യുപിഎസ്‌സി പരീക്ഷയില്‍ ടിന ഒന്നാമതായിരുന്നു. അതിലേറെ വാര്‍ത്തയായത് സഹപാഠി ആമിറുമായുള്ള അവരുടെ വിവാഹമായിരുന്നു. കശ്മീരിയാണ് ആമിര്‍. പരിശീലന കാലയളവില്‍ കണ്ടുമുട്ടിയ ഇരുവരും പ്രണയത്തിലാകുകയായിരുന്നു. 2018ലായിരുന്നു വിവാഹം.

രാജസ്ഥാന്‍ കേഡറിലായിരുന്നു ഇവരുടെ ആദ്യ നിയമനം. 2018 ഒക്ടോബറില്‍ ഭില്‍വാരയിലെ സബ് ഡിവിഷണല്‍ ഓഫീസര്‍ ആയായിരുന്നു ടിനയുടെ ഔദ്യോഗിക ജീവിതം. ആഴ്ചകള്‍ക്ക് ശേഷം ഭില്‍വാരയില്‍ തന്നെ സബ് ഡിവിഷണല്‍ മജിസ്‌ട്രേറ്റ് ആയി ആയിരുന്നു ആമിറിന്റെ നിയമനം.

നിലവില്‍ ധനവകുപ്പിലെ ജോയിന്റ് സെക്രട്ടറിയാണ് ടിന. ഇജിഎസ് സിഇഒ ആണ് ആമിര്‍. നേരത്തെ, ഇവരുടെ വിവാഹത്തെ ലവ് ജിഹാദാണെന്ന് ആരോപിച്ച് ഹിന്ദു മഹാസഭ രംഗത്തെത്തിയിരുന്നു.