സമ്മേളനത്തില്‍ ഇന്ത്യയെ ഹിന്ദുരാഷ്ട്രമാക്കണമെന്നും മുസ്ലിംകളെ പുറത്താക്കണമെന്നും ഉള്‍പ്പെടെയുള്ള ആവശ്യങ്ങള്‍ ഉന്നയിക്കപ്പെട്ടതായി റിപ്പോര്‍ട്ടില്‍ പറയുന്നു. പരിപാടിയില്‍ പങ്കെടുത്ത സുരേഷ് ചാവങ്കെ, രാജ്യത്ത് ദേശീയ പൗരത്വ രജിസ്റ്റര്‍ നടപ്പാക്കണമെന്നും മുസ്ലിം ജനസംഖ്യ നിയന്ത്രണത്തിനുള്ള നടപടികള്‍ വേണമെന്നും പ്രസംഗിച്ചതായി റിപ്പോര്‍ട്ട് ചൂണ്ടിക്കാട്ടുന്നു.

അതേസമയം, ബിജെപി ഡല്‍ഹി നേതാവായ അശ്വിനി ഉപാധ്യായിയും വിവാദ പ്രസ്താവന നടത്തിയതായി പറയുന്നു. മതപരിവര്‍ത്തനവുമായി ബന്ധപ്പെട്ട പരാമര്‍ശങ്ങളും അദ്ദേഹം നടത്തിയതായി റിപ്പോര്‍ട്ടില്‍ വ്യക്തമാക്കുന്നു.

വിവാദ പ്രസ്താവനകള്‍ ഉയര്‍ന്ന പശ്ചാത്തലത്തില്‍ കേന്ദ്ര സര്‍ക്കാര്‍ നല്‍കിയ ധനസഹായം സംബന്ധിച്ച് രാഷ്ട്രീയ വാദപ്രതിവാദങ്ങള്‍ ശക്തമായി. വിഷയത്തില്‍ കേന്ദ്ര സര്‍ക്കാരിന്റെ പ്രതികരണം ഇതുവരെ പുറത്തുവന്നിട്ടില്ല.