ഉമറിനെതിരെയുള്ള പോരാട്ടത്തില്‍ ഒമ്പത് ദശലക്ഷം യുഎസ് ഡോളര്‍ ചെലവഴിച്ച് ലാസി വാര്‍ത്തകളില്‍ ഇടംപിടിച്ചിരുന്നു. ഉമറിന് 64.6 ശതമാനം വോട്ടാണ് കിട്ടിയത്. ‘ജനകേന്ദ്രീകൃതമായ ഞങ്ങളുടെ അജണ്ടയ്ക്ക് കിട്ടിയ അംഗീകാരമാണ് ഫല’മെന്ന് അവര്‍ പ്രതികരിച്ചു.

2018ലാണ് ആദ്യമായി ഉമര്‍ യുഎസ് കോണ്‍ഗ്രസിലെത്തിയത്. കോണ്‍ഗ്രസിലെത്തിയ ആദ്യ രണ്ട് മുസ്‌ലിം വനിതകളില്‍ ഒരാളായിരുന്നു ഇവര്‍. നിരവധി വേളകളില്‍ യുഎസ് പ്രസിഡണ്ട് ഡൊണാള്‍ഡ് ട്രംപിനെതിരെ ഇവര്‍ കൊമ്പുകോര്‍ത്തത് വാര്‍ത്തയായിരുന്നു.

പ്രചാരണത്തിനിടെയും ട്രംപ് ഉമറിനെതിരെ സംസാരിച്ചിരുന്നു. ‘അവര്‍ ഈ രാജ്യത്തെ വെറുക്കുന്നു. ഒരു സര്‍ക്കാര്‍ പോലുമില്ലാത്ത സ്ഥലത്തു നിന്നാണ് അവര്‍ വരുന്നത്. എന്നിട്ട് ഈ രാജ്യം എങ്ങനെ നടക്കണം എന്ന് നമ്മോട് പറയുന്നു’- ട്രംപ് പറഞ്ഞു. ഉമര്‍ യുഎസിനെ സ്‌നേഹിക്കുന്നില്ലെന്നും സോമാലിയ അടക്കമുള്ള രാഷ്ട്രങ്ങളില്‍നിന്നുള്ള അഭയാര്‍ത്ഥികള്‍ക്ക് താന്‍ നിയന്ത്രണം കൊണ്ടു വന്നെന്നും ട്രംപ് പറഞ്ഞിരുന്നു.

സോമാലിയയാണ് ഉമറിന്റെ സ്വദേശം. നാലു വര്‍ഷം കെനിയന്‍ അഭയാര്‍ത്ഥി ക്യാമ്പില്‍ കഴിഞ്ഞ ശേഷം പന്ത്രണ്ടാം വയസ്സിലാണ് ഇവര്‍ യുഎസിലേക്ക് ചേക്കേറിയത്. അഭയാര്‍ത്ഥികള്‍ക്കെതിരെയുള്ള ട്രംപിന്റെ നയങ്ങളുടെ കടുത്ത വിമര്‍ശക കൂടിയാണ് ഇവര്‍.

Congratulations to my sister @RashidaTlaib on your victory!

I cannot wait to serve with you, inshallah.

— Ilhan Omar (@IlhanMN) November 7, 2018

Take nothing for granted, we’ve got to finish strong to seal the deal and elect Democrats up and down the ballot. Please make your plan to vote now! Find your polling place here: https://t.co/npdhKDyXk7 pic.twitter.com/X4ZUh3tZT6

— Rashida Tlaib (@RashidaTlaib) October 30, 2018

ഇതോടെ ഫലസ്തീനി സോമാലിയന്‍ കുടിയേറ്റക്കാരായ ഇവര്‍ യു.എസ് കോണ്‍ഗ്രസിലേക്ക് തെരഞ്ഞെടുക്കപ്പെടുന്ന ആദ്യ മുസ്ലിം യുവതികളായി.

മിനസോട്ടയിലെ ഡെമോക്രാറ്റിക് ശക്തികേന്ദ്രമായ അഞ്ചാം കോണ്‍ഗ്രഷണല്‍ ജില്ലയില്‍ നിന്നാണ് ഇല്‍ഹാന്‍ തെരഞ്ഞെടുക്കപ്പെട്ടത്. സൊമാലിയയിലെ ആഭ്യന്തര യുദ്ധത്തിനിടെ 14ാം വയസിലാണ് ഇല്‍ഹാന്‍ ഉമര്‍ യു.എസിലേക്ക് പലായനം ചെയ്യുന്നത്. യു.എസിലേക്ക് കുടിയേറിയശേഷം മുത്തച്ഛനൊപ്പം പ്രാദേശിക ഡെമോക്രാറ്റിക് ഫാര്‍മര്‍ ലേബര്‍ പാര്‍ട്ടിയില്‍ പ്രവര്‍ത്തിച്ചുകൊണ്ടാണ് അവര്‍ രാഷ്ട്രീയ ജീവിതം തുടങ്ങിയത്. പൊതുജനാരോഗ്യ പദ്ധതികളിലും സൗജന്യ കോളജ് വിദ്യാഭ്യാസത്തിലും ഊന്നുന്നതായിരുന്നു ഇല്‍ഹാന്റെ കാമ്പെയ്ന്‍.

മിഷിഗണിലെ 13ാം കോണ്‍ഗ്രഷണല്‍ ജില്ലയില്‍ നിന്നാണ് റാഷിദ താലിബ വിജയിച്ചത്. നേരത്തെ ഇവിടെ നിന്നാണ് യു.എസ് കോണ്‍ഗ്രസിലേക്ക് തെരഞ്ഞെടുക്കപ്പെട്ട ആദ്യ മുസ്‌ലിം യുവാവായ കെയ്ത് എലിസണ്‍ തെരഞ്ഞെടുക്കപ്പെട്ടത്. അറ്റോര്‍ണി ജനറല്‍ സ്ഥാനത്തേക്ക് മത്സരിക്കാനായി അദ്ദേഹം സ്ഥാനമൊഴിഞ്ഞതോടെയാണ് റാഷിദ അവിടെ നിന്നും തെരഞ്ഞെടുക്കപ്പെട്ടത്.

അമേരിക്കയിൽ ഇടക്കാല തെരഞ്ഞെടുപ്പിൽ വോട്ടെടുപ്പ്‌ അവസാനിച്ചു. ആദ്യ ഫല സൂചനകൾ പുറത്തുവരുമ്പോൾ ഡെമോക്രാറ്റുകൾക്കാണ്‌ മുൻതൂക്കം. രണ്ട് വര്‍ഷം കഴിഞ്ഞ്‌ നടക്കാനിരിക്കുന്ന പ്രസിഡന്റ‌് തെരഞ്ഞെടുപ്പിന്റെ സൂചനയാകും ഇടക്കാല തെരഞ്ഞെടുപ്പെന്നാണ്‌ വിലയിരുത്തൽ.