മുസ്‌ലിംലീഗിനോടും വ്യക്തിപരമായി എന്നോടും സ്‌നേഹ ബന്ധം കാത്തു സൂക്ഷിച്ചിരുന്നു. തന്റെ സഹോദരന്‍ മുഹമ്മദലി ശിഹാബ് തങ്ങളുടെ വിയോഗ സമയത്ത് വിളിക്കാനും ആശ്വസിപ്പിക്കാനും അദ്ദേഹം സമയം കണ്ടെത്തിയിരുന്നു. അവര്‍ തമ്മിലുള്ള സ്‌നേഹോഷ്മള സൗഹൃദ്ദവും അദ്ദേഹം അയവിറക്കി. വിശ്വാസികളെ മതപരവും ഭൗതികവുമായി നവീകരിക്കുന്നതോടൊപ്പം വികസനത്തിലേക്കും ജനകീയ പ്രശ്‌നങ്ങളിലേക്കും ഊന്നുന്നതായിരുന്നു അദ്ദേഹത്തിന്റെ പ്രവര്‍ത്തന രീതി. ആക്ഷേപങ്ങള്‍ക്കും ഭീഷണികള്‍ക്കും മുമ്പില്‍ ഒരിക്കലും അദ്ദേഹം പതറിയില്ല. തൃശൂരില്‍ നിന്ന് താമരശ്ശേരിയിലെത്തി കാല്‍ നൂറ്റാണ്ടിലേറെ അവരിലൊരാളായി പ്രവര്‍ത്തിച്ചാണ് ജനകീയത കൈവരിച്ചത്. ഉന്നത വിദ്യാഭ്യാസം നേടുകയും അതിന്റേതായ പക്വതയും അറിവിന്റെ വിനയവും സ്ഫുരിക്കുകയും ചെയ്ത അദ്ദേഹത്തില്‍ നിന്ന് ഒട്ടേറെ പഠിക്കാനുണ്ട്. മാര്‍ പോള്‍ ചിറ്റിലപ്പിള്ളിയുടെ വിയോഗം തീരാ നഷ്ടമാണെന്നും ഹൈദരലി തങ്ങള്‍ അനുശോചന സന്ദേശത്തില്‍ പറഞ്ഞു.

8.30 മണിയോടെ പി.കെ കുഞ്ഞാലിക്കുട്ടിക്കൊപ്പം പാണക്കാട്ടെ വീട്ടിലെത്തിയ എം.സി ഖമറുദ്ദീനെ സയ്യിദ് ഹൈദരലി ശിഹാബ് തങ്ങള്‍ സ്വീകരിച്ചു. തുടര്‍ന്ന് തങ്ങളുമായി തെരഞ്ഞെടുപ്പ് പ്രവര്‍ത്തനങ്ങള്‍ വിശകലനം ചെയ്തു. ശേഷം പാണക്കാട് പി.എം.എസ്.എ പൂക്കോയ തങ്ങളുടെയും സയ്യിദ് മുഹമ്മദലി ശിഹാബ് തങ്ങളുടെയും ഉമറലി ശിഹാബ് തങ്ങളുടെയും ഖബര്‍ സിയാറത്ത് നടത്തി. ഹൈദരലി തങ്ങള്‍ പ്രാര്‍ത്ഥനക്ക് നേതൃത്വം നല്‍കി. മുസ്്‌ലിംലീഗ് കോഴിക്കോട് ജില്ലാ സെക്രട്ടറി റസാഖ് മാസ്റ്റര്‍ അദ്ദേഹത്തെ അനുഗമിച്ചു.

കൊണ്ടോട്ടി നീറാട് അല്‍ഗസ്സാലി ഹെറിറ്റേജില്‍ നടന്ന ചടങ്ങില്‍ സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ അധ്യക്ഷത വഹിച്ചു. സമസ്ത ഉപാധ്യക്ഷന്‍ പി.കെ ഇമ്പിച്ചിക്കോയ തങ്ങള്‍ പാലക്കാട് പതാക ഉയര്‍ത്തിയതോടെയാണ് ഷാര്‍പ്പ് 1440 ക്യാമ്പിന് തുടക്കമായത്. എസ്.വൈ.എസ് സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയതങ്ങള്‍ ജമലുല്ലൈലി, സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍, ക്യാമ്പ് അമീര്‍ അബ്ദുല്‍ ഹമീദ് ഫൈസി പ്രസംഗിച്ചു.
രാവിലെ 10ന് മുതല്‍ രാത്രി 10 വരെ 12 സെഷനുകളിയാണ് പരിപാടി നടന്നത്. സംസ്ഥാന ഭാരവാഹികള്‍, സെക്രട്ടറിയേറ്റ് അംഗങ്ങള്‍, പ്രവര്‍ത്തക സമിതി അംഗങ്ങള്‍, ജില്ലാ ഭാരവാഹികള്‍ എന്നിവര്‍ പങ്കെടുത്തു. സംസ്ഥാനത്തിന് പുറമെ ബംഗളുരു, നീലഗിരി, കൊടക്, ദക്ഷിണ കന്നട, കോയമ്പത്തൂര്‍, ലക്ഷദ്വീപ് എന്നിവിടങ്ങളില്‍ നിന്നായി 160 പ്രതിനിധികള്‍ പങ്കെടുത്തു.

വിവിധ സെഷനുകളിലായി പാണക്കാട് സയ്യിദ് സാദിഖലി ശിഹാബ് തങ്ങള്‍, വാക്കോട് മൊയ്തീന്‍കുട്ടി ഫൈസി , സ്വലാഹുദ്ദീന്‍ ഫൈസി വല്ലപ്പുഴ, അബ്ദുസമദ് പൂക്കോട്ടൂര്‍, പിണങ്ങോട് അബൂബക്കര്‍, എം.എം.പരീത് എറണാകുളം, കെ.മോയീന്‍കുട്ടി മാസ്റ്റര്‍ , ഇ. മൊയ്തീന്‍ ഫൈസി പുത്തനഴി, നാസര്‍ ഫൈസി കൂടത്തായി, അബൂബക്കര്‍ ബാഖവി മലയ മ്മ, ഇബ്രാഹീം ഫൈസി പേരാല്‍, കെ.എ.റഹ്മാന്‍ ഫൈസി, മുസ്ത ഫ മുണ്ടുപാറ തുടങ്ങിയവര്‍ പ്രസംഗിച്ചു. ജില്ലാസെക്രട്ടറിമാര്‍ അവലോകനം നടത്തി. കര്‍മ പദ്ധതി ഹംസ റഹ്മാനി കൊണ്ടിപറമ്പ് അവതരിപ്പിച്ചു. വഴിപിരിയും മുമ്പ് സെഷനില്‍ സലീം എടക്കര ആമുഖ പ്രഭാഷണം നടത്തി. സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്‌ബോധന പ്രഭാഷണം നടത്തി. മജ്‌ലിസുന്നൂറിന് പാണക്കാട് അബ്ബാസലി ശിഹാബ് തങ്ങള്‍, സയ്യിദ് പൂക്കോയ തങ്ങള്‍ ചന്തേര,സയ്യിദ് കെ.കെ.എസ് തങ്ങള്‍ വെട്ടിച്ചിറ, സയ്യിദ് ബി. എസ്.കെ. തങ്ങള്‍, കൊടക് അബ്ദുറഹിമാന്‍ മുസ്‌ലിയാര്‍, ബബ്രാണ അബ്ദുല്‍ഖാദിര്‍ മുസ്‌ലിയാര്‍, ഹസ്സന്‍ സഖാഫി പൂക്കോട്ടൂര്‍ നേതൃത്വം നല്‍കി. അലവിക്കുട്ടി ഒളവട്ടൂര്‍, രായീന്‍കുട്ടി നീറാട് പ്രസംഗിച്ചു.

മലപ്പുറം: നന്മക്ക് വേണ്ടിയാവണം സമൂഹമാധ്യമങ്ങളിലെ ഇടപെടലുകളെന്ന് മുസ്ലിം ലീഗ് സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങള്‍. അനാവശ്യ ലൈക്കുകളും ഷെയറുകളും ഒഴിവാക്കണമെന്നും വിദ്വേഷത്തിനും തിന്മകളും പ്രചരിപ്പിക്കാന്‍ സമൂഹമാധ്യമങ്ങളെ കൂട്ട് പിടിക്കുന്നവരെ ഒറ്റപ്പെടുത്തണമെന്നും ഹൈദരലി ശിഹാബ് തങ്ങള്‍ പറഞ്ഞു.

മതസൗഹാര്‍ദം തകര്‍ക്കുന്ന കാര്യങ്ങള്‍ ഷെയര്‍ ചെയ്യരുതെന്നും മറ്റുള്ളവരെ പരിഹസിക്കാന്‍ നമ്മള്‍ ചെയ്യുന്ന ഓരോ ഷെയറും നമ്മളെ തന്നെ തിരിഞ്ഞ് കൊത്തുമെന്നും അദ്ദേഹം കൂട്ടിച്ചേര്‍ത്തു. ഈ കാലഘട്ടത്തില്‍ വിപ്ലവങ്ങളും അതുപോലെ തന്നെ കലാപങ്ങളും സൃഷ്ടിക്കാന്‍ സമൂഹമാധ്യമങ്ങള്‍ക്ക് കഴിയും. നന്മ പ്രതീക്ഷിച്ചുള്ള ഷെയറുകളും ലൈക്കുകളും സത്കര്‍മ്മമാണ്. അദ്ദേഹം കൂട്ടിച്ചേര്‍ത്തു.

കഴിഞ്ഞ കുറേ നാളുകളായി സമൂഹമാധ്യമങ്ങളില്‍ കാണുന്ന പല ചര്‍ച്ചകളും പോസ്റ്റുകളും ഇവിടെ തീപ്പൊരി ചിതറിയിടാനുള്ള ചിലരുടെ ശ്രമങ്ങള്‍ക്കുള്ള ഉദാഹരണമാണ്. വിദ്വേഷം വളര്‍ത്താനും കലാപം നടത്താനും സമൂഹമാധ്യമങ്ങളെ ചട്ടുകമാക്കുന്നില്ലെന്ന് ഓരോരുത്തരും ഉറപ്പുവരുത്തണമെന്നും തങ്ങള്‍ പറഞ്ഞു.

മുസ്‌ലിംലീഗ് സംസ്ഥാന അധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങളുടെ പേരില്‍ സമൂഹമാധ്യമങ്ങളില്‍ വ്യാജ പ്രചാരണം നടത്തുന്നവര്‍ക്കെതിരെ കര്‍ശനനടപടി സ്വീകരിക്കണമെന്നാവശ്യപ്പെട്ട് മുസ്‌ലിംലീഗ് സംസ്ഥാന കമ്മിറ്റി അംഗവും കൊണ്ടോട്ടി മണ്ഡലം പ്രസിഡന്റുമായ പി.എ ജബ്ബാര്‍ ഹാജി ഡി.ജി.പിക്ക് പരാതി നല്‍കിയിരുന്നു. ഹൈദരലി ശിഹാബ് തങ്ങളുടെ പേരില്‍ വ്യാജ പ്രസ്താവന കെട്ടിച്ചമച്ച് അദ്ദേഹത്തെ അപകീര്‍ത്തിപ്പെടുത്തുന്നതിനും വര്‍ഗീയ സംഘര്‍ഷമുണ്ടാക്കുന്നതിനും സമൂഹ മാധ്യമങ്ങളില്‍ ശ്രമം നടത്തുന്നവര്‍ക്കെതിരെ നിയമനടപടി സ്വീകരിക്കണമെന്ന് മുസ്്‌ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പിയും ആവശ്യപ്പെട്ടു. ഉന്നത പൊലീസ് ഉദ്യോഗസ്ഥരുമായി പി.കെ കുഞ്ഞാലിക്കുട്ടി എം.പി ടെലിഫോണില്‍ സംസാരിക്കുകയും കുറ്റക്കാരെ നിയമത്തിന് മുമ്പില്‍ കൊണ്ട് വരണമെന്ന് ആവശ്യപ്പെടുകയും ചെയ്തിരുന്നു.

ക്ഷേത്രങ്ങളിലെ പ്രഭാത ഗീതത്തിനെതിരെ സയ്യിദ് ഹൈദരലി തങ്ങളുടെ ചിത്രമുള്‍പ്പെടുത്തിയുള്ള വ്യാജ പ്രചാരണമാണ് സമൂഹ മാധ്യമങ്ങളില്‍ വ്യാപകമായത്. വര്‍ഗീയ കലാപം സൃഷ്ടിക്കാന്‍ ഉദ്ദേശ്യം വെച്ചുള്ള പ്രചാരണം തടയണമെന്നും ഇതിനു പിന്നില്‍ പ്രവര്‍ത്തിക്കുന്നവരെ നിയമത്തിന് മുന്നില്‍കൊണ്ടുവരാന്‍ അടിയന്തര നടപടി സ്വീകരിക്കണമെന്നും ഡി.ജി.പിക്ക് നല്‍കിയ പരാതിയില്‍ ആവശ്യപ്പെട്ടത്്.

പോസ്റ്റിന്റെ പൂര്‍ണ്ണരൂപം:

അങ്ങാടിപ്പുറത്തെ തളിക്ഷേത്രത്തിന്റെ കവാടം കത്തിയമര്‍ന്നപ്പോള്‍ അവിടെ ഓടിയെത്തി ആ തീ അണച്ചത് പാണക്കാട് സയ്യിദ് മുഹമ്മദലി ശിഹാബ് തങ്ങളാണ്. അദ്ദേഹത്തിന്റെ സഹോദരനായ സയ്യിദ് ഹൈദരലി ശിഹാബ് തങ്ങള്‍ക്ക് ഒരു ക്ഷേത്രത്തിനെതിരെയും ക്ഷേത്ര നാദങ്ങള്‍ക്കെതിരെയും ഒരിക്കലും സംസാരിക്കാനാവില്ല.

അതുപോലെ പാണക്കാട് പൂക്കോയ തങ്ങള്‍! അദ്ദേഹത്തിന്റെ വീട്ടുപടിക്കല്‍ എന്നും രോഗശമനത്തിനെത്തിയവരില്‍ നാനാജാതി മതസ്ഥരുണ്ടായിരുന്നു! ഈ പാരമ്പര്യത്തിന്റെ പിന്‍ തുടര്‍ച്ചക്കാരനാണ് ഹൈദരലി ശിഹാബ് തങ്ങള്‍!ഇതിനിടയില്‍ എങ്ങനെയാണ് ഇവര്‍ക്ക് വേറെ രീതിയില്‍ ചിന്തിക്കാന്‍ സാധിക്കുക ..സയ്യിദ് ഹൈദരലി ശിഹാബ് തങ്ങളുടെ വീട്ടില്‍ തന്നെ ആശ്വാസവും രോഗശമനവും തേടിയെത്തുന്നവരില്‍ എത്രയെത്ര മതസ്ഥരുണ്ട്!’ കുരിശ് മാലയിട്ടവരും ചന്ദനക്കുറിതൊട്ടവരും നിസ്‌ക്കാരതഴമ്പുള്ളവരും ഒന്നിച്ച് തോളുരുമ്മി നില്‍ക്കുന്നത് ആ മുറ്റത്ത് നമുക്ക് കാണാന്‍ കഴിയും.പാണക്കാടിന്റെ സുകൃതമാണത്!

ഇങ്ങനെ സൗഹാര്‍ദ്ദത്തിനും സഹവര്‍തിത്വത്തിനും വേണ്ടി രാപകലില്ലാതെ ഓടി നടക്കുന്ന, അതിനായി അക്ഷീണം പ്രയത്‌നിക്കുന്ന ഒരാള്‍ക്ക് വര്‍ഗ്ഗീയതയുടെ ചുവ നല്‍കുന്നതിന് പിന്നില്‍ ഗൂഡമായ ഒരു കലാപത്തിന്റെ തന്നെ ഉദ്ദേശമുണ്ട്. ഇവിടെ നാം കൂടുതല്‍ ജാഗ്രത കാണിക്കേണ്ടിയിരിക്കുന്നു. ഇതിന് പിന്നിലെ വികൃതമായ മനസ്സ് ആരുടേതാണെങ്കിലും അത് നിയമത്തിന് മുമ്പില്‍ കൊണ്ടുവരേണ്ടതുണ്ട്.