heay rain – Chandrika Daily https://www.chandrikadaily.com Mon, 06 Oct 2025 05:02:38 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg heay rain – Chandrika Daily https://www.chandrikadaily.com 32 32 കനത്തമഴ, മണ്ണിടിച്ചില്‍; ഡാര്‍ജിലിങ്ങില്‍ 23 പേര്‍ മരിച്ചു https://www.chandrikadaily.com/heavy-rains-landslides-23-dead-in-darjeeling.html https://www.chandrikadaily.com/heavy-rains-landslides-23-dead-in-darjeeling.html#respond Mon, 06 Oct 2025 05:02:38 +0000 https://www.chandrikadaily.com/?p=357048 കൊല്‍ക്കത്ത: പശ്ചിമബംഗാളിലെ ഡാര്‍ജിലിങ്ങില്‍ കനത്തമഴയെയും മണ്ണിടിച്ചിലിനെയും തുടര്‍ന്ന് മരണസംഖ്യ 23 ആയി ഉയര്‍ന്നതായി റിപ്പോര്‍ട്ടുകള്‍. കഴിഞ്ഞ ദിവസങ്ങളിലായി മിരിക്, സുഖിയ പോഖ്രി പ്രദേശങ്ങളിലാണ് മണ്ണിടിച്ചിലുകള്‍ ഉണ്ടായത്. പ്രാദേശിക ഭരണകൂടവും പോലീസും രക്ഷാപ്രവര്‍ത്തനങ്ങള്‍ ശക്തമാക്കിയിട്ടുണ്ട്.

മണ്ണിടിച്ചിലിനെ തുടര്‍ന്ന് ഡാര്‍ജിലിങ്‌സിലിഗുഡി, ബംഗാള്‍സിക്കിം റോഡുകള്‍ അടക്കം നിരവധി ഗതാഗത മാര്‍ഗങ്ങള്‍ തകരാറിലായി. പല വിനോദസഞ്ചാരികളും കുടുങ്ങിയതായാണ് റിപ്പോര്‍ട്ട്. കൂടുതല്‍ അപകടസാധ്യത കണക്കിലെടുത്ത് ടൈഗര്‍ ഹില്‍, റോക്ക് ഗാര്‍ഡന്‍ ഉള്‍പ്പെടെയുള്ള വിനോദസഞ്ചാര കേന്ദ്രങ്ങള്‍ അടച്ചിട്ടു. ടോയ് ട്രെയിന്‍ സര്‍വീസും താത്കാലികമായി നിര്‍ത്തി.

വടക്കന്‍ ബംഗാളിലെ മറ്റു പ്രദേശങ്ങളിലും കനത്തമഴ തുടര്‍ന്നു പെയ്യുകയാണ്. നിരവധി സ്ഥലങ്ങളില്‍ വെള്ളക്കെട്ട് രൂപപ്പെട്ടിട്ടുണ്ട്. മുന്നറിയിപ്പ് അനുസരിച്ച് വരും ദിവസങ്ങളിലും കനത്തമഴയും മിന്നല്‍പ്രളയവും ഉണ്ടാകാമെന്ന് കാലാവസ്ഥാ വകുപ്പ് അറിയിച്ചു. പ്രദേശവാസികളും വിനോദസഞ്ചാരികളും ജാഗ്രത പാലിക്കണമെന്ന് അധികൃതര്‍ നിര്‍ദേശിച്ചു.

ഡാര്‍ജിലിങ് എംപി രാജു ബിസ്ത സ്ഥിതിഗതികള്‍ വിലയിരുത്താന്‍ പ്രദേശത്തെത്തി. ദുരിതാശ്വാസ നടപടികള്‍ വേഗത്തിലാക്കാന്‍ ബന്ധപ്പെട്ട വകുപ്പുകളുമായി ചര്‍ച്ചകള്‍ ആരംഭിച്ചതായും അദ്ദേഹം അറിയിച്ചു.

]]> https://www.chandrikadaily.com/heavy-rains-landslides-23-dead-in-darjeeling.html/feed 0 പുതിയ ന്യൂനമര്‍ദം രൂപം കൊള്ളുന്നു; ഓണത്തിന് മഴ ഭീഷണി https://www.chandrikadaily.com/a-new-depression-forms-rain-threat-for-onam.html https://www.chandrikadaily.com/a-new-depression-forms-rain-threat-for-onam.html#respond Sat, 30 Aug 2025 11:20:14 +0000 https://www.chandrikadaily.com/?p=352250 ന്യൂനമര്‍ദം ദുര്‍ബലമായതോടെ മഴയുടെ ശക്തി കുറഞ്ഞിരിക്കുകയാണ്. കേന്ദ്ര കാലാവസ്ഥവകുപ്പിന്റെ റിപ്പോര്‍ട്ട് പ്രകാരം ഇനിയുള്ള ദിവസങ്ങളില്‍ ഇടവിട്ടുള്ള മഴക്കാണ് സാധ്യത. ഇന്ന് തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ടുണ്ട്.

സെപ്റ്റംബര്‍ 2,3 തീയതികളില്‍ ബംഗാള്‍ ഉള്‍ക്കടലില്‍ വീണ്ടും ന്യൂനമര്‍ദത്തിന് സാധ്യതയുണ്ട്. ആ ദിവസങ്ങളില്‍ വടക്കന്‍ ജില്ലകളില്‍ മഴ ശക്തമാകുന്നു. സെപ്റ്റംബര്‍ മൂന്നിന് കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്.

24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യമാണ് കാലാവസ്ഥ വകുപ്പ് അര്‍ഥമാക്കുന്നത്. രാജസ്ഥാന്‍, ഹരിയാന, ഗുജറാത്ത്, ഡല്‍ഹി എന്നിവിടങ്ങളില്‍ ശക്തമായ മഴയുണ്ട്. കാസര്‍കോട്, കണ്ണൂര്‍ ജില്ലകളിലാണ് ഏറ്റവും കൂടുതല്‍ മഴ രേഖപ്പെടുത്തിയത്. കോഴിക്കോട് കക്കയത്ത് കഴിഞ്ഞ 100 ദിവസത്തിനുള്ളില്‍ 6046 മില്ലീ ലിറ്റര്‍ മഴ ലഭിച്ചു.

കര്‍ണാടക തീരത്ത് നാളെ വരെ മത്സ്യബന്ധനത്തിന് പോകാന്‍ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് മധ്യ കിഴക്കന്‍ അറബിക്കടല്‍, തെക്കു കിഴക്കന്‍ & തെക്കു പടിഞ്ഞാറന്‍ അറബിക്കടല്‍, വടക്കന്‍ ആന്ധ്രാതീരം, മധ്യ പടിഞ്ഞാറന്‍, തെക്കു പടിഞ്ഞാറന്‍ ബംഗാള്‍ ഉള്‍ക്കടല്‍, തെക്കു കിഴക്കന്‍ ബംഗാള്‍ ഉള്‍ക്കടലിനോട് ചേര്‍ന്ന ഭാഗങ്ങള്‍, ശ്രീലങ്കന്‍ തീരം, ഗള്‍ഫ് ഓഫ് മാന്നാര്‍ എന്നിവിടങ്ങളില്‍ മണിക്കൂറില്‍ 40 മുതല്‍ 50 കിലോമീറ്റര്‍ വരെയും 60 കിലോമീറ്റര്‍ വരെയും വേഗതയില്‍ ശക്തമായ കാറ്റിനും മോശം കാലാവസ്ഥയ്ക്കും സാധ്യത.

തെക്കന്‍ ഗുജറാത്ത് തീരം, അതിനോട് ചേര്‍ന്ന വടക്കന്‍ ഗുജറാത്ത് തീരം, കൊങ്കണ്‍, ഗോവ, മധ്യ കിഴക്കന്‍ അറബിക്കടല്‍, തെക്കു കിഴക്കന്‍ അറബിക്കടല്‍, വടക്കന്‍ ആന്ധ്രപ്രദേശ് തീരം, തെക്കന്‍ ആന്ധ്രപ്രദേശ് തീരം, തമിഴ്നാട് തീരം, മധ്യ ബംഗാള്‍ ഉള്‍ക്കടല്‍, തെക്കന്‍ ബംഗാള്‍ ഉള്‍ക്കടല്‍, ശ്രീലങ്കന്‍ തീരം, ഗള്‍ഫ് ഓഫ് മാന്നാര്‍, ആന്‍ഡമാന്‍ കടല്‍ എന്നിവിടങ്ങളില്‍ മണിക്കൂറില്‍ 40 മുതല്‍ 50 കിലോമീറ്റര്‍ വരെയും ചില അവസരങ്ങളില്‍ 60 കിലോമീറ്റര്‍ വരെയും വേഗതയില്‍ ശക്തമായ കാറ്റിനും മോശം കാലാവസ്ഥക്കും സാധ്യത. ആഗസ്റ്റ് 31 മുതല്‍ സെപ്റ്റംബര്‍ രണ്ടുവരെ ഈ പ്രദേശങ്ങളില്‍ മത്സ്യബന്ധനത്തിന് പോകാന്‍ പാടില്ല.

]]> https://www.chandrikadaily.com/a-new-depression-forms-rain-threat-for-onam.html/feed 0 മഴ തുടരുന്നു; സംസ്ഥാനത്ത് മഴ മുന്നറിയിപ്പില്‍ മാറ്റം https://www.chandrikadaily.com/1the-rain-continues-change-in-rain-warning-in-the-state.html https://www.chandrikadaily.com/1the-rain-continues-change-in-rain-warning-in-the-state.html#respond Fri, 29 Aug 2025 10:14:27 +0000 https://www.chandrikadaily.com/?p=352135 സംസ്ഥാനത്ത് മഴമുന്നറിയിപ്പില്‍ മാറ്റം.കാസര്‍കോഡ്,കണ്ണൂര്‍ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. കോഴിക്കോട്,വയനാട്,പത്തനംതിട്ട,കൊല്ലം, തിരുവനന്തപുരം ജില്ലകളില്‍ യെല്ലോ അലര്‍ട്ടും പ്രഖ്യാപിച്ചു.
കേരളത്തില്‍ ഒറ്റപ്പെട്ടയിടങ്ങളില്‍ ഇന്ന് മണിക്കൂറില്‍ 40 മുതല്‍ 50 കിലോമീറ്റര്‍ വരെ വേഗതയില്‍ ശക്തമായ കാറ്റിന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.

]]> https://www.chandrikadaily.com/1the-rain-continues-change-in-rain-warning-in-the-state.html/feed 0 സംസ്ഥാനത്ത് നാളെ മഴയ്ക്ക് സാധ്യത; നാല് ജില്ലകളില്‍ യെല്ലോ അലര്‍ട്ട് https://www.chandrikadaily.com/chance-of-rain-tomorrow-in-the-state-yellow-alert-in-four-districts.html https://www.chandrikadaily.com/chance-of-rain-tomorrow-in-the-state-yellow-alert-in-four-districts.html#respond Mon, 25 Aug 2025 09:41:51 +0000 https://www.chandrikadaily.com/?p=351621 സംസ്ഥാനത്ത് നാളെ മഴയ്ക്ക് സാധ്യത. നാല് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. കാസര്‍കോട്, കണ്ണൂര്‍, വയനാട്, കോഴിക്കോട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചത്.വടക്കന്‍ ജില്ലകളില്‍ ജാഗ്രതാ നിര്‍ദേശവുമുണ്ട്. കേരള തീരത്ത് ഇന്ന് മുതല്‍ 28 വരെ മത്സ്യബന്ധനത്തിന് വിലക്കേര്‍പ്പെടുത്തി.

]]> https://www.chandrikadaily.com/chance-of-rain-tomorrow-in-the-state-yellow-alert-in-four-districts.html/feed 0 കോഴിക്കോട് റെയില്‍വേ ട്രാക്കില്‍ മരം വീണ സംഭവം; ട്രെയിന്‍ ഗതാഗതം പുനഃസ്ഥാപിച്ചു https://www.chandrikadaily.com/a-tree-fell-on-the-kozhikode-railway-track-train-services-have-been-restored.html https://www.chandrikadaily.com/a-tree-fell-on-the-kozhikode-railway-track-train-services-have-been-restored.html#respond Tue, 27 May 2025 03:22:15 +0000 https://www.chandrikadaily.com/?p=342558 കോഴിക്കോട് അരീക്കോട് റെയില്‍വേ ട്രാക്കില്‍ മരം വീണതിനെ തുടര്‍ന്ന് തടസ്സപ്പെട്ട ട്രെയിന്‍ ഗതാഗതം പുനഃസ്ഥാപിച്ചു. പുലര്‍ച്ചെ അഞ്ചുമണിയോടെയാണ് ട്രെയിന്‍ ഗതാഗതം പുനഃസ്ഥാപിച്ചത്.

റെയില്‍വേ ട്രാക്കില്‍ വീണ മരങ്ങളും വീടിന്റെ മേല്‍ക്കൂരയും എടുത്തുമാറ്റുകയും വൈദ്യുതി ലൈനുകള്‍ പുനഃസ്ഥാപിക്കുകയും ചെയ്തു. ഗതാഗതം പൂര്‍ണമായും പുനഃസ്ഥാപിച്ചെങ്കിലും പല ട്രെയിനുകളും വൈകി. ഒന്നു മുതല്‍ രണ്ടു മണിക്കൂര്‍ വരെയാണ് ട്രെയിനുകള്‍ വൈകിയോടുന്നത്.

തിങ്കളാഴ്ച രാത്രി ഏഴുമണിയോടെയാണ് മാത്തോട്ടം-അരീക്കോട് ഭാഗത്തേയ്ക്കുള്ള ട്രാക്കിലേക്ക് മൂന്ന് മരങ്ങള്‍ വന്നുവീണ് ഗതാഗതം തടസ്സപ്പെട്ടത്.

]]> https://www.chandrikadaily.com/a-tree-fell-on-the-kozhikode-railway-track-train-services-have-been-restored.html/feed 0