ഹൈദരലി ശിഹാബ് തങ്ങളുടെ ധീരമായ നിലപാടുകൾ കേരള രാഷ്ട്രീയത്തിൽ വലിയ ചലനങ്ങൾ സൃഷ്ടിച്ചു. രാഷ്ട്രീയമായും ആത്മീയമായും സമുദായത്തിന് അദ്ദേഹം ശക്തമായ നേതൃത്വം നൽകി. സൗമ്യമെങ്കിലും ശക്തമായിരുന്നു ഹൈദരലി തങ്ങളുടെ നിലപാടുകൾ. ഒരു തീരുമാനമെടുത്താൽ ആന വന്ന് കുത്തിയാലും അത് മാറ്റാത്ത കണിശക്കാരനായിരുന്നു അദ്ദേഹം.

അതേ പാരമ്പര്യമാണ് സാദിഖലി തങ്ങളുടേതും. മരണം വരെ വളരെ സജീവമായാണ് അദ്ദേഹം പൊതുരംഗത്ത് നിലകൊണ്ടത്. വിശ്രമം എന്നത് അദ്ദേഹത്തിന്റെ ജീവിതത്തിൽ ഉണ്ടായിട്ടില്ല. പാതിരാക്ക് കയറിവന്നാലും കോലായിൽ ഇരിക്കുന്ന മുഴുവൻ ആളുകളെയും കണ്ട ശേഷമേ വിശ്രമിക്കാറുള്ളൂ. അത്രയും ക്ഷമ പാണക്കാട് കുടുംബത്തിനല്ലാതെ മറ്റാർക്കുമില്ലെന്നും ഡോ. എം.കെ മുനീർ അനുസ്മരിച്ചു.

റി​ലീ​ഫ് സെ​ല്ലി​ലേ​ക്ക് ഫ​ണ്ട് ക​ണ്ടെ​ത്തു​ന്ന​തി​ന് വേ​ണ്ടി​യു​ള്ള പ്ര​വ​ർ​ത്ത​ന​ങ്ങ​ൾ യോ​ഗ​ത്തി​ൽ ച​ർ​ച്ച ചെ​യ്യു​ക​യും അ​തി​ന് വേ​ണ്ടി​യു​ള്ള പ്ര​വ​ർ​ത്ത​ന രൂ​പ​രേ​ഖ ത​യാ​റാ​ക്കു​ക​യും ചെ​യ്തു.

യോ​ഗ​ത്തി​ൽ റി​ലീ​ഫ് വി​ങ്​ ചെ​യ​ർ​മാ​ൻ നാ​സ​ർ മാ​ങ്കാ​വ് അ​ധ്യ​ക്ഷ​ത വ​ഹി​ച്ചു. സെ​ൻ​ട്ര​ൽ ക​മ്മി​റ്റി ജ​ന​റ​ൽ സെ​ക്ര​ട്ട​റി ശു​ഐ​ബ് പ​ന​ങ്ങാ​ങ്ങ​ര ഉ​ദ്ഘാ​ട​നം ചെ​യ്തു.

സ​ത്താ​ർ താ​മ​ര​ത്ത്, അ​ഡ്വ. അ​നീ​ർ ബാ​ബു, പി.​സി. മ​ജീ​ദ്, അ​ഷ്‌​റ​ഫ്‌ ക​ല്പ​ക​ഞ്ചേ​രി, ഷാ​ഫി തു​വ്വൂ​ർ, ന​ജീ​ബ് നെ​ല്ലാം ക​ണ്ടി, ബ​ഷീ​ർ വ​ല്ലാ​ഞ്ചി​റ എ​ന്നി​വ​ർ സം​സാ​രി​ച്ചു. ജ​ന​റ​ൽ ക​ൺ​വീ​ന​ർ സി​റാ​ജ് മേ​ട​പ്പി​ൽ സ്വാ​ഗ​ത​വും മൊ​യ്തീ​ൻ ബാ​വ ന​ന്ദി​യും പ​റ​ഞ്ഞു.

ദമ്മാം.പാണക്കാട് സയ്യിദ്‌ ഹൈദറലി ശിഹാബ് തങ്ങളുടെ സ്മരണാർത്ഥം സമസ്ത ഇസ്ലാമിക് സെന്റർ (എസ്‌ഐസി ) ദമ്മാം സെൻട്രൽ കമ്മിറ്റി ഏർപ്പെടുത്തിയ സിൻസിയെറിറ്റി അവാർഡിന് മാഹിൻ വിഴിഞ്ഞത്തെ തെരഞ്ഞെടുത്തു.
കിഴക്കൻ സഊദിയിലെ മത സാമൂഹ്യ രംഗത്ത് സുപരിചിതനായ അദ്ദേഹത്തിൻറെ പൊതുരംഗത്തെ മികവാർന്ന പ്രവർത്തനങ്ങളെ മുൻ നിർത്തിയാണ് പുരസ്കാരം.

കോഴിക്കോട് ഖാദിയും സുന്നി യുവജന സംഘം സംസ്ഥാന ജനറൽ സെക്രട്ടറിയുമായ സയ്യിദ് മുഹമ്മദ്‌ കോയ ജമലുലൈലി, എസ്‌കെഎസ്എസ്എഫ് സംസ്ഥാന പ്രസിഡന്റ് പാണക്കാട് ഹമീദ് അലി ശിഹാബ് തങ്ങൾ എന്നിവരുടെ നേതൃത്വത്തിലുള്ള ജൂറിയാണ് അവാർഡ് ജേതാവിനെ തെരഞ്ഞുത്തത്.

അമ്പത്തൊന്നായിരം രൂപയും, ഫലകവും പ്രസിദ്ധി പത്രവുമടങ്ങുന്ന അവാർഡ് മാർച്ച് ആദ്യ വാരത്തിൽ ദമാമിൽ വെച്ച് നടക്കുന്ന പൊതു പരിപാടിയിൽ വെച്ച് സമർപ്പിക്കുമെന്ന് എസ്‌ഐസി അറിയിച്ചു.

സൗദി പ്രവാസികൾക്കിടയിൽ സമസ്ത,കെഎംസിസി,സിഎച്ച് സെന്റർ മുതലായ സംഘടനകളിലൂടെ കാൽ നൂറ്റാണ്ടിലധികമായി അവാർഡ് ജേതാവ് നടത്തിയ ആത്മാർത്ഥ സേവനങ്ങളെ വിലയിരുത്തിയാണ് മാഹിൻ വിഴിഞ്ഞത്തെ ജൂറി പ്രഖ്യാപിച്ചതെന്നും എസ്‌ഐസി വാർത്താകുറിപ്പിൽ വ്യക്തമാക്കി.

ചെറുപ്പത്തില്‍ മലപ്പുറം കോട്ടപ്പടി മൈതാനിയില്‍ ഒരു സമ്മേളനത്തിന് പോയ ഓര്‍മയാണ് മനസ്സില്‍. പ്രിയപ്പെട്ട പിതാവ് (പാണക്കാട് പി.എം.എസ്.എ പൂക്കോയ തങ്ങള്‍) അന്ന് എന്നെയും സമ്മേളനത്തിന് കൊണ്ടുപോയി. മൈതാനിക്കരികിലെ ഒരു തുണിക്കടയില്‍ എന്നെ ഇരുത്തി ബാപ്പ വേദിയിലേക്ക് കയറി. ഖാഇദെ മില്ലത്തും ബാഫഖി തങ്ങളും സി.എച്ചും കെ.സി അബൂബക്കര്‍ മൗലവിയുമൊക്കെയുള്ള പ്രൗഢമായ വേദി. ബാഫഖി തങ്ങള്‍ പ്രസംഗിച്ചപ്പോള്‍ സി.എച്ചിനെക്കുറിച്ചു പറഞ്ഞത് അവസാനത്തെ അമിട്ട് പൊട്ടാനുണ്ട് എന്നായിരുന്നു. അതുകേട്ട് ആയിരങ്ങള്‍ ചെകിടടപ്പിക്കുന്ന വിധം കൈയടിച്ചു. സി.എച്ചിന്റെ പ്രസംഗം പോലെ പിന്നൊന്ന് ജീവിതത്തില്‍ കേട്ടിട്ടില്ല.

ഒളിമങ്ങാത്ത ശോഭയോടെ കേരളത്തിന്റെ രാഷ്ട്രീയ ചരിത്രത്തില്‍ ജ്വലിച്ചു നില്‍ക്കുന്ന വ്യക്തിത്വമാണ് സി.എച്ച് മുഹമ്മദ് കോയ. ഏതു തിരക്കിനിടയിലും കൊടപ്പനക്കല്‍ തറവാട്ടിലേക്ക് ആ ശുഭ്രസാന്നിധ്യം കടന്നുവരാറുണ്ട്. തിടുക്കത്തില്‍ കയറിവന്ന്, ചടുലമായി സംസാരിച്ച്, ഒരു മഴ പെയ്തു തോരുന്നതു പോലെ കടന്നു പോകുന്ന സി.എച്ച്. ചരിത്രം അപൂര്‍വ്വമായി സമ്മാനിക്കുന്ന സൗഭാഗ്യം. നമുക്ക് മറക്കാനാവില്ല. അല്ലാഹു ഖബര്‍ ജീവിതം വിശാലമാക്കട്ടെ. അദ്ദേഹത്തോടൊപ്പം നമ്മെയും ജന്നാത്തുല്‍ ഫിര്‍ദൗസില്‍ ഒരുമിച്ചു കൂട്ടുമാറാകട്ടെ. ആമീന്‍.

ബ്രിട്ടീഷ് സര്‍ക്കാരിന്റെ കാലം മുതല്‍ ഭരണകൂടങ്ങളുടെ അവഗണനക്കും അവകാശ നിഷേധങ്ങള്‍ക്കും വിധേയമായി ഇരുളില്‍ കഴിയേണ്ടി വന്ന ജനങഅങളില്‍ അറിവും ആത്മബലവും പകര്‍ന്ന്, അവരെ രാഷ്ട്രീയ പ്രബുദ്ധവും സംഘടിത ശക്തിയുമായി മാറ്റുന്നതില്‍ ഇക്കാലമത്രയും ചന്ദ്രിക വഹിച്ച പങ്ക് ചരിത്രം രേഖപ്പെടുത്തിയതാണ്. നാടിന്റെ സാമൂഹിക വിദ്യാഭ്യാസ വളര്‍ച്ചയിലും സര്‍വതുറകളിലുമുള്ള വികസനത്തിലും അതുല്യ സംഭാവനകളര്‍പ്പിച്ചതാണ് ചന്ദ്രകയുടെ കര്‍മ്മപഥം.രാജ്യത്തിന്റെയും സംസ്ഥാനത്തിന്റെയും രാഷ്ട്രീയ സാമൂഹിക പൊതുമണ്ഡലം പ്രശ്‌ന സങ്കീര്‍ണമായ സാഹചര്യത്തിലൂടെയാണ് കടന്നുപോകുന്നത്.കോവിഡ് മഹാമാരിയെ തുടര്‍ന്നുള്ള ആരോഗ്യ,സാമ്പത്തികപ്രതിസന്ധി നാടിനെ കടുത്ത പ്രയാസത്തിലാക്കിയിരിക്കുന്നു.

ഇത്തരം ആപത്ഘട്ടങ്ങളില്‍ ആശ്വാസം പകരുകയും ജനങ്ങളുടെ ക്ഷേമത്തിനായി പ്രവര്‍ത്തിക്കുകയും വേണ്ട ഭരണകൂടങ്ങള്‍ അഴിമതിയിലും സ്വജനപക്ഷപാതത്തിലും പെട്ട് മുഖം നഷ്ടപ്പെട്ടു കിടക്കുകയാണ്. ഉപജീവനമാര്‍ഗങ്ങള്‍ പോലും നഷ്ടമാകുകയും ഭാവിതവമുറയുംട വിദ്യാഭ്യാസ കാര്യങ്ങള്‍ പോലും അവതാളത്തിലാകുന്ന സന്ദര്‍ഭങ്ങളില്‍ പോലും കേന്ദ്ര സര്‍ക്കാര്‍ കടുത്ത ഫാസിസ്റ്റ് നടപടികള്‍ കൈകൊണ്ടു മുന്നോട്ട്‌പോകുന്നു. ജനവിരുദ്ധവും മനുഷ്യത്വരഹിതവുമായ ഇത്തരം രാഷ്ട്രീയ സമീപനങ്ങളെ തുറന്നുകാണിക്കാനും വേട്ടയാടപ്പെടുന്ന മനുഷ്യരുടെ വേദനകള്‍ ലോകത്തിന് മുന്നില്‍ അറിയിക്കാനും ആദര്‍ശ ധീരതയാര്‍ന്ന മാധ്യമപ്രവര്‍ത്തനവും മാധ്യമങ്ങളും അനിവാര്യമാണ്.

അധികാര കേന്ദ്രങ്ങളുടെ തിന്മകളോട് രാജിയാകാതെ ധീരമായ ചുവടുകളോടെ മുന്നേറുകയാണ് ചന്ദ്രിക.ഈ പ്രയാണത്തിന് കരുത്തേകാന്‍ ചന്ദ്രികയുടെ പ്രചാരണം ഊര്‍ജിതമാക്കാന്‍ മുസ്‌ലിം ലീഗ് ഘടകങ്ങളും അഭ്യുദയകാംക്ഷികളും മുന്നോട്ടുവരണമെന്ന് തങ്ങള്‍ അഭ്യര്‍ത്ഥിച്ചു.പുതിയ വരിക്കാരുടെ ലിസ്റ്റും തുകയും 25 നകം ചന്ദ്രിക യൂണിറ്റുകളില്‍ ഏല്‍പ്പിക്കണമെന്ന് തങ്ങള്‍ അഭ്യര്‍ത്ഥിച്ചു.
വര്‍ത്തമാനകാലത്ത് ചന്ദ്രികയുടെ പ്രചാരണം കൂടുതല്‍ ശക്തിപ്പെടേണ്ടത് അനിവാര്യമാണെന്ന് പികെ കുഞ്ഞാലിക്കുട്ടി എംപി പറഞ്ഞു. പ്രചാരണ വീഡിയോയും പോസ്റ്ററും പാണക്കാട് സയ്യിദ് സാദിഖലി തങ്ങള്‍ പുറത്തിറക്കി. മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെപിഎ മജീദ് സ്വാഗതം പറഞ്ഞു. മു സ് ലിം ലീഗ് ജില്ലാ പ്രസിഡന്റ്- സെക്രട്ടറിമാര്‍,ചന്ദ്രിക നിയോജക മണ്ഡലം കോഓര്‍ഡിനേറ്റര്‍മാര്‍,ചര്‍ച്ചയില്‍ പങ്കെടുത്തു. പിവി അബ്ദുല്‍ വഹാബ് എംപി,പ്രതിപക്ഷ ഉപനേതാവ് ഡോ.എംകെ മുനീര്‍,ചന്ദ്രിക ഡയറക്ടര്‍ പിഎംഎ സമീര്‍,ചന്ദ്രിക എഡിറ്റര്‍ സിപി സൈതലവി, ഡെപ്യൂട്ടി ജനറല്‍ മാനേജര്‍ നജീബ് ആലിക്കല്‍ സംസാരിച്ചു.

വൈകാരിക പ്രതികരണം ഗുണം ചെയ്യുക ബിജെപിക്കാണ്. മുസ്‌ലിം ലീഗ് നിലപാട് അതല്ല. മുതലെടുപ്പിനുള്ള ബിജെപിയുടെ ശ്രമങ്ങള്‍ക്ക് വളംവച്ചുകൊടുക്കാനില്ല. തദ്ദേശ-നിയമസഭാ തിരഞ്ഞെടുപ്പുകളില്‍ മുസ്്ലിം ലീഗിന്റെ ചുമതല പി.കെ. കുഞ്ഞാലിക്കുട്ടിക്ക് തന്നെയാണെന്നും തങ്ങള്‍ വ്യക്തമാക്കി.

നിരപരാധികളുടെ ജീവനും സ്വത്തിനും അങ്ങേയറ്റം വില കല്‍പ്പിക്കുന്ന മതമാണ് ഇസ്ലാം. ‘ഒരു നിരപരാധിയുടെ ജീവന്‍ ഹനിച്ചവന്‍ മുഴുവന്‍ മനുഷ്യരെയും കൊല ചെയ്തവനെ പോലെയാണ്’ എന്ന സന്ദേശമാണ് വിശുദ്ധ ഖുര്‍ആന്‍ അദ്ധ്യായം 5 ല്‍ 32 ആം വചനത്തില്‍ നല്‍കുന്നത്.

മറ്റൊരു വചനം കാണുക:

അല്ലാഹു ആദരിച്ച മനുഷ്യജീവനെ അന്യായമായി നിങ്ങള്‍ ഹനിക്കരുത്.(അദ്ധ്യായം 17 ,വചനം 33)

പ്രവാചകന്‍ (സ) പറഞ്ഞു:

‘മുസ്ലിംകളുമായി സൗഹൃദം പുലര്‍ത്തുന്ന ഒരാളെ ആരെങ്കിലും വധിച്ചാല്‍ അവന്‍ സ്വര്‍ഗ്ഗത്തിന്റെ പരിമളം പോലും അനുഭവിക്കുകയില്ല’. (സഹീഹ് മുസ്‌ലിം)

വിവിധ വിശ്വാസി സമൂഹങ്ങള്‍ പരസ്പര സഹവര്‍ത്തിത്വം പുലര്‍ത്തുന്ന കാലമാണിത്. എല്ലാ മനുഷ്യരുടെയും വേദനയും സ്വപ്‌നവും ജീവിതവും ഒരു പോലെയാണ്. എല്ലാ ജീവനും ഒരുപോലെ വിലമതിക്കപ്പെടേണ്ടതാണ്. മതം വ്യക്തമായ ഭാഷയില്‍ വിലക്കിയ അക്രമമാണ് എല്ലായ്‌പ്പോഴും ഭീകരതയുടെ പേരില്‍ അരങ്ങേറുന്നത്. അത്തരം വികല ചിന്തകള്‍ക്ക് ദീനില്‍ ഒരു അടിത്തറയുമില്ലെന്ന് വീണ്ടും വീണ്ടും ഉറക്കെയുറക്കെ വിളിച്ചു പറയുക തന്നെ ചെയ്യണം.

അത്ര കൊടും പാപം ചെയ്തവര്‍ അതിനുള്ള ന്യായീകരിക്കാന്‍ മത പ്രമാണങ്ങളെ വികലമാക്കി ഉപയോഗിക്കുന്നത് കണ്ടില്ലെന്ന് നടിക്കാന്‍ കഴിയില്ല. ന്യൂസിലാന്‍ഡില്‍ കഴിഞ്ഞ മാസം നടന്ന അതി നീചമായ അക്രമത്തെ ആ രാജ്യവും ലോക മനസ്സാക്ഷിയും എങ്ങനെ തള്ളിപ്പറഞ്ഞുവോ, അതേ രൂപത്തില്‍ ഈ അക്രമത്തെയും നാം തള്ളിപ്പറയുന്നു. ഇരകളായ നിരപരാധികളായ മനുഷ്യരെ നെഞ്ചോട് ചേര്‍ത്ത് പിടിക്കുന്നു. നിങ്ങള്‍ ഒറ്റക്കല്ല, ഭീകരതയുടെ ഇരകള്‍ മുഴുവന്‍ മാനവരാശിയുമാണ് എന്ന സത്യത്തിന് നാം അടിവരയിടേണ്ട സന്ദര്‍ഭമാണിത്.

തീര്‍ച്ചയാണ്. ഈ അക്രമം മാപ്പര്‍ഹിക്കുന്നതല്ല. മതത്തെ വികലമാക്കി ചിത്രീകരിച്ചു കൊണ്ടുള്ള ചാവേര്‍ അക്രമമായത് കൊണ്ട് തന്നെ മുസ്ലിം സമൂഹം പ്രത്യേകിച്ചും ഈ അക്രമത്തെ തള്ളിക്കളയുന്നു. മാനവികത പൂത്തുലഞ്ഞു നില്‍ക്കേണ്ട സന്ദര്‍ഭമാണിത്. ഇരകള്‍ ഒറ്റക്കല്ല. വേട്ടക്കാര്‍ മാത്രമാണ് ഒറ്റപ്പെടേണ്ടത്.