അല്‍ ഫാഷിര്‍ നഗരത്തില്‍ മാത്രം ഒരു ലക്ഷത്തിലധികം സിവിലിയന്മാര്‍ ഇപ്പോഴും കുടുങ്ങിക്കിടക്കുന്നതായി റിപ്പോര്‍ട്ടുകള്‍ സൂചിപ്പിക്കുന്നു. വാര്‍ത്താവിനിമയ സംവിധാനങ്ങള്‍ വിച്ഛേദിച്ചതിനാല്‍ പ്രദേശത്തുനിന്ന് വിശ്വാസ്യതയുള്ള വിവരങ്ങള്‍ പുറത്തു വരുന്നില്ല. 62,000-ലധികം ആളുകള്‍ പ്രദേശം വിടാന്‍ ശ്രമിച്ചെങ്കിലും ഭൂരിഭാഗം പേരും വഴിയില്‍ കുടുങ്ങിയിരിക്കുകയാണ്.

സുരക്ഷാ പ്രശ്‌നങ്ങളെ തുടര്‍ന്ന് നിരവധി സന്നദ്ധ സംഘടനകള്‍ പ്രവര്‍ത്തനം നിര്‍ത്തി. സമീപ പട്ടണങ്ങളായ തവില എന്നിവിടങ്ങളിലേക്ക് രക്ഷപ്പെടാന്‍ ശ്രമിക്കുന്നവരെ ലക്ഷ്യമിട്ട് കൊള്ളസംഘങ്ങള്‍ ആക്രമണങ്ങള്‍ നടത്തുന്നതായും റിപ്പോര്‍ട്ടുകളുണ്ട്.

2023 മുതല്‍ തുടരുന്ന ഈ ആഭ്യന്തര യുദ്ധം സുഡാനീസ് ആര്‍മ്ഡ് ഫോഴ്സസും , റാപ്പിഡ് സപ്പോര്‍ട്ട് ഫോഴ്സസും തമ്മിലുള്ള അധികാരപോരാട്ടമാണ്. സുഡാനീസ് സൈന്യത്തിന്റെ പ്രധാനകേന്ദ്രമായിരുന്ന അല്‍ ഫാഷിര്‍ ആര്‍എസ്എഫ് പിടിച്ചെടുത്തതോടെ സംഘര്‍ഷം കൂടുതല്‍ രൂക്ഷമായിട്ടുണ്ട്.

അഞ്ച് കോടി ജനങ്ങളുള്ള ആഫ്രിക്കന്‍ രാജ്യം, ദാരിദ്ര്യവും രാഷ്ട്രീയ അസ്ഥിരതയും കൊണ്ട് വിറങ്ങലിച്ചിരിക്കുന്ന സുഡാന്‍, ഇപ്പോള്‍ അതിന്റെ ഏറ്റവും ദുഷ്‌കരമായ മനുഷ്യാവകാശ പ്രതിസന്ധി നേരിടുകയാണ്.

2021-2022ല്‍ പഠിപ്പിച്ച അധ്യാപകര്‍ക്ക് മാത്രമാണ് ശമ്പളം നിഷേധിച്ചതെന്നും 2022-2023ല്‍ നിയമിച്ചവര്‍ക്ക് ശമ്പളം കൃത്യമായി നല്‍കുന്നുണ്ടെന്നും പരാതിക്കാര്‍ അറിയിച്ചു. എന്നാല്‍ റിപ്പോര്‍ട്ടിന്റെ ഒരുഭാഗത്ത് പറയുന്നതിങ്ങനെയാണ്, സ്ഥിരം തസ്തികളില്‍ മാനേജര്‍ സ്ഥിരനിയമനം നടത്താതെ ദിവസവേതനാടിസ്ഥാത്തിലാണ് നിയമനം നടത്തിയതെന്നും അതുകൊണ്ടാണ് ഹര്‍ജിക്കാര്‍ക്ക് നിയമന അംഗീകാരം നിഷേധിക്കുന്നതെന്നുമാണ് പറയുന്നത്. ഹയര്‍ സെക്കഡറി ഡെപ്യൂട്ടി ഡയറക്ടര്‍ കമീഷന് സമര്‍പ്പിച്ചത് പരസ്പരവിരുദ്ധമായ റിപ്പോര്‍ട്ടാണ്. പരാതിനല്‍കിയവരുടെ വീഴ്ച്ചകാരണമല്ല ശമ്പളം നിഷേധിച്ചതെന്ന് കമീഷന് ബോധ്യമായി.

പണാപഹരണ കേസ് വിജിലന്‍സിന്റെ പരിഗണനയിലാണ്. വീട് നിര്‍മാണത്തിന്റെ ഓരോ ഘട്ടത്തിലും ധനസഹായം അനുവദിക്കുന്നതിനു മുമ്പ് ബന്ധപ്പെട്ട ഉദ്യോസ്ഥര്‍ സ്ഥലം സന്ദര്‍ശിക്കണമെന്ന വ്യവസ്ഥ പാലിച്ചിരുന്നെങ്കില്‍ പരാതിക്കാരിക്ക് തുക നഷ്ടമാകുന്ന സാഹചര്യം ഉണ്ടാകുമായിരുന്നില്ല. പരാതിക്കാരിക്ക് സംഭവിച്ചത് കടുത്ത മനുഷ്യാവകാശ ലംഘനമാണെന്നും അത്തരം മനുഷ്യാവകാശ ലംഘനങ്ങള്‍ക്ക് നേരേ കണ്ണടയ്ക്കാന്‍ കഴിയില്ലെന്നും ജസ്റ്റിസ് ആന്റണി ഡൊമിനിക് ഉത്തരവില്‍ പറഞ്ഞു. അഗതികളും നിര്‍ധനരുമായ ജനങ്ങളെ ചില ഉദ്യോഗസ്ഥര്‍ ചൂഷണം ചെയ്യുന്നതിന്റെ ഉത്തമ ഉദാഹരണമാണ് പരാതിക്കാരിയുടെ കേസെന്ന് കമ്മീഷന്‍ നിരീക്ഷിച്ചു. പരാതി പരിഹരിക്കാന്‍ സ്വീകരിച്ച നടപടികള്‍ ഉള്‍ക്കൊള്ളിച്ച് നഗരകാര്യ ഡയറക്ടര്‍ ഓഗസ്റ്റ് 30നകം കമ്മീഷനില്‍ റിപ്പോര്‍ട്ട് നല്‍കണം. പരാതിയിലുള്ള അനന്തര നടപടികള്‍ റിപ്പോര്‍ട്ട് കിട്ടിയ ശേഷം തീരുമാനിക്കും. ബന്ധപ്പെട്ട ഉദ്യോഗസ്ഥര്‍ക്കെതിരെ വകുപ്പുതല നടപടികള്‍ക്കും വിജിലന്‍സ് കേസിനും ഉത്തരവ് തടസമാകില്ല.

യുഎന്‍: ഗസ അതിര്‍ത്തിയില്‍ ഇസ്രാഈല്‍ നടത്തുന്ന ക്രൂരതകളെ രൂക്ഷമായി വിമര്‍ശിച്ച് യുഎന്‍ ഹ്യൂമന്‍ റൈറ്റ്‌സ് മേധാവി. കഴിഞ്ഞ ആഴ്ചകളായി ഗസ അതിര്‍ത്തിയില്‍ നടന്ന ക്രൂരതകളെ ‘കണ്ണില്ലാത്ത ക്രൂരത’യെന്നാണ് ഹ്യൂമന്‍ റൈറ്റ്‌സ് അധ്യക്ഷന്‍ സയിദ് റാദ് അല്‍ ഹുസൈന്‍ വിശേഷിപ്പിച്ചത്. ഗസയില്‍ ആഴ്ചകളായി നടന്ന കൂട്ടക്കുരുതികളിലും അക്രമങ്ങളിലും അന്താരാഷ്ട്ര അന്വേഷണം വേണമെന്നും അദ്ദേഹം യുഎന്നിനോട് നിര്‍ദേശിച്ചു.
ഫലസ്തീനികള്‍ക്ക് നേരെ ഗസയില്‍ നടന്ന ക്രൂരതകള്‍ ചര്‍ച്ച ചെയ്യാന്‍ ഹ്യൂമന്‍ റൈറ്റ്‌സ് കൗണ്‍സില്‍ വിളിച്ചു ചേര്‍ത്ത പ്രത്യേക യോഗത്തിലാണ് ഇസ്രാഈലിനെതിരെ വിമര്‍ശനം ഉയര്‍ന്നത്. ആറ് ആഴ്ചയ്ക്കിടെ ഗസ അതിര്‍ത്തിയില്‍ ഫലസ്തീന്‍ പ്രതിഷേധക്കാര്‍ക്ക് നേരെ ഇസ്രാഈല്‍ സൈന്യം നടത്തിയ ആക്രമണത്തില്‍ 100 പേരാണ് കൊല്ലപ്പെട്ടതെന്ന് സയിദ് റാദ് അല്‍ ഹുസൈന്‍ ആരോപിച്ചു. കരുതിക്കൂട്ടിയുള്ള നിയമ ലംഘനത്തിന്റെ ഭാഗമാണ് ഈ കൊലപാതകങ്ങള്‍ ഏറെയും. ഗസയിലെ 1.9 മില്യണ്‍ ജനങ്ങളുടെ അവകാശങ്ങളാണ് പ്രത്യേക ലക്ഷ്യം വച്ചും തന്ത്രപരമായും ഇസ്രാഈല്‍ ഇല്ലാതാക്കിയിരിക്കുന്നത്. ഗസയിലെ ഓരോ മനുഷ്യന്റെയും ജീവന്‍ തുലാസിലാണ്. കഴിഞ്ഞ ആഴ്ചകളില്‍ നടന്നത് കിരാത പ്രവര്‍ത്തികളാണ്. തൊഴിലുകള്‍ ഇല്ലാതെയായി. പകരം എങ്ങും അക്രമവും അരാജകത്വവും മാത്രം. ഇതിനു തെളിവാണ് ഒരു ദിവസത്തെ പ്രതിഷേധത്തില്‍ 60 പേര്‍ കൊല്ലപ്പെട്ട സംഭവമെന്നും അദ്ദേഹം പറഞ്ഞു. എന്നാല്‍, ഇസ്രാഈല്‍ സൈന്യത്തിന് പരിക്കേറ്റതായി റിപ്പോര്‍ട്ടുകളുമില്ല.
ഭൂമിദിനത്തിന്റെ ഭാഗമായാണ് ഫലസ്തീനികള്‍ ഗസയിലേക്ക് ആറ് ആഴ്ച പ്രതിഷേധം നടത്തിയത്. 1976ല്‍ സ്വന്തം മണ്ണിലേക്ക് തിരിച്ചു വരാനുള്ള അവകാശത്തിനായി സമാധാനപരമായി പ്രതിഷേധിച്ച ആറ് ഫലസ്തീനികളെ ഇസ്രാഈല്‍ വെടിവച്ചു കൊലപ്പെടുത്തിയതിന്റെ ഓര്‍മ പുതുക്കലായാണ് മാര്‍ച്ച് 30ന് ഭൂമിദിനമായി ആചരിക്കുന്നത്. 2014ല്‍ നടന്ന ഗസ്സ യുദ്ധത്തിന് ശേഷം അതിര്‍ത്തിയില്‍ ഏറ്റവും രൂക്ഷമായ സംഘര്‍ഷമാണ് നടക്കുന്നത്.
38 വര്‍ഷത്തെ അധിനിവേശത്തിന് ശേഷം 2005ല്‍ ഇസ്രാഈല്‍ സൈന്യം പിന്‍വാങ്ങിയ ഗസ്സയിലാണ് റാലിയ്ക്കായി ഫലസ്തീന്‍ പൗരന്മാര്‍ ഒത്തു ചേര്‍ന്നത്.

എ.വി ജോര്‍ജ്ജിനെ പരിശീലന ക്യാമ്പിലേക്ക് മാറ്റിയത് ശരിയായില്ലെന്നും ഇതിനെതിരെയാണ് താന്‍ വിമര്‍ശനമുന്നയിച്ചതെന്നും മോഹന്‍ദാസ് പറഞ്ഞു. കമ്മീഷന്റെ പ്രവര്‍ത്തനങ്ങള്‍ക്ക് സര്‍ക്കാര്‍ സഹായം നല്‍കുന്നതിലും ഭരണഘടന നീതി നിഷേധിക്കുന്ന അവസ്ഥയാണ് ഇപ്പോഴുള്ളതെന്നും കമ്മീഷന്‍ ചെയര്‍മാന്‍ കൂട്ടിച്ചേര്‍ത്തു. എത്ര വലിയ ഉദ്യോഗസ്ഥനായാലും ശ്രീജിത്ത് വിഷയത്തില്‍ ചെയ്തത് തെറ്റാണെന്നും അദ്ദേഹം വിമര്‍ശിച്ചു.

വരാപ്പുഴയിലെ ശ്രീജിത്തിന്റെ കസ്റ്റഡി മരണവുമായി ബന്ധപ്പെട്ട് അന്വേഷണം തൃപ്തികരമല്ലെന്ന് കമ്മീഷന്‍ ചെയര്‍മാന്‍ കഴിഞ്ഞ ദിവസം പറഞ്ഞിരുന്നു. ഇതിനു പിന്നാലെയാണ് മുഖ്യമന്ത്രി കമ്മീഷനെ രൂക്ഷമായി വിമര്‍ശിച്ച് രംഗത്തെത്തിയത്.

ഡല്‍ഹി ഹൈക്കോടതി മുന്‍ ചീഫ് ജസ്റ്റിസ് ആയിരുന്നു രജീന്ദര്‍ സച്ചാര്‍ മനുഷ്യാവകാശ സംരക്ഷണത്തിന് ഏറെ പ്രാമുഖ്യം കൊടുത്തിരുന്ന ആളായിരുന്നു. ന്യൂനപക്ഷങ്ങുടേയും ദുര്‍ബലരുടെയും മനുഷ്യാവകാശങ്ങള്‍ക്കായി നിരന്തരം പോരാടിയിരുന്നു അദ്ദേഹത്തിന്റെ നിലപാടുകള്‍ ഇന്ത്യന്‍ രാഷ്ടീയത്തില്‍ ഏറെ പ്രാധാന്യം അര്‍ഹിക്കുന്നതാണ്.

യു.പി.എ ഭരണത്തില്‍ ന്യൂനപക്ഷങ്ങളെ കുറിച്ച് പഠനം നടത്താന്‍ അന്നത്തെ പ്രധാനമന്ത്രി ഡോ. മന്‍മോഹന്‍ സിങ് ഹൈക്കോടതി മുന്‍ ചീഫ് ജസ്റ്റിസ് ആയിരുന്ന രജീന്ദര്‍ സച്ചാറിനെയായിരുന്നു നിയോഗിച്ചിരുന്നത്. രജീന്ദര്‍ സച്ചാറിനെ കീഴില്‍ നിയോഗിച്ചിരുന്ന ഈ ഏഴംഗ സമിതിയാണ് ഇന്ത്യയിലെ മുസ്ലിം സമുദായത്തിന്റെ യഥാര്‍ത്ഥ ചിത്രം വരച്ചു കാട്ടുന്ന സച്ചാര്‍ കമ്മിറ്റി റിപ്പോര്‍ട്ട് പുറത്തുകൊണ്ടുവന്നത്.

ഇന്ത്യയിലെ ന്യൂനപക്ഷ സമുദായത്തിന്റെ സാമ്പത്തിക, വിദ്യാഭ്യാസ, സാമൂഹിക അവസ്ഥയെ കുറിച്ചുള്ള 403 പേജുളള സച്ചാര്‍ കമ്മിറ്റി റിപ്പോര്‍ട്ട് 2006 നവംബറിലാണ് സമര്‍പ്പിച്ചത്.

മുസ്‌ലിംങ്ങള്‍ക്കിടയിലെ പിന്നോക്കാവസ്ഥ പ്രകടമാക്കിയ സച്ചാര്‍ സമിതിയുടെ കണ്ടെത്തലുകള്‍ രാജ്യത്തെ മുസ്‌ലിം അസമത്വത്തെ സംബന്ധിച്ചുള്ള പൊതു ചര്‍ച്ചകള്‍ക്ക് തുടക്കംകുറിക്കുന്നതായി.

പട്ടികജാതി-പട്ടികവര്‍ഗ വിഭാഗക്കാരെ അപേക്ഷിച്ച് മുസിലിംങ്ങള്‍ക്കിടയില്‍ കൂടുതല്‍ പിന്നോക്കാവസ്ഥ ഉണ്ടെന്ന കാര്യം സച്ചാര്‍ റിപ്പോര്‍ട്ടിലൂ
ടെയാണ് വെളിപ്പെട്ടത്. വിദ്യാഭ്യാസത്തില്‍ മന്ദീഭവിച്ചതിനുപുറമേ, ഭരണപരമായ കാര്യങ്ങളിലും പോലീസ് സേനയിലും മുസ്‌ലിംകളുടെ പ്രാതിനിധ്യവും കുറവാണെന്നും തീരുമാനങ്ങളെടുക്കുന്ന ഉദ്യോഗ സ്ഥാനങ്ങളില്‍ അത് പ്രത്യേകിച്ച് ദുര്‍ബലമാണെന്നും കണ്ടെത്തിയിരുന്നു. ന്യൂനപക്ഷങ്ങളുടെ പ്രശ്‌നത്തിന്റെ ആഴവും അടിയന്തിരവും ഊന്നിപ്പറഞ്ഞുകൊണ്ട്, സമകാലിക ജീവനക്കാരുടെ എല്ലാ മേഖലകളിലും വിവേചനത്തിന്റെ പരാതി പരിഹരിക്കാനുള്ള നിയമ സംവിധാനത്തിന് ഒരു സമഗ്ര അവസര കമ്മീഷന്‍ രൂപീകരിക്കാനും സച്ചാര്‍ കമ്മിറ്റി ശുപാര്‍ശ ചെയ്തിരുന്നു.

1952 ഏപ്രിലിലെ അഭിഭാഷകനായി പ്രവര്‍ത്തിച്ച സച്ചാര്‍ 1960 മുതല്‍ സുപ്രീംകോടതിയില്‍ തുടക്കം കുറിച്ചു. ഒരു ദശാബ്ദത്തിനു ശേഷം 1972 ജൂലായില്‍ ഡല്‍ഹി ഹൈക്കോടതിയില്‍ സ്ഥിരം ജഡ്ജിയായി. തുടര്‍ന്ന് 1985 ഓഗസ്റ്റില്‍ ഡല്‍ഹി ഹൈക്കോടതിചീഫ് ജസ്റ്റിസായി സച്ചാര്‍ നിയമിതനായി.
1985 ആഗസ്റ്റ് 6 മുതല്‍ 1985 ഡിസംബര്‍ 22 വരെ ചീഫ് ജസ്റ്റിസായി സേവനമനുഷ്ഠിച്ചു.

ന്യായാധിപ സ്ഥാനത്ത് നിന്നും വിരമിച്ച ശേഷം അദ്ദേഹം മനുഷ്യാവകാശ പ്രസ്ഥാനങ്ങളുമായി സഹകരിച്ച് പ്രവര്‍ത്തിച്ച് വരുകയായിരുന്നു. പീപ്പിള്‍സ് യൂണിയന്‍ ഫോര്‍ സിവില്‍ ലിബര്‍ട്ടീസ് (പി.യു.സി.എല്‍) അധ്യക്ഷനായിരുന്നു അദ്ദേഹം. കശ്മീരിനെ കുറിച്ച് നിരവധി റിപ്പോര്‍ട്ടുകള്‍ അദ്ദേഹം എഴുതിയിട്ടുണ്ട്.

മനുഷ്യക്കടത്ത് സംഘം ഷാര്‍ജയിലേക്കു കടത്തിയ കഴക്കൂട്ടം സ്വദേശിനി പെണ്‍വാണിഭ സംഘത്തിന്റെ പിടിയില്‍ നിന്ന് രക്ഷപ്പെട്ട് മുംബൈയില്‍ എത്തിയതോടെയാണ് മനുഷ്യക്കടത്ത് പുറംലോകമറിഞ്ഞത്. തുടര്‍ന്ന് പ്രതികള്‍ക്കെതിരെ കേസ് ചുമത്തുകയും അന്വേഷണം നടത്തുകയുമായിരുന്നു. ഗള്‍ഫ് രാജ്യങ്ങളില്‍ ജോലി വാഗ്ദാനം ചെയ്ത് യുവതികളെ അനാശാസ്യകേന്ദ്രങ്ങളിലെത്തിക്കുന്നതിനു വ്യാജ പാസ്‌പോര്‍ട്ടുകള്‍ ഉപയോഗിക്കുകയും വിമാനത്താവളത്തിലെ എമിഗ്രേഷന്‍ ഉദ്യോഗസ്ഥരുടെയും മറ്റും ഒത്താശയോടെ മനുഷ്യക്കടത്തു നടത്തുകയും ചെയ്തുവെന്നാണ് ഇവര്‍ക്കെതിരേയുള്ള കേസ്.

കഴിഞ്ഞ സെപ്തംബറിലാണ് അഞ്ചു വയസുകാരനായ സിദ്ധക് സിങ് അറോറ സ്ഥാപനത്തിന്റെ യൂണിഫോം നയം ലംഘിച്ചു ക്ലാസിലെത്തുവന്നത് അധികൃതര്‍ കണ്ടെത്തിയത്.

എന്നാല്‍ സംഭവത്തെ തുടര്‍ന്ന് സിദ്ധക്കിന്റെ മാതാപിതാക്കള്‍ മകന്റെ മതപരമായ വേഷം അനുവദിക്കാനായി മാനേജ്‌മെന്റ്ിനോട് ആവശ്യപ്പെടുകയായിരുന്നു. മതപരമായ മൗലികാവകാശങ്ങള്‍ക്കായി സ്‌കൂളിന്റെ ഏകീകൃത നയത്തില്‍ മാറ്റം വരുത്തണമെന്നായിരുന്നു ആവശ്യം.

തുടര്‍ന്ന്, മാതാപിതാക്കളുടെ സംയുക്ത പ്രസ്താവന കണക്കിലെടുത്ത് പുതുവര്‍ഷത്തില്‍ സ്‌കൂളിന്റെ നയത്തില്‍ മാറ്റം വരുത്താന്‍ മാനേജ്‌മെന്റ് തയ്യാറാവുകയായിരുന്നു. മെല്‍ട്ടോണ്‍ ക്രിസ്ത്യന്‍ സ്‌കൂള്‍ ഈക്വല്‍ ഓപ്പര്‍ച്യുനിറ്റി ആക്ട് ലംഘിച്ചതായി വിക്ടോറിയന്‍ സിവില്‍ അഡ്മിനിസ്‌ട്രേറ്റീവ് ട്രിബ്യൂണല്‍ കണ്ടെത്തിയതിനെ തുടര്‍ന്നാണ് മാനേജ്‌മെന്റെ നയത്തില്‍ മാറ്റം വരുത്താന്‍ തയ്യാറായത്‌

‘മതപരമായ മൗലികാവകാശങ്ങള്‍ അനുവദിക്കുന്നതിനായി സ്്കൂളിന്റെ യൂണിഫോം നയം തിരുത്തപ്പെട്ടതായും, 2018 വിദ്യാഭ്യാസ വര്‍ഷം മുതല്‍ സിദ്ധക്കിന് ടെര്‍ബണ്‍ ധരിച്ച് വരാന്‍ അനുവാദം നല്‍കിയും”, മാനേജ്‌മെന്റ് പ്രസ്താവ ഇറക്കുകയുമുണ്ടായി.

സിദ്ധക്കിനെ സ്‌കൂളിലേക്ക് സ്വാഗതം ചെയ്യുന്ന മാനേജ്‌മെന്റിന്റെ പ്രസ്താവനയില്‍, എംസിസി എന്ററോള്‍മെന്റുമായി ബന്ധപ്പെട്ട ബുദ്ധിമുട്ടുകള്‍ ഖേദിക്കുകയും യൂണിഫോം നയത്തില്‍ വരുത്തിയ ഭേദഗതിക്ക് കുടുംബത്തിന് നന്ദിയും പറയുന്നുണ്ട്.

മനുഷ്യാവകാശ കമ്മീഷനുമായി ഇടപെട്ട് 2016ലാണ് മാതാപിതാക്കളായ സഗദ്രീപ് സിങ് അറോറയും അനൂര്‍ത് കൗര്‍ അറോറയും സിദ്ധക്കിന്റെ സ്‌കൂളില്‍ ചേര്‍ക്കാന്‍ ശ്രമിക്കുന്നത്. വീടിനടുത്തുള്ള മില്‍ട്ടന്‍ ക്രിസ്ത്യന്‍ കോളെജില്‍ ചേര്‍ക്കാനായിരുന്നു അവര്‍ ആഗ്രഹിച്ചിരുന്നത്. എന്നാല്‍ എംസിസിയുടെ ഏകീകൃത നയം സിദ്ധക്കിന്റെ പ്രവേശത്തിന് തടയിടുകയായിരുന്നു.