1945 ഓഗസ്റ്റ് 9. എൺപതു വർഷങ്ങൾക്കു മുമ്പ് ഇന്നേ ദിവസമാണ് ജപ്പാനിൽ അമേരിക്ക രണ്ടാമത്തെ അണുബോംബ് വർഷിക്കുന്നത്. ഹിരോഷിമയിൽ നടത്തിയ അണുബോംബ് ആക്രമണത്തിന്റെ നടുക്കം മാറുന്നതിന് മുൻപായിരുന്നു നാഗസാക്കിയെയും അമേരിക്ക കണ്ണീർക്കയത്തിലാക്കിയത്. 4630കിലോ ടൺ ഭാരവും ഉഗ്ര സ്‌ഫോടകശേഷിയുമുള്ള ഫാറ്റ്മാൻ എന്ന പ്ലൂട്ടോണിയം ബോംബ് ആണ് നാഗസാക്കിയെ ചുട്ടുചാമ്പലാക്കിയത്. ഹിരോഷിമയിൽ ഓഗസ്റ്റ് ആറിന് ലിറ്റിൽ ബോയ് എന്ന യുറേനിയം അണുബോംബിട്ടതിനുശേഷവും രണ്ടാം ലോകമഹായുദ്ധത്തിൽ ജപ്പാൻ കീഴടങ്ങാൻ കൂട്ടാക്കാത്തതിനെ തുടർന്നായിരുന്നു പ്ലൂട്ടോണിയം ബോംബിന്റെ പ്രയോഗം. 80,000ത്തോളം മനുഷ്യ ജീവനുകൾ മണ്ണോടുചേർന്നു. സ്‌ഫോടനത്തിന്റെ ആഘാതം മൂലം നാഗസാക്കിയിലെ താപനില 4000 ഡിഗ്രി സെൽഷ്യസ് വരെ ഉയർന്നു.

സ്‌ഫോടനത്തിൽ കൊല്ലപ്പെട്ടവരേക്കാൾ ഭീകരമായിരുന്നു അതിനെ അതിജീവിച്ചവരുടെ പിൽക്കാല ജീവിതം. ”ഹിബാകുഷ” എന്നറിയപ്പെടുന്ന അണുബോംബിനെ അതിജീവിച്ചവർ റേഡിയേഷന്റെ ആരോഗ്യപ്രശ്‌നങ്ങൾ ഇന്നും നേരിടുന്നു. നാഗസാക്കി ദിനം വെറുമൊരു അനുസ്മരണമല്ല. ആണവായുധങ്ങളുടെ ഭീകരതയേയും യുദ്ധങ്ങളുടെ കെടുതികളെയും കുറിച്ച് ലോകത്തെ അത് നിരന്തരം ഓർമ്മിപ്പിക്കുന്നു. സമാധാനമാണ് ലോകത്തിന്റെ നിലനിൽപിന് അനിവാര്യമെന്നും നാഗസാക്കിയിലേയും ഹിരോഷിമയിലേയും ദുരന്തങ്ങൾ പോലെ മറ്റൊന്നും ലോകത്ത് ഇനി ആവർത്തിക്കരുതെന്നുമുള്ള ഓർമ്മപ്പെടുത്തലുകളോടെയാണ് നാഗസാക്കി ദിനം കടന്നുപോകുന്നത്.

തകര്‍ന്നുവീണ വിമാനങ്ങളില്‍ ഒന്ന് ആകാശമധ്യേ ഇന്ധനം നിറക്കാന്‍ ശേഷിയുള്ളതാണ്. പറന്നുയര്‍ന്ന ശേഷം ഇന്ധനം നിറക്കല്‍ പരിശിലീക്കുമ്പോഴാണ് ദുരന്തം. കാണാതായവര്‍ക്കുവേണ്ടി ഊര്‍ജിത തെരച്ചില്‍ തുടരുകയാണ്. ജപ്പാന്റെ ഒമ്പത് വിമാനങ്ങളും മൂന്ന് കപ്പലുകളും രക്ഷാപ്രവര്‍ത്തനത്തില്‍ പങ്കെടുക്കുന്നുണ്ട്.

രക്ഷപ്പെട്ട സൈനികരില്‍ ഒരാളെ അപകടം സംഭവിച്ച് ഒരു മണിക്കൂറിന് ശേഷവും മറ്റൊരാളെ 10 മണിക്കൂറിന് ശേഷവുമാണ് കണ്ടെത്തിയത്. സി-130 വിമാനത്തില്‍ അഞ്ച് സൈനികരും എഫ്-18 വിമാനത്തില്‍ രണ്ടു പേരുമുണ്ടായിരുന്നു. ജപ്പാനില്‍ അരലക്ഷത്തിലേറെ യു.എസ് സൈനികരുണ്ട്. ജപ്പാനില്‍ നേരത്തെയും യു.എസ് സൈനിക വിമാനങ്ങള്‍ അപകടത്തില്‍ പെട്ടിരുന്നു.

നവംബറില്‍ ഹോര്‍നറ്റ് യുദ്ധം വിമാനം ഒകിനാവക്ക് സമീപം കടലില്‍ തകര്‍ന്നുവീണെങ്കിലും പൈലറ്റുമാര്‍ രണ്ടുപേരും രക്ഷപ്പെട്ടു. കഴിഞ്ഞ വര്‍ഷം ഡിസംബറില്‍ ഒരു യു.എസ് ഹെലികോപ്ടര്‍ സ്‌കൂളിനുമുകളില്‍ തകര്‍ന്നുവീണത് പ്രദേശവാസികളുടെ പ്രതിഷേധത്തിന് കരണമായി.

ടോക്കിയോ: ജപ്പാനിലെ ഹിരോഷിമയില്‍ ഒന്നരലക്ഷത്തോളം പേരെ നിമിഷനേരം കൊണ്ട് ചുട്ടുകൊന്ന അമേരിക്കന്‍ ആണവാക്രമണത്തിന്റെ കറുത്ത ദിനങ്ങളെ ലോകം ഒരിക്കല്‍ കൂടി അനുസ്മരിച്ചു. 1945 ആഗസ്റ്റ് ആറിന് രാവിലെ 8.15നാണ് ഹിരോഷിമയില്‍ അണുബോംബ് വീണത്.
രണ്ടാം ലോകമഹായുദ്ധത്തില്‍ കീഴടങ്ങാന്‍ കൂട്ടാക്കാത്ത ജപ്പാനെ തകര്‍ക്കാന്‍ അമേരിക്ക കണ്ടെത്തിയ ആയുധമായിരുന്നു ചെറിയ കുട്ടി എന്ന് പേരിട്ട അണുബോംബ്. കൂണ്‍ ആകൃതിയില്‍ പര്‍വതസമാനമായി ഉയര്‍ന്നുപൊങ്ങിയ തീജ്വാലയിലും പൊടിപടലത്തിലും ഒന്നര ലക്ഷത്തോളം പേരാണ് മരിച്ചത്. അര ലക്ഷത്തോളം പേര്‍ക്ക് ആണവവികിരണമേറ്റ് ഗുരുതരമായി പരിക്കേറ്റു. അന്ന് രക്ഷപ്പെട്ടവരും അവരുടെ പിന്‍മുറക്കാരുമായ നാലു ലക്ഷത്തിലധികം പേര്‍ അര്‍ബുദം പോലുള്ള മാരകരോഗങ്ങള്‍ ബാധിച്ച് പിന്നീട് മരിച്ചു. ഇന്നും നിരവധി പേര്‍ ആണവ വികിരണത്തിന്റെ ബലിയാടുകളായി നരകിച്ചുമരിച്ചുകൊണ്ടിരിക്കുന്നു. ജന്മവൈകല്യത്തെ തുടര്‍ന്ന് നരകിക്കുന്ന ആയിരങ്ങള്‍ വേറെയും. അമേരിക്കയുടെ രക്തദാഹം ഹിരോഷിമയിലും അവസാനിച്ചില്ല. ആഗസ്റ്റ് ഒമ്പതിന് രാവിലെ 10,55ന് നാഗസാക്കിയിലും അമേരിക്ക അണുബോംബിട്ടു. തടിച്ച മനുഷ്യന്‍ എന്ന് പേരിട്ട ആ ബോംബ് പൊട്ടി നാലരമൈല്‍ ചുറ്റവളവിലുള്ള സകലതും ചുട്ടെരിക്കപ്പെട്ടു. 70,000 പേരാണ് നാഗസാക്കിയില്‍ മരിച്ചത്. അതിനുശേഷം ജപ്പാന്‍ കീഴടങ്ങുകയും ചെയ്തു. നിരപരധികളായ ലക്ഷക്കണക്കിന് ആളുകളെ ചുട്ടെരിച്ച് യുദ്ധം ജയിക്കാന്‍ അമേരിക്ക നടത്തിയ ശ്രമം ലോകത്തെ മുഴുവന്‍ ഞെട്ടിക്കുന്നതായിരുന്നു. തുല്യതയില്ലാത്ത യാതനകളാണ് അമേരിക്ക ജപ്പാനില്‍ വിതച്ചത്.