കൊല്‍ക്കത്തയിലും മുംബൈയിലും ഹോട്ടലുകളില്‍ ഇയാള്‍ ജോലി ചെയ്തിരുന്നു. കൊല്‍ക്കത്തയിലെ 24 സൗത്ത് പര്‍ഗനാസിലാണ് പ്രസോന്‍ജിത്തിന്റെ വീട്. കഴിഞ്ഞ രണ്ട് വര്‍ഷമായി ഇയാള്‍ ഭിക്ഷാടനം നടത്തിയാണ് ജീവിക്കുന്നത്. എല്ലായിടത്തും കറങ്ങിനടന്ന് ഭിക്ഷയെടുത്താണ് ഇയാള്‍ ഉപജീവനം കണ്ടെത്തിയിരുന്നത്. തലശേരിയില്‍ എത്തിയ സമയത്ത് ഭിക്ഷാടനത്തിലൂടെ കാര്യമായ തോതില്‍ പണം ലഭിച്ചിരുന്നില്ല.

അത് ഇയാളെ മാനസികമായി ബുദ്ധിമുട്ടിച്ചിരുന്നു. അവിടെനിന്ന് ഇയാള്‍ നടന്നാണ് കണ്ണൂരിലെത്തിയതെന്നാണ് പറയുന്നത്. ഉദ്ദേശിച്ച രീതിയില്‍ പണം ലഭിക്കാത്തതിന്റെ നിരാശയാണ് ട്രെയിനിന് തീയിടുന്നതിലേക്ക് നയിച്ചത് നീരജ്കുമാര്‍ ഗുപ്ത വ്യക്തമാക്കി. ഇയാള്‍ക്ക് ബീഡി വലിക്കുന്ന ശീലമുണ്ട്. ഇതിനായി സ്ഥിരം കരുതുന്ന തീപ്പെട്ടി ഉപയോഗിച്ചാണ് ട്രെയിനിന് തീയിട്ടത്.
ഇയാള്‍ തീയിടുന്നതിനായി ഇന്ധനം ഉള്‍പ്പെടെ എന്തെങ്കിലും വസ്തുക്കള്‍ ഉപയോഗിച്ചിട്ടുണ്ടോ എന്നതില്‍ ഇതുവരെ വ്യക്തത വന്നിട്ടില്ല. എങ്കിലും അക്കാര്യവും അന്വേഷിക്കുന്നുണ്ട്.

എലത്തൂരില്‍ ട്രെയിനിന് തീവച്ച സംഭവവുമായി ഈ കേസിന് എന്തെങ്കിലും ബന്ധമുള്ളതായി ഇതുവരെ തെളിഞ്ഞിട്ടില്ല. പ്രതി നിലവില്‍ പൊലീസ് കസ്റ്റഡിയിലുണ്ട്. പ്രതിയെ ഉടന്‍തന്നെ മജിസ്‌ട്രേറ്റിന്റെ മുന്നില്‍ ഹാജരാക്കും ഐജി പറഞ്ഞു.