മുഖ്യമന്ത്രിയുടെ ഓഫീസില്‍, ഭരണഘടനാ ബാഹ്യ അധികാര കേന്ദ്രം പ്രവര്‍ത്തിക്കുന്നുവെന്ന അതീവ ഗുരുതര ആരോപണമാണ് ഐ.ജി ലക്ഷ്മണന്റെ ഹൈക്കോടതിയിലെ ഹര്‍ജിയില്‍ ഉന്നയിക്കുന്നത്. ഈ അധികാരകേന്ദ്രം സാമ്പത്തിക ഇടപാടുകളില്‍ മധ്യസ്ഥത വഹിക്കുന്നുണ്ടെന്നാണ് ആക്ഷേപം.

സംസ്ഥാനത്തെ ചില സാമ്പത്തിക ഇടപാടുകളില്‍ മധ്യസ്ഥത വഹിക്കാനും തര്‍ക്കങ്ങള്‍ ഒത്തുതീര്‍ക്കാനും മുഖ്യമന്ത്രിയുടെ ഓഫീസ് കേന്ദ്രീകരിച്ച് ഒരു അസാധാരണ ഭരണഘടനാ അതോറിറ്റി പ്രവര്‍ത്തിക്കുന്നുണ്ടെന്നായിരുന്നു ഹൈക്കോടതിയില്‍ ലക്ഷ്മണയുടെ വെളിപ്പെടുത്തല്‍. നിയമവിരുദ്ധമായ കാര്യങ്ങള്‍ ചെയ്യുന്നതിനു അദൃശ്യ കരങ്ങളാണ് അസാധാരണ അധികാര കേന്ദ്രങ്ങള്‍ക്ക് പിന്നിലെന്നും ലക്ഷ്മ ണ ആരോപിച്ചിരുന്നു.

സംസ്ഥാനത്തെ സാമ്പത്തിക തര്‍ക്കങ്ങളില്‍ മുഖ്യമന്ത്രിയുടെ ഓഫീസിലുള്ളവര്‍ ഇടനിലക്കാരാണെന്നും അദ്ദേഹം ഹര്‍ജിയില്‍ പറയുന്നു. മോണ്‍സണ്‍ മാവുങ്കലുമായി ബന്ധപ്പെട്ട കേസില്‍ തന്നെ കുറ്റവിമുക്തന്‍ ആക്കണമെന്ന് ആവശ്യപ്പെട്ട് നല്‍കിയ ഹര്‍ജിയിലാണ് ഗുരുതരമായ വെളിപ്പെടുത്തലുകള്‍ ഉള്ളത്.

മുഖ്യമന്ത്രിയുടെ ഓഫീസിനകത്തെ ഭരണഘടനാപരമായ ചുമതലകള്‍ വഹിക്കാത്ത ഒരു ശക്തി സംസ്ഥാനവുമായി ബന്ധപ്പെട്ട സാമ്പത്തീക തര്‍ക്കങ്ങളില്‍ ഇടപെടുന്നു. കോടതി വ്യവഹാരങ്ങളില്‍ ഉള്‍പെട്ട സാമ്പത്തീക തര്‍ക്കങ്ങളില്‍ പോലും ഈ ശക്തി കൈകടത്തുന്നുണ്ട്. മധ്യസ്ഥനായും ഇടനിലക്കാരനായും പ്രവര്‍ത്തിക്കുന്ന ഇതേ ശക്തിയുടെ അദൃശ്യ കരങ്ങളാണ് തന്നെ മോന്‍സന്‍ കേസില്‍ പ്രതിയാക്കിയതെന്നും ഹര്‍ജിയിയില്‍ ആരോപണം ഉന്നയിക്കുന്നു.