hillary – Chandrika Daily https://www.chandrikadaily.com Thu, 07 Mar 2019 11:34:54 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg hillary – Chandrika Daily https://www.chandrikadaily.com 32 32 ഇനി മത്സരിക്കാനില്ലെന്ന് ഹിലരി ക്ലിന്റണ്‍ ; മറുപടിയുമായി ട്രംപ് https://www.chandrikadaily.com/hillary-clinton-is-out-of-the-2020-race-says-trump.html https://www.chandrikadaily.com/hillary-clinton-is-out-of-the-2020-race-says-trump.html#respond Thu, 07 Mar 2019 11:22:13 +0000 http://www.chandrikadaily.com/?p=120563 വാഷിങ്ടണ്‍: വരുന്ന അമേരിക്കന്‍ പ്രസിഡന്റ് സ്ഥാനത്തേക്ക് മത്സരിക്കാനില്ലെന്ന് ഹിലരി ക്ലിന്റണ്‍. മത്സരത്തിനില്ലെങ്കിലും പൊതു രംഗത്ത് സജീവമായുണ്ടാകുമെന്നും ഹിലരി പറഞ്ഞു.

2016ല്‍ ഹിലരി ക്ലിന്റണ്‍ ഡോണള്‍ഡ് ട്രംപിനോട് പരാജയപ്പെട്ടിരുന്നു. അമേരിക്കന്‍ പ്രസിഡന്റ് സ്ഥാനത്തേക്ക് ഡെമോക്രാറ്റിക് സ്ഥാനാര്‍ത്ഥിയായി മത്സരിച്ച ഹിലരി വലിയ സ്വീകാര്യതയാണ് നേടിയിരുന്നത്. 2020ല്‍ രണ്ടാം മത്സരത്തിന് ഹിലരി ഇറങ്ങുമോ എന്ന ചോദ്യങ്ങള്‍ക്കാണ് ഇതോടെ ഉത്തരമാകുന്നത്. ന്യൂയോര്‍ക്ക് ന്യൂസ് ടെലിവിഷന് നല്‍കിയ അഭിമുഖത്തിലാണ് ഹിലരി തന്റെ നിലപാട് വ്യക്തമാക്കിയത്.

ഇനിയൊരങ്കത്തിന് താനുണ്ടാവില്ല. പക്ഷെ തെരഞ്ഞെടുപ്പ് പ്രചരണ രംഗത്ത് താന്‍ ശക്തമായി തന്നെ ഉണ്ടാകും. തന്റെ സ്ഥാനാര്‍ത്ഥിത്വം സംബന്ധിച്ച് ഡെമോക്രാറ്റിക് പാര്‍ട്ടിയില്‍ നടന്ന ചര്‍ച്ചകള്‍ക്ക് താന്‍ മറുപടി നല്‍കിയതായും ഹിലരി വ്യക്തമാക്കി. യു.എസ് ചരിത്രത്തിലെ ആദ്യ വനിതാ പ്രസിഡന്റ് സ്ഥാനാര്‍ത്ഥി കൂടിയായിരുന്നു മുന്‍ യു.എസ് സ്‌റ്റേറ്റ് സെക്രട്ടറി കൂടിയായിരുന്ന ഹിലരി ക്ലിന്റണ്‍.

ഹിലരി മത്സരിക്കുന്നില്ലെന്നറിയിച്ചതോടെ 2020ല്‍ ഡെമോക്രാറ്റുകളുടെ സ്ഥാനാര്‍ത്ഥിയായി ബെര്‍നി സാന്റേഴ്‌സ് മത്സരിക്കാനുള്ള സാധ്യതയും ശക്തമായി.

അതേസമയം ഹിലാരിയുടെ പ്രഖ്യാപനത്തിന് പ്രതികരണവുമായി പ്രസിഡന്റ് ട്രംപ് ട്വീറ്റ് ചെയ്തു. 2020 ല്‍ മത്സരിക്കാനില്ലെന്ന് ഹിലാരി ക്ലിന്റണ്‍ സ്ഥിരീകരിക്കുന്നു. അവള്‍ക്കെതിരെ ഇനി ഞാന്‍ വീണ്ടും ഓടാന്‍ പോകേണ്ടതില്ലെന്നാണോ ഇതിനര്‍ത്ഥം. അവള്‍ വളരെവലിയ നഷ്ടമാവും, ട്രംപ് പരിഹസിച്ചു.

എന്നാല്‍ ട്രംപിന് ചുട്ട മറുപടിയുമായി ഹിലാരിയും രംഗത്തെത്തി. ട്രോള്‍ രൂപേണയായിരുന്നു ഹിലാരിയുടെ മറുപടി. 2019 ലെ വമ്പന്‍ ട്വീറ്റ് എന്നാണ് ട്രംപിനെതിരായ ഹിലാരിയുടെ ഷോക്ക് ട്വീറ്റ് അറിയപ്പെട്ടത്.

]]> https://www.chandrikadaily.com/hillary-clinton-is-out-of-the-2020-race-says-trump.html/feed 0 റഷ്യന്‍ ഇടപെടല്‍ ഹില്ലരിയാണ് കുറ്റക്കാരിയെന്ന് ബര്‍ണി സാന്‍ഡേഴ്‌സ് https://www.chandrikadaily.com/interface-of-russia.html https://www.chandrikadaily.com/interface-of-russia.html#respond Fri, 23 Feb 2018 15:44:19 +0000 http://www.chandrikadaily.com/?p=71500 വാഷിംഗ്ടണ്‍: അമേരിക്കന്‍ പ്രസിഡന്റ് തെരഞ്ഞെടുപ്പില്‍ റഷ്യന്‍ ഇടപെടലിന് ഹില്ലരിയാണ് കുറ്റക്കാരിയെന്ന് ബര്‍ണി സാന്‍ഡേഴ്‌സ്. റഷ്യന്‍ ആക്രമണം തടയുന്നതിന് ഭരണത്തിന്റെ ചുക്കാന്‍ പിടിച്ചിരുന്ന ഹില്ലരി ഒന്നും ചെയ്തില്ലെന്ന് ബര്‍ണി ആരോപിച്ചു. 2016 ലെ തെരഞ്ഞെടുപ്പില്‍ ബര്‍ണിയുടെ പ്രചാരണത്തെ റഷ്യ പിന്തുണച്ചിരുന്നുവെന്ന് റോബര്‍ട്ട് മുള്ളറുടെ കുറ്റപത്രം സംബന്ധിച്ച് യാതൊരു അടിസ്ഥാനവുമില്ലെന്ന് ബര്‍ണിയുടെ തെരഞ്ഞെടുപ്പു പ്രചാരണത്തിന്റെ ചുമതല വഹിച്ചിരുന്ന മാനേജര്‍ വ്യക്തമാക്കി. ഹില്ലരിയുടെ തെരഞ്ഞെടുപ്പു പ്രചാരണത്തില്‍ റഷ്യയുടെ പങ്ക് എന്തായിരുന്നുവെന്നതാണ് ഏറ്റവും പ്രധാന ചോദ്യം. സ്വതന്ത്ര ജനാധിപത്യ വ്യവസ്ഥിതിക്കു നേരെയുള്ള കടന്നാക്രമണമായിരുന്നു റഷ്യയുടെ ഇടപെടല്‍. ഇത്തരത്തിലുള്ള ഇടപെടല്‍ ഉണ്ടായിട്ടുണ്ടെങ്കില്‍ അതില്‍ തനിക്ക് നേട്ടമൊന്നും ഉണ്ടായിട്ടില്ലെന്നും ബര്‍ണി പറഞ്ഞു. ഹില്ലരിക്കു നേരെയുള്ള ബര്‍ണിയുടെ കുറ്റാരോപണം 2020 ല്‍ നടക്കുന്ന പ്രസിഡന്റെ തെരഞ്ഞെടുപ്പു ലക്ഷ്യമിട്ടുള്ളതാണെന്നു രാഷ്ട്രീയ നിരീക്ഷകര്‍ ചൂണ്ടിക്കാട്ടുന്നു. അടുത്ത പ്രസിഡന്റ് തെരഞ്ഞെടുപ്പില്‍ ബര്‍ണി സാന്‍ഡേഴ്‌സ് പ്രസിഡന്റ് സ്ഥാനാര്‍ത്ഥിയാകുമെന്നാണ് സൂചന.

]]> https://www.chandrikadaily.com/interface-of-russia.html/feed 0 ട്രംപിനെ കണക്കിന് പരിഹസിച്ച് ഹിലരി https://www.chandrikadaily.com/3-0-hillary-clinton-responds-as-trumps-see-you-in-court-becomes-a-meme.html https://www.chandrikadaily.com/3-0-hillary-clinton-responds-as-trumps-see-you-in-court-becomes-a-meme.html#respond Fri, 10 Feb 2017 14:28:44 +0000 http://www.chandrikadaily.com/?p=19719 വാഷിംഗ്ടണ്‍: അമേരിക്കന്‍ പ്രസിഡന്റ് ഡൊണള്‍ഡ് ട്രംപിനെ പരിഹസിച്ച് ഡെമോക്രാറ്റിക് നേതാവ് ഹില്ലരി ക്ലിന്റണ്‍. അഭയാര്‍ഥികള്‍ക്കും ഏഴു മുസ്ലീം രാഷ്ട്രങ്ങളില്‍നിന്നുള്ള പൗരന്‍മാര്‍ക്കും വിലക്കേര്‍പ്പെടുത്തിയ ട്രംപിന്റെ നടപടി തടഞ്ഞ കീഴ്‌ക്കോടതി വിധി സ്‌റ്റേ ചെയ്യാന്‍ യുഎസ് അപ്പീല്‍ കോടതി വിസമ്മതിച്ചതിനു പിന്നാലെയാണ് ഹില്ലരി പരിഹാസവുമായി രംഗത്തെത്തിയത്. തന്റെ ട്വിറ്റര്‍ പേജിലാണ് ട്രംപിനുള്ള പരിഹാസം. ‘3 0’ എന്നാണ് ഹില്ലരി ട്വിറ്ററില്‍ കുറിച്ചത്. യുഎസ് അപ്പീല്‍ കോടതിയിലെ മൂന്നംഗ ജഡ്ജിമാരുടെ പാനലാണ് ട്രംപിന് തിരിച്ചടിയാകുന്ന വിധി പ്രസ്താവിച്ചത്. ഇതിനെ ചൂണ്ടിക്കാട്ടിയാണ് ഹില്ലരി ഇങ്ങനെ ട്വീറ്റ് ചെയ്തത്.

]]> https://www.chandrikadaily.com/3-0-hillary-clinton-responds-as-trumps-see-you-in-court-becomes-a-meme.html/feed 0 യു.എസ് തെരഞ്ഞെടുപ്പ്: ഡൊണാള്‍ഡ് ട്രംപ് പ്രസിഡണ്ട് പദത്തിലേക്ക് https://www.chandrikadaily.com/trump-to-sworn-in-as-us-president.html https://www.chandrikadaily.com/trump-to-sworn-in-as-us-president.html#respond Wed, 09 Nov 2016 07:11:31 +0000 http://www.chandrikadaily.com/?p=7326 അമേരിക്കന്‍ പ്രസിഡണ്ട് തെരഞ്ഞെടുപ്പില്‍ റിപ്പബ്ലിക്കന്‍ സ്ഥാനാര്‍ത്ഥി ഡൊണാള്‍ഡ് ട്രംപ് വിജയത്തിലേക്ക്. 483 ഇലക്ടറല്‍ സീറ്റുകളിലെ ഫലം അറിവായപ്പോള്‍ 265 നേടി ഡൊണാള്‍ഡ് ട്രംപ് വിജയം ഉറപ്പാക്കി. 55 ഇലക്ടറല്‍ വോട്ടുകള്‍ കൂടി അറിയാനിരിക്കെ അഞ്ചെണ്ണം സ്വന്തമാക്കിയാല്‍ ട്രംപിന് പ്രസിഡണ്ടാകാം.

അതേസമയം, 218 സീറ്റുകളുടെ പിന്തുണ മാത്രമുള്ള ഹിലരി ക്ലിന്റണ് പ്രസിഡണ്ടാവണമെങ്കില്‍ 52 ഇലക്ടറല്‍ പിന്തുണ കൂടി വേണം. ഫലമറിയാനുള്ള സ്റ്റേറ്റുകളില്‍ ട്രംപ് ലീഡ് നിലനിര്‍ത്തുന്നുണ്ട്.

232 വോട്ടുകള്‍ നേടി റിപ്പബ്ലിക്കന്‍ പാര്‍ട്ടി വൈറ്റ് ഹൗസ് വിജയം സ്വന്തമാക്കി. യു.എസ് സെനറ്റിനു വേണ്ടിയുള്ള പോരാട്ടത്തില്‍ 47-നെതിരെ 49 വോട്ടുമായി ട്രംപിന്റെ പാര്‍ട്ടി തന്നെയാണ് മുന്നില്‍.

ഫ്‌ളോറിഡ, ഓഹിയോ, നോര്‍ത്ത് കാരലിന, പെന്‍സില്‍വാനിയ എന്നിവിടങ്ങളില്‍ ജയം നേടാന്‍ കഴിഞ്ഞതാണ് കാറ്റ് ട്രംപിന് അനുകൂലമാക്കിയത്. തുടക്കം മുതല്‍ തന്നെ ട്രംപ് ലീഡ് നേടിയതോടെ ഡെമോക്രാറ്റിക് പാര്‍ട്ടിക്ക് വിരുദ്ധമായ തരംഗമുണര്‍ന്നു. വിര്‍ജീനിയ, കൊളറാഡോ എന്നിവിടങ്ങളില്‍ ഹിലരി ജയിച്ചെങ്കിലും പെന്‍സില്‍വാനിയ കൈവിട്ടത് തിരിച്ചടിയായി.

]]> https://www.chandrikadaily.com/trump-to-sworn-in-as-us-president.html/feed 0 ഒബാമ: പടിയിറങ്ങുന്നത് അമേരിക്കന്‍ ചരിത്രത്തിലെ ഏറ്റവും ‘കൂള്‍’ ആയ പ്രസിഡണ്ട്‌ https://www.chandrikadaily.com/obama-the-coolest-president-of-us.html https://www.chandrikadaily.com/obama-the-coolest-president-of-us.html#respond Tue, 08 Nov 2016 05:54:05 +0000 http://www.chandrikadaily.com/?p=7096 അമേരിക്കയുടെ പുതിയ പ്രസിഡണ്ടിനെ കണ്ടെത്തുന്നതിനുള്ള തെരഞ്ഞെടുപ്പിന് ഇനി മണിക്കൂറുകള്‍ മാത്രം. വൈറ്റ് ഹൗസിന്റെ പുതിയ അധിപതി ഹിലരി ക്ലിന്റണോ ഡൊണാള്‍ഡ് ട്രംപോ എന്ന് ലോകം ഉറ്റുനോക്കുന്നതിനിടെ, അമേരിക്ക കണ്ട ഏറ്റവും മികച്ച പ്രസിഡണ്ടുമാരിലൊരാളായ ബറാക് ഒബാമ പടിയിറങ്ങുകയാണ്. അമേരിക്ക എന്ന സാമ്രാജ്യത്വ ശക്തിയെ തിരുത്തുന്നതിലും ആഗോള രംഗത്തെ അധിനിവേശ / ആക്രമണ ത്വര അവസാനിപ്പിക്കുന്നതിലും കാര്യമായ ഒന്നും ചെയ്യാന്‍ ആയില്ലെന്നത് സത്യമാണ്. എന്നാല്‍, ലോകത്തിലെ ഏറ്റവും സുരക്ഷിതമായ പദവിയില്‍ ഇരിക്കുമ്പോഴും വിനയം, ലാളിത്യം, നര്‍മം തുടങ്ങിയ മനുഷ്യത്വ ഗുണങ്ങള്‍ ഒബാമ കൈവിട്ടില്ല എന്നത് ചരിത്രത്തില്‍ രേഖപ്പെടുമെന്നുറപ്പ്.

ഒബാമയിലെ മനുഷ്യത്വം പ്രകടമായ ചില നിമിഷങ്ങളിലൂടെ:

ഒരിക്കല്‍ യു.എസ് പ്രസിഡണ്ടിന്റെ ഹെലികോപ്റ്റര്‍ ആയ ‘മറൈന്‍ വണ്ണി’ല്‍ കയറുന്നതിനിടെ ഒബാമ സൈനികനെ അഭിവാദ്യം ചെയ്യാന്‍ മറന്നു. കയറിയ കോപ്ടറില്‍ നിന്ന് ഇറങ്ങി വന്ന് അദ്ദേഹം അഭിവാദ്യമര്‍പ്പിച്ചു.


മറ്റൊരിക്കല്‍ മഴയത്താണ് ഒബാമക്ക് മറൈന്‍ വണ്ണില്‍ നിന്ന് ഇറങ്ങേണ്ടി വന്നത്. കൈവശമുള്ളത് ഒരു കുട മാത്രം. കോപ്ടറില്‍ തനിക്കൊപ്പം യാത്ര ചെയ്തിരുന്ന വനിതാ സ്റ്റാഫുകള്‍ക്കു കൂടി കുട ചൂടിക്കൊടുത്ത് ഒബാമ നടന്നുനീങ്ങി. മൂന്നുപേര്‍ക്ക് ഇടമില്ലാത്ത കുടയ്ക്കടിയില്‍ പ്രസിഡണ്ടിന്റെ കുപ്പായം നനയുന്നുണ്ടായിരുന്നു.


കുട്ടികള്‍ക്ക് പ്രിയങ്കരനാണ് ഒബാമ. വൈറ്റ് ഹൗസിനകത്തായാലും പുറത്തായാലും കുട്ടികളെ കൊഞ്ചിക്കാനും അവരെ കളിപ്പിക്കാനും ഒബാമ പ്രത്യേക ശ്രദ്ധ കാണിക്കാറുണ്ട്.

ലോകത്തെ ഏറ്റവും വലിയ സൈനിക ശക്തിയുടെ പ്രസിഡണ്ടാണെങ്കിലും ഭാര്യ മിഷേലിനോടുള്ള സ്‌നേഹപ്രകടനങ്ങള്‍ ഒബാമ മറച്ചുവെക്കാറില്ല


റിയോ ഒളിംപിക്‌സില്‍ ജിംനാസ്റ്റിക്‌സില്‍ വെള്ളിനേടിയ യു.എസ് താരം മക്കയ്‌ല മറോണി, തനിക്ക് സ്വര്‍ണം ലഭിക്കാത്തതില്‍ അസംതൃപ്തയായിരുന്നു. മെഡല്‍ വാങ്ങുമ്പോള്‍ ചുണ്ടുകോട്ടിയാണ് അവര്‍ അനിഷ്ടം അറിയിച്ചത്. മറോണിയെ കണ്ടുമുട്ടിയപ്പോള്‍, അതേരീതിയില്‍ മുഖംകോട്ടി പ്രസിഡണ്ട് ഫോട്ടോക്ക് പോസ് ചെയ്തു.

obam01

ഹാര്‍വഡ് കോളേജില്‍ പഠിക്കുന്ന കാലത്ത് ഒബാമ നല്ലൊരു ബാസ്‌കറ്റ്‌ബോള്‍ പ്ലെയര്‍ ആയിരുന്നു. പ്രസിഡണ്ടായ ശേഷവും സ്‌പോര്‍ട്‌സിനോടുള്ള അദ്ദേഹത്തിന്റെ കമ്പം മാറിയില്ല.

oba7

]]> https://www.chandrikadaily.com/obama-the-coolest-president-of-us.html/feed 0 ഇസ്‌ലാം ശത്രുവല്ലെന്ന് ഹിലരി, മുന്‍ നിലപാട് തിരുത്തി ട്രംപ്: ‘ആരോടും വിവേചനമില്ല’ https://www.chandrikadaily.com/%e0%b4%87%e0%b4%b8%e0%b5%8d%e2%80%8c%e0%b4%b2%e0%b4%be%e0%b4%82-%e0%b4%b6%e0%b4%a4%e0%b5%8d%e0%b4%b0%e0%b5%81%e0%b4%b5%e0%b4%b2%e0%b5%8d%e0%b4%b2%e0%b5%86%e0%b4%a8%e0%b5%8d%e0%b4%a8%e0%b5%8d-%e0%b4%b9.html https://www.chandrikadaily.com/%e0%b4%87%e0%b4%b8%e0%b5%8d%e2%80%8c%e0%b4%b2%e0%b4%be%e0%b4%82-%e0%b4%b6%e0%b4%a4%e0%b5%8d%e0%b4%b0%e0%b5%81%e0%b4%b5%e0%b4%b2%e0%b5%8d%e0%b4%b2%e0%b5%86%e0%b4%a8%e0%b5%8d%e0%b4%a8%e0%b5%8d-%e0%b4%b9.html#respond Tue, 27 Sep 2016 14:08:59 +0000 http://chandrika.colourchalk.com/?p=913 അമേരിക്കന്‍ പ്രസിഡണ്ട് തെരഞ്ഞെടുപ്പ് സംവാദത്തില്‍ ഇസ്‌ലാമിനെയും മുസ്‌ലിംകളെയും കുറിച്ചുള്ള ഇരു സ്ഥാനാര്‍ത്ഥികളുടെ നിലപാട് ശ്രദ്ധേയമായി. മുസ്‌ലിംകളെ അമേരിക്കയില്‍ നിന്ന് പുറത്താക്കണമെന്നതടക്കമുള്ള കടുത്ത നിലപാട് സ്വീകരിച്ചിരുന്ന റിപ്പബ്ലിക്കന്‍ സ്ഥാനാര്‍ത്ഥി ഡൊണാള്‍ഡ് ട്രംപ്, സംവാദത്തില്‍ ആ വാദഗതികള്‍ ആവര്‍ത്തിക്കാതിരുന്നപ്പോള്‍ ഭീകരവാദത്തിന് മുസ്‌ലിംകളെ പഴിക്കേണ്ടതില്ലെന്ന മുന്‍ നിലപാടില്‍ ഹിലരി ഉറച്ചു നിന്നു.
 
‘ഞാന്‍ വ്യക്തമായി പറയട്ടെ. ഇസ്‌ലാം നമ്മുടെ ശത്രുവല്ല. മുസ്‌ലിംകള്‍ സമാധാനം ആഗ്രഹിക്കുന്ന സഹിഷ്ണുതയുള്ള ജനതയാണ്. ഭീകരവാദവും മുസ്‌ലിംകളും തമ്മില്‍ ബന്ധമില്ല’ – ഹിലരി തന്റെ പ്രസംഗ മധ്യേ പറഞ്ഞു.

 
റിപ്പബ്ലിക്കന്‍ പാര്‍ട്ടിയില്‍ നിന്നുള്ള സ്ഥാനാര്‍ത്ഥിത്വത്തിനു വേണ്ടി മുസ്ലിംകളും കറുത്ത വര്‍ഗക്കാരും മെക്‌സിക്കന്‍ കുടിയേറ്റക്കാരും അടക്കമുള്ളവര്‍ക്കെതിരെ കടുത്ത നിലപാടെടുത്തിരുന്ന ട്രംപ് ഇത്തവണ മയത്തിലാണ് പ്രതികരിച്ചത്. ആഫ്രിക്കന്‍ അമേരിക്കന്‍ വംശജര്‍ക്കും മുസ് ലിംക്കുമെതിരെ താന്‍ വിവേചനം കാണിക്കാറില്ലെന്ന് ട്രംപ് പറഞ്ഞു.
 
‘ഞാനൊരു ക്ലബ്ബ് തുറന്നിരുന്നു. അതില്‍ കറുത്ത വര്‍ഗക്കാര്‍ക്കെതിരെയോ മുസ്ലിംകള്‍ക്കെതിരെയോ മറ്റോ അതില്‍ വിവേചനം കാണിച്ചിട്ടില്ല. അക്കാര്യത്തില്‍ എനിക്ക് അഭിമാനമുണ്ട്.’ ട്രംപ് പറഞ്ഞു.
]]> https://www.chandrikadaily.com/%e0%b4%87%e0%b4%b8%e0%b5%8d%e2%80%8c%e0%b4%b2%e0%b4%be%e0%b4%82-%e0%b4%b6%e0%b4%a4%e0%b5%8d%e0%b4%b0%e0%b5%81%e0%b4%b5%e0%b4%b2%e0%b5%8d%e0%b4%b2%e0%b5%86%e0%b4%a8%e0%b5%8d%e0%b4%a8%e0%b5%8d-%e0%b4%b9.html/feed 0