൈയില്‍ എത്തിയതിനു ശേഷം അവര്‍ വിളിച്ചിരുന്നു. സര്‍ക്കാര്‍ ബി.ജെ.പിയുടെ ഭീഷണിക്കു നടുവില്‍ അല്ലെന്നും അദ്ദേഹം പറഞ്ഞു.

കര്‍ണാടകയിലെ കോണ്‍ഗ്രസ്-ജെ.ഡി.എസ് സര്‍ക്കാറിനെ അട്ടിമറിക്കാന്‍ ബി.ജെ.പി ശ്രമിക്കുന്നുവെന്ന് ഡി.കെ ശിവകുമാര്‍ പറഞ്ഞിരുന്നു.
സംസ്ഥാനത്ത് ബി.ജെ.പി രാഷ്ട്രീയ കുതിരക്കച്ചവടമാണ് നടത്തുന്നത്. ഞങ്ങളുടെ മൂന്ന് എം.എല്‍.എമാരെ മുംബൈയിലെ ഹോട്ടലില്‍ ബി.ജെ.പി നേതാക്കന്‍മാര്‍ക്കൊപ്പം പാര്‍പ്പിച്ചിരിക്കുകയാണ്. അവിടെ എന്താണ് നടക്കുന്നതെന്നും എത്ര രൂപയാണ് അവര്‍ക്ക് ഓഫര്‍ കൊടുത്തിട്ടുള്ളതെന്നുമുള്ള കാര്യങ്ങള്‍ ഞങ്ങള്‍ക്കറിയാം.

മകര സംസ്‌ക്രാന്തിക്ക് ശേഷം വിപ്ലവമുണ്ടാകുമെന്നാണ് പറയപ്പെടുന്നത്. നമുക്ക് നോക്കാം. കൂറുമാറ്റ നിരോധന നിയമം ഉള്ളതിനാല്‍ കാര്യങ്ങള്‍ എളുപ്പമാവില്ലെന്നും ഡി.കെ പറഞ്ഞു. എന്നാല്‍ ഇത് തള്ളിക്കളയുന്നതായിരുന്നു കുമാരസ്വാമിയുടെ പ്രതികരണം.

കര്‍ണാടകയിലെ ഉപതെരഞ്ഞെടുപ്പ് ഫലത്തിന് ശേഷം വിളിച്ചുചേര്‍ത്ത യോഗത്തില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം.

കര്‍ണാടക ഉപതെരഞ്ഞെടുപ്പിലെ കോണ്‍ഗ്രസ്- ജെ.ഡി.എസ് കൂട്ടുകെട്ട് ഒരു തുടക്കം മാത്രമെന്ന് കര്‍ണാടക മുഖ്യമന്ത്രി കുമാരസ്വാമി. തങ്ങള്‍ ഒരു മിച്ച് നിന്നാല്‍ 28 ലോക്സഭാ സീറ്റുകളും നേടും. അതാണ് ലക്ഷ്യമെന്നും അതിന്റെ തുടക്കം മാത്രമാണിതെന്നും കുമാരസ്വാമി പറഞ്ഞു.

‘ഞങ്ങള്‍ ഇന്നു ജയിച്ചുവെന്നതുകൊണ്ടുള്ള പൊള്ളയായ പൊങ്ങച്ചം പറച്ചിലല്ല ഇത്. ഇത് ഞങ്ങള്‍ക്ക് ഞങ്ങളിലുള്ള വിശ്വാസമാണ്. ഈ വിജയം ഞങ്ങളെ അഹങ്കാരികളാക്കില്ല.’ എന്നും കുമാരസ്വാമി പറഞ്ഞു.

കര്‍ണ്ണാടക രാഷ്ട്രീയത്തില്‍ മോദി ഒരു ‘ഘടകം’ തന്നെ അല്ലെന്നും. ്അദ്ദേഹത്തിന് എന്തിലാണ് കഴിവുള്ളതെന്ന് ജനങ്ങള്‍ മനസിലാക്കിയെന്നും കുമാരസാമി പറഞ്ഞു. വിശാല സഖ്യമായിരുക്കം 2019 ലെ സര്‍ക്കാറെന്നാണ് രാഷ്ട്രീയ വിശകലനം. വിശാല സഖ്യത്തെ ജനങ്ങള്‍ അംഗീകരിച്ചു കഴിഞ്ഞതായും കുമാരസ്വാമി അഭിപ്രായപ്പെട്ടു.

വിശാല സഖ്യത്തിലെ രാഹുല്‍ ഗാന്ധിയുടെ പ്രാധാന്യത്തെ കുറിച്ചു കുമാരസ്വാമി അഭിപ്രായം പറഞ്ഞു.

കഴിഞ്ഞ ഏതാനും മാസങ്ങളായി കോണ്‍ഗ്രസ് ദേശീയ അധ്യക്ഷനുമായി എനിക്ക് വ്യക്തി ബന്ധമുണ്ട്. രാഹുല്‍ഗാന്ധി വളരെ നിഷ്‌കളങ്കനായ രാഷ്ട്രീയക്കാരനാണ്.
അദ്ദേഹം വളരെ സത്യസന്ധനും ആത്മാര്‍ത്ഥത കാണിക്കുന്നതുമായ നേതാവാണെന്നും, കര്‍ണാടക മുഖ്യമന്ത്രി കൂട്ടിച്ചേര്‍ത്തു.

This elections was the first step. There are 28 LS seats, we’ll work with Congress to win all of them, that is our goal.This is not an empty boast just because we have won today. This is the confidence of people in us. This win is not making us arrogant: JD(S) leader&Karnataka CM pic.twitter.com/g4QF3oRooh

— ANI (@ANI) November 6, 2018

കർണാടകയിൽ രണ്ടു​ നിയമസഭ മണ്ഡലങ്ങളിലേക്കും മൂന്നു​ ലോക്​സഭ മണ്ഡലങ്ങളിലേക്കും നടന്ന ഉപതെര​െഞ്ഞടുപ്പി​ൽ കോൺഗ്രസ്- ജെ.ഡി.എസ് സഖ്യത്തിന് മുന്നേറ്റം. ദീപാവലി ദിനത്തില്‍ ബിജെപിക്കെതിരെ നേടിയ വിജയത്തിന്റെ ആഘോഷത്തിലാണ് കോണ്‍ഗ്രസ് സഖ്യസര്‍ക്കാര്‍.

മുംബൈ-കര്‍ണാടക മേഖലയിലെ ജമഖണ്ഡി, മൈസൂരു മേഖലയിലെ രാമനഗര നിയമസഭ മണ്ഡലങ്ങളിലേക്കും ബെള്ളാരി, ഷിമോഗ, മാണ്ഡ്യ എന്നീ ലോക്‌സഭ മണ്ഡലങ്ങളിലേക്കുമാണ് ഉപതെരഞ്ഞെടുപ്പ് നടന്നത്. നിയമസഭാ സീറ്റുകളില്‍ രണ്ടിലും കോണ്‍ഗ്രസ് സഖ്യം വന്‍ മുന്നേറ്റമാണ് നടത്തിയത്. രാമനഗര നിയമസഭാ സീറ്റില്‍ മുഖ്യമന്ത്രി കുമാരസ്വാമിയുടെ ഭാര്യ അനിത കുമാരസ്വാമിയും ജമഖണ്ഡിയില്‍ ആനന്ദ് ന്യാമഗൗഡയും വിജയിച്ചു.

ഉപതെരഞ്ഞെടുപ്പു നടക്കുന്ന മൂന്ന് ലോക്സഭാ മണ്ഡലങ്ങളില്‍ രണ്ടിടത്തും കോണ്‍ഗ്രസ്-ജെ.ഡി.എസ് സഖ്യമാണ് മുന്നിട്ടു നില്‍ക്കുന്നത്. ഷിമോഗയില്‍ മാത്രമാണ് ബി.ജെ.പിക്ക് മുന്നേറ്റം കാഴ്ചവെക്കാനായത്. ലക്ഷങ്ങളുടെ ഭൂരിപക്ഷത്തില്‍ യെദ്യൂരപ്പവിജയിച്ച ബിജെപിയുടെ സിറ്റിങ് സീറ്റായ ഷിമോഗയില്‍ യെദ്യൂരപ്പയുടെ മകനും ബിജെപി സ്ഥാനാര്‍ഥിയുമായ ബി.വൈ രാഘവേന്ദ്ര പതിനായിരം വോട്ടുകള്‍കള്‍ക്ക് മാത്രമാണ് മുന്നിട്ടുനില്‍ക്കുന്നത്. മാണ്ഡ്യ ലോക്‌സഭാ സീറ്റില്‍ മൂന്ന് ലക്ഷത്തിലധികം വോട്ടിന്റെ ലീഡ് ജെ.ഡി.എസ് നേടിക്കഴിഞ്ഞു.

വര്‍ഷങ്ങളായി ബിജെപിയുടെ കുത്തക സീറ്റായിരുന്ന ബെല്ലാരിയില്‍ കോണ്‍ഗ്രസ് വമ്പന്‍ ജയം ഉറപ്പിച്ചു. കോണ്‍ഗ്രസ്-ജെ.ഡി.എസ് സ്ഥാനാര്‍ത്ഥി വി.എസ് ഉഗ്രപ്പയുടെ വിജയക്കുതിപ്പോടെ ബെല്ലാരിയില്‍ തകര്‍ന്നടിഞ്ഞത് ഒന്നര പതിറ്റാണ്ട് നീണ്ട ബി.ജെ.പി യുഗം. രണ്ടര ലക്ഷത്തോളം വോട്ടുകളുടെ ലീഡ് കോണ്‍ഗ്രസ് സ്ഥാനാര്‍ത്ഥിക്കുണ്ട്.

ബെല്ലാരിയിലെ എട്ട് അസംബ്ലി മണ്ഡലങ്ങളില്‍ ആറും സ്വന്തമാക്കിയിരിക്കുന്നത് കോണ്‍ഗ്രസ്-ജെഡിഎസ് സഖ്യമാണ്. ബെല്ലാരിയില്‍ ബിജെപി നേതാവ് ബി. ശ്രീരാമുലുവിന്റെ സഹോദരി വി. ശാന്തയായിരുന്നു ബിജെപി സ്ഥാനാര്‍ത്ഥി. ബി. ശ്രീരാമുലു എംപി സ്ഥാനം രാജി വച്ച് നിയമസഭയിലേക്ക് ജയിച്ചതോടെയാണ് ഇവിടെ ഉപതെരഞ്ഞെടുപ്പ് വേണ്ടി വന്നത്. റെഡ്ഡി സഹോദരന്‍മാരുടെയും ശ്രീരാമുലുവിന്റെയും തട്ടകമായിരുന്ന ബെല്ലാരിയിലാണ് ബിജെപിക്ക് കനത്ത തിരിച്ചടിയാണ് നേരിട്ടിരിക്കുന്നത്. 1999ല്‍ സോണിയ ഗാന്ധിയാണ് ബെല്ലാരിയില്‍ നിന്ന് ജയിച്ച അവസാന കോണ്‍ഗ്രസ് സ്ഥാനാര്‍ത്ഥി.

പിന്നീട് ബിജെപി നേതാവ് സുഷമ സ്വരാജിനും ബെല്ലാരി സ്ഥാനാര്‍ത്ഥിത്വം നല്‍കി. ഇലക്ഷനില്‍ ജയം ബിജെപിയ്ക്കായിരുന്നു. പിന്നീട് ബെല്ലാരിയില്‍ ബിജെപി തോല്‍വി എന്തെന്ന് അറിഞ്ഞിട്ടില്ല. 15 വര്‍ഷങ്ങള്‍ക്ക് ശേഷമാണ് ബിജെപിയ്ക്ക് വന്‍വെല്ലുവിളി ഉയര്‍ത്തി ബെല്ലാരി കോണ്‍ഗ്രസിനൊപ്പം നില്‍ക്കുന്നത്. 2019ലെ ദേശീയ തെരഞ്ഞെടുപ്പ് അടുത്തു വരുന്ന സാഹചര്യത്തില്‍ ഈ ഉപതെരഞ്ഞെടുപ്പ് ജെഡിഎസ് -കോണ്‍ഗ്രസ് സഖ്യത്തിന് കൂടുതല്‍ പ്രതീക്ഷ നല്‍കുന്നുണ്ട്.
കോണ്‍ഗ്രസ് നേതാക്കളായ സിദ്ധരാമയ്യരും ഡികെ ശിവകുമാറും ശക്തമായ പിന്തുണയോടെ കോണ്‍ഗ്രസിനൊപ്പം നില്‍ക്കുന്നുണ്ട്. ജെഡിഎസുമായി സഖ്യമുണ്ടാക്കുന്നതില്‍ സുപ്രധാന പങ്ക് വഹിച്ച വ്യക്തിയായിരുന്നു ഡികെ ശിവകുമാര്‍.

മുംബൈ-കര്‍ണാടക മേഖലയിലെ ജമഖണ്ഡി, മൈസൂരു മേഖലയിലെ രാമനഗര നിയമസഭ മണ്ഡലങ്ങളിലേക്കും ബെള്ളാരി, ഷിമോഗ, മാണ്ഡ്യ എന്നീ ലോക്‌സഭ മണ്ഡലങ്ങളിലേക്കുമാണ് ഉപതെരഞ്ഞെടുപ്പ് നടന്നത്. നിയമസഭാ സീറ്റുകളില്‍ രണ്ടിലും കോണ്‍ഗ്രസ് സഖ്യം വന്‍ മുന്നേറ്റമാണ് നടത്തിയത്. രാമനഗര നിയമസഭാ സീറ്റില്‍ മുഖ്യമന്ത്രി കുമാരസ്വാമിയുടെ ഭാര്യ അനിത കുമാരസ്വാമിയും ജമഖണ്ഡിയില്‍ ആനന്ദ് ന്യാമഗൗഡയും വിജയിച്ചു.

ഉപതെരഞ്ഞെടുപ്പു നടക്കുന്ന മൂന്ന് ലോക്സഭാ മണ്ഡലങ്ങളില്‍ രണ്ടിടത്തും കോണ്‍ഗ്രസ്-ജെ.ഡി.എസ് സഖ്യമാണ് മുന്നിട്ടു നില്‍ക്കുന്നത്. ഷിമോഗയില്‍ മാത്രമാണ് ബി.ജെ.പിക്ക് മുന്നേറ്റം കാഴ്ചവെക്കാനായത്. ലക്ഷങ്ങളുടെ ഭൂരിപക്ഷത്തില്‍ യെദ്യൂരപ്പവിജയിച്ച ബിജെപിയുടെ സിറ്റിങ് സീറ്റായ ഷിമോഗയില്‍ യെദ്യൂരപ്പയുടെ മകനും ബിജെപി സ്ഥാനാര്‍ഥിയുമായ ബി.വൈ രാഘവേന്ദ്ര പതിനായിരം വോട്ടുകള്‍കള്‍ക്ക് മാത്രമാണ് മുന്നിട്ടുനില്‍ക്കുന്നത്. മാണ്ഡ്യ ലോക്‌സഭാ സീറ്റില്‍ മൂന്ന് ലക്ഷത്തിലധികം വോട്ടിന്റെ ലീഡ് ജെ.ഡി.എസ് നേടിക്കഴിഞ്ഞു.

വര്‍ഷങ്ങളായി ബിജെപിയുടെ കുത്തക സീറ്റായിരുന്ന ബെല്ലാരിയില്‍ കോണ്‍ഗ്രസ് വമ്പന്‍ ജയം ഉറപ്പിച്ചു. കോണ്‍ഗ്രസ്-ജെ.ഡി.എസ് സ്ഥാനാര്‍ത്ഥി വി.എസ് ഉഗ്രപ്പയുടെ വിജയക്കുതിപ്പോടെ ബെല്ലാരിയില്‍ തകര്‍ന്നടിഞ്ഞത് ഒന്നര പതിറ്റാണ്ട് നീണ്ട ബി.ജെ.പി യുഗം. രണ്ടര ലക്ഷത്തോളം വോട്ടുകളുടെ ലീഡ് കോണ്‍ഗ്രസ് സ്ഥാനാര്‍ത്ഥിക്കുണ്ട്.

ബെല്ലാരിയിലെ എട്ട് അസംബ്ലി മണ്ഡലങ്ങളില്‍ ആറും സ്വന്തമാക്കിയിരിക്കുന്നത് കോണ്‍ഗ്രസ്-ജെഡിഎസ് സഖ്യമാണ്. ബെല്ലാരിയില്‍ ബിജെപി നേതാവ് ബി. ശ്രീരാമുലുവിന്റെ സഹോദരി വി. ശാന്തയായിരുന്നു ബിജെപി സ്ഥാനാര്‍ത്ഥി. ബി. ശ്രീരാമുലു എംപി സ്ഥാനം രാജി വച്ച് നിയമസഭയിലേക്ക് ജയിച്ചതോടെയാണ് ഇവിടെ ഉപതെരഞ്ഞെടുപ്പ് വേണ്ടി വന്നത്. റെഡ്ഡി സഹോദരന്‍മാരുടെയും ശ്രീരാമുലുവിന്റെയും തട്ടകമായിരുന്ന ബെല്ലാരിയിലാണ് ബിജെപിക്ക് കനത്ത തിരിച്ചടിയാണ് നേരിട്ടിരിക്കുന്നത്. 1999ല്‍ സോണിയ ഗാന്ധിയാണ് ബെല്ലാരിയില്‍ നിന്ന് ജയിച്ച അവസാന കോണ്‍ഗ്രസ് സ്ഥാനാര്‍ത്ഥി.

പിന്നീട് ബിജെപി നേതാവ് സുഷമ സ്വരാജിനും ബെല്ലാരി സ്ഥാനാര്‍ത്ഥിത്വം നല്‍കി. ഇലക്ഷനില്‍ ജയം ബിജെപിയ്ക്കായിരുന്നു. പിന്നീട് ബെല്ലാരിയില്‍ ബിജെപി തോല്‍വി എന്തെന്ന് അറിഞ്ഞിട്ടില്ല. 15 വര്‍ഷങ്ങള്‍ക്ക് ശേഷമാണ് ബിജെപിയ്ക്ക് വന്‍വെല്ലുവിളി ഉയര്‍ത്തി ബെല്ലാരി കോണ്‍ഗ്രസിനൊപ്പം നില്‍ക്കുന്നത്. 2019ലെ ദേശീയ തെരഞ്ഞെടുപ്പ് അടുത്തു വരുന്ന സാഹചര്യത്തില്‍ ഈ ഉപതെരഞ്ഞെടുപ്പ് ജെഡിഎസ് -കോണ്‍ഗ്രസ് സഖ്യത്തിന് കൂടുതല്‍ പ്രതീക്ഷ നല്‍കുന്നുണ്ട്.
കോണ്‍ഗ്രസ് നേതാക്കളായ സിദ്ധരാമയ്യരും ഡികെ ശിവകുമാറും ശക്തമായ പിന്തുണയോടെ കോണ്‍ഗ്രസിനൊപ്പം നില്‍ക്കുന്നുണ്ട്. ജെഡിഎസുമായി സഖ്യമുണ്ടാക്കുന്നതില്‍ സുപ്രധാന പങ്ക് വഹിച്ച വ്യക്തിയായിരുന്നു ഡികെ ശിവകുമാര്‍.

ബംഗളൂരു: രണ്ട് നിയമസഭാ മണ്ഡലങ്ങകളിലേക്കും മൂന്നു പാര്‍ലമെന്റ് സീറ്റുകളിലേക്കുമുള്ള ഉപതിരഞ്ഞെടുപ്പ് പ്രചാരണത്തിന് ചൂടും ചൂരുമേറി. മുന്‍ മുഖ്യമന്ത്രി സിദ്ധരാമയ്യ മുഖ്യമന്ത്രി കുമാരസ്വാമിയുമായി തോളോട് തോള്‍ ചേര്‍ന്ന് പ്രചാരണ രംഗത്ത് സജീവമായത് പ്രവര്‍ത്തകരെ ആവേശത്തിലാഴ്ത്തി. പതിറ്റാണ്ടുകള്‍ക്ക് ശേഷം ആദ്യമായി സിദ്ധരാമയ്യയും മന്ത്രി ഡി.കെ.ശിവകുമാറും ദള്‍ നേതാവ് ദേവഗൗഡയും കോര്‍ കമ്മിറ്റി യോഗത്തില്‍ പങ്കെടുത്തു.

നിയമസഭാ മണ്ഡലമായ രാമ നഗരയില്‍ കുമാരസ്വാമിയുടെ ഭാര്യ അനിതയും ജംക്കണ്ടിയില്‍ കോണ്‍ഗ്രസ് സ്ഥാനാര്‍ഥി ആനന്ദ് ന്യമ ഗൗഡയുമാണ് കോണ്‍ഗ്രസ്-ദള്‍ സഖ്യസ്ഥാനാര്‍ത്ഥികള്‍. ബെല്ലാരി ഷീമോഗ, മണ്ടിയ എന്നീ പാര്‍ലമെന്റ് മണ്ഡലങ്ങളിലും പ്രചരണം കൊഴുത്തു.
ഖനി പ്രമാണിമാരായ റെഡ്ഢി സഹോദരങ്ങളുടെ ശക്തി കേന്ദ്രമായ ബെല്ലാരിയില്‍ മുന്‍ എം.പി.യും കര്‍ണാടക ബി.ജെ.പി യുടെ കിംഗ് മേക്കറുമായി മാറിയ ഖനി വ്യവസായി ശ്രീരാമുലുവിന്റെ സഹോദരി ജെ.ശാന്തയാണ് ബി.ജെ.പി സ്ഥാനാര്‍ത്ഥി. മുന്‍ മുഖ്യ മന്ത്രിയും സഖ്യകക്ഷി കോര്‍ഡിനേഷന്‍ ചെയര്‍മാനുമായ സിദ്ധാരാമയ്യയുടെ അടുത്തയാളുമായ വി.എസ്.ഉഗ്രപ്പയെയാണ് ബെല്ലാരി പിടിക്കാന്‍ കോണ്‍ഗ്രസ്സ് രംഗത്തിറക്കിയിരിക്കുന്നത്.

ഒട്ടേറെ ചരിത്ര പ്രാധാന്യമുള്ള മണ്ഡലമാണ് ബെല്ലാരി. 1999 ല്‍ സോണിയ ഗാന്ധി രണ്ടാം മണ്ഡലമായി മത്സരിച്ചു 56100 വോട്ടിനു വിജയിച്ച മണ്ഡലം പിന്നീട് ബിജെപിയുടെ കയ്യിലമരുകയായിരുന്നു. അന്ന് സുഷമ സ്വരാജിനെയാണ് സോണിയയ്‌ക്കെതിരെ ബിജെപി കളത്തിലിറക്കിയത്.
മൂന്നു മുന്‍ മുഖ്യമന്ത്രിമാരുടെ മക്കള്‍ മത്സര രംഗത്തുള്ള ഷീമോഗയില്‍ മത്സരം കടുത്തതായി മാറിക്കഴിഞ്ഞു. ബിജെപി ക്കു വേണ്ടി യദിയൂരപ്പയുടെ മകന്‍ രാഘവേന്ദ്ര മത്സരിക്കുമ്പോള്‍ ദള്‍ കോണ്‍ഗ്രസ് സഖ്യസ്ഥാനാര്‍ഥിയായി ദള്‍ ചിഹ്നത്തില്‍ മുന്‍ മുഖ്യമന്ത്രി ബങ്കാരപ്പയുടെ പുത്രന്‍ മധു ബങ്കാരപ്പ കനത്ത വെല്ലുവിളിയാണ് ബിജെപി ക്ക് ഉയര്‍ത്തുന്നത്. മറ്റൊരു മുന്‍മുഖ്യ മന്ത്രി ജെ.എഛ്.പാട്ടീലിന്റെ മകന്‍ മഹിമ പാട്ടീല്‍ ജനതദള്‍ യു സ്ഥാനാര്‍ത്ഥിയായി രംഗത്തുണ്ട് . മാണ്ട്യയില്‍ ദള്‍ കോണ്‍ഗ്രസ് സ്ഥാനാര്‍ത്ഥിയായി ജനത ദളിലെ എല്‍.ആര്‍.ശിവരാമ ഗൗഡ ബിജെപി സ്ഥാനാര്‍ഥി എല്‍.ചന്ദ്രശേഖറേ ക്കാള്‍ പ്രചാരണത്തില്‍ ഏറെ മുന്നേറി കഴിഞ്ഞു. കന്നഡ സിനിമ താരം അംബരീഷ് കോണ്‍ഗ്രസിനായി നിരവധി തവണ വിജയിച്ച ഇവിടെ സീറ്റ് ജനത ദളിന്ന് വിട്ടുകൊടുക്കുകയാണുണ്ടായത് .

വരാനിരിക്കുന്ന പൊതു തിരഞ്ഞെടുപ്പിന്റെ സെമിഫൈനലായാണ് ഇരു വിഭാഗവും ഉപതിരഞ്ഞെടുപ്പുകളെ നോക്കി കാണുന്നത്. ഒപ്പം സംസ്ഥാനം ഭരിക്കുന്ന കോണ്‍ഗ്രസ്-ദള്‍ സര്‍ക്കാരിന്റെ കെട്ടുറപ്പും തിരഞ്ഞെടുപ്പില്‍ പ്രതിഫലിക്കുന്നതിനാല്‍ ശക്തമായ പ്രചാരമാണ് മണ്ഡലങ്ങളില്‍ നടക്കുന്നത് .എഐസിസി ജനറല്‍ സെക്രട്ടറി കെ.സി.വേണുഗോപാലിന്റെ ശക്തമായ നിരീക്ഷണത്തിലാണ് കോണ്‍ഗ്രസ് പ്രവര്‍ത്തനങ്ങള്‍ ഏകോപിപ്പിക്കുന്നത് . മുന്‍ പ്രധാന മന്ത്രി ദേവ ഗൗഡ, മകനും മുഖ്യമന്ത്രിയുമായ കുമാരസ്വാമി, മുതിര്‍ന്ന നേതാക്കളായ മുന്‍ മുഖ്യ മന്ത്രി സിദ്ധരാമയ്യ കെ.പി.സി.സി അധ്യക്ഷന്‍ കൃഷ്ണ ഭൈരഗൗഡ, പ്രിയങ്ക് കാര്‍ഗെ, ഉപമുഖ്യമന്ത്രി ജി.പരമേശ്വര മന്ത്രി ഡി.കെ.ശിവകുമാര്‍ എന്നിവരാണ് സഖ്യമുന്നണി പ്രചാരണത്തിന് ചുക്കാന്‍ പിടിക്കുന്നത്.

വരും ദിവസങ്ങളില്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയടക്കമുള്ള ദേശീയ നേതാക്കളും കര്‍ണാടകയില്‍ എത്തിച്ചേരും. മുന്‍ മുഖ്യമന്ത്രി യെദിയൂരപ്പ. ശ്രീരാമുലു,ശോഭ കരന്തലജെ ,സ്.ടി. രവി ,വി.സോമണ്ണ എന്നിവരാണ് ബിജെപിക്കായി പ്രചാരണം നയിക്കുന്നത് .
മുന്‍ തിരഞ്ഞെടുപ്പുകളില്‍ വലിയതോതില്‍ കള്ളപ്പണം പിടിച്ചെടുത്ത സാഹചര്യത്തില്‍ പഴുതടച്ചുള്ള നിരീക്ഷണമാണ് തിരഞ്ഞെടുപ്പ് കമ്മീഷന്‍ ഒരുക്കിയിരിക്കുന്നത്. ബസ് യാത്രക്കാരനില്‍ നിന്നും കണക്കില്‍ പെടാത്ത പതിനൊന്നു ലക്ഷം കഴിഞ്ഞ ദിവസം തിരഞ്ഞെടുപ്പ് ഫ്‌ളയിങ് സ്‌കോട് ബെല്ലാരി മേഖലയില്‍ നിന്നും പിടിച്ചെടുത്തിരുന്നു .

നോര്‍ത്ത് കര്‍ണാടകയില്‍ നിന്നുള്ള ലിംഗായത്ത് എംഎല്‍എമാരുടെ നിലപാടില്‍ ഇവര്‍ നീരസം പ്രകടിപ്പിച്ചു. എതിര്‍ പാളയത്തില്‍ നിന്നും 14 പേരുടെ പിന്തുണയുണ്ടെങ്കില്‍ മാത്രമേ സര്‍ക്കാരിനെ താഴെയിറക്കാന്‍ കഴിയു എന്നു ചിലര്‍ വാദിച്ചു. ഭരണത്തിലേറാന്‍ ശ്രമം നടത്തേണ്ടതുണ്ടെന്നും ചിലര്‍ യോഗത്തില്‍ വ്യക്തമാക്കി.

എന്നാല്‍, സര്‍ക്കാരിനെ താഴെയിറക്കാന്‍ ശ്രമിക്കേണ്ടതില്ലെന്ന് ഒരു വിഭാഗം ചൂണ്ടിക്കാട്ടി. ഏറ്റവും കൂടുതല്‍ വോട്ടു ലഭിച്ച ഒറ്റകക്ഷി ബിജെപിയാണ്. വരുന്ന ലോക്‌സഭാ തെരഞ്ഞെടുപ്പ് ലക്ഷ്യമിട്ട് വേണം മുന്നോട്ടു പോകാന്‍. ഭരണത്തിനെതിരെ വികാരം ഉയര്‍ത്തിവിട്ട് പാര്‍ട്ടിയുടെ മുഖം വികൃതമാക്കരുതെന്നും ചിലര്‍ ആവശ്യപ്പെട്ടു. കലഹമുള്ള ഒരു സര്‍ക്കാരിനും അധികം പിടിച്ചു നില്‍ക്കാനാവില്ലെന്നും ചിലര്‍ ചൂണ്ടിക്കാട്ടി. അതേസമയം, യെദ്യൂരപ്പയുടെ സര്‍ക്കാര്‍ രൂപീകരണ പ്രവര്‍ത്തനങ്ങള്‍ക്ക് ഒരു വിഭാഗം പിന്തുണ അറിയിച്ചു.

കുമാരസ്വാമി സര്‍ക്കാര്‍ പൂര്‍ണ പരാജയമാണെന്ന് എംഎല്‍എമാര്‍ ചൂണ്ടിക്കാട്ടി. ജലവിഭവ വകുപ്പ് മന്ത്രിയും പൊതുമരാമത്ത് വകുപ്പു മന്ത്രിയും കമ്മീഷന്‍ ഏജന്റുമാരെ പോലെയാണ് പ്രവര്‍ത്തിക്കുന്നത്. സംസ്ഥാനത്തിന്റെ വിവിധ ഭാഗങ്ങളില്‍ ബിജെപി യോഗങ്ങള്‍ വിളിച്ചു ചേര്‍ത്തിട്ടുണ്ട്. യാതൊരു നയവുമില്ലാതെയാണ് സര്‍ക്കാര്‍ ഉദ്യോഗസ്ഥരെ മുഖ്യമന്ത്രിയും മന്ത്രിമാരും തല്‍സ്ഥാനത്തു നിന്നും സ്ഥലം മാറ്റുന്നതെന്നും യെദ്യൂരപ്പ ആരോപിച്ചു. സര്‍ക്കാരിന്റെ കാര്‍ഷിക വായ്പ തട്ടിപ്പാണെന്നും ബിജെപി ആരോപിച്ചു.

കോണ്‍ഗ്രസ്, ജനതാദള്‍ (എസ്) എം.എല്‍.എമാരെ വിലക്കെടുക്കാന്‍ ശ്രമം നടക്കുന്നുവെന്ന റിപ്പോര്‍ട്ടുകളെ സംബന്ധിച്ച മാധ്യമങ്ങളുടെ ചോദ്യത്തോടു പ്രതികരിക്കുകയായിരുന്നു അദ്ദേഹം.

ഞങ്ങളുടെ എം.എല്‍.എ.മാരെ ആകര്‍ഷിക്കാന്‍ ശ്രമിക്കുന്നത് ആരുടെ സഹായത്തോടെയാണെന്നും ഏതു പണം ഉപയോഗിച്ചാണെന്നും എനിക്കറിയാണ്. നിങ്ങള്‍ കരുതുന്നുണ്ടെ ഒന്നും ഞാന്‍ അറിയുന്നില്ലെന്ന്. അതില്‍ ആരോക്കെ ഉള്‍പ്പെട്ടിട്ടുണ്ടെന്നും അഡ്വാന്‍സ് പേയ്‌മെന്റുകള്‍ നടക്കുന്നതും അടക്കം എല്ലാ കാര്യങ്ങളും എനിക്കറിയാം. എന്റെ ഗവണ്‍മെന്റിനെ സംരക്ഷിക്കുന്നതിനുള്ള ആവശ്യമായ എല്ലാ നടപടികളും ഞാന്‍ സ്വീകരിച്ചിട്ടുണ്ട്. എല്ലാം വഴിയെ കാണാം, കുമാര സ്വാമി പറഞ്ഞു.

സര്‍ക്കാരിനായി ഏതു വെല്ലുവിളിയും അഭിമുഖീകരിക്കാന്‍ ഒരുക്കമാണ്. റിസോര്‍ട്ടുകളോ കുടിലുകളോ എന്തു വേണമെങ്കിലും അവര്‍ ഒരുക്കട്ടെ, നേരിടാന്‍ ഞങ്ങള്‍ ഒരുക്കമാണെന്നും കുമാരസ്വാമി പറഞ്ഞു.

അട്ടിമറിക്കു ശ്രമിക്കുന്നവരില്‍ ഭാര്യയെയും മകനെയും കൊല്ലാന്‍ ഒരു കോഫി പ്ലാന്ററെ സഹായിച്ചവരും ഒന്‍പതു വര്‍ഷങ്ങള്‍ക്കു മുമ്പ് ബെംഗളൂരു മുനിസിപ്പല്‍ ഓഫിസിന് തീവച്ചവരുമുണ്ടെന്നു മുഖ്യമന്ത്രി കുറ്റപ്പെടുത്തി. എന്തുകൊണ്ടാണ് ഇവര്‍ക്കെതിരെ നടപടിയുണ്ടാകാത്തതെന്ന ചോദ്യത്തിന് ഒരിക്കലും വിജയ സാധ്യതയില്ലാത്ത നീക്കങ്ങള്‍ ആസ്വദിക്കുകയാണെന്നായിരുന്നു കുമാരസ്വാമിയുടെ മറുപടി.

അതേസമയം, സര്‍ക്കാരിനെ മറിച്ചിടാന്‍ ശ്രമിക്കുന്നതായുള്ള ആരോപണങ്ങള്‍ ബിജെപി നിഷേധിച്ചു.