സ്വപ്നതുല്യമായൊരു യാത്രയിലാണ് ഇന്ത്യന്‍ ടീം. ഏറെ നാളത്തെ പരീക്ഷണള്‍ക്ക് ശേഷം രാകിമിനുക്കപ്പെട്ടെരു സംഘം ഒന്‍പത് തുടര്‍ജയങ്ങളുടെ കരുത്തിലാണ് സെമിഫൈനലിനിറങ്ങുന്നത്. 12 വര്‍ഷത്തെ കിരീടവരള്‍ച്ചയ്ക്ക് അറുതികുറിക്കുക എന്നത് മാത്രമാണ് ക്യാപ്റ്റന്‍ രോഹിത് ശര്‍മ്മയുടെയും സംഘത്തിന്റെയും ലക്ഷ്യം. വിരാട് കോഹ്‌ലിയും രോഹിത് ശര്‍മ്മയും, നയിക്കുന്ന ബാറ്റിങ് നിര ബൗളര്‍മാരുടെ പേടിസ്വപ്നമാണ്.

ശുഭ്മാന്‍ ഗില്‍, ശ്രേയസ് അയ്യര്‍, കെഎല്‍ രാഹുല്‍,സൂര്യകുമാര്‍ യാദവ്. ഈ ലോകകപ്പില്‍ ബൗളര്‍മാര്‍ക്ക് ദുസ്വപ്നങ്ങള്‍ മാത്രം സമ്മാനിച്ച ബാറ്റര്‍മാര്‍. ഇതുവരെ കണ്ടിട്ടില്ലാത്ത പേസ് ബൗളിങ് മാസ്മരികത ആരാധകര്‍ക്ക് സമ്മാനിച്ച ബുംറയും, സിറാജും, ഷമിയും വാംഖഡെയില്‍ ഒരിക്കല്‍ക്കൂടി തീതുപ്പുമെന്ന് പ്രതീക്ഷിക്കാം. ജഡേജയും, കുല്‍ദീപും ഫോം തുടര്‍ന്നാല്‍ ന്യുസീലന്‍ഡ് തകര്‍ന്ന് തരിപ്പണമാകും.

ക്രിക്കറ്റിലെ അതിസമര്‍ഥരായ കിവീസാണ് നീലപ്പടയെ വെല്ലുവിളിക്കാന്‍ എത്തുന്നത്. കെയ്ന്‍ വില്യംസന്റെ തിരിച്ചുവരവോടെ ബാറ്റിങ് നിര സന്തുലിതമായിട്ടുണ്ട്. രചിന്‍ രവീന്ദ്രയുടെ റണ്‍മഴ മുംബൈയിലും കിവീസ് കൊതിക്കുന്നു. ട്രെന്റ് ബോള്‍ട്ട് നേതൃത്വം നല്‍കുന്ന ബൗളിങ് നിര താളംകണ്ടെത്തിയാലെ ന്യൂസീലന്‍ഡിന് രക്ഷയുളളു.

ടോസ് നിര്‍ണായകമല്ലെന്ന് രോഹിത് ശര്‍മ്മ പറയുമ്പോഴും, ആദ്യം ബാറ്റ് ചെയ്യുന്നവര്‍ക്ക് മുന്‍തൂക്കം ലഭിക്കുമെന്നത് വസ്തുതയാണ്. ഉച്ചവെയിലില്‍ ബാറ്റിങ് കൂടുതല്‍ എളുപ്പമാണ്. ഫ്‌ലഡ്ലൈറ്റുകള്‍ക്ക് കീഴിലെ ബൗളിങ് ബാറ്റ് ചെയ്യുന്നവര്‍ക്ക് വെല്ലുവിളിയാണ്. പന്ത് കൃത്യമായി സ്വിങ് ചെയ്യും. ഇരു ടീമിലും മാറ്റങ്ങള്‍ക്ക് സാധ്യതയില്ല. ഇന്ത്യന്‍ പടയോട്ടം മുംബൈയിലും, തുടരുമോ, 2019ലെ നാടകീയത ആവര്‍ത്തിക്കുമോ. കാത്തിരിക്കാം ക്ലാസിക് പോരിനായി.

4 റണ്ണെടുക്കുന്നതിനിടെ ക്വിന്റന്‍ ഡീകോക് രണ്ടു പന്തില്‍ 4 പുറത്തായെങ്കിലും രണ്ടാം വിക്കറ്റില്‍ റീസ ഹെന്‍ഡ്രിക്‌സും വാന്‍ ഡെര്‍ ഡ്യുസനും ചേര്‍ന്ന് ടീമിനെ നൂറു കടത്തി. 61 പന്തില്‍ 60 റണ്‍സെടുത്ത് ഡ്യുസനും 75 പന്തില്‍ 85 റണ്‍സെടുത്ത് ഹെന്‍ഡ്രിക്‌സും പുറത്താകുമ്പോള്‍ ടീം 164ലെത്തിയിരുന്നു.

എയ്ഡന്‍ മാര്‍ക്രം 44 പന്തില്‍ 42, ഡേവിഡ് മില്ലര്‍ ആറു പന്തില്‍ അഞ്ച് എന്നിവരും മടങ്ങി. പിന്നാലെ ആറാം വിക്കറ്റില്‍ ക്ലാസനും ജാന്‍സെനും ചേര്‍ന്ന് തകര്‍ത്തടിക്കുകയായിരുന്നു. ഇരുവരും ചേര്‍ന്ന് 62 പന്തിലാണ് നൂറു റണ്‍സ് കൂട്ടുകെട്ട് പിറന്നത്. അടുത്ത 14 പന്തില്‍ പാര്‍ട്ണര്‍ഷിപ്പ് 150 കടത്തി.

61 പന്തിലാണ് ക്ലാസന്‍ സെഞ്ച്വറി നേടിയത്. പിന്നാലെ ജാന്‍സെന്‍ 35 പന്തില്‍ അര്‍ധ സെഞ്ച്വറി പൂര്‍ത്തിയാക്കി. 42 പന്തില്‍ 75 റണ്‍സുമായി താരം പുറത്താകാതെ നിന്നു. 6 സിക്‌സും മൂന്നു ഫോറുമാണ് താരം നേടിയത്. ഒരു റണ്ണുമായി കേശവ് മഹാരാജും പുറത്താകാതെ നിന്നു. മൂന്നു റണ്ണെടുത്ത ജേറാള്‍ഡ് കോറ്റ്‌സാണ് പുറത്തായ മറ്റൊരു താരം. ഇംഗ്ലണ്ടിനായി റീസ് ടോപ്ലി മൂന്നു വിക്കറ്റ് വീഴ്ത്തി. ഗസ് അറ്റ്കിന്‍സണ്‍, ആദില്‍ റാഷിദ് എന്നിവര്‍ രണ്ടു വീതം വിക്കറ്റും നേടി.

മൂന്ന് കളികളില്‍  4 പോയന്റുള്ള ദക്ഷിണാഫ്രിക്കക്കും രണ്ട് പോയന്റുള്ള ഇംഗ്ലണ്ടും വിജയം ലക്ഷ്യമിട്ടാണ് കളത്തിലിറങ്ങിയത്. ആദ്യ കളിയില്‍ ന്യൂസിലന്‍ഡിനോട് തോറ്റ നിലവിലെ ജേതാക്കളായ ഇംഗ്ലണ്ട് രണ്ടാം മത്സരത്തില്‍ ബംഗ്ലാദേശിനെ തോല്‍പിച്ചിരുന്നു. മൂന്നാം കളിയില്‍ 69 റണ്‍സിന്റെ ഞെട്ടിക്കുന്ന തോല്‍വിയായിരുന്നു ഇംഗ്ലണ്ടിന്റേത്. ശ്രീലങ്കയെയും ആസ്‌ട്രേലിയയെയും കീഴടക്കിയ ദക്ഷിണാഫ്രിക്ക, പിന്നീട് നെതര്‍ലന്‍ഡ്‌സിനോടേറ്റ തോല്‍വിയുടെ ക്ഷീണത്തിലാണ് വാംഖഡെ സ്‌റ്റേഡിയത്തില്‍ ഇറങ്ങിയത്.

ഇതിനകം മൂന്ന് മല്‍സരങ്ങളാണ് ചാമ്പ്യന്മാര്‍ ലോകകപ്പില്‍ കളിച്ചത്. ഇതില്‍ ആകെ ഒരു വിജയം മാത്രമാണ് സമ്പാദിക്കാനായത്. ഉദ്ഘാടന മല്‍സരത്തില്‍ ന്യുസിലന്‍ഡിന് മുന്നില്‍ അടിയറവ് പറഞ്ഞ ഇംഗ്ലണ്ട് അവസാന മല്‍സരത്തില്‍ അഫ്ഗാനിസ്താന് മുന്നിലും തല താഴ്ത്തിയിരുന്നു. സെമി സാധ്യത നിലനിര്‍ത്താന്‍ ഇനിയുള്ള എല്ലാ മല്‍സരങ്ങളിലും വിജയം നിര്‍ബന്ധമായിരിക്കെയാണ് താന്‍ ആരോഗ്യം വീണ്ടെടുത്തതായി സ്റ്റോക്സ് വ്യക്തമാക്കിയത്. ഇന്നലെ മുംബൈ വാംഖഡെ സ്റ്റേഡിയത്തില്‍ ഇംഗ്ലീഷ് ടീമിനൊപ്പം അദ്ദേഹം പരിശീലനം നടത്തി. കരുത്തരായ ദക്ഷിണാഫ്രിക്കയാണ് ഇംഗ്ലണ്ടിന്റെ അടുത്ത പ്രതിയോഗികള്‍.

ആദ്യ രണ്ട് കളികളില്‍ പരാജയപ്പെട്ട ഓസ്‌ട്രേലിയക്കാര്‍ മൂന്നാം മല്‍സരത്തില്‍ ശ്രീലങ്കക്കാരെ കശക്കി കരുത്ത് തെളിയിച്ചിട്ടുണ്ട്. രണ്ട് ടീമുകള്‍ക്കും തോല്‍വി ആലോചിക്കാന്‍ പോലുമാവാത്ത അവസ്ഥയില്‍ പോരാട്ടം കനക്കും. ആദ്യ രണ്ട് കളികളും വിജയിച്ച പാക്കിസ്താനാണ് ടേബിളില്‍ ഓസ്‌ട്രേലിയക്കാരെക്കാള്‍ മുന്നില്‍. നെറ്റ് റണ്‍റേറ്റിലും അവര്‍ തന്നെ. പക്ഷേ ബബര്‍ സംഘം സമ്മര്‍ദ്ദത്തില്‍ തളരാറുണ്ട്. അതാണ് തലവേദന. ബാറ്റര്‍മാര്‍ വിശ്വാസ്യത കാട്ടുമ്പോള്‍ ബൗളിംഗാണ് നിലവാരത്തിനൊത്തുയരാത്തത്. ഷഹിന്‍ ഷാ അഫ്രീദിയിലായിരുന്നു ടീമിന്റെ വലിയ പ്രതീക്ഷ. പക്ഷേ ഇത് വരെ ഇടം കൈയ്യന്‍ സീമര്‍ക്ക് വിക്കറ്റ് വേട്ടക്കായിട്ടില്ല. നസീം ഷാ പരുക്കില്‍ പുറത്തായപ്പോള്‍ ഹാരിസ് റൗഫ്, ഹസന്‍ അലി എന്നിവര്‍ക്കും പ്രതിയോഗികളെ പേടിപ്പിക്കാനാവുന്നില്ല. സ്പിന്നിന് പേരുകേട്ടവരാണ് പാക്കിസ്താന്‍. പക്ഷേ മുഹമ്മദ് നവാസും ഷദാബ് ഖാനുമെല്ലാം ശരാശരിക്കാര്‍. ഓസീസിന് പ്രശ്‌നം പക്ഷേ ബാറ്റിംഗാണ്. മിച്ചല്‍ മാര്‍ഷ് അവസാന മല്‍സരത്തില്‍ ഫോമിലെത്തി. അപ്പോഴും ഡേവിഡ് വാര്‍ണറും സ്റ്റീവന്‍ സ്മിത്തും മാര്‍നസ് ലബുഷാനേയുമെല്ലാം നിരാശപ്പെടുത്തുന്നു. സ്പിന്നര്‍ ആദം സാംപയായിരുന്നു ലങ്കക്കെതിരായ മല്‍സരത്തിലെ ഹീറോ. ചിന്നസ്വാമിയില്‍ സ്പിന്‍ നിര്‍ണായകമാണെന്നിരിക്കെ സാംപക്ക് ഇന്നും വലിയ റോളുണ്ടാവും. നായകന്‍ പാറ്റ് കമിന്‍സ്, ജോഷ് ഹേസില്‍വുഡ്, മിച്ചല്‍ സ്റ്റാര്‍ക്ക് എന്നിവരായിരിക്കും പേസ് ഡിപ്പാര്‍ട്ട്‌മെന്റിന് നായകത്വം വഹിക്കുക. മല്‍സരം രണ്ട് മണി മുതല്‍.

ലോകകപ്പ് ക്രിക്കറ്റിലെ ഇന്ത്യാ പാക് ക്ലാസിക് പോരാട്ടം നാളെ അഹമ്മദാബാദ് നരേന്ദ്ര മോദി സ്‌റ്റേഡിയത്തില്‍ അരങ്ങേറും. മുഹമ്മദ് സിറാജിന് പകരം മുഹമ്മദ് ഷമി പേസ് നിരയില്‍ ടീമിലെത്തിയേക്കും.

പാക്കിസ്താന്‍ കാണികളുണ്ടായിരുന്നുവെങ്കില്‍ നന്നായിരുന്നുവെന്നും, ഇന്ത്യന്‍ ആരാധകര്‍ക്കിടയില്‍ കളിക്കുന്നത് സമ്മര്‍ദമുണ്ടാക്കുന്നില്ലെന്നും പാകിസ്താന്‍ ക്യാപ്റ്റന്‍ ബാബര്‍ അസം പറഞ്ഞു.

നാളെയാണ് ആ ദിനം. ഇന്ത്യന്‍ ക്രിക്കറ്റ് ആരാധകര്‍ അഹമ്മദാബാദിലേക്ക് ഒഴുകുകയാണ് . 92 മുതല്‍ ഏകദിന ലോകകപ്പുകളില്‍ പാകിസ്താനെതിരെ തുടരുന്ന ജൈത്രയാത്രക്ക് തടയിടാന്‍ ആവും അവരുടെ പേസ് സ്പിന്‍ പട ശ്രമിക്കുക.

പാകിസ്താനെതിരെ 35 വിക്കറ്റ് നേടിയിട്ടുള്ള ഷമിയാവും ഇന്ത്യയുടെ പേസ് അറ്റാക്കില്‍ ബുമ്രയ്ക്ക് കൂടെയുണ്ടാവുക. അഹമ്മദാബാദില്‍ 2 മണിക്കൂര്‍ പാകിസ്താന്‍ ടീം നെറ്റ്‌സില്‍ പരിശീലനം നടത്തി. ഇന്ത്യയുടെ വിജയം തടയാന്‍ കഴിയില്ലെന്ന് ഇന്ത്യന്‍ ആരാധകര്‍ പറഞ്ഞു.

ഇന്ത്യയെ പോലെ 2 കളിയും ജയിച്ച് വരുന്ന പാകിസ്താന്‍ കടുത്ത വെല്ലുവിളി തന്നെ ഉയര്‍ത്തും. അബ്ദുല്ല ഷഫീക്കിനും റിസ്വാനും ഒപ്പം ബാബര്‍ അസം കൂടി ഫോമിലേക്ക് തിരിചെത്തിയാല്‍ ഇന്ത്യക്ക് ഭാരം കൂടും. ഹൈദരാബാദില്‍ കിട്ടിയ ഗാലറിയുടെ പിന്തുണ അഹമ്മദാബാദിലും പ്രതീക്ഷിക്കുന്നുവെന്നും ബാബര്‍ അസം.