ശ്രീനിധി ഡെക്കാനെ 3:2ന് തോല്‍പ്പിച്ചാണ് സീസണ്‍ തുടങ്ങിയത്. റിയല്‍ കശ്മീരുമായി 1-1 സമനില. മലയാളിതാരം വി.പി സുഹൈര്‍, ഉറുഗ്വേ താരം മാര്‍ട്ടിന്‍ ഷാവേസ് തുടങ്ങിയവരുള്ള മുന്നേറ്റ നിരയാണ് ഗോകുലത്തിന്റെ കരുത്ത്. ഗോളടിക്കുന്നതിനൊപ്പം ഗോള്‍ വഴങ്ങുന്നു എന്നതാണ് പ്രധാന വെല്ലുവിളി.

‘ആരാധകര്‍ക്കുമുന്നിലെ ആദ്യമത്സരമാണ്. മികച്ച കളി അനുഭവത്തിനൊപ്പം വിജയവും സമ്മാനിക്കും’- ഗോകുലത്തിന്റെ സ്പാനിഷ് പരിശീലകന്‍ അന്റോണിയോ റുവേഡ പറഞ്ഞു. ആരാധകരുടെ വലിയ പിന്തുണ കരുത്താകുമെന്ന് വി പി സുഹൈറും പറഞ്ഞു. ‘മിസോറമില്‍നിന്ന് തീര്‍ത്തും വ്യത്യസ്തമായ കാലാവസ്ഥയില്‍ കളിക്കുകയെന്നത് വെല്ലുവിളിയാണ്. എങ്കിലും മുഴുവന്‍ കഴിവും പുറത്തെടുത്ത് വിജയം നേടും’– ഐസ്വാള്‍ കോച്ച് വിക്ടര്‍ പറഞ്ഞു. ഗ്യാലറിയില്‍ വനിതകള്‍ക്ക് പ്രവേശനം സൗജന്യമാണ്. 50 രൂപയാണ് ഗ്യാലറി ടിക്കറ്റ് നിരക്ക്. കുട്ടികള്‍ക്ക് 30 രൂപ.

13 ടീമുകള്‍ ആണ് ഇത്തവണ ലീഗില്‍ ഉള്ളത്. ഇന്റര്‍ കാശി, ഡല്‍ഹി എഫ്.സി, നാംദാരി എന്നീ മൂന്ന് ക്ലബുകള്‍ പുതുതായി ഐ ലീഗില്‍ എത്തിയിട്ടുണ്ട്. ഗോകുലം കേരള, ചര്‍ച്ചില്‍ ബ്രദേഴ്‌സ്, മുഹമ്മദന്‍സ്, ഐസ്വാള്‍, നെരോക, രാജസ്ഥാന്‍ യുണൈറ്റഡ്, റിയല്‍ കാശ്മീര്‍, ഷില്ലോങ് ലജോങ്, ശ്രീനിധി ഡെക്കാന്‍, ട്രാവു എന്നീ ക്ലബുകളും ലീഗില്‍ മാറ്റുരക്കുന്നുണ്ട്.

കണ്ണൂര്‍: കാല്‍പന്തുകളിയില്‍ കേമനായി, മൈതാനത്ത് കരുത്ത് തെളിയിച്ച മുഹമ്മദ് ഷര്‍ജീല്‍ ഐ ലീഗിന് വേണ്ടി കളിക്കും. സില്‍വാസ യൂണിറ്റഡ് എഫ്.സി താരമായി.
ഫുട്‌ബോളിലെ മികച്ച മുന്നേറ്റത്തിലൂടെ ജില്ലാ ഡിവിഷന്‍ ലീഗിലുള്‍പ്പെടെ തിളങ്ങിയ കരുത്തുമായാണ് മാടായി പുതിയങ്ങാടി സ്വദേശി ടി.കെ മുഹമ്മദ് ഷര്‍ജീല്‍ ഐ ലീഗിലും കളിക്കാന്‍ അവസരം നേടി പ്രൊഫഷണല്‍ ഫുട്‌ബോളിന്റെ ഭാഗമാകുന്നത്. പ്രതിരോധ നിരയിലെ കരുത്തില്‍ ധമാന്‍ സില്‍വാസ യൂണിറ്റഡ് ഫുട്‌ബോള്‍ ക്ലബ്ബ് താരമായി ഐ ലീഗ് പ്രവേശം. ക്ലബ്ബില്‍ സെലക്ഷന്‍ നേടിയ ഷര്‍ജീല്‍ നാളെ ടീമിന്റെ ഭാഗമാകും.

കാല്‍പന്തുകളിയില്‍ ആത്മവിശ്വാസം കൈമുതലാക്കിയ ഷര്‍ജീല്‍ കണ്ണൂരിലെ മാടായിയില്‍ നിന്ന് ആദ്യമായി ഐ ലീഗില്‍ കളിക്കാന്‍ അവസരം ലഭിച്ച താരമാണ്. നാടിന്റെ അകമഴിഞ്ഞ പിന്തുണയില്‍ കാല്‍പന്തുകളിയുടെ ആരവങ്ങളിലെത്തുമ്പോള്‍ ജില്ലയുടെ തന്നെ വാഗ്ദാനമാകും ഈ 19കാരന്‍. ഫുട്‌ബോള്‍ താരമായി കായികരംഗത്തും പ്രചോദനമാകും മേഖലയില്‍ ജോലിനേടണമെന്നാണ് ആഗ്രഹം.

ദുബായിയില്‍ ജോലിചെയ്യുന്ന പുതിയങ്ങാടി ഇട്ടമ്മലിലെ കെ.വി അബ്ദുല്‍ ജലീല്‍-ടി.കെ സാജിത ദമ്പതികളുടെ മകനാണ് ഹിന്ദുസ്ഥാന്‍ യൂണിവേഴ്‌സിറ്റി ബിഎസ്‌സി ഫിസിക്കല്‍ രണ്ടാം വര്‍ഷ വിദ്യാര്‍ഥിയായ ഷര്‍ജീല്‍. പുതിയങ്ങാടിയിലെ സി.എച്ച് മുഹമ്മദ് കോയ സ്‌പോര്‍ട്‌സ് അക്കാദമി, മുന്‍ ഐലീഗ് ഗോള്‍കീപ്പര്‍ സിയാസിന് കീഴില്‍ എരിപുരം സ്‌പോര്‍ട്‌സ് അക്കാദമി, ഫസ്റ്റ് ടച്ച് ഫുട്‌ബോള്‍ സ്‌കൂള്‍ എന്നിവിടങ്ങളിലും ചെന്നൈയിലെ ഹിന്ദുസ്ഥാന്‍ യൂണിവേഴ്‌സിറ്റിയിലുമായിരുന്നു പരിശീലനം.

31ാം മിനിറ്റില്‍ ഫിലിപ്പ് അഡ്‌ജെ, 39മിനിറ്റില്‍ ജസ്റ്റിന്‍ ജോര്‍ജ്ജ്, 86ാം മിനിറ്റില്‍ പെനാല്‍റ്റിയിലൂടെ ഷരീഫ് മുഹമ്മദ് എന്നിവരാണ് ഗോകുലത്തിനായി ലക്ഷ്യംകണ്ടത്. 23ാം മിനിറ്റില്‍ ജിതേശ്വര്‍ സിംഗിന്റെ സെല്‍ഫ് ഗോളും കേരളത്തിന് സഹായകരമായി. 88ാം മിനിറ്റില്‍ സോങ്പു സിംഗാണ് നെരോക്കയുടെ ആശ്വാസഗോള്‍ നേടിയത്.

മൂന്ന് കളികളില്‍ നിന്നും മൂന്നു പോയിന്റ് മാത്രമുള്ള കേരളക്ലബ് ലീഗ് ടേബിളില്‍ ഒമ്പതാം സ്ഥാനത്താണ്. കഴിഞ്ഞ മത്സരത്തില്‍ ഐസ്വാള്‍ എഫ്.സിയോട് ഏകപക്ഷീയമായ രണ്ട് ഗോളിന് ഗോകുലം തോറ്റിരുന്നു. അതേസമയം രണ്ടു കളികളില്‍ നിന്നും 4 പോയിന്റ് നേടിയ നെറോക്ക അഞ്ചാംസ്ഥാനത്താണ്.

പ്രതിരോധനിരയിലെ പാളിച്ചകള്‍ പരിഹരിച്ച് ഇന്നത്തെ മത്സരത്തില്‍ ഗോകുലം ശക്തമായി തിരിച്ചുവരുമെന്ന് കോച്ച് വിന്‍സെന്‍സോ ആല്‍ബര്‍ട്ടോ അനീസ് പറഞ്ഞു. ഘാനതാരങ്ങളായ ഡെന്നിസ് അന്ടവി, ഫിലിപ്പ് അഡ്ജ എന്നിവരിലാണ് ഗോകുലത്തിന്റെ പ്രതീക്ഷ. കഴിഞ്ഞ വര്‍ഷം ഗോകുലത്തിനു വേണ്ടി കളിച്ച നഥാനിയാല്‍ ഗാര്‍ഷ്യ ഇത്തവണ നെറോക്കയ്‌ക്കൊപ്പമാണ്.

ഘാന താരങ്ങളായ ഡെന്നിസ് അന്ടവിയിലും ഫിലിപ് അഡ്ജായിലുമാണ് ഗോകുലത്തിന്റെ പ്രതീക്ഷ. കഴിഞ്ഞ മത്സരത്തിന്റെ രണ്ടാം പകുതിയില്‍ ഇറങ്ങിയ ജിതിനും സോഡിങ്‌ലിയാനയും മികച്ച പ്രകടനമാണ് കാഴ്ചവെച്ചത്. രണ്ടു മത്സരത്തില്‍ നിന്നും അന്ടവി മൂന്ന് ഗോളും അഡ്ജ ഒരു ഗോളും ഒരു അസിസ്റ്റും നേടി.

ഐ ലീഗില്‍ ഒരിക്കല്‍പോലും ഐസ്വാള്‍ എഫ് സിയെ തോല്‍പിക്കാനായില്ലെന്ന നാണക്കേട് ഒഴിവാക്കുക കൂടിയാണ് ഗോകുലം ലക്ഷ്യമിടുന്നത്. രണ്ടു മത്സരത്തില്‍ നിന്നും മൂന്ന് പോയിന്റുമായി ഗോകുലം ഇപ്പോള്‍ ആറാം സ്ഥാനത്താണുള്ളത്. വണ്‍ സ്‌പോര്‍ട്‌സ് ചാനലിലും 24 ന്യൂസിലും മത്സരം തത്സമയസംപ്രേഷണമുണ്ടാകും.

അന്ടവി ആദ്യ മത്സരത്തില്‍ ഗോകുലത്തിനു വേണ്ടി ഗോള്‍ നേടിയിരുന്നു. പരിക്ക് കാരണം ആദ്യ മത്സരത്തില്‍ ഇറങ്ങാതിരുന്ന അഫ്ഘാന്‍ തരാം ഷെരീഫ് മുഹമ്മദ് ഇന്ന് കളത്തിലിറങ്ങിയേക്കും. പ്രതിരോധ നിരയില്‍ ഘാന താരവും ക്യാപ്റ്റനുമായ മുഹമ്മദ് അവാലിനൊപ്പം വയനാടുകാരന്‍ അലക്‌സും അണിനിരക്കും.

ഐലീഗില്‍ കേരളത്തില്‍ നിന്നുള്ള ഏക ക്ലബായ ഗോകുലം ടീമില്‍ ഇത്തവണ 11 മലയാളികളാണ് സ്ഥാനം പിടിച്ചത്. നാല് വിദേശ താരങ്ങളും ടീമിലുണ്ട്. ഗോകുലം റിസര്‍വ് ടീമില്‍ നിന്നും നാല് മലയാളികള്‍ ആണ് ഈ പ്രാവശ്യം സീനിയര്‍ ടീമില്‍ എത്തിയത്.

ഗോകുലം ഐ എഫ് എ ഷീല്‍ഡ് മത്സരങ്ങള്‍ക്ക് വേണ്ടി ഒരു മാസം മുന്നേ കൊല്‍ക്കത്തയില്‍ എത്തിയിരുന്നു. ഐ എഫ് എ ഷീല്‍ഡിനു ശേഷം ടീം കൊല്‍ക്കത്തയില്‍ തന്നെ പരിശീലനം തുടര്‍ന്നു. കോവിഡ് കാരണം രണ്ടു ഘട്ടങ്ങള്‍ ആയിട്ടാണ് ഈ പ്രാവശ്യം കളി നടക്കുന്നത്.
ആദ്യ ഘട്ടത്തില്‍ എല്ലാ ടീമുകളും തമ്മില്‍ കളിക്കും. അതില്‍ ആദ്യ സ്ഥാനത്തു വരുന്ന ആറു ടീമുകള്‍ രണ്ടാം ഘട്ടത്തില്‍ ഐ ലീഗ് കപ്പിന് വേണ്ടി കളിക്കും. ഭാക്കിയുള്ള അഞ്ചു ടീമുകള്‍ തമ്മില്‍ കളിച്ചു അതില്‍ ഏറ്റവും കുറവ് പോയിന്റ് നേടുന്ന ടീം റെലിഗെറ്റ് ആകും. വണ്‍ സ്‌പോര്‍ട്‌സ് ചാനലില്‍ കളി തത്സമയ സംപ്രേഷണം ചെയ്യും.

ഗോകുലം ടീം ലിസ്റ്റ്

ഗോള്‍കീപ്പര്‍സ്: സി കെ ഉബൈദ്, വിഘ്‌നേശ്വരന്‍ ഭാസ്‌കരന്‍, പി എ അജ്മല്‍

ഡിഫെന്‍ഡേര്‍സ്: അലക്‌സ് സാജി, ദീപക് ദേവരാണി, മുഹമ്മദ് ജാസിം, ജസ്റ്റിന്‍ ജോര്‍ജ്, നവോച്ച സിംഗ്, സോഡിങ്‌ലിയാന, സെബാസ്റ്റ്യന്‍, മുഹമ്മദ് അവാല്‍ (ക്യാപ്റ്റന്‍)

മിഡ്ഫീല്‍ഡര്‍സ്: മുഹമ്മദ് റാഷിദ്, ഷിബില്‍ മുഹമ്മദ്, മുത്തു ഇരുളാണ്ടി മായാകണ്ണന്‍, സല്‍മാന്‍ കെ, വിന്‍സി ബാരെറ്റോ, താഹിര്‍ സമാന്‍, എം സ് ജിതിന്‍.

ഫോവേഡ്‌സ്: എമില്‍ ബെന്നി, ഫിലിപ്പ് അഡ്ജ, ഡെന്നിസ് ആഗ്യരെ, റൊണാള്‍ഡ് സിംഗ്, ലാല്‍റോമാവിയ