തുര്‍ക്കിക്ക് പുറമെ, ഫ്രാന്‍സും ജര്‍മനിയും റഷ്യയുമാണ് ഉച്ചകോടിയില്‍ പങ്കെടുക്കുന്നത്. ഇദ്‌ലിബില്‍നിന്ന് വിമതരെ തുരത്താനുള്ള സിറിയന്‍ സൈനിക നടപടി അഭയാര്‍ത്ഥി പ്രവാഹം ഉള്‍പ്പെടെയുള്ള വന്‍ പ്രത്യാഘാതങ്ങളുണ്ടാക്കുമെന്ന് തന്നെയാണ് പൊതുവികാരമെന്ന് കാലിന്‍ പറഞ്ഞു. കൂട്ടക്കുരുതി ഉള്‍പ്പെടെയുള്ള മാനുഷിക ദുരന്തങ്ങള്‍ തടഞ്ഞ് സാധാരണക്കാരെ സംരക്ഷിക്കണമെന്നും ഇദ്്‌ലിബിന്റെ തല്‍സ്ഥിതി തുടരണമെന്നുമാണ് തുര്‍ക്കിയുടെ നിലപാട്.

ഇദ്്‌ലിബില്‍ സിറിയയും റഷ്യയും തുടുരുന്ന ബോംബാക്രമണം അംഗീകരിക്കാനാവില്ല. പ്രതിസന്ധിക്ക് രാഷ്ട്രീയ പരിഹാരം കാണാന്‍ അന്താരാഷ്ട്ര സമൂഹം മുന്‍കൈയെടുക്കണം. അയല്‍രാജ്യമെന്ന നിലയില്‍ തുര്‍ക്കിയെയാണ് ഇതിന്റെ പ്രത്യാഘാതങ്ങള്‍ ഏറെ ബാധിക്കുകയെന്നും ഇക്കാര്യത്തില്‍ തങ്ങള്‍ക്ക് കൂടുതല്‍ തുറന്ന പിന്തുണ നല്‍കണമെന്നും കാലിന്‍ ആവശ്യപ്പെട്ടു. പ്രശ്‌നം ചര്‍ച്ച ചെയ്യാന്‍ റഷ്യന്‍ പ്രസിഡന്റ് വ്‌ളാദ്മിര്‍ പുടിനുമായി ഉര്‍ദുഗാന്‍ കൂടിക്കാഴ്ച നടത്തും. റഷ്യന്‍ നഗരമായ സോച്ചിയില്‍ പുടിനും ഉര്‍ദുഗാനും തമ്മിലുള്ള കൂടിക്കാഴ്ചയെ ഏറെ പ്രതീക്ഷയോടെയാണ് അന്താരാഷ്ട്ര സമൂഹം ഉറ്റുനോക്കുന്നത്. സെപ്തംബര്‍ ആദ്യത്തില്‍ ഇദ്‌ലിബില്‍ വ്യോമാക്രമണം തുടങ്ങിയ ശേഷം മുപ്പതോളം സാധാരണക്കാര്‍ കൊല്ലപ്പെട്ടിട്ടുണ്ട്. വരും ദിവസങ്ങളില്‍ വന്‍ ആക്രമണത്തിനാണ് സിറിയന്‍ സേന തയാറെടുക്കുന്നത്.

ദമസ്‌കസ്: ഇദ്്‌ലിബിലെ വിമത പോരാളികളെ ലക്ഷ്യമിട്ട് റഷ്യന്‍ സൈന്യത്തിന്റെ സഹായത്തോടെ വടക്കുപടിഞ്ഞാറന്‍ സിറിയയില്‍ സര്‍ക്കാര്‍ സേന ആക്രമണം ശക്തമാക്കി.
ശനിയാഴ്ച കുട്ടികളടക്കം ആറ് സാധാരണക്കാര്‍ ആക്രമണത്തില്‍ കൊല്ലപ്പെട്ടു.
ഇദ്‌ലിബില്‍ വെടിനിര്‍ത്തല്‍ പ്രഖ്യാപിക്കണമെന്ന തുര്‍ക്കിയുടെ ആവശ്യം റഷ്യ നിരാകരിച്ചതിന് പിന്നാലെയായിരുന്നു വ്യോമാക്രമണം.
വിമതരുടെ അവസാന ശക്തികേന്ദ്രമായ ഇദ്‌ലിബും പിടിച്ചെടുത്ത ആഭ്യന്തര യുദ്ധത്തിന് അന്ത്യം കുറിക്കാനാണ് സിറിയന്‍ ഭരണകൂടത്തിന്റെ പദ്ധതി. ആയിരങ്ങള്‍ കൂട്ടക്കൊല ചെയ്യപ്പെടാന്‍ സാധ്യതയുള്ളതുകൊണ്ട് സൈനിക നടപടിയില്‍നിന്ന് പിന്മാറാന്‍ ഐക്യരാഷ്ട്രസഭ സിറിയയോടും റഷ്യയോടും ആവശ്യപ്പെട്ടിട്ടുണ്ട്.
തെക്കന്‍ ഇദ്‌ലിബിലെ ഹാസ് ഗ്രാമത്തിലുണ്ടായ ബാരല്‍ ബോംബ് ആക്രമണത്തില്‍ ഒരു ആസ്പത്രി തകര്‍ന്നു. വടക്കന്‍ ഹമാ പ്രവിശ്യയിലെ ഖലാത്ത് അല്‍ മാദിഖ് നഗരത്തില്‍ 150ലേറെ ഷെല്ലുകള്‍ പതിച്ചതായി പ്രതിപക്ഷ വൃത്തങ്ങള്‍ പറയുന്നു.
ഷെല്ലാക്രമണത്തില്‍ രണ്ട് പേര്‍ കൊല്ലപ്പെടുകയും രണ്ട് കുട്ടികളടക്കം അഞ്ച് പേര്‍ക്ക് പരിക്കേല്‍ക്കുകയും ചെയ്തതായി വിമത കേന്ദ്രങ്ങളിലെ സന്നദ്ധ സംഘടനയായ വൈറ്റ് ഹെല്‍മെറ്റ് അറിയിച്ചു. ഈ മാസം ആദ്യത്തില്‍ ആക്രമണം തുടങ്ങിയ ശേഷം വിമത കേന്ദ്രങ്ങളില്‍ 26 പേര്‍ കൊല്ലപ്പെട്ടിട്ടുണ്ടെന്നാണ് കണക്ക്. ഇദ്്‌ലിബില്‍ വെടിനിര്‍ത്തല്‍ പ്രഖ്യാപിക്കുകയെന്ന ലക്ഷ്യത്തോടെ ഇറാന്‍ തലസ്ഥാനമായ തെഹ്‌റാനില്‍ നടന്ന ഉച്ചകോടി പരാജയപ്പെട്ടിരുന്നു.
റഷ്യന്‍ പ്രസിഡന്റ് വ്‌ളാദ്മിര്‍ പുടിനും ഇറാന്‍ പ്രസിഡന്റ് ഹസന്‍ റൂഹാനിയും തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്റെ വെടിനിര്‍ത്തല്‍ നിര്‍ദേശത്തെ തള്ളിയതാണ് ഉച്ചകോടി പരാജയപ്പെടാന്‍ കാരണം.

സിറിയന്‍ ആഭ്യന്തര യുദ്ധത്തിന് സൈനിക പരിഹാരം സാധ്യമല്ലെന്നും രാഷ്ട്രീയ പ്രക്രിയ മാത്രമാണ് ഏക വഴിയെന്നും മൂവരും അന്തിമ പ്രസ്താവനയില്‍ വ്യക്തമാക്കി. തെഹ്‌റാനില്‍ ത്രിരാഷ്ട്ര ഉച്ചകോടി നടക്കുമ്പോള്‍ റഷ്യന്‍, സിറിയന്‍ പോര്‍വിമാനങ്ങള്‍ ഇദ്്‌ലിബില്‍ ബോംബ് വര്‍ഷിക്കുകയായിരുന്നു. വെടിനിര്‍ത്തല്‍ പ്രഖ്യാപിക്കണമെന്ന ഉര്‍ദുഗാന്റെ നിര്‍ദേശത്തെ പുടിനും റൂഹാനിയും എതിര്‍ത്തു. സൈനിക നടപടി കൂട്ടക്കുരുതിക്ക് കാരണമാകുമെന്നും വന്‍ അഭയാര്‍ത്ഥി പ്രവാഹമുണ്ടാകുമെന്നും ഉര്‍ദുഗാന്‍ മുന്നറിയിപ്പ് നല്‍കി.

ഐ.എസിനെപ്പോലുള്ള ഭീകരവാദികളെ ഒഴിവാക്കിക്കൊണ്ടുള്ള വെടിനിര്‍ത്തല്‍ ഫലം ചെയ്യില്ലെന്നായിരുന്നു പുടിന്റെ വാദം. അതിര്‍ത്തിയില്‍ മുഴുക്കെ സിറിയക്ക് നിയന്ത്രണാധികാരമുണ്ടെന്നും വിഘടനവാദികളാണ് ഇദ്‌ലിബ് കൈയടക്കിവെച്ചിരിക്കുന്നതെന്നും റുഹാനിയും പറഞ്ഞു. ഇറാന്റെയും റഷ്യയുടെയും ശക്തമായ പിന്തുണയോടെയാണ് പ്രസിഡന്റ് ബഷാറുല്‍ അസദ് വിമതരുമായി പോരാടുന്നത്. ഇദ്‌ലിബ് ആക്രമണം തുര്‍ക്കിയിലേക്ക് വീണ്ടും അഭയാര്‍ത്ഥി പ്രവാഹത്തിന് കാരണമാകുമെന്ന് ഉര്‍ദുഗാന്‍ ഭയക്കുന്നു. സിറിയയില്‍നിന്ന് വിമതരെ തുരത്തുന്നതുവരെ പോരാട്ടം തുടരുമെന്ന് റൂഹാനി വ്യക്തമാക്കി.

ദമസ്‌കസ്: സിറിയയിലെ ഇദ്‌ലിബില്‍നിന്ന് വിമതരെ തുരത്താന്‍ പ്രസിഡന്റ് ബഷാറുല്‍ അസദിന്റെ സേന തയാറെടുത്തുവെന്ന റഷ്യന്‍ പ്രഖ്യാപനത്തിന് പിന്നാലെ മേഖലയില്‍ വ്യോമാക്രമണം നടന്നതായി റിപ്പോര്‍ട്ട്. ഭീകരതയുടെ പോക്കറ്റ് എന്നാണ് റഷ്യന്‍ പ്രസിഡന്റ് വഌദ്മിര്‍ പുടിന്റെ വക്താവ് ദിമിത്രി പെസ്‌കോവ് ഇദ്്‌ലിബിനെ വിശേഷിപ്പിച്ചത്. ഏഴ് വര്‍ഷത്തെ ആഭ്യന്തര യുദ്ധത്തിന് രാഷ്ട്രീയ പരിഹാരം കാണാനുള്ള ശ്രമങ്ങള്‍ക്ക് ഇദ്‌ലിബിലെ വിമത സാന്നിദ്ധ്യം തടസ്സം സൃഷ്ടിക്കുമെന്ന് അദ്ദേഹം അഭിപ്രായപ്പെട്ടു. പ്രവിശ്യയിലെ ജിസ്‌റുല്‍ ഷുഗൂര്‍ ഗ്രാമത്തിലുണ്ടായ വ്യോമാക്രണങ്ങളില്‍ രണ്ട് സാധാരണക്കാര്‍ കൊല്ലപ്പെട്ടതായി വിമതര്‍ പറയുന്നു. ചൊവ്വ രാവിലെ 23 വ്യോമാക്രമണങ്ങളുണ്ടായി. റഷ്യയുടെയും സിറിയയുടെയും പോര്‍വിമാനങ്ങള്‍ മേഖലയില്‍ കണ്ടതായി വിമതര്‍ അറിയിച്ചു. സൈനിക നടപടിയില്‍ റഷ്യന്‍ സേന പങ്കെടുക്കുമോ എന്ന് സ്ഥിരീകരിക്കാന്‍ റഷ്യ തയാറായിട്ടില്ല.

സിറിയയുടെ പശ്ചിമ നഗരമായ ഇദ്‌ലിബിലെ ദാരുണ ചിത്രങ്ങളാണ് സാമൂഹ്യമാധ്യമങ്ങളില്‍ പ്രചരിക്കുന്നത്. റഷ്യയുടെയും സിറിയയുടെയും സൈന്യം ഇദ്‌ലിബില്‍ നടത്തുന്ന തുടര്‍ച്ചയായ ആക്രമങ്ങളില്‍ മരണപ്പെട്ടവരുടെയും ആക്രമത്തിനിരയായുവരുടെയും എണ്ണ കുത്തനെ കൂടിയിരിക്കുകയാണ്.
കഴിഞ്ഞ ഏതാനും മണിക്കൂറിനുള്ളിലെ ആക്രമത്തില്‍ പതിനെട്ട് പൗരന്മാരെങ്കിലും മരണപ്പെട്ടിരിക്കുമെന്ന് കണക്കാക്കുന്നു. യു.എന്‍ രക്ഷാ പ്രവര്‍ത്തകരും സന്നദ്ധ സംഘടനകളും പുറത്തുവിട്ട കണക്കാണിത്. തുടര്‍ച്ചയായ ബോംബ്-ഗ്യാസ് ആക്രമങ്ങളെ തുടര്‍ന്ന് 45 ലേറെ പേര്‍ ഗുരുതരമായ പരിക്കേറ്റ് കഴിയുകയാണെന്നും റിപ്പോര്‍ട്ടില്‍ പറയുന്നു.

‘റഷ്യന്‍ സേന ഭ്രന്തമായാണ് പെരുമാറുന്നത്. അവര്‍ രാപകലില്ലാതെ സ്‌ഫോടനങ്ങള്‍ നടത്തിക്കൊണ്ടിരിക്കുകയാണ്. അവരുടെ യുദ്ധവിമാനങ്ങള്‍ താമസമേഖലയില്‍ പതിച്ചുകൊണ്ടിരിക്കുന്നു’ പ്രദേശിക മാധ്യമ പ്രവര്‍ത്തകനായ ഹാദി അബ്ദുല്ല പറയുന്നു. ഇന്നലെ രാത്രി മുതലാണ് കൂട്ടക്കൊല ആരംഭിച്ചത്. എല്ലാ പ്രദേശങ്ങളും വിറച്ചുകൊണ്ടിരിക്കുന്നു. ഏകദേശം പന്ത്രണ്ടു വീടുകളെങ്കിലും കുറഞ്ഞ സമയത്തിനുള്ളില്‍ പൂര്‍ണ്ണമായി തരിപ്പണമായിട്ടുണ്ട്.

കഴിഞ്ഞ ശനിയാഴ്ച റഷ്യന്‍ സൈന്യത്തിനെതിരെ ഹയാത്തെ തഹ് രീറെ ശാം എന്ന സംഘടന ചെറിയ രീതിയിലുള്ള പ്രതിരോധം നടത്തിയിരുന്നു. ഇതില്‍ പ്രകോപിതരായാണ് റഷ്യന്‍ സൈന്യം അക്രമം കടുപ്പിച്ചത്. വിമത ഗ്രൂപ്പകള്‍ക്കെതിരെയാണ് അക്രമം നടത്തുന്നതെന്ന് സിറിയന്‍ സര്‍ക്കാര്‍ അവകാശപ്പെടുന്നുണ്ടെങ്കിലും ജനം തിങ്ങിപ്പാര്‍ക്കുന്ന മേഖലകളിലാണ് അക്രമം നടക്കുന്നത്.

Aftermath of chlorine barrel bombs dropped over #Saraqeb tonight #Idlib (H/T Mo Karkas) pic.twitter.com/fdI6mUi9sx

— Riam Dalati (@Dalatrm) February 4, 2018

Heart breaking footage emerging from #MaaratNuman Hospital’s Natal Care Unit. Days-old babies taken out of incubators and into safety. Nurses discussing transportation to #Ariha #Idlib pic.twitter.com/bzqwBSngW5

— Riam Dalati (@Dalatrm) February 4, 2018