helicoptar – Chandrika Daily

നേപ്പാളില്‍ ആറ് പേരുമായി യാത്രചെയ്ത ഹെലികോപ്റ്റര്‍ കാണാതായി

webdesk13 — Tue, 11 Jul 2023 07:09:07 +0000

നേപ്പാളില്‍ ആറ് പേരുമായി യാത്രചെയ്ത ഹെലികോപ്റ്റര്‍ കാണാതായി. സോലുഖുംബുവില്‍ നിന്ന് കാഠ്മണ്ഡുവിലേക്ക് പോയ ഹെലികോപ്റ്ററാണ് കാണാതായത്. 9എന്‍-എ.എം.വി (എ.എസ് 50) എന്ന രജിസ്‌ട്രേഷനിലുള്ള ഹെലികോപ്റ്ററിന് ചൊവ്വാഴ്ച രാവിലെ പത്ത് മണിക്ക് ശേഷമാണ് കണ്‍ട്രോള്‍ ടവറുമായുള്ള ബന്ധം നഷ്ടമായത്.

പൈലറ്റടക്കം 6 പേരുണ്ടായിരുന്നുവെന്ന് നേപ്പാള്‍ നേപ്പാള്‍ സിവില്‍ ഏവിയേഷന്‍ അതോറിറ്റി അറിയിച്ചു. ഹെലികോപ്റ്ററിനായി തിരച്ചില്‍ നടത്തിവരികയാണ്.

ജമ്മു-കശ്മീരില്‍ സൈനിക ഹെലികോപ്റ്റര്‍ തകര്‍ന്നു വീണു

webdesk14 — Thu, 04 May 2023 06:52:02 +0000

ജമ്മു കശ്മീരില്‍ സൈനിക ഹെലികോപ്റ്റര്‍ തകര്‍ന്നുവീണു. ധ്രുവ് ഹെലികോപ്റ്ററാണ് തകര്‍ന്നുവീണത്. ഇന്ന് രാവിലെയാണ് സംഭവം. മാച്ച്‌ന ഗ്രാമത്തിലാണ് തകര്‍ന്നുവീണതെന്നാണ് വിവരം.

പൈലറ്റിന് പരിക്കേറ്റിട്ടുണ്ടെങ്കിലും സുരക്ഷിതരാണെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. ഹെലികോപ്റ്ററിനകത്ത് 3പേര്‍ ഉണ്ടായിരുന്നുവെന്നാണ് വിവരം. അപകടകാരണം വ്യക്തമല്ല. പരിക്കുപറ്റിയ പൈലറ്റിനെ ആശുപത്രിയില്‍ പ്രവേശിപ്പിച്ചു.

അരുണാചൽ ഹെലികോപ്റ്റർ അപകടം. 2 സൈനികർ മരിച്ചതായി സ്ഥിരീകരിച്ചു

webdesk15 — Fri, 17 Mar 2023 02:19:09 +0000

അരുണാചൽപ്രദേശിലെ സൈനിക ഹെലികോപ്റ്റർ അപകടത്തിൽ രണ്ടു സൈനികർ മരിച്ചതായി സ്ഥിരീകറിച്ച്.. ലഫ്. കേണല്‍ വി.വി.ബി.റെഡ്ഡി, മേജർ എ. ജയന്ത് എന്നിവരാണ് മരിച്ചത്. മോശം കാലാവസ്ഥയാണ് അപകടത്തിനിടയാക്കിയതെന്നാണ് പ്രാഥമിക നിഗമനം.സംഭവത്തിൽ സൈന്യം അന്വേഷണം പ്രഖ്യാപിച്ചു.ഇന്നലെ രാവിലെയാണ് മൻഡാല മലനിരകൾക്കു സമീപം സൈന്യത്തിന്റെ ചീറ്റ ഹെലികോപ്റ്റർ തകർന്നു വീണത്.

യുക്രെയ്‌നില്‍ ഹെലികോപ്റ്റര്‍ തകര്‍ന്നുവീണു; ആഭ്യന്തരമന്ത്രി ഉള്‍പ്പടെ 16 മരണം

webdesk13 — Wed, 18 Jan 2023 09:25:54 +0000

കീവ്: യുക്രെയ്‌നില്‍ ആഭ്യന്തരമന്ത്രി സഞ്ചരിച്ച ഹെലികോപ്റ്റര്‍ തകര്‍ന്ന് വീണ് 16 പേര്‍ മരിച്ചു. മരിച്ചവരില്‍ രണ്ട് കുട്ടികളും ആഭ്യന്തരമന്ത്രാലയത്തിലെ ഉദ്യോഗസ്ഥരും ഉള്‍പ്പെടുന്നു. തലസ്ഥാനനഗരമായ കീവിന് സമീപത്തുള്ള കിന്റര്‍ഗാര്‍ട്ടന് സമീപത്തായിരുന്നു അപകടം.

BREAKING and AWFUL

Interior Minister Denys Monastyrsky, First Deputy Interior Minister Yevhen Yenin and State Secretary of the Ministry of Internal Affairs Yuriy Lubkovych DIED in the HELICOPTER CATASTROPHE in the Kyiv region❗️

A total of 16 victims, including 2 children. pic.twitter.com/pz8I0TcrYE

— Iuliia Mendel (@IuliiaMendel) January 18, 2023

അപകടത്തില്‍ 22 പേര്‍ക്ക് പരിക്കേറ്റു. ഇതില്‍ പത്തുപേര്‍ കുട്ടികളാണ്. അപകട ദൃശ്യം സമൂഹ മാധ്യമങ്ങളില്‍ പ്രചരിക്കുന്നുണ്ട്. വീഡിയോയില്‍ തീപിടിച്ച സ്ഥലത്ത് നിന്ന് ഉച്ചത്തില്‍ നിലവിളിക്കുന്നത് കേള്‍ക്കാം.

മധ്യപ്രദേശ് മുഖ്യമന്ത്രി സഞ്ചരിച്ച ഹെലികോപ്റ്റര്‍ തിരച്ചിറക്കി; കാരണം സാങ്കേതിക തകരാര്‍

webdesk13 — Mon, 16 Jan 2023 12:21:43 +0000

ധാര്‍: മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്‍ സഞ്ചരിച്ച ഹെലികോപ്റ്റര്‍ സാങ്കേതിക തകരാര്‍ കണ്ടെത്തിയതിനെ തുടര്‍ന്ന് തിരിച്ചിറക്കി. ഹെലികോപ്ടര്‍ പറന്നുയര്‍ന്ന ശേഷമാണ് സാങ്കേതിക തകരാര്‍ കണ്ടെത്തിയത്. ഉടന്‍ തന്നെ ധാര്‍ ജില്ലയിലെ മനാവാറില്‍ തിരിച്ചിറക്കിയതായി പോലീസ് അറിയിച്ചു.

മനാവാറില്‍ നിന്ന് 75 കിലോമീറ്റര്‍ അകലെയുള്ള ധാറിലേക്ക് പോകാനായിരുന്നു മുഖ്യമന്ത്രി ഹെലികോപ്ടര്‍ മാര്‍ഗം തിരഞ്ഞെടുത്തത്. യാത്ര മുടങ്ങിയതോടെ പിന്നീട് മുഖ്യമന്ത്രി റോഡ് മാര്‍ഗം പോയി.

ഉത്തരാഖണ്ഡില്‍ ഹെലികോപ്റ്റര്‍ തകര്‍ന്ന് 7 മരണം

Test User — Tue, 18 Oct 2022 08:09:39 +0000

ഡെറാഡൂണ്‍: ഉത്തരാഖണ്ഡില്‍ കേദര്‍നാഥ് തീര്‍ഥാടകര്‍ സഞ്ചരിച്ച ഹെലികോപ്റ്റര്‍ തകര്‍ന്ന് ഏഴ് പേര്‍ മരിച്ചു. രണ്ട് പൈലറ്റുമാര്‍ ഉള്‍പ്പടെ അഞ്ച് യാത്രികരുമാണ്‌ മരിച്ചത്.

#WATCH | Uttarakhand: A helicopter carrying Kedarnath pilgrims from Phata crashes, casualties feared; administration team left for the spot for relief and rescue work. Further details awaited pic.twitter.com/sDf4x1udlJ

— ANI (@ANI) October 18, 2022

ഗുപ്തകാശിയില്‍ നിന്ന് പറന്നുയര്‍ന്ന ഉടന്‍ ഹെലികോപ്റ്ററിന് തീപിടിക്കുകയായിരുന്നു. സംഭവസ്ഥലത്ത് പോലീസും ദുരന്തനിവാരണ സേനയും രക്ഷാപ്രവര്‍ത്തനം നടത്തിവരുന്നു.

ആറു മാസത്തിനിടെ പറന്നത് അഞ്ചു തവണ മാത്രം; വാടക പത്തു കോടി രൂപ- സര്‍ക്കാറിനെ വട്ടംകറക്കി ഹെലികോപ്ടര്‍

Test User — Wed, 23 Sep 2020 02:17:06 +0000

തിരുവനന്തപുരം: കേരള പൊലീസ് വാടകക്കെടുത്ത ഹെലികോപ്ടര്‍ സംസ്ഥാന ഖജനാവിന് കോടികളുടെ നഷ്ടം വരുത്തിവയ്ക്കുന്നതായി റിപ്പോര്‍ട്ട്. ആറു മാസത്തിനിടെ അഞ്ചു തവണ മാത്രം പറന്ന കോപ്ടറിന് വാടകയിനത്തില്‍ പത്തു കോടി രൂപയാണ് നല്‍കേണ്ടി വരുന്നത്. എന്നാല്‍ വിവരാവകാശ നിയമപ്രകാര വാടകയുടെ വിശദ വിവരങ്ങള്‍ ചോദിച്ചിട്ടും പൊലീസ് ഇതു വെളിപ്പെടുത്താന്‍ തയ്യാറായിട്ടില്ല. ഏഷ്യാനെറ്റ് ന്യൂസാണ് ഇതു സംബന്ധിച്ച വാര്‍ത്ത റിപ്പോര്‍ട്ട് ചെയ്തത്.

കഴിഞ്ഞ ഫെബ്രുവരിയിലാണ് കോപ്ടര്‍ വാടകയ്ക്ക് എടുക്കാന്‍ ധനകാര്യ വകുപ്പ് അനുമതി നല്‍കിയത്. പതിനെട്ട് ശതമാനം ജിഎസ്ടി ഉള്‍പ്പെടെ ഒരു കോടി 70 ലക്ഷം രൂപയായിരുന്നു അനുവദിച്ച തുക. ഒരു മാസം 20 മണിക്കൂര്‍ പറക്കാനാണ് ഈ തുക. ഉപയോഗിച്ചില്ലെങ്കിലും ഈ പണം ഡല്‍ഹിയിലെ പവന്‍ ഹാന്‍സ് കമ്പനിക്ക് കൈമാറാണം. ആദ്യഗഡു കൈമാറിയതിന് പിന്നാലെ മാര്‍ച്ചിലാണ് കോപ്ടര്‍ കേരളത്തിലെത്തിയത്.

ഏപ്രില്‍ മുതല്‍ സെപ്തംബര്‍ വരെയുള്ള കാലയളവില്‍ ഇത്തരത്തില്‍ 10.23 കോടി രൂപയാണ് സര്‍ക്കാര്‍ നല്‍കേണ്ടത്. കോപ്ടര്‍ വന്നിട്ട് അഞ്ചു തവണ മാത്രമാണ് അതുപയോഗിച്ചത് എന്നതും ശ്രദ്ധേയമാണ്. പെട്ടിമുടി പോലുള്ള ദുരന്ത സ്ഥലങ്ങളില്‍ കോപ്ടര്‍ പ്രയോജനം ചെയ്തുമില്ല.