ഇന്നലെയാണ് പ്രതികളെ നടക്കാവ് പൊലീസ് കസ്റ്റഡിയിൽ എടുത്തത്. രാമനാട്ടുകരയിൽ നിന്ന് കോഴിക്കോട്ടേക്ക് യാത്ര ചെയ്യുന്നതിനിടയിലാണ് പ്രതികളെ കസ്റ്റഡിയിലെടുത്തത്. 2013 ഏപ്രിൽ 19നാണ് അദിതി കൊല്ലപ്പെട്ടത്. മരക്കഷണം കൊണ്ടും, കൈകൾ കൊണ്ടും അടിക്കുകയും, മർദ്ദിക്കുകയും ചെയ്യുമായിരുന്നു. മതിയായ ഭക്ഷണം നൽകാതെ കുട്ടികളെ പട്ടിണിക്കിടുകയും പതിവായിരുന്നു. വീട്ടിലെ കഠിനമായ ജോലികൾ ചെയ്യിച്ചു. അഥിതിയുടെ സ്വകാര്യ ഭാഗങ്ങളിലുൾപ്പെടെ ശരീരത്തിലും തിളച്ചവെള്ളം ഒഴിച്ചു. ശരീരത്തിൽ ഏറ്റ മുറിവുകൾക്ക് ചികിത്സ നൽകിയിരുന്നില്ല.

ഒന്നാംപ്രതി സുബ്രഹ്മണ്യൻ നമ്പൂതിരിയുടെ ആദ്യവിവാഹം ശ്രീജ അന്തർജ്ജനവുമായിട്ടായിരുന്നു. ഈ ബന്ധത്തിലാണ് രണ്ടു കുട്ടികൾ. വാഹനപകടത്തിൽ ഭാര്യ മരിച്ചതിനെ തുടർന്നാണ്, സുബ്രഹ്മണ്യൻ രണ്ടാമതൊരു വിവാഹം കഴിക്കുന്നത്. പിന്നീടങ്ങോട്ട് കുട്ടികൾ തുടർച്ചയായ ഉപദ്രവം നേരിട്ടിരുന്നുവെന്നാണ് അന്വേഷണത്തിൽ കണ്ടെത്തിയിരുന്നത്.

കുട്ടികളെ ഇവർ വീട്ടിൽ പൂട്ടിയിടുക പതിവായിരുന്നു. കേസിൽ നിർണായകമായത് സഹോദരൻ അരുണിൻ്റെ മൊഴികളായിരുന്നു. അച്ഛനും രണ്ടാനമ്മയും തങ്ങളെ സ്ഥിരമായി മർദ്ദിക്കാറുണ്ടായിരുന്നു എന്നും പട്ടിണിക്കിടുന്നത് പതിവായിരുന്നു എന്നും പത്ത് വയസുകാരൻ മൊഴി നൽകി. പോസ്റ്റ്മോർട്ടം റിപ്പോർട്ടും കേസിൽ നിർണായകമായി. സ്വകാര്യ ഭാഗങ്ങളിൽ ഉൾപ്പടെ 19 മുറിവുകളാണ് മൃതദേഹത്തിൽ കണ്ടെത്തിയത്. ഇതിൽ മരണകാരണമായ അടിയേറ്റ പരുക്കും പ്രധാനമായിരുന്നു.

സിനിമയില്‍ സെന്‍സര്‍ ബോര്‍ഡ് നിര്‍ദേശിച്ച മാറ്റങ്ങള്‍ ചോദ്യം ചെയ്താണ് നിര്‍മ്മാതാവും സംവിധായകനും ഹൈക്കോടതിയില്‍ ഹരജി സമര്‍പ്പിച്ചത്. ഹരജിക്കാരും, ഹരജിയെ എതിര്‍ക്കുന്നവരും, ഇരുപാര്‍ട്ടികളുടെയും അഭിഭാഷകരും പ്രദര്‍ശനത്തില്‍ പങ്കെടുക്കും. ആവശ്യമായ സൗകര്യങ്ങള്‍ ഒരുക്കുമെന്ന് നിര്‍മ്മാതാക്കള്‍ കോടതിയെ അറിയിച്ചു.

സെന്‍സര്‍ ബോര്‍ഡ് നിരവധി രംഗങ്ങളും സംഭാഷണങ്ങളും ഒഴിവാക്കണമെന്ന് നിര്‍ദേശിച്ചിരിക്കുകയായിരുന്നു. ‘ബീഫ് ബിരിയാണി കഴിക്കുന്ന രംഗം,’ ‘ഗണപതിവട്ടം,’ ‘ധ്വജപ്രണാമം,’ ‘സംഘം കാവലുണ്ട്,’ ‘രാഖി’ തുടങ്ങിയ പരാമര്‍ശങ്ങള്‍ നീക്കണമെന്ന് ബോര്‍ഡ് ആവശ്യപ്പെട്ടതായി അണിയറപ്രവര്‍ത്തകര്‍ മുമ്പ് വ്യക്തമാക്കിയിരുന്നു.

സിനിമ ഒരു മതത്തെയോ രാഷ്ട്രീയ സംഘടനയെയോ അപമാനിക്കുന്നില്ല എന്നതാണ് നിര്‍മാതാക്കളും സംവിധായകനും അഭിപ്രായപ്പെടുന്നത്. ”സമൂഹത്തില്‍ നടക്കുന്ന യാഥാര്‍ത്ഥ്യ പ്രശ്‌നങ്ങള്‍ പറയാനാണ് ശ്രമം. ബീഫ് ബിരിയാണിയല്ല, മട്ടന്‍ ബിരിയാണിയാണ് സിനിമയില്‍ കാണിച്ചിരിക്കുന്നത്,” എന്ന് അവര്‍ വിശദീകരിച്ചു.

സിനിമയുടെ പ്രമേയവും സെന്‍സര്‍ ബോര്‍ഡിന്റെ നിലപാടും സംബന്ധിച്ച അന്തിമ തീരുമാനം ഹൈക്കോടതി പിന്നീട് എടുക്കും. ഈ കേസിന്റെ വിധി മലയാള സിനിമാ രംഗത്ത് സെന്‍സറിംഗ് പ്രക്രിയയെ സംബന്ധിച്ച പുതിയ മാര്‍ഗരേഖകള്‍ക്ക് വഴിയൊരുക്കുമെന്ന പ്രതീക്ഷയും ഉണ്ട്.

ഇക്കഴിഞ്ഞ മാര്‍ച്ചില്‍ സര്‍ക്കാര്‍ പ്രദേശം വനഭൂമിയാണെന്ന് വ്യക്തമാക്കിയിരുന്നെങ്കിലും, സെപ്റ്റംബറില്‍ വനഭൂമിയല്ല എന്ന് വ്യക്തമാക്കുന്ന പുതിയ സത്യവാങ്മൂലം സമര്‍പ്പിച്ചിരിക്കുകയാണ്.

ചീഫ് ജസ്റ്റിസ് നിതിന്‍ ജാംദാര്‍, ജസ്റ്റിസ് വി.എം. ശ്യാംകുമാര്‍ എന്നിവരടങ്ങിയ ബെഞ്ച്, ”വനപ്രദേശമാണെങ്കില്‍ അതു സംരക്ഷിക്കേണ്ടത് അത്യാവശ്യമാണ്, അതേസമയം റോഡ് വികസനം പൊതുജനങ്ങള്‍ക്കു ആവശ്യകവുമാണ്” എന്ന് നിരീക്ഷിച്ച്, സര്‍ക്കാര്‍ കൂടുതല്‍ ഗൗരവത്തോടെ നടപടി സ്വീകരിക്കണം എന്നും നിര്‍ദേശിച്ചു.

ഹൈക്കോടതിയുടെ നിര്‍ദേശങ്ങള്‍:

ദേശീയപാത കടന്നുപോകുന്ന ഭൂമി റവന്യൂ ഭൂമിയാണോ എന്നതില്‍ വ്യക്തത വരുത്തി സര്‍ക്കാര്‍ ഉത്തരവിറക്കണം,  സംരക്ഷിത വനഭൂമിയല്ലെങ്കില്‍ മാത്രമേ എന്‍എച്ച്എഐക്ക് നിര്‍മാണം തുടരാന്‍ പാടുള്ളൂ, വനം, റവന്യൂ വകുപ്പുകള്‍ സംയുക്തമായി അതിവേഗം തീരുമാനം എടുക്കണം, നേര്യമംഗലം മുതല്‍ വാളര്‍ വരെ റോഡ് വീതി കൂട്ടുന്നതിന്റെ വിശദവിവരങ്ങള്‍ എന്‍എച്ച്എഐ ചീഫ് സെക്രട്ടറിക്ക് സമര്‍പ്പിക്കണം.

പ്രദേശം വനഭൂമിയല്ലെന്ന് കണ്ടെത്തിയാല്‍, മുറിക്കേണ്ട മരങ്ങള്‍ രേഖപ്പെടുത്തുകയും, പരിസ്ഥിതി സംരക്ഷണത്തിന് ആവശ്യമായ നിര്‍ദേശങ്ങള്‍ നല്‍കുകയും വേണം, സര്‍ക്കാര്‍ ഉത്തരവിന്റെ അടിസ്ഥാനത്തിലുള്ള ജോലികള്‍ മാത്രം ഇവിടെ നടത്താന്‍ പാടുള്ളൂ എന്നും ഹൈക്കോടതി വ്യക്തമാക്കി.

വിഷയം ഡിസംബര്‍ ഒന്നിന് വീണ്ടും പരിഗണിക്കും. പ്രദേശത്തിന്റെ സ്വഭാവത്തെ കുറിച്ചുള്ള സര്‍ക്കാര്‍ നിലപാട് മാറ്റമാണ് ഇപ്പോള്‍ വിവാദത്തിനിടയാക്കിയിരിക്കുന്നത്.

2014 – 15 സാമ്പത്തിക വര്‍ഷത്തെ കണക്കുകള്‍ 10 വര്‍ഷത്തിന് ശേഷവും ക്രമീകരിക്കാനായില്ല. ഏഴ് ലക്ഷം രൂപയുടെ വൗച്ചറുകള്‍ ഇതുവരെയും കണ്ടെത്താനായില്ല. കണക്കുകള്‍ അംഗീകരിച്ചത് ശരിയായ രേഖകളില്ലാതെയെന്നും വിമര്‍ശനമുണ്ട്. ചെലവഴിച്ച പണത്തിന് പലതിലും വൗച്ചര്‍ ഇല്ലെന്നാണ് ഓംബുസ്മാന്‍ റിപ്പോര്‍ട്ട്. ഏഴ് ലക്ഷം രൂപയുടെ വൗച്ചറുകള്‍ ഇനിയും സ്ഥിരീകരിക്കാനായില്ല. ഡിജിറ്റല്‍ യുഗത്തിലും ദേവസ്വം ബോര്‍ഡ് ഉപയോഗിക്കുന്നത് കടലാസ് രജിസ്റ്റര്‍. ഇതില്‍ അഴിമതി നടത്താന്‍ വലിയ സാധ്യതയുണ്ടെന്നും ദേവസ്വം ബെഞ്ച് വ്യക്തമാക്കി.

അല്‍പം പോലും സുതാര്യതയില്ലെന്നും ഹൈക്കോടതി വിമര്‍ശിച്ചു. ബോര്‍ഡില്‍ ആഴത്തില്‍ വേരൂന്നിയ വ്യവസ്ഥാപിതമായ തകരാറെന്നും ഹൈക്കോടതി നിരീക്ഷിച്ചു. തിരുവിതാംകൂര്‍ ദേവസ്വം ബോര്‍ഡിലെ അക്കൗണ്ട് ഡിജിറ്റൈസേഷന്‍ അനിവാര്യമെന്നും ആധുനികവത്കരണത്തിന്റെ വിശദ കര്‍മ്മപദ്ധതി നല്‍കാനും ബോര്‍ഡിനോട് നിര്‍ദ്ദേശിച്ചു. ഈ മാസം 30ന് സംസ്ഥാന ഓഡിറ്റ് ഡയറക്ടര്‍ നേരിട്ട് ഹാജരാകണമെന്നും ഹൈക്കോടതി നിര്‍ദേശിച്ചിട്ടുണ്ട്.

ടോള്‍ പിരിവ് പഴയ നിരക്കില്‍ മാത്രമേ നടപ്പിലാക്കാവു എന്നതും, പുതിയ നിരക്കില്‍ പിരിക്കരുതെന്നതും കോടതി വ്യക്തമാക്കിയിട്ടുണ്ട്. ഈ തീരുമാനം ജനങ്ങളെയും ദേശീയപാത അതോറിറ്റിയെയും പരിഗണിച്ചാണ്.

കഴിഞ്ഞ ദിവസം കോടതി പറഞ്ഞതുപോലെ, നാളെ ടോള്‍ പിരിവ് പുനഃആരംഭിക്കുന്നതുമായി ബന്ധപ്പെട്ട അന്തിമ തീരുമാനം ഉണ്ടാകും. ഗതാഗത കുരുക്ക് പരിഗണിച്ച് ടോള്‍ നിരക്ക് കുറക്കണമെന്ന് കോടതി നിര്‍ദ്ദേശിച്ചിരുന്നു, പക്ഷേ കേന്ദ്രസര്‍ക്കാര്‍ നിരക്ക് കുറക്കാന്‍ സാധ്യതയില്ലെന്ന് നിലപാട് വ്യക്തമാക്കിയിട്ടുണ്ട്.

തൃശ്ശൂര്‍ ജില്ലാ കളക്ടര്‍ കോടതിയെ ദേശീയപാതയില്‍ നിലവിലുള്ള സുരക്ഷാ പ്രശ്നങ്ങളുടെയും സര്‍വീസ് റോഡിലെ ഇടിഞ്ഞുവീഴലുകളുടെയും കാര്യത്തില്‍ അറിയിച്ചു. ശബരിമല മണ്ഡലകാലത്തിനു മുന്‍പ് എല്ലാ പ്രവര്‍ത്തനങ്ങളും പൂര്‍ത്തിയാക്കണമെന്നും കളക്ടര്‍ റിപ്പോര്‍ട്ടില്‍ ചൂണ്ടിക്കാട്ടി. കോടതി, സ്ഥലസന്ദര്‍ശനം നടത്തി ഗതാഗതക്കുരുക്ക് പരിഹരിക്കാനുള്ള നിര്‍ദേശങ്ങള്‍ ദേശീയപാതാ അതോറിറ്റിക്ക് നല്‍കണമെന്നും ആവശ്യപ്പെട്ടിട്ടുണ്ട്.

ഹൈക്കോടതി ഉത്തരവ് പ്രകാരം, ജയ്മോണ്‍ ജോസഫിനെ പോന്‍കുന്നം ഡിപ്പോയില്‍ തുടരാന്‍ അനുവദിക്കണം. ശിക്ഷാ കാര്യമല്ലാത്ത സാഹചര്യമുണ്ടെങ്കില്‍ മാത്രമേ ഡ്രൈവറെ സ്ഥലം മാറ്റി നല്‍കാവൂ എന്നതും കോടതി പറഞ്ഞു.

കേസില്‍ ഗതാഗത മന്ത്രി കെ.ബി. ഗണേഷ് കുമാര്‍ ഇടപെട്ടതായും, കെഎസ്ആര്‍ടിസി അത് അംഗീകരിച്ചതായും ഹൈക്കോടതി രേഖപ്പെടുത്തി.

ഹൈക്കോടതി ഇടപെടലിലൂടെ ഡ്രൈവറുടെ അവകാശങ്ങള്‍ സംരക്ഷിക്കപ്പെടുകയും അനാവശ്യ സ്ഥലം മാറ്റം തടയുകയും ചെയ്തു.

ടോള്‍ പിരിവ് താല്‍ക്കാലികമായി നിര്‍ത്തിവെച്ചുകൊണ്ടുള്ള ഹൈക്കോടതി ഉത്തരവ് പുനഃപരിശോധിക്കണമെന്നാവശ്യപ്പെട്ടുള്ള ദേശീയ പാത അതോറിറ്റിയുടെ ഹര്‍ജി പരിഗണിക്കുകയായിരുന്നു കോടതി. ജില്ലാ കലക്ടറോട് നിലവിലെ റോഡിന്റെ അവസ്ഥയെക്കുറിച്ച് കോടതി വിവരം തേടി. 60 കിലോമീറ്റര്‍ ടോള്‍ പിരിക്കുന്ന ദൂരത്തില്‍ മൂന്നോ നാലോ ഇടങ്ങളില്‍ മാത്രമാണ് പ്രശ്‌നമെന്നാണ് എജി ഹൈക്കോടതിയെ അറിയിച്ചത്. നിലവിലെ റോഡിന്റെ അവസ്ഥയെക്കുറിച്ച് തൃശൂര്‍ ജില്ലാ കലക്ടറോട്  കോടതി വിവരം തേടി.

അഞ്ചു കിലോമീറ്റര്‍ ദൂരത്തിലാണ് പ്രശ്‌നമെന്ന് കലക്ടര്‍ മറുപടി നല്‍കി. ഈ റോഡിലൂടെ സഞ്ചരിച്ചാല്‍ പ്രശ്‌നങ്ങള്‍ മനസിലാകുമെന്നും ഇവിടെ ഇരിക്കുന്ന എല്ലാവര്‍ക്കും അത് വ്യക്തമായി അറിയാമെന്നും ഹൈക്കോടതി എജിക്ക് മറുപടി നല്‍കി. ദേശീയപാത അതോറിറ്റി മനപ്പൂര്‍വം റോഡ് നന്നാക്കാതിരിക്കുന്നതല്ലെന്ന് എജി വാദിച്ചു. ഇന്ന് തന്നെ സ്ഥലം സന്ദര്‍ശിച്ച് പരിശോധിക്കാന്‍ കോടതി കലക്ടറോട് നിര്‍ദേശം നല്‍കി. സുഗമമായ ഗതാഗതം ഉറപ്പാക്കിയശേഷമേ ടോള്‍ പിരിക്കാവുവെന്ന സുപ്രീംകോടതി ഉത്തരവും ഹൈക്കോടതി ചൂണ്ടികാട്ടി.

‘വിചിത്രമാണ് ഹൈക്കോടതി വിധി. ഒരു കോടതി വിധിയില്‍ വരാന്‍ പാടില്ലാത്ത പരാമർശങ്ങളാണ് ഉള്ളത്. ഹൈക്കോടതി വിധിക്കെതിരെ അപ്പീല്‍ പോകുന്നതില്‍ വഖഫ് ബോർഡ് നാളെ തിരുമാനമെടുക്കുമെന്നും’- മായിന്‍ ഹാജി പറഞ്ഞു.

മുനമ്പത്തേത് വഖഫ് ഭൂമിയല്ലെന്നായിരുന്നു ഹൈക്കോടതി ഡിവിഷൻ ബെഞ്ച് കഴിഞ്ഞ ദിവസം നിരീക്ഷിച്ചത്. 1950ലെ ആധാരപ്രകാരം ഇത് ഫറൂഖ് കോളേജിനുള്ള ദാനമാണെന്നും ഭൂമി തിരിച്ചെടുക്കാനുള്ള വ്യവസ്ഥ വന്നതോടെ ഭൂമി വഖഫ് അല്ലാതായെന്നും കോടതി വ്യക്തമാക്കിയിരുന്നു.

ഏകപക്ഷീയമായ വഖഫ് പ്രഖ്യാപനത്തിന് നിയമസാധുത നല്‍കിയാല്‍, ഏത് ഭൂമിയും കെട്ടിടവും ഭാവിയില്‍ വഖഫ് ആയി പ്രഖ്യാപിക്കാവുന്ന സാഹചര്യം വരുമെന്ന് ജസ്റ്റിസുമാരായ എസ് എ ധര്‍മാധികാരി, വി എം ശ്യാം കുമാര്‍ എന്നിവരടങ്ങിയ ഡിവിഷന്‍ ബെഞ്ച് നിരീക്ഷിച്ചിരുന്നു.