ഹിന്ദു രാഷ്ട്രം രൂപീകരിക്കാന്‍ പ്രാപ്തിയുള്ള എം.പിമാരെ പാര്‍ലമെന്റിലേക്ക് അയക്കണമെന്നും ചില പ്രത്യേക തരം ഹിന്ദു നേതാക്കള്‍ പദവിയിലേക്ക് വിജയിച്ച ശേഷം ഹിന്ദു രാഷ്ട്രത്തെ മറക്കുമെന്നും അദ്ദേഹം തന്റെ പ്രസംഗത്തില്‍ പറഞ്ഞു.

‘ഇക്കാലത്ത് പല രാഷ്ട്രീയക്കാരും ഉറച്ച ഹിന്ദു നേതാക്കളായി നടിക്കുന്നു. എന്നാല്‍ തെരഞ്ഞെടുപ്പില്‍ വിജയിച്ച ഉടന്‍ തന്നെ അവര്‍ മതേതര വ്യക്തികളായി രൂപാന്തരപ്പെടുന്നു. ഹിന്ദു രാഷ്ട്രം സ്ഥാപിക്കാന്‍ ഇത്തരം എം.പിമാരും എം.എല്‍.എമാരും പ്രയോജനമില്ലാത്തവരാണ്. തെരഞ്ഞെടുപ്പ് ഫലത്തിന് ശേഷം സെക്കുലര്‍ ആകുന്ന ഇത്തരം മതേതര എം.പിമാര്‍ ഹിന്ദു രാഷ്ട്രം എന്ന നമ്മുടെ ആവശ്യത്തെ എതിര്‍ക്കുന്നവരാണ്. അതിനാല്‍ പാര്‍ലമെന്റില്‍ ഹിന്ദു രാഷ്ട്രം നിര്‍ഭയം ആവശ്യപ്പെടുന്ന 50 ശക്തരായ ഹിന്ദു എം.പിമാരെ തെരഞ്ഞെടുക്കേണ്ടത് അത്യന്താപേക്ഷിതമാണ്,’ സിങ് പറഞ്ഞു.

ഇത്തരത്തില്‍ അധികാരം ലഭിച്ചതിന് ശേഷം മതത്തെ മറക്കുന്ന നേതാക്കള്‍ ഹിന്ദു ഭാരതത്തെ എന്ന ആശയത്തെ ഇല്ലാതാക്കാന്‍ ശ്രമിക്കുന്നുവെന്നും സിങ് കൂട്ടിച്ചേര്‍ത്തു. യുവതലമുറയോട് പഠിക്കാനും ഹിന്ദു രാഷ്ട്രത്തിനായി പോരാടാനും സിങ് ആഹ്വാനം ചെയ്തു. ഇത് ആദ്യമായല്ല രാജ സിങ് ലോധ വിവാദ പരാമര്‍ശം നടത്തുന്നത്.

ഭരണഘടന ഒരു ഭരണവ്യവസ്ഥയെ കുറിച്ചാണ് പറയുന്നത്, അത് വ്യത്യസ്തമാണ്. ഒരു രാജ്യമെന്ന നിലയില്‍ ഇന്ത്യ ഹിന്ദുരാഷ്ട്രമായിരുന്നു. ഇപ്പോഴും ഹിന്ദുരാഷ്ട്രമാണ്, ഭാവിയിലും ഹിന്ദുരാഷ്ട്രമായിരിക്കും ഗുജറാത്തിലെ കച്ചില്‍ നടന്ന ആര്‍.എസ്.എസിന്റെ ദേശീയ നിര്‍വാഹക സമിതി യോഗത്തിന് പിന്നാലെ സംസാരിക്കുകയായിരുന്നു ദത്താത്രേയ ഹൊസബാലെ.

ഇന്ത്യ എപ്പോഴാണ് ഹിന്ദുരാഷ്ടമാകുക എന്ന ചോദ്യത്തിന് മറുപടി നല്‍കുകയായിരുന്നു ആര്‍.എസ്.എസ് നേതാവ്. രാജ്യത്തിന്റെ ഐക്യം കാത്തുസൂക്ഷിക്കുന്നതും സമൂഹത്തിന്റെ ഉന്നമനത്തിനായി പ്രവര്‍ത്തിക്കുന്നതും ‘ഹിന്ദുത്വ’യാണെന്ന് അദ്ദേഹം പറഞ്ഞു.’ഇന്ത്യ ഹിന്ദുരാഷ്ട്രമാണെന്ന് ജനങ്ങള്‍ മനസ്സിലാക്കാനുള്ള പ്രവര്‍ത്തനങ്ങളാണ് ആര്‍.എസ്.എസ് നടത്തുന്നത്.ഹിന്ദുരാഷ്ട്രം സ്ഥാപിക്കേണ്ട ആവശ്യം ഇനിയില്ല. കാരണം ഇന്ത്യ ഇപ്പോള്‍ തന്നെ ഹിന്ദുരാഷ്ട്രമാണെന്നാണ് ആര്‍.എസ്.എസ് കരുതുന്നത് ഹൊസബാലെ പറഞ്ഞു.

ഇന്ത്യയെ വടക്കെന്നും തെക്കെന്നും വിഭജിക്കാനുള്ള ഗൂഢാലോചന നടക്കുന്നുണ്ട്. അത് വലിയ വെല്ലുവിളിയാണ്. ദക്ഷിണേന്ത്യ ഉത്തരേന്ത്യയില്‍ നിന്ന് വ്യത്യസ്തമാണെന്നാണ് ചിലര്‍ ഇപ്പോള്‍ പറയുന്നത്. ദക്ഷിണേന്ത്യയെ ഇന്ത്യയില്‍ നിന്ന് മുറിച്ചുമാറ്റി പ്രത്യേകമായി കാണാന്‍ ഒരു ഗൂഢാലോചന രാഷ്ട്രീയതലത്തിലും ബൗദ്ധികതലത്തിലും നടക്കുന്നുണ്ട്.

ദ്രാവിഡന്മാരും അവരുടെ ഭാഷയും വ്യത്യസ്തമാണെന്നാണ് ഇവര്‍ അവകാശപ്പെടുന്നത്. ഇത് രാജ്യത്തെ ദുര്‍ബലപ്പെടുത്താനുള്ള തന്ത്രമാണ്ഇതിനെതിരെ ജനം മുന്നോട്ടുവരണംഇത്തരക്കാര്‍ ഇനിയും മുന്നോട്ടുപോകുന്നത് തടയണം ഹൊസബാലെ പറഞ്ഞു.ജനുവരി 22ന് അയോധ്യയില്‍ രാമക്ഷേത്രത്തിന്റെ ഉദ്ഘാടനത്തിന് മുമ്പായി ആര്‍.എസ്.എസ് പ്രവര്‍ത്തകര്‍ രാജ്യത്തെ എല്ലാ വീടുകളിലും നേരിട്ടെത്തി ക്ഷണിക്കുമെന്ന് അദ്ദേഹം പറഞ്ഞു.