139 കുഞ്ഞുങ്ങളാണ് തൈക്കാട് ശിശുക്ഷേമസമിതിയിലെ കേന്ദ്രത്തിലുള്ളത്. ഇതില്‍ 63 പേരൊഴികെയുള്ളവര്‍ക്ക് പോഷകഹാരക്കുറവുണ്ട്. നിലവില്‍ തൈക്കാട് ആശുപത്രിയില്‍ നിന്ന് മാസത്തിലൊരിക്കല്‍ ഡയറ്റീഷ്യനെത്തിയാണ് കുട്ടികള്‍ക്കുള്ള ആഹാരക്രമം തീരുമാനിക്കുന്നത്. മുട്ട, പാല്‍ തുടങ്ങി ഓരോ കുട്ടികള്‍ക്കും നല്‍കേണ്ട ആഹാരക്രമം ഈ ഡയറ്റീഷ്യന്റെ നിര്‍ദേശപ്രകാരമാണ് തീരുമാനിക്കുന്നത്.

കുട്ടികളുടെ ഭാരവും, ഉയരവും കണക്കാക്കിയാണ് പോഷകക്കുറവ് തീരുമാനിക്കുന്നത്. എന്നാല്‍ ഇത് കൊണ്ട് കാര്യമായ പുരോഗതിയില്ലെന്ന് ചൂണ്ടിക്കാട്ടി തൈക്കാട് ആശുപത്രി സൂപ്രണ്ട്, കഴിഞ്ഞ മേയില്‍ ഡിഎംഒക്ക് കത്ത് നല്‍കിയിരുന്നു. പോഷകാഹാരകുറവുള്ള കുട്ടികളെ വേര്‍തിരിച്ച് പോഷകമൂല്യമുള്ള ആഹാരം നല്‍കണമെന്ന നിര്‍ദേശം ശിശുക്ഷേമസമിതി കൃത്യമായി നടപ്പാക്കിയിട്ടില്ലെന്നും കത്തിലുണ്ട്.

മുഴുവന്‍ സമയ ഡയറ്റീഷ്യനെ ആവശ്യപ്പെട്ട് ശിശുക്ഷേമസമിതിയും ഡിഎംഒക്ക് കത്ത് നല്‍കിയിരുന്നു.

ആലപ്പുഴ വനിത- ശിശു ആശുപത്രിയിലെ ഡോക്ടര്‍മാര്‍ക്ക് വീഴ്ച സംഭവിച്ചിട്ടില്ലെന്നാണ് ആരോഗ്യ വകുപ്പിന്റെ കണ്ടെത്തല്‍. കുഞ്ഞിന്റെ ആരോഗ്യനിലയില്‍ ആശങ്കപ്പെടേണ്ടതില്ലെന്ന് വിദഗ്ധസംഘം അറിയിച്ചിരുന്നു. വിഷയത്തിന്റെ പൂര്‍ണ റിപ്പോര്‍ട്ട് തിങ്കളാഴ്ച മന്ത്രിക്ക് സമര്‍പ്പിക്കും.

അന്വേഷണത്തിന് രണ്ട് സമിതികള്‍ വേണ്ടെന്ന തീരുമാനത്തില്‍ ജില്ലാതല അന്വേഷണ സമിതി പിരിച്ചുവിട്ടു. ആരോഗ്യമന്ത്രി രൂപീകരിച്ച വിദഗ്ധ സമിതിക്ക് മാത്രമായിരിന്നു അന്വേഷണ ചുമതല. കേസിലെ തെളിവുകള്‍ ശേഖരിക്കാന്‍ ഡിവൈഎസ്പിയുടെ നേതൃത്വത്തിലുള്ള സംഘത്തെ നിയോഗിച്ചിട്ടുണ്ട്.

സ്‌കാനിങ് നടന്ന ലാബുകളിലെ സിസിടിവി ദൃശ്യങ്ങള്‍ പൊലീസ് പരിശോധിക്കും. ആലപ്പുഴ ഡിവൈഎസ്പി മധു ബാബുവിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. സ്‌കാനിങ് റിപ്പോര്‍ട്ടുകളും മറ്റ് മെഡിക്കല്‍ രേഖകളും ഹാജരാക്കാന്‍ കുട്ടിയുടെ പിതാവിന് നിര്‍ദേശം നല്‍കിയിരുന്നു.

ഒരു വര്‍ഷം മുന്നെയാണ് വനിതാ ശിശു ആശുപത്രിയില്‍ വിഷ്ണുവിന്റെ ഭാര്യ അശ്വതി കുട്ടിയ്ക്ക് ജന്മം നല്‍കിയത്. കുട്ടിയുടെ വലതു കൈക്ക് ചലനശേഷി നഷ്ടപ്പെട്ടെന്ന കാര്യം ആദ്യം മറച്ചുവെച്ചു. മാതാപിതാക്കള്‍ സംശയമുന്നയിച്ചതോടെയാണ് വിവരം അറിയിക്കുന്നത്. നിലവില്‍ കോയമ്പത്തൂരിലെ സ്വകാര്യ ആശുപത്രിയിലാണ് ചികിത്സ. മൂന്ന് മാസത്തിനുള്ളില്‍ മാറ്റമില്ലെങ്കില്‍ ശസ്ത്രക്രിയ വേണമെന്നാണ് ഡോക്ടര്‍മാര്‍ അറിയിച്ചിരിക്കുന്നതെന്ന് കുടുംബം പറഞ്ഞു. സംഭവത്തില്‍ വനിത ശിശു ആശുപത്രിയിലെ ഡോക്ടര്‍ക്ക് എതിരെ നടപടി വേണമെന്നും ആവശ്യപെട്ടിട്ടുണ്ട്. ഡിവൈഎസ്പിക്കും ആരോഗ്യമന്ത്രിക്കും കുടുംബം പരാതി നല്‍കിയിട്ടുണ്ട്.

കഴിഞ്ഞ ദിവസം വനിത ശിശു ആശുപത്രിക്കെതിരെ പുറത്ത് വന്ന വാര്‍ത്തയ്ക്ക് പിന്നാലെയാണ് പുതിയ വെളിപ്പെടുത്തലുമായി ദമ്പതികള്‍ രംഗത്തെത്തിയത്. അനീഷ്, സുറുമി ദമ്പതികളുടെ മൂന്നാമത്തെ കുട്ടിയാണ് അസാധരണ വൈകല്യത്തോടെ ജനിച്ചത്. അസാധരണ വൈകല്യങ്ങളുമായി ജനിച്ച കുഞ്ഞിന്റെ മുഖം സാധാരണ രൂപത്തിലായിരുന്നില്ല. തുറക്കാന്‍ കഴിയാത്ത വായ, സ്ഥാനം തെറ്റിയ, തുറക്കാത്ത കണ്ണ്, ഹൃദയത്തിന് ദ്വാരം തുടങ്ങിയ വൈകല്യങ്ങളോടെ ജനിച്ച ശിശുവിന് ജനനേന്ദ്രിയം ഉണ്ടെങ്കിലും സാരമായ വൈകല്യമാണുള്ളതെന്നാണ് ദമ്പതികള്‍ വ്യക്തമാക്കുന്നത്.

പാര്‍ട്ടി പ്രവര്‍ത്തകരെയും നേതാക്കളുടെ ബന്ധുക്കളെയും മാനദണ്ഠങ്ങള്‍ കാറ്റില്‍ പറത്തിയാണ് ആരോഗ്യ വകുപ്പ് വഴി നിയമനം നടത്തിയിട്ടുള്ളത്. മതിയായ പരസ്യം നല്‍കാതെയും ഉദ്യോഗാര്‍ത്ഥികള്‍ക്ക് വേക്കന്‍സി സംബന്ധിച്ച് വിവരങ്ങള്‍ ലഭ്യമാക്കെതെയും മുന്‍കൂട്ടി തയ്യാറാക്കിയ ലിസ്റ്റില്‍ ഉള്ളവര്‍ക്ക് പങ്കെടുക്കാന്‍ കഴിയുന്ന രീതിയിലുമാണ് ഇന്റര്‍വ്യൂകള്‍ സംഘടിപ്പിക്കുന്നത്.

10,000 രൂപ മുതല്‍ 45,000 രൂപ വരെ ശമ്പളനിരക്കുള്ള ജോലികള്‍ ആണ് ഈ രീതിയില്‍ പാര്‍ട്ടി നിയമനങ്ങള്‍ നടത്തിക്കൊണ്ടിരിക്കുന്നത്. ആദ്യം താത്കാലിക നിയമനം പിന്നീട് സ്ഥിരം നിയമനം എന്ന രീതിയില്‍ ആണ് മുന്നോട്ട് പോയിക്കൊണ്ടിരിക്കുന്നത്. ഇതേ കുറിച്ച് സമഗ്രമായ അന്വേഷണം നടത്താനും നിയമനങ്ങള്‍ റദ്ദ് ചെയ്ത് സുതാര്യമായ രീതിയില്‍ ഇന്റര്‍വ്യൂ നടത്തി നിയമനങ്ങള്‍ നടത്തണമെന്നും മുസ്‌ലിം യൂത്ത് ലീഗ് ആവശ്യപ്പെടുന്നു.

മലപ്പുറം ജില്ലയിലെ എടക്കര ഗവണ്‍മെന്റ് ആശുപത്രിയില്‍ മാത്രം ആകെ 28 ജീവനക്കാരില്‍ 3 സ്ഥിരം ജീവനക്കാരും 12 താത്കാലിക ജീവനക്കാരും പാര്‍ട്ടി നിയമനങ്ങളാണ്. താത്കാലിക ജീവനക്കാര്‍ സ്ഥിരം നിയമനം ലഭിക്കുന്നതിന് വേണ്ടിയുള്ള നീക്കങ്ങള്‍ ഇതിനകം ആരംഭിച്ച് കഴിഞ്ഞുവെന്നും പി.കെ ഫിറോസ് പറഞ്ഞു. പി. ഇസ്മായില്‍ (സംസ്ഥാന ട്രഷറര്‍) ഫൈസല്‍ ബാഫഖി തങ്ങള്‍ (സംസ്ഥാന വൈസ് പ്രസിഡന്റ്)
എന്നിവർ പത്രസമ്മേളനത്തില്‍ പങ്കെടുത്തു.

ആരോഗ്യവകുപ്പിന്‍റെ കീഴില്‍ നടത്തിയ രണ്ട് അന്വേഷണങ്ങളിലും ശസ്ത്രക്രിയ ഉപകരണം ഏത് അവസരത്തിലാണ് വയറ്റില്‍ കുടുങ്ങിയതെന്ന് കണ്ടെത്താന്‍ കഴിയാത്ത സാഹചര്യത്തില്‍ ആഭ്യന്തര വകുപ്പ് അന്വേഷണം നടത്താനും യോഗം തീരുമാനിച്ചു.