മുന്നണിയുടെ പ്രസിഡന്റ് സ്ഥാനാർത്ഥിയായി എംഎസ്എഫ് പ്രതിനിധി മുന സൽദാന മത്സരിക്കും. രാജ്യത്തെ ഉന്നത കലാലയങ്ങളുടെ പട്ടികയിൽ മുൻനിരയിലുള്ള ഹൈദരാബാദ് സർവകലാശാല അവകാശ പോരാട്ടങ്ങൾക്ക് ഏറെ സാക്ഷ്യം വഹിച്ച ഭൂമികയാണ്. രോഹിത് വെമുലയുടെ രക്തസാക്ഷിത്വം വളമേകിയ പോരാട്ടഭൂമിയെ വീര്യം ചോരാതെ മുന്നോട്ടുകൊണ്ടുപോകാൻ ഇന്ത്യാ മുന്നണിക്കാകുമെന്ന കാര്യത്തിൽ സംശയമില്ല. രാജ്യമെമ്പാടും പടർന്നു പിടിക്കുന്ന ഫാസിസ്റ്റ് വിരുദ്ധ പോരാട്ടത്തിന്റെ ഭാഗമാകാൻ വിദ്യാർത്ഥികൾ ഉറപ്പിച്ചു കഴിഞ്ഞു.

വിദ്യാർത്ഥി അവകാശങ്ങൾ സംരക്ഷിക്കുന്നതിലും വിദ്യാർത്ഥി ക്ഷേമ പ്രവർത്തനങ്ങളിലും ഒരു യൂണിയൻ എന്ന നിലയിൽ അമ്പേ പരാജയമായ എസ്എഫ്‌ഐ – എഎസ്എ സഖ്യത്തിന്റെ അവസരവാദ രാഷ്ട്രീയത്തോടും സ്വന്തം പക്ഷത്തെ പടലപ്പിണക്കങ്ങൾ കാരണം പ്രതിസന്ധിയിലായ എബിവിപി മുന്നോട്ടു വെക്കുന്ന വർഗീയ രാഷ്ട്രീയത്തോടും മുഖം തിരിക്കുന്ന വിദ്യാർത്ഥികൾ ഇത്തവണ ഇന്ത്യ മുന്നണിയെ അധികാരത്തിലേറ്റാനുള്ള ഉറച്ച തീരുമാനത്തിലാണ്.

ജനറൽ പോസ്റ്റുകളിലേക്ക് പുറമെ വിവിധ സ്‌കൂളുകളിലേക്കും കടുത്ത പോരാട്ടമാണ് മുന്നണി കാഴ്ച വെക്കുന്നത്. എംഎസ്എഫ് പ്രതിനിധികളായ മുഹമ്മദ് ഷാദിലും ഹാദി മുഹമ്മദും ഇന്റഗ്രേറ്റഡ് സ്‌കൂൾ ബോർഡിലേക്കുള്ള പ്രചാരണത്തിലാണ്. സ്‌കൂൾ ഓഫ് കെമിസ്ട്രിയിലേക്ക് തമീസ് മർജാനും മെഡിക്കൽ സയൻസിലേക്ക് നജ് വ നെയ്യപ്പാടനും എംഎസ്എഫ് സാരഥികളായി മത്സരിക്കും. പ്രചാരണത്തിന്റെ തുടക്കം മുതൽ ഇന്ത്യ മുന്നണിക്ക് ലഭിക്കുന്ന മികച്ച വിദ്യാർത്ഥി പിന്തുണ ശ്രദ്ധേയമാണ്.

ബി.ബി.സി പുറത്തുവിട്ട ഡോക്യുമെന്ററി ഏറെ വിവാദങ്ങള്‍ക്കാണ് വഴിവെച്ചത്. ഡോക്യുമെന്ററി പ്രചരിച്ചതോടെ ഇന്ത്യന്‍ സര്‍ക്കാര്‍ വിലക്കുമായി രംഗത്തെത്തി. യു ട്യൂബിലും ട്വിറ്ററിലും അടക്കം സമൂഹമാധ്യമങ്ങളില്‍ ഡോക്യുമെന്ററി പങ്കുവെക്കുന്നതിനെ കേന്ദ്ര സര്‍ക്കാര്‍ വിലക്കി. പിന്നാലെ ഇന്ത്യയില്‍ ബി.ബി.സി ഡോക്യുമെന്ററി പിന്‍വലിച്ചു.

ഡോക്യുമെന്ററിയുടെ രണ്ടാം ഭാഗം ചൊവ്വാഴ്ച പുറത്തുവിടുമെന്നും ഇന്ത്യയുടെ എതിര്‍പ്പ് കാര്യമാക്കുന്നില്ലെന്നും ബി.ബി.സി അറിയിച്ചു.

2002ല്‍ ഗുജറാത്ത് വംശഹത്യ നടക്കുമ്പോള്‍ ബ്രിട്ടന്റെ വിദേശകാര്യ സെക്രട്ടറിയായിരുന്ന ജാക്ക് സ്‌ട്രോ, ഇന്ത്യയിലെ ബ്രിട്ടീഷ് ഹൈക്കമ്മീഷണര്‍ ലണ്ടനിലെ ഫോറിന്‍ ഓഫീസിലേക്ക് റിപ്പോര്‍ട്ട് അയച്ചത് സ്ഥിരീകരിച്ചു. 2002ല്‍ ഗുജറാത്തില്‍ നടന്ന കൊലപാതകങ്ങള്‍ക്ക് നരേന്ദ്രമോദി നേരിട്ട് ഉത്തരവാദിയാണെന്ന് അതില്‍ പറഞ്ഞിട്ടുണ്ടെന്ന് അദ്ദേഹം അറിയിച്ചു.

ഇന്നലെ വൈകിട്ടായിരുന്നു കേസിനാസ്പദമായ സംഭവം. വിദ്യാര്‍ത്ഥികളുടെ കനത്ത പ്രതിഷേധത്തെ തുടര്‍ന്നാണ് പ്രതിയായ അധ്യാപകനെ അറസ്റ്റുചെയ്തത്. വീട്ടില്‍ ആരുമില്ലാതിരുന്ന സമയത്ത് രവി രഞ്ജന്‍ വിദ്യാര്‍ത്ഥിനിയോട് വീട്ടിലേക്ക് വരാന്‍ ആവശ്യപ്പെടുകയായിരുന്നു. ശേഷം വീട്ടിലെത്തിയ യുവതിക്ക് മദ്യം വാഗ്ദാനം നല്‍കി പീഡിപ്പിക്കാന്‍ ശ്രമിച്ചു. അധ്യാപകന്റെ പ്രവൃത്തി അതിരുവിട്ടതോടെ വിദ്യാര്‍ത്ഥിനി വീട്ടില്‍ നിന്നും ഇറങ്ങിപ്പോയി. തുടര്‍ന്ന് വിദ്യാര്‍ത്ഥി യൂണിയന്‍ മുഖേന സര്‍വകലാശാലയില്‍ പരാതി നല്‍കിയെങ്കിലും നടപടിയുണ്ടായില്ല.

ഹൈദരാബാദ്: വര്‍ത്തമാന കാല രാഷ്ട്രീയ സാഹചര്യം മുന്‍നിര്‍ത്തി ഹൈദരാബാദ് സര്‍വ്വകലാശാല എം.എസ്.എഫ് യൂണിറ്റ് കമ്മിറ്റി സംഘടിപ്പിച്ച ‘തഹ്‌രീര്‍’ പ്രതിഷേധ പരിപാടിക്ക് അനുമതി നിഷേധിച്ചും സെക്യൂരിറ്റി ഫോഴ്‌സിനെ കൊണ്ട് പരിപാടി തടസ്സപ്പെടുത്താനും ശ്രമിച്ച് യൂണിവേഴ്‌സിറ്റി അധികൃതര്‍.

ആസാം എന്‍.ആര്‍.സി പ്രശ്‌നം, മുസഫര്‍ നഗറില്‍ ഹത്യാ കേസുകളില്‍ പ്രതികളെ വെള്ള പൂശല്‍, പെഹ്‌ലു ഖാന്‍ കേസടക്കം ഹേറ്റ് ക്രൈമുകളില്‍ നടക്കുന്ന നീതി നിഷേധം, ദൂരപ്രത്യാഘാതമുള്ള പുതിയ ബില്ലുകള്‍ എന്നിവ പ്രമേയമാക്കി ഗവേഷകരുടെ ടോക്കും ഡോക്യുമെന്ററി സ്‌ക്രീനിങ്ങും ഉള്‍പ്പെടെയുള്ള പ്രതിഷേധ പരിപാടി വെള്ളിയാഴ്ച്ച വൈകീട്ട് വെളിവാടയില്‍ സംഘടിപ്പിച്ചപ്പോഴാണ് സംഭവം. പരിപാടിയുടെ ഒരുക്കങ്ങളുമായി എം.എസ്.എഫ് പ്രവര്‍ത്തകര്‍ മുന്നോട്ട് പോകുന്നതിനിടെ വ്യാഴാഴ്ച്ച യൂണിവേഴ്‌സിറ്റി രജിസ്ട്രാര്‍ എം.എസ്.എഫ് കമ്മിറ്റിയെ ഫോണിലൂടെ ബന്ധപ്പെടുകയും 2016ലെ സര്‍ക്കുലര്‍ ചൂണ്ടിക്കാട്ടി പൊതുസ്ഥലത്ത് പരിപാടി സംഘടിപ്പിക്കരുതെന്നും ഇന്‍ഡോര്‍ പരിപാടി ആയി നടത്താന്‍ മാത്രമേ അനുമതി തരൂ എന്ന് ശാഠ്യം പിടിക്കുകയും ചെയ്തു. എന്നാല്‍ ഇത് ക്യാമ്പസ് രാഷ്ട്രീയ പ്രവര്‍ത്തനങ്ങള്‍ക്കു മേല്‍ കൂച്ച് വിലങ്ങിടാനുള്ള അധികൃതരുടെ ശ്രമമാണെന്നും ‘തഹ്‌രീര്‍’ പോലുള്ള പ്രതിഷേധ പരിപാടി ഇന്‍ഡോര്‍ ആയി യൂണിവേഴ്‌സിറ്റി ഓഡിറ്റോറിയത്തില്‍ നടത്താന്‍ പറ്റുന്നതല്ലെന്നും എം.എസ്.എഫ് രജിസ്ട്രാര്‍ക്ക് മറുപടി നല്‍കി. ഇതോട് കൂടി യൂണിവേഴ്‌സിറ്റി സെക്യൂരിറ്റി വിഭാഗം തലവന്‍ സമ്മര്‍ദ്ദ തന്ത്രവുമായി മുന്നോട്ട് വന്നെങ്കിലും മുട്ട് മടക്കാതിരുന്ന എം.എസ്.എഫ് പ്രതിനിധികളോട് രജിസ്ട്രാര്‍ നേരിട്ട് കാണാനാവശ്യപ്പെടുകയും എന്നാല്‍ രജിസ്ട്രാറുടെ മുന്‍പിലും മുന്‍ നിലപാടില്‍ എം.എസ്.എഫ് ഉറച്ച് നിന്നതോടെ പരിപാടി ഇല്ലാതാക്കാനുള്ള ആ ശ്രമവും വിഫലമാവുകയായിരുന്നു.

ഏറ്റവും ഒടുവില്‍ പരിപാടിയുടെ ഏതാനും മണിക്കൂറുകള്‍ മുമ്പേ വി.സിയുടെ ഉത്തരവിന്റെ അടിസ്ഥാനത്തില്‍ പരിപാടിക്കുള്ള അനുമതി നിഷേധിക്കുന്നതായി എം.എസ്.എഫ് യൂണിറ്റ് പ്രസിഡന്റ് മുഹമ്മദ് ഷമീം പൂക്കോട്ടൂരിന് അയച്ച സര്‍ക്കുലറില്‍ രജിസ്ട്രാര്‍ അറിയിക്കുകയും ചെയ്തു. എന്നാല്‍ ഇതിനെയൊന്നും ഗൗനിക്കാതെ എം.എസ്.എഫ് പ്രവര്‍ത്തകര്‍ പരിപാടിക്കായി വെളിവാടയില്‍ ഒത്തു ചേര്‍ന്നപ്പോള്‍ യൂണിവേഴ്‌സിറ്റി സെക്യൂരിറ്റി ബലം പ്രയോഗിക്കുകയും ഏറെ നേരത്തെ വാഗ്വാദത്തിന്റെ ഫലമായി അധികൃതര്‍ എം.എസ്.എഫ് പ്രവര്‍ത്തകരുടെ ഇഛാശക്തിക്കു കീഴടങ്ങുകയും പരിപാടി നടത്താന്‍ അനുവദിക്കുകയും ചെയ്തു. വ്യത്യസ്ത വിഷയങ്ങളെ ആധാരമാക്കിയുള്ള ഗവേഷക വിദ്യാര്‍ത്ഥികളുടെ ടോക്കിന് ശേഷം ഡോക്യുമെന്ററി സ്‌ക്രീനിങ് നടത്താന്‍ തുനിഞ്ഞപ്പോള്‍ സെക്യൂരിറ്റി ഫോഴ്‌സ് വീണ്ടും സംഘര്‍ഷാവസ്ഥ സൃഷ്ടിക്കുകയും സ്‌ക്രീനിങ്് നടത്താന്‍ സമ്മതിക്കാതിരിക്കുകയും ചെയ്തു.

കശ്മീരിന് സവിശേഷ അധികാരം നല്‍കുന്ന ആര്‍ട്ടിക്കിള്‍ 370 എടുത്ത് കളഞ്ഞ മോദി ഭരണകൂടത്തിനെതിരെ ആഗസ്റ്റ് 5ന് സര്‍വ്വകലാശാലയില്‍ എ.ബി.വി.പി ഒഴികെയുള്ള വിദ്യാര്‍ത്ഥി രാഷ്ട്രീയ സംഘടനകളുടെ സംയുക്ത പ്രതിഷേധ സംഗമത്തെ തുടര്‍ന്നാണ് ക്യാമ്പസിലെ പുതിയ സംഭവ വികാസങ്ങള്‍ക്ക് തുടക്കം കുറിക്കുന്നത്. ഈ പ്രതിഷേധ പരിപാടിക്ക് തടയിടുന്നതിനായി ക്യാമ്പസില്‍ സൈബരാബാദ് പോലീസ് കമ്മീഷണറുടെ പഴയ ഓര്‍ഡറിന്റെ മറവില്‍ നിരോധനാജ്‌ന പ്രഖ്യാപിക്കുകയും സൈബരാബാദ് പോലീസും സി.ആര്‍.പി.എഫും ക്യാമ്പസില്‍ കയറി സംഘര്‍ഷാവസ്ഥ സൃഷ്ടിക്കുകയും ചെയ്തിരുന്നു. ഇതിന്റെ തുടര്‍ച്ചയെന്നോണം അഞ്ചോളം പരിപാടികള്‍ക്ക് അനുമതി നിഷേധിക്കുകയും ഏറ്റവുമൊടുവില്‍ പ്രമുഖ ഡോക്യുമെന്ററി സംവിധായകന്‍ ആനന്ദ് പട്‌വര്‍ദ്ദന്റെ ബാബരി മസ്ജിദ് ധ്വംസനത്തെ കുറിച്ചുള്ള പ്രശസ്ത ഡോക്യുമെന്ററി ‘രാം കെ നാം’ ഇടത് പക്ഷ വിദ്യാര്‍ത്ഥി സംഘടനയായ ഐസ കഴിഞ്ഞ ചൊവ്വാഴ്ച്ച പ്രദര്‍ശിപ്പിച്ചപ്പോള്‍ പോലീസ് ക്യാമ്പസിലേക്ക് വീണ്ടും അതിക്രമിച്ച് കയറുകയും ഇതില്‍ പ്രതിഷേധിച്ച ആറ് ഐസ എസ്.എഫ്.ഐ പ്രവര്‍ത്തകരെ അറസ്റ്റ് ചെയ്യുകയും ചെയ്തിരുന്നു. ഈ സംഭവ പരമ്പരയിലെ അവസാനത്തേതാണ് കഴിഞ്ഞ ദിവസം എം.എസ്.എഫ് പ്രതിഷേധ പരിപാടിയില്‍ അരങ്ങേറിയത്.

എന്നാല്‍ ഫാസിസ്റ്റ് വിരുദ്ധ ശബ്ദം ഉയര്‍ത്തുന്ന വിദ്യാര്‍ത്ഥി രാഷ്ട്രീയത്തെ അടിച്ചൊതുക്കാന്‍ സംഘ്പരിവാറിന്റെ ചട്ടുകമായി പ്രവര്‍ത്തിക്കുന്ന യൂണിവേഴ്‌സിറ്റി നടത്തുന്ന ശ്രമങ്ങള്‍ വിലപ്പോവില്ലെന്നും ഭരണകൂടത്തിന്റെ എല്ലാത്തരം ജനാധിപത്യ ന്യൂനപക്ഷ വിരുദ്ധ പ്രവര്‍ത്തനങ്ങളേയും ശക്തിയുക്തം എതിര്‍ക്കുമെന്നും ‘തഹ്‌രീര്‍’ പ്രതിഷേധ പരിപാടി വിളിച്ച് പറഞ്ഞു. ആഷിഖു റസൂല്‍, ഷിബിലി, ഫസല്‍, മുഹമ്മദ് ആഷിഖ്, സല്‍മാന്‍ കെ.എച്ച്, അയൂബ് റഹ്മാന്‍, ഷിഹാബ് പൊഴുതന, നജ്‌ല, നുസ്‌റത്ത്, റിഷാദ്,സഫ്വാന്‍, ആസിഫ്,അര്‍ഷാദ് നേതൃത്വം നല്‍കി.