നാടകീയതകള്‍ നിറഞ്ഞ ഐ ലീഗ് സീസണില്‍ ആദ്യം ചര്‍ച്ചില്‍ ബ്രദേഴ്‌സിനെ ചാമ്പ്യന്മാരായി പ്രഖ്യാപിച്ചതിനെതിരെ ഇന്റര്‍ കാശി അപ്പീലുകള്‍ നല്‍കിയിരുന്നു. പിന്നീട് കായിക തര്‍ക്ക പരിഹാര കോടതിയുടെ വിധി പ്രകാരം ജൂണ്‍ മാസത്തില്‍ ഇന്റര്‍ കാശിയെ ചാമ്പ്യന്മാരായി പ്രഖ്യാപിച്ചു.

ഇന്റര്‍ കാശി, രണ്ട് കേസുകളിലും വിജയം നേടിയ ശേഷം ഐ ലീഗ് കിരീടം സ്വന്തമാക്കി. ആദ്യ കേസ് നാമധാരി എഫ് സിക്കെതിരെ അയോഗ്യനായ കളിക്കാരനെ ഇറക്കിയതുമായി ബന്ധപ്പെട്ട് ഉണ്ടായിരുന്നു, രണ്ടാം കേസ് എഐഎഫ്എഫിന്റെ തുടര്‍ വിധിക്കെതിരെ ആണ്. ലീഗിലെ അവസാന മത്സരത്തില്‍ രാജസ്ഥാന യുണൈറ്റഡ്‌നെ തോല്‍പിച്ചാണ് ഇന്റര്‍ കാശി പട്ടികയില്‍ ഒന്നാമതെത്തിയത്.

ഇന്റര്‍ കാശിയുടെ ഐഎസ്എല്‍ പ്രവേശത്തോടെ ടീമുകളുടെ എണ്ണം പതിനാലായി ഉയര്‍ന്നു. ടീമിന്റെ അടുത്ത മത്സരം സൂപ്പര്‍ കപ്പില്‍ നോര്‍ത്ത് ഈസ്റ്റ് യുണൈറ്റഡ്‌ക്കെതിരെ ആണ്.

നിര്‍ണായക മത്സരത്തില്‍ ചെന്നൈ സിറ്റിയുടെ ചങ്കിടിപ്പ് കൂട്ടിയാണ് മത്സരം ആരംഭിച്ചത്. മൂന്നാം മിനിറ്റില്‍ ബിലാലയുടെ ഗോളില്‍ മിനര്‍വ ആദ്യം മുന്നിലെത്തി. ചെന്നൈക്കായി 56ാം മിനുറ്റില്‍ പെഡ്രോ പെനാല്‍റ്റിയിലൂടെ സമനില പിടിച്ചു. ഗൗരവ് ബോറയുടെ വകയായിരുന്നു അടുത്ത രണ്ടു ഗോളുകള്‍. ഇതോടെ ആവേശം നിറഞ്ഞ അവസാന പോരാട്ടങ്ങള്‍ക്കൊടുവില്‍ ചെന്നൈ കപ്പുയര്‍ത്തുകയായിരുന്നു.

കോഴിക്കോട്: ഐലീഗ് ഫുട്‌ബോളില്‍ ഗോകുലം കേരള എഫ്.സിക്ക് സീസണിലെ ആദ്യ തോല്‍വി. സ്പാനിഷ് താരങ്ങളുടെ കരുത്തില്‍ മുന്നേറിയ ചെന്നൈ സിറ്റി എഫ്.സിയാണ് രണ്ടിനെതിരെ മൂന്ന് ഗോളുകള്‍ക്ക് സ്വന്തംതട്ടകത്തില്‍ ഗോകുലത്തെ മുട്ടുകുത്തിച്ചത്. പെനാല്‍റ്റിയിലൂടെ ആന്റോണിയോ ജര്‍മെയ്ന്‍ (4), വി.പി സുഹൈര്‍(70) എന്നിവര്‍ കേരളത്തിനായി ലക്ഷ്യംകണ്ടമ്പോള്‍ പ്രവിട്ടോ രാജു(22), പെട്രോ ജാവിയര്‍(31), അമീറുദ്ദീന്‍ മൊഹിയുദ്ദീന്‍(68) എന്നിവരാണ് ചെന്നൈ ക്ലബിനായി ഗോള്‍നേടിയത്. ഇതോടെ മൂന്ന് കളിയില്‍ ഏഴുപോയന്റുള്ള ചെന്നൈ സിറ്റി എഫ്.സി പോയന്റ് ടേബിളില്‍ ഒന്നാമതെത്തി. ഗോകുലത്തിന്റെ മുന്നേറ്റത്തിന്റെ മുനയൊടിച്ച ചെന്നൈയുടെ പ്രതിരോധതാരം അജിത്ത് കുമാര്‍ കാമരാജാണ് കളിയിലെതാരം. അനാവശ്യ ഫൗള്‍വഴങ്ങിയ കേരള ക്യാപ്റ്റന്‍ മുഡ്ഡൈ മൂസ ചുവപ്പ് കാര്‍ഡ്കണ്ട് പുറത്ത് പോയത് ആതിഥേയര്‍ക്ക് തിരിച്ചടിയായി. മൂന്ന് സ്പാനിഷ് താരങ്ങളാണ് ചെന്നൈയ്ക്കായി ആദ്യ ഇലവനില്‍ ഇറങ്ങിയത്.

ടീം മലബാറിയന്‍സിന്റെ മുന്നേറ്റത്തോടെയാണ് കളിആരംഭിച്ചത്. ബോക്‌സില്‍വെച്ച് മലയാളി മധ്യനിരതാരം അര്‍ജ്ജുന്‍ജയരാജിന്റെ അക്രോബാറ്റിക് ഗോള്‍ശ്രമം ചെന്നൈ പ്രതിരോധതാരങ്ങള്‍ അപകടകരമാംവിധം തടഞ്ഞതാണ് ഗോകുലത്തിന്റെ ആദ്യഗോളിന് വഴിയൊരുക്കിയത്. അര്‍ജ്ജുനെ ഫൗള്‍ചെയ്തതിന് ലഭിച്ച പെനാല്‍റ്റി അനായാസം വലയിലെത്തിച്ച് അന്റോണിയോ ജര്‍മെയ്ന്‍ ആതിഥേയര്‍ക്ക് സ്വപ്‌നതുല്യമായ തുടക്കം നല്‍കി.(1-0) എന്നാല്‍ ഈ മുന്‍തൂക്കത്തില്‍ മുന്നേറികളിക്കുന്നതിന് പകരം കളിമറന്ന ഗോകുലത്തെയാണ് പിന്നീടങ്ങോട്ട് കണ്ടത്. തുടരെ തുടരെ ഗോകുലം ബോക്‌സിലേക്ക് കുതിച്ചെത്തിയ അയല്‍ക്കാര്‍ നിരന്തരം അപകടം വിതച്ചു.

സ്പാനിഷ്-ഇന്ത്യന്‍ കോമ്പിനേഷനില്‍ പിറന്ന സുന്ദരനീക്കങ്ങള്‍ക്കൊടുവിലാണ് ചെന്നൈ ടീം സമനില ഗോള്‍ കണ്ടെത്തിയത്. ഗോകുലം പ്രതിരോധനിരയെ വെട്ടിച്ച് മുന്നേറിയ സ്‌പെയിന്‍ മധ്യനിരതാരം നെസ്റ്റര്‍ ജീസസിന്റെ ഉജ്ജ്വലമായ ഷോട്ട് കേരള ഗോളി ഷിബിന്‍ രാജ് തട്ടിയകറ്റി. എന്നാല്‍ ബോക്‌സില്‍ തക്കംപാര്‍ത്തിരുന്ന പ്രവിട്ടോ രാജു അനായാസം പന്ത് പോസ്റ്റിലേക്ക് തിരിച്ചുവിട്ട് സന്ദര്‍ശകര്‍ക്ക് സമനില നേടികൊടുത്തു.(1-1). ആദ്യ ഗോളിന് സമാനമായ നീക്കമാണ് രണ്ടാംഗോളിനും ഇടയാക്കിയത്. ഇടതുവിംഗില്‍ നിന്ന് ചെന്നൈ ക്യാപ്റ്റന്‍ പെട്രോ ജാവിയറിന്റെ ഒറ്റയാന്‍ നീക്കം തടയാനുള്ള കേരള ഡിഫന്‍ഡര്‍ ഡാനിയല്‍ അഡോയുടെ ശ്രമം വിഫലമായി. മുന്നോട്ടിറങ്ങി പന്ത്തട്ടിയകറ്റാനുള്ള കേരള ഗോളി ഷിബിന്‍രാജിനും പിഴച്ചു. ഗോളിയില്ലാത്ത പോസ്റ്റിലേക്ക് പന്തടിച്ച് സ്പാനിഷ് താരം മത്സരത്തില്‍ ആദ്യമായി ചെന്നൈയ്ക്ക് ലീഡ് നേടികൊടുത്തു(2-1).കഴിഞ്ഞ ഹോംമത്സരത്തിലേതുപോലെ രണ്ടാംപകുതിയില്‍ എതിര്‍ ഗോള്‍മുഖത്തേക്ക് ഇരമ്പിയടുക്കുന്ന ഗോകുലത്തെയാണ് രണ്ടാം പകുതിയില്‍ കണ്ടത്.

പൂര്‍ണമായി കായികക്ഷമത വീണ്ടെടുക്കാത്ത അന്റോണിയോ ജര്‍മെയ്‌നെ പിന്‍വലിച്ച് എസ്. രാജേഷിനെ ഇറക്കിയതോടെ മുന്നേറ്റത്തിന് മൂര്‍ച്ചകൂടി. രാജേഷ്-അര്‍ജുന്‍-സുഹൈര്‍ നീക്കങ്ങള്‍ പലപ്പോഴും ചെന്നൈ ബോക്‌സില്‍ അപകടം വിതച്ചെങ്കിലും ഗോള്‍മാത്രം അകന്നുനിന്നു. ഗോകുലം പ്രതിരോധത്തിന്റെ പിഴവില്‍ മൂന്നാംഗോള്‍നേടി അയല്‍ക്കാര്‍ ലീഡ് ഉയര്‍ത്തി. 68ാം മിനിറ്റില്‍ പകരക്കാരനായി ഇറങ്ങിയ അമീറുദ്ദീന്‍ മൊഹിയുദ്ദീനിലൂടെയാണ് ലക്ഷ്യംകണ്ടത്. (3-1) എന്നാല്‍ തൊട്ടടുത്ത മിനിറ്റില്‍ മലയാളിതാരം വി.പി സുഹൈറിലൂടെ ഗോള്‍മടക്കിയ ഗോകുലം അതിവേഗം മത്സരത്തിലേക്ക് തിരിച്ചുവന്നു. (3-2). ബോക്‌സിന് പുറത്തുനിന്ന് മലയാളിതാരം ഉതിര്‍ത്ത ഉജ്ജ്വലമായ വലംകാലന്‍ ഷോട്ടിന് മുന്നില്‍ നിസഹായനായി നില്‍ക്കാനേ ചെന്നൈ ഗോളിക്ക് കഴിഞ്ഞുള്ളൂ.

89ാം മിനിറ്റില്‍ കേരള ക്യാപ്റ്റന്‍ മുഡ്ഡെ മൂസെയുടെ ഗോള്‍ശ്രമം പോസ്റ്റില്‍തട്ടിപുറത്തേക്ക് പോയത് അവിശ്വസിനീയമായാണ് കായിക പ്രേമികള്‍ കണ്ടത്. അവസാനമിനുറ്റില്‍ മത്സരം പരുക്കന്‍ കളിയിലേക്ക്‌നീങ്ങി. മൂന്ന് കളിയില്‍ രണ്ട് പോയന്റുള്ള കേരളം നിലവില്‍ ആറാം സ്ഥാനത്താണ്. എവേമത്സരത്തില്‍ ഞായറാഴ്ച ഷില്ലോംഗ് ലജോംഗുമായാണ് ഗോകുലത്തിന്റെ അടുത്തമത്സരം.

അടുത്ത മത്സരത്തില്‍ ജയത്തോടെ തിരിച്ചെത്തുമെന്ന പ്രതീക്ഷയും ഫുട്‌ബോള്‍ പ്രേമികള്‍ പങ്ക് വെച്ചു. കഴിഞ്ഞ ഐലീഗ് സീസണിലേക്കാള്‍ നിരവധി പേരാണ് ഇത്തവണ എത്തിയത്. വൈകിട്ട് അഞ്ചിനാണ് കളി ആരംഭിച്ചതെങ്കിലും കിക്കോഫിന് മുമ്പെ തന്നെ കോഴിക്കോട്ടെ ഫുട്‌ബോള്‍ ആരാധകര്‍ ഗാലറിയില്‍ സീറ്റുറപ്പിച്ചിരുന്നു. ഗ്രൗണ്ടിന് സമീപത്തെ ഫുട്‌ബോള്‍ അസോസിയേഷന്റെ ടിക്കറ്റ് കൗണ്ടറില്‍ രാവിലെ മുതല്‍ നീണ്ട നിര തന്നെയായിരുന്നു.

ഗോള്‍ മുഖത്തേക്ക് പന്തുമായി നീങ്ങുമ്പോള്‍ ആവേശത്തോടെ നാസിക്‌ഡോളിന്റെയും ചെണ്ടമേളത്തിന്റെയും അകമ്പടിയോടെയാണ് കാണികള്‍ ആവേശം കൊണ്ടത്.
ഇഷ്ട കളിക്കാരന്റെ പേര് വിളിച്ചും മൊബൈലില്‍ ഫ്‌ളാഷ് ലൈറ്റ് മിന്നിച്ചും കളിക്കാര്‍ക്ക് സപ്പോര്‍ട്ട് നല്‍കാന്‍ കോഴിക്കോടന്‍ ഫുട്‌ബോള്‍ പ്രേമികള്‍ ശ്രമിച്ചു. ആദ്യ റൗണ്ട് പോരാട്ടം അവസാനിപ്പിച്ചപ്പോള്‍ ഇന്ത്യയില്‍ തന്നെ കൂടുതല്‍കാണികള്‍ എത്തിയത് കോര്‍പറേഷന്‍ സ്റ്റേഡിയത്തിലായിരുന്നു. ആദ്യ ഹോംമാച്ചിന് ഇരുപതിനായിരത്തിലധികം പേരാണ് സ്റ്റേഡിയത്തില്‍ കളികണ്ടത്. കഴിഞ്ഞവര്‍ഷം നട്ടുച്ചക്ക് മത്സരം നടത്തിയതിനാല്‍ കാണികള്‍ കുറവായിരുന്നു.

കോഴിക്കോട്: ശക്തമായ മുന്നേറ്റനിരയെ അണിനിരത്തി ഐലീഗില്‍ ആദ്യജയം സ്വന്തമാക്കാനുറച്ച് ഗോകുലം കേരള എഫ്.സി ഇന്ന് രണ്ടാം ഹോം മത്സരത്തിനിറങ്ങുന്നു. വൈകീട്ട് അഞ്ചിന് കോര്‍പറേഷന്‍ സ്റ്റേഡിയത്തില്‍ നടക്കുന്ന പോരാട്ടത്തില്‍ അയല്‍ക്കാരായ ചെന്നൈ സിറ്റി എഫ്.സിയാണ് എതിരാളികള്‍. കരുത്തരായ മോഹന്‍ബഗാനെയും കഴിഞ്ഞതവണത്തെ രണ്ടാംസ്ഥാനക്കാരായ നെറോക്ക എഫ്.സിയേയും സമനിലയില്‍തളച്ച ആതിഥേയര്‍ക്ക് ലീഗില്‍ മുന്നേറാന്‍ ഞായറാഴ്ച വിജയം അനിവാര്യമാണ്. മുന്നേറ്റത്തിന് മൂര്‍ച്ചകൂട്ടാന്‍ ഒരു വിദേശതാരത്തെകൂടി ഗോകുലം കൂടാരത്തിലെത്തിച്ചു. ഐവറികോസ്റ്റ് സ്‌ട്രൈക്കര്‍ ആര്‍തര്‍ കൊവാസിയാണ് ഐ ലീഗില്‍ കേരളടീമിനായി ബൂട്ട്‌കെട്ടുന്നത്. കഴിഞ്ഞദിവസം ക്ലബിനൊപ്പം ചേര്‍ന്ന താരത്തിന്റെ രജിസ്‌ട്രേഷന്‍ നടപടികള്‍ പുരോഗമിക്കുകയാണ്. ചെന്നൈയുമായുള്ള മത്സരത്തില്‍ ഐവറികോസ്റ്റ് താരത്തെ ഉള്‍പ്പെടുത്തുമെന്ന് ടീം മാനേജ്‌മെന്റ് വ്യക്തമാക്കി.

അതേസമയം, കായികപ്രേമികള്‍ ഏറെ പ്രതീക്ഷയര്‍പ്പിച്ച സ്‌ട്രൈക്കര്‍ അന്റോണിയോ ജര്‍മെയ്ന്‍ ഫോമിലേക്ക് ഉയരാത്തത് ഗോകുലം ക്യാമ്പിനെ ആശങ്കയിലാഴ്ത്തുന്നു. ആദ്യ ഹോംമാച്ചില്‍ മികച്ച പ്രകടനത്തിലൂടെ കാണികളുടെ കൈയടിനേടിയ മലയാളി സ്‌ട്രൈക്കര്‍ എസ്. രാജേഷിലും മധ്യനിരതാരം അര്‍ജ്ജുന്‍ ജയരാജിലുമാണ് കേരള സംഘം പ്രതീക്ഷയര്‍പ്പിക്കുന്നത്. ടീം ഘടനയില്‍ വലിയമാറ്റങ്ങളിലെല്ലാതെയാണ് ഗോകുലം കളത്തിലിറങ്ങുകയെന്ന് കോച്ച് ബിനോ ജോര്‍ജ്ജ് പറഞ്ഞു. ചെന്നൈയ്‌ക്കെതിരെ ജയത്തോടെ വിലപ്പെട്ട മൂന്ന് പോയന്റ് സ്വന്തമാക്കുകയാണ് ലക്ഷ്യമെന്നും അദ്ദേഹം വ്യക്തമാക്കി.
ഒരു ജയവും സമനലിലുമായി നാല് പോയന്റുള്ള ചെന്നൈ സിറ്റി എഫ്.സി നിലവില്‍ പോയന്റ് ടേബിളില്‍ രണ്ടാംസ്ഥാനത്താണ്. മൂന്ന് മലയാളിതാരങ്ങളാണ് സ്‌ക്വാര്‍ഡിലുള്ളത്. കഴിഞ്ഞ കേരള പ്രീമിയര്‍ലീഗില്‍ ഗോകുലത്തിനായി കളത്തിലിറങ്ങിയ മലപ്പുറം സ്വദേശി മഷ്‌റൂം ഷെരീഫ് ഇത്തവണ ചെന്നൈ നിരയിലാണ്. നാല് സ്പാനിഷ് താരങ്ങളാണ് അയല്‍ക്കാരുടെ സ്‌ക്വാര്‍ഡിലുള്ളത്. ഗോകുലത്തെ അവരുടെ ഗ്രൗണ്ടില്‍ പരാജയപ്പെടുത്തുക പ്രയാസകരമാണെന്ന് ചെന്നൈ എഫ്.സി. കോച്ച് അക്ബര്‍ നവാസ് പറഞ്ഞു. ഐലീഗിലെ കഴിഞ്ഞ സീസണില്‍ ഇരു ടീമുകളും ഏറ്റുമുട്ടിയപ്പോള്‍ ഒരു സമനിലയും ഒരു വിജയവുമായി ഗോകുലത്തിനായിരുന്നു മുന്‍തൂക്കം.

ഐലീഗ് പുതിയസീസണില്‍ വിജയം ലക്ഷ്യമിട്ട് ഗോകുലം കേരള എഫ്.സി ഇന്ന് ആദ്യ പോരാട്ടത്തിന് ഇറങ്ങും. മുന്‍ ചാമ്പ്യന്‍മാരായ മോഹന്‍ ബഗാനാണ് എതിരാളികള്‍. വൈകുന്നേരം അഞ്ചിന് ഗോകുലത്തിന്റെ ഹോംഗ്രൗണ്ടായ കോഴിക്കോട് കോര്‍പറേഷന്‍ സ്റ്റേഡിയത്തിലാണ് മത്സരം. കഴിഞ്ഞസീസണില്‍ ബഗാനെ അവരുടെ തട്ടകത്തില്‍ തോല്‍പിക്കാനായത് ഗോകുലത്തിന് ആത്മവിശ്വാസം നല്‍കുന്നു.

കൊല്‍ക്കത്തന്‍ ടീമിനെതിരെ ഇതുവരെ കളിച്ച രണ്ട് മത്സരത്തില്‍ ഒരുജയവും തോല്‍വിയുമാണ് ഗോകുലത്തിന്റെ സമ്പാദ്യം. അതേസമയം, കഴിഞ്ഞതവണ ഗോകുലത്തിന്റെ മുന്നേറ്റനിരയില്‍ തിളങ്ങിയ ഉഗാണ്ടന്‍ സ്‌ട്രൈക്കര്‍ ഹെന്‍ട്രി കിസേക്ക ഇത്തവണ ബഗാന്‍ നിരയിലാണ്. മുന്നേറ്റനിരയില്‍ കേരളം ഉയര്‍ത്തിക്കാട്ടുന്ന മുന്‍ കേരള ബ്ലാസ്റ്റേഴ്‌സ് താരം അന്റോണിയോ ജെര്‍മന്‍ പൂര്‍ണമായി കായികക്ഷമത വീണ്ടെടുക്കാത്തതും ജയം തേടിയിറങ്ങുന്ന കേരള ടീമിന് വെല്ലുവിളിയാണ്.

എന്നാല്‍ ആദ്യ ഇലവനില്‍ ജര്‍മ്മന്‍ കളിക്കുമെന്ന് ടീം മാനേജ്‌മെന്റ് വ്യക്തമാക്കി. ഏതെങ്കിലുമൊരു താരത്തെ കേന്ദ്രീകരിച്ചുള്ള ഗെയിം പ്ലാനല്ല ഗോകുലത്തിന്റേതെന്ന് കോച്ച് ബിനോ ജോര്‍ജ്ജ് പറഞ്ഞു.

കോഴിക്കോട് കളിക്കാരെത്തി, സ്റ്റേഡിയവും ഒരുങ്ങി…. ഫുട്‌ബോളിനെ നെഞ്ചിലേറ്റിയ കോഴിക്കോട്ടുകാര്‍ക്ക് മുന്നില്‍ ഇനി ഐലീഗ് ആവേശപോരാട്ടം. നാളെ വൈകുന്നേരം അഞ്ച്മണിക്ക് കോര്‍പറേഷന്‍ സ്റ്റേഡിയത്തിലാണ് കായികപ്രേമികള്‍ കാത്തിരുന്ന മോഹന്‍ ബഗാന്‍- ഗോകുലം കേരള എഫ്.സി മത്സരം നടക്കുക. ഗോകുലത്തിന്റെ ഹോംഗ്രൗണ്ടായ സ്റ്റേഡിയം അവസാനഘട്ട മിനിക്കുപണിയിലാണ്. കാടുപിടിച്ചിരുന്ന പുല്ലുകള്‍ വെട്ടിമാറ്റി മോടികൂട്ടിയിട്ടുണ്ട്. ഇളകിയ പുല്ലുകള്‍ വെച്ചുപിടിപ്പിച്ചും ഗ്യാലറി പെയിന്റ് ചെയ്ത് സൗകര്യപ്പെടുത്തിയും സ്റ്റേഡിയത്തില്‍ വലിയമാറ്റങ്ങളാണ് നടത്തിയത്. വി.ഐ.പി പവലിയനില്‍നിന്ന് കളികാണാന്‍ പ്രയാസമുള്ളതിനാല്‍ കളിക്കാര്‍ പ്രവേശിക്കുന്ന ഭാഗത്ത് പുതിയവ ഒരുക്കി. അതിഥികള്‍ക്ക് ഇവിടെയാണ് ഇരിപ്പടം സജ്ജമാക്കിയിരിക്കുന്നത്. സ്റ്റേഡിയത്തിലെ തകര്‍ന്ന കസേരകള്‍മാറ്റി പുതിയവ സ്ഥാപിക്കും. ഫ്‌ളഡ്‌ലൈറ്റ് തകരാര്‍ പരിഹരിച്ച് പൂര്‍ണതോതില്‍ പ്രവര്‍ത്തനക്ഷമമാക്കുകയും ചെയ്തു.

കഴിഞ്ഞവര്‍ഷം നട്ടുച്ചക്കായിരുന്നു ഭൂരിഭാഗം മത്സരമെങ്കില്‍ ഇത്തവണ വൈകുന്നേരം അഞ്ച്മണിക്കും 7.30നുമാണ്. ഇതിനാല്‍തന്നെ പ്രതാപകാലത്തെ ഓര്‍മപ്പെടുത്തുന്നവിധം സ്റ്റേഡിയം നിറയുമെന്ന പ്രതീക്ഷയിലാണ് സംഘാടകര്‍. 30,000പേര്‍ക്ക് ഇരിക്കാവുന്ന ഗ്യാലറിയാണ് കോഴിക്കോട്ടേത്. 50രൂപയാണ് ഏറ്റവും കുറഞ്ഞ ടിക്കറ്റ് നിരക്ക്. 75രൂപയുടേയും 150രൂപയുടേയും ദിവസ ടിക്കറ്റുകളുണ്ട്. സീസണ്‍ ടിക്കറ്റുകള്‍ക്ക് 300,500, 700 രൂപയാണ് ഈടാക്കുന്നത്. പത്ത് മത്സരങ്ങളാണ് കോര്‍പറേഷന്‍ സ്‌റ്റേഡിയത്തിലുള്ളത്. ടിക്കറ്റുകള്‍ പെടിഎം ആപ്പിലൂടെയും വെബ്‌സൈറ്റ് വഴിയും ലഭിക്കും. മത്സരദിവസം സ്റ്റേഡിയത്തില്‍നിന്നും ആരാധകര്‍ക്ക് ടിക്കറ്റ് സ്വന്തമാക്കാം.

മുന്‍ ചാമ്പ്യന്‍മാരായ മോഹന്‍ബഗാനെ നേരിടുന്ന കേരള ടീം തികഞ്ഞ ആത്മവിശ്വാസത്തിലാണ്. കഴിഞ്ഞ സീസണില്‍ ഇരു ടീമുകളും ഏറ്റുമുട്ടിയപ്പോള്‍ ആദ്യ കളിയില്‍ സമനിലയും രണ്ടാം മത്സരത്തില്‍ വിജയവും നേടാനായത് ഗോകുലത്തിന്റെ ആത്മവിശ്വാസം കൂട്ടുന്നു. യുവത്വത്തിനും പരിചയസമ്പത്തിനും തുല്യ പ്രാധാന്യം നല്‍കിയുള്ള ടീമാണ് ഗോകുലത്തിന്റേത്. യുഗാണ്ടന്‍ താരം മുഡ്ഡെ മൂസയാണ് ടീം ക്യാപ്റ്റന്‍. മലയാളിതാരം മുഹമ്മദ് റാഷിദാണ് വൈസ് ക്യാപ്റ്റന്‍. ഐ.എസ്.എല്ലില്‍ മുന്‍സീസണില്‍ കേരള ബ്ലാസ്‌റ്റേഴ്‌സിനായി തിളങ്ങിയ സ്‌െ്രെടക്കര്‍ അന്റോണിയോ ജര്‍മ്മയ്‌നാണ് ഇത്തവണ ഗോകുലത്തിന്റെ തുറുപ്പ്ചീട്ട്.

ബ്രസീലില്‍ നിന്നുള്ള ഗില്‍ഹെര്‍മെ കാസ്‌ട്രോ(മുന്‍ നോര്‍ത്ത് ഈസ്റ്റ് യുണൈറ്റഡ് താരം) ,ഉസ്ബക്കിസ്ഥാന്റെ എവ്ജനി കൊച്ചേവ് കൂടി ചേരുന്നതോടെ ഏതുടീമുമായി കിടപിടിക്കാവുന്ന വിദേശതാരനിരയാണ് കേരള എഫ്.സിക്കുള്ളത്. മുന്‍ ഐലീഗ് ചാമ്പ്യന്‍മാരായ സന്ദര്‍ശക ടീം ഇത്തവണ ഒട്ടേറെ മാറ്റങ്ങളോടെയാണ് ആദ്യ പോരാട്ടത്തിന് ഇറങ്ങുന്നത്. മുന്‍ ഐ.എസ്.എല്‍ കേരള ബ്ലാസ്‌റ്റേഴ്‌സ് താരം മെഹതാബ് ഹുസൈന്‍, ഗോകുലത്തില്‍ നിന്ന് കൂടുമാറിയ യുഗാണ്ടന്‍ സ്‌്രൈടക്കര്‍ ഹെന്‍ട്രി കിസേക്ക, കാമറൂണ്‍ താരം അസര്‍ പിയറിക് ഡിപെന്‍ഡ തുടങ്ങി മികച്ച സംഘമാണ് ഇത്തവണ മോഹന്‍ബഗാനുള്ളത്. തിരുവനന്തപുരം സ്വദേശി ബ്രിട്ടോ മോഹന്‍ബഗാന്‍ ടീമിലെ ഏകമലയാളിസാന്നിധ്യമാണ്. പരിചയസമ്പന്നനായ ഷില്‍ട്ടണ്‍ പോളാണ് ഗോള്‍കീപ്പര്‍. ബഗാന്‍ ടീം ഇന്നലെ ദേവഗിരി കോളജ് ഗ്രൗണ്ടില്‍ പരിശീലനം നടത്തി

കോഴിക്കോട്: ഐലീഗില്‍ കഴിഞ്ഞതവണ നിര്‍ത്തിയിടത്ത്‌നിന്ന് വീണ്ടും തുടങ്ങാന്‍ ഗോകുലം കേരള എഫ്.സി. പുതിയ സീസണിന് മുന്നോടിയായി ടീം ഹോംഗ്രൗണ്ടായ കോര്‍പറേഷന്‍ സ്റ്റേഡിയത്തില്‍ പരിശീലനം ആരംഭിച്ചു. കഴിഞ്ഞവര്‍ഷം ആദ്യ ഐലീഗ് കളിച്ച ഗോകുലത്തിന് തുടക്കത്തില്‍ തിരിച്ചടി നേരിട്ടെങ്കിലും രണ്ടാംപാദത്തില്‍ വമ്പന്‍ ടീമുകളെയടക്കം മുട്ടുകുത്തിച്ച് ലീഗില്‍ ശക്തമായ തിരിച്ചുവരവാണ് നടത്തിയത്. പ്രഥമസീസണില്‍ ടീമിന്റെ വിജയത്തില്‍ നിര്‍ണായകപങ്ക് വഹിച്ച വിദേശ താരങ്ങളെ നിലനിര്‍ത്തിയും പരിചയസമ്പന്നരായ ഇന്ത്യന്‍ താരങ്ങളെ കൂടാരത്തിലെത്തിച്ചും ഇത്തവണ ഗോകുലം എതിരാളികള്‍ക്ക് മുന്നറിയിപ്പ് നല്‍കികഴിഞ്ഞു. ഐലീഗിന്റെ 12മത് സീസണില്‍ കരുത്തരായ മോഹന്‍ബഗാനുമായി ഈമാസം 28ന് കോര്‍പറേഷന്‍ സ്റ്റേഡിയത്തിലാണ് ഗോകുലത്തിന്റെ ആദ്യ മത്സരം.
രണ്ടാഴ്ച മുന്‍പ് സ്പാനിഷ് പരിശീലകന്‍ ഫെര്‍ണാണ്ടോ സാന്റിയാഗോ വലേറയെ പുറത്തായിക്കിയ ടീം മാനേജ്‌മെന്റ് പഴയപരിശീലന്‍ ബിനോ ജോര്‍ജ്ജില്‍ വിശ്വാസം അര്‍പ്പിക്കുകയായിരുന്നു. കോഴിക്കോട്ടുകാരന്‍ ഷിബിന്‍ രാജാണ് പുതിയസീസണില്‍ ഗോകുലത്തിന്റെ ഗോള്‍വലകാക്കുക. കഴിഞ്ഞ രണ്ട്‌സീസണില്‍ മോഹന്‍ബഗാനുവേണ്ടി തിളങ്ങിയ ഷിബിന്റെ വരവ് ടീമിന് പുത്തന്‍ ഊര്‍ജ്ജം നല്‍കുന്നു. ഷിബിനെ കൂടാതെ ഡല്‍ഹി ഡയനാമോസിന്റെ ബംഗാള്‍ ഗോള്‍കീപ്പര്‍ അര്‍ണബ് ദാസ് ശര്‍മ്മയും ടീമിനൊപ്പമുണ്ട്. കഴിഞ്ഞ സീസണില്‍ ഗോകുലത്തിനായി തിളങ്ങിയ സീനിയര്‍ വിദേശ താരങ്ങളായ ഡാനിയല്‍ അഡോ, മുഡ്ഡെ മൂസെ എന്നിവര്‍ക്ക് പുറമെ മുന്‍ ബ്ലാസ്റ്റേഴ്‌സ് താരം അന്റോണിയോ ജര്‍മ്മന്റെ സാന്നിധ്യം കേരളത്തില്‍ നിന്നുള്ള ഏക ഐലീഗ് ടീമിന് കരുത്താകും.
മലയാളി താരങ്ങളായ മുഹമ്മദ് റാഷിദ്, അര്‍ജ്ജുന്‍ ജയരാജ്, ഉസ്മാന്‍ ആഷിക് എന്നിവരെ നിലനിര്‍ത്തിയ ഗോകുലം മുന്നേറ്റത്തിന് മൂര്‍ച്ചകൂട്ടാന്‍ ഈസ്റ്റ് ബംഗാളില്‍ നിന്ന് വി.പി സുഹൈറിനേയും റെയില്‍വെയുടെ കഴിഞ്ഞവര്‍ഷത്തെ ടോപ് സ്‌കോറര്‍ എസ്.രാജേഷിനെയും ഒപ്പംകൂട്ടിയിട്ടുണ്ട്. നിലവില്‍ 14മലയാളിതാരങ്ങളാണ് ഗോകുലം ക്യാമ്പിലുള്ളത്. അതേസമയം, കഴിഞ്ഞ സീസണില്‍ ടീമിന്റെ മികച്ച പ്രകടനത്തിന് വഴിയൊരുക്കിയ യുഗാണ്ട താരം ഹെന്‍ട്രി കിസാക്കെ ബംഗാളിലേക്ക് കൂടുമാറിയത് ഗോകുലത്തിന് തിരിച്ചടിയാണ്. താരത്തിന് പകരക്കാരനെ കണ്ടെത്താന്‍ ഇതുവരെയായിട്ടില്ല. കഴിഞ്ഞവര്‍ഷത്തെ നായകന്‍ മലപ്പുറം സ്വദേശി മുഹമ്മദ് ഇര്‍ഷാദ് മിനവര്‍വ്വ പഞ്ചാബ് ടീമുമായി കരാറിലെത്തുകയും ചെയ്തു.
പരിശീലന സ്ഥാനമേറ്റ് കുറഞ്ഞദിവസത്തിനകം ടീമിനെയൊരുക്കേണ്ടിവരുന്നത് ശ്രമകരമായ ദൗത്യമാണെന്ന് കോച്ച് ബിനോ ജോര്‍ജ്ജ് പറഞ്ഞു. പഴയകോച്ചിന് കീഴില്‍ കളിച്ച ടീമിന്റെ ശൈലി മാറ്റിയെടുക്കാന്‍ സമയമെടുക്കും. മുന്‍ സീസണിലെ രണ്ടാം പാദത്തില്‍ മോഹന്‍ബഗാന്‍, ഈസ്റ്റ് ബംഗാള്‍, ചാമ്പ്യനായ മിനര്‍വ്വ പഞ്ചാബ് എന്നിവരെ തോല്‍പിച്ച ടീം അതേ ആവേശത്തോടെയാണ് പുതിയസീസണിന് ഒരുങ്ങുന്നത്. തുടക്കംമുതല്‍ മുന്നേറി ആദ്യ മൂന്ന് സ്ഥാനങ്ങളില്‍ നിലനില്‍ക്കുകയാണ് ലക്ഷ്യമിടുന്നതെന്നും ബിനോ ജോര്‍ജ്ജ് പറഞ്ഞു.

ഐ.എസ്.എല്ലില്‍ പൂനൈ സിറ്റിക്കായി മധ്യനിരയില്‍ പുറത്തെടുത്ത മികവാണ് യുവതാരം ആഷിഖ് കരുണിയന്‍ ടീമില്‍ ഇടം നേടിക്കൊടുത്തത്. മോഹന്‍ ബഗാനും ജംഷഡ്പൂരിനുമായി പ്രതിരോധത്തില്‍ തിളങ്ങിയ അനസ് തൊടികയുടെ അനുഭവ സമ്പത്തും ടീമിനു ഗുണകരമാവുമെന്ന പ്രതീക്ഷയും പരിശീലകനുണ്ട്.

മുംബൈയില്‍ നടക്കുന്ന ക്യാമ്പിന് ശേഷമാണ് കോണ്ടിനെന്റല്‍ കപ്പിനായുള്ള ദേശീയ ടീമിനെ സ്റ്റീഫന്‍ കോണ്‍സ്റ്റന്റെയ്ന്‍ പ്രഖ്യാപിക്കുക. ജൂണ്‍ ഒന്നിന് ആരംഭിക്കുന്ന ടൂര്‍ണമെന്റില്‍ കെനിയ, ചൈനീസ് തായ്‌പേയ്, ന്യൂസിലാന്‍ഡ് എന്നീ രാജ്യങ്ങളാണ് പങ്കെടുക്കുക

നോര്‍ത്ത് ഈസ്റ്റിനെതിരെ മികച്ച പ്രകടനമാണ് ഗോകുലം പുറത്തെടുത്തത്. തകര്‍ത്തു കളിച്ച ഗോകുലം ആദ്യപകുതിയില്‍ തന്നെ ലീഡ് നേടി. 43ാം മിനിറ്റില്‍ മധ്യനിരക്ക് സമീപത്ത് നിന്ന് അര്‍ജുന്‍ ജയരാജ് നീട്ടി നല്‍കിയ ത്രൂപാസ് പിടിച്ചെടുത്ത് കിസേക്ക തൊടുത്ത ഷോട്ട് നോര്‍ത്ത് ഈസ്റ്റ് ഗോള്‍കീപ്പര്‍ ടി.പി രഹനേഷിനെ കബളിപ്പിച്ച് വലയിലെത്തി.

തിരിച്ചു വരവിനായി കിണഞ്ഞു ശ്രമിച്ച നോര്‍ത്ത് ഈസ്റ്റിനെ നിരാശരാക്കി ഗോകുലം ലീഡ് വര്‍ധിപ്പിച്ചു. ഇത്തവണയും അര്‍ജുന്‍ ജയരാജ്-ഹെന്റി കിസേക്ക കൂട്ടുകെട്ടാണ് ഗോളിന് വഴിയൊരുക്കിയത്. പന്തുമായി വലത് വിങ്ങിലൂടെ കുതിച്ചെത്തിയ അര്‍ജുന്‍ ജയരാജ് ബോക്‌സിന് നടുവില്‍ നിലയുറപ്പിച്ച കിസേക്കക്ക് പന്ത് മറിച്ചു. തടയാനെത്തിയ നോര്‍ത്ത് ഈസ്റ്റ് പ്രതിരോധനിരയെ വിദഗ്ധമായി കബളിപ്പിച്ച് കിസേക്കയുടെ ഗോള്‍ വലയില്‍ മുത്തമിട്ടു.

കേരള ബ്ലാസ്റ്റേഴ്‌സിന് ശേഷം സൂപ്പര്‍കപ്പിന് യോഗ്യത നേടുന്ന രണ്ടാമത്തെ കേരള ടീമാണ് ഗോകുലം എഫ്.സി. ഐ.എസ്.എല്‍ ഫൈനലിസ്റ്റുകളായ ബെംഗളൂരു എഫ്.സിയാണ് സൂപ്പര്‍കപ്പില്‍ ഗോകുലത്തിന്റെ ആദ്യ എതിരാളികള്‍.