തനിക്ക് വെടിയേറ്റ സ്ഥലത്ത് നിന്ന് റാലി പുനരാരംഭിക്കുമെന്നും ലാഹോറില്‍ വെച്ച് റാലിയെ അഭിസംബോധന ചെയ്യുമെന്നും അദ്ദേഹം അറിയിച്ചു. 14 ദിവസത്തിനകം റാവല്‍പിണ്ഡിയില്‍ എത്തുമെന്നും വ്യക്തമാക്കി.

ഇസ്‌ലാമാബാദ്: ലൈംഗികാതിക്രമങ്ങളില്‍ പിടിക്കപ്പെടുന്നവരെ വന്ധ്യംകരിക്കുകയാണ് വേണ്ടതെന്ന് പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍. പ്രതികളെ വന്ധ്യംകരിക്കലിന് വിധേയരാക്കണമെന്നാണ് തന്റെ വ്യക്തിപരമായ അഭിപ്രായമെന്ന് ഇമ്രാന്‍ പ്രതികരിച്ചു. പാക് മാധ്യമമായ ചാനല്‍ 92ന് നല്‍കിയ അഭിമുഖത്തിലാണ് ഇമ്രാന്‍ ഇക്കാര്യം വ്യക്തമാക്കിയത്.

ഇത്തരം പ്രതികളെ വന്ധ്യംകരിക്കുന്ന നിയമം പല രാജ്യങ്ങളിലും നിലവിലുണ്ട്. അതുമല്ലെങ്കില്‍ പ്രതികളെ പരസ്യമായി വിചാരണ ചെയ്ത് തൂക്കിക്കൊല്ലുകയാണ് വേണ്ടത്. അതേസമയം യൂറോപ്യന്‍ യൂണിയന്‍ അടക്കമുള്ളവ ഇത്തരം ശിക്ഷാ രീതികളോട് എതിര്‍പ്പുള്ളവരാണ്. അത് അവരുമായുള്ള വ്യാപാര ബന്ധങ്ങളെ ബാധിക്കുമെന്നും ഇമ്രാന്‍ പറഞ്ഞു.
ദിവസങ്ങള്‍ക്ക് മുമ്പ് കിഴക്കന്‍ ലാഹോര്‍ നഗരത്തിന് സമീപത്ത് കാറില്‍ വച്ച് രണ്ട് കുട്ടികളുടെ അമ്മയായ സ്ത്രീ കൂട്ട ബലാത്സംഗത്തിന് ഇരയായിരുന്നു. ഇതില്‍ വ്യാപക പ്രതിഷേധമാണ് രാജ്യത്തുടനീളം നടന്നത്. ഇതിന് പിന്നാലെയാണ് ഇമ്രാന്റെ പ്രസ്താവന.

കഴിഞ്ഞ ദിവസമാണ് കിഴക്കന്‍ ലാഹോര്‍ നഗരത്തിന് സമീപത്ത് വച്ച് സ്ത്രീ കൂട്ട ബലാത്സംഗത്തിന് ഇരയായത്. രണ്ട് കുട്ടികളുമായി കാറില്‍ രാത്രിയില്‍ യാത്ര ചെയ്യവേ ഇന്ധനം തീര്‍ന്ന് സ്ത്രീയും കുട്ടികളും വഴിയില്‍ കുടുങ്ങിയിരുന്നു. അതിനിടെയാണ് രണ്ട് പേര്‍ ചേര്‍ന്ന് കുട്ടികളുടെ മുന്നില്‍ വച്ച് സ്ത്രീയെ ക്രൂരമായി പീഡിപ്പിച്ചത്.

പ്രതിഷേധം കനക്കുന്നതിനിടെ പ്രതികളിലൊരാളെ പൊലീസ് അറസ്റ്റ് ചെയ്തു. ഷഫഖ്ത് അലിയെന്ന ആളാണ് അറസ്റ്റിലായത്. ആണ്‍ തുണയില്ലാതെ രാത്രിയില്‍ പുറത്തു പോയ സ്ത്രീയെ കുറ്റപ്പെടുത്തി ലാഹോര്‍ പൊലീസ് തലവന്‍ ഉമര്‍ ഷെയ്ഖ് പരസ്യ പ്രസ്താവന നടത്തിയതും വലിയ പ്രതിഷേധമാണ് ഉയര്‍ത്തിയത്. അതിനിടെയാണ് പ്രധാനമന്ത്രിയുടെ നിരീക്ഷണങ്ങള്‍.

#WATCH Islamabad: Imran Khan fumbles during his oath taking speech pic.twitter.com/cPsgsjwgnD

— ANI (@ANI) August 18, 2018

ഇടക്കാല പ്രധാനമന്ത്രി നസീറുല്‍ മുല്‍ക്, ദേശീയ അസംബ്ലി സ്പീക്കര്‍ ആസാദ് ഖൈസര്‍, കരസേനാ മേധാവി ഖമര്‍ ജാവേദ് ബജ്‌വ, വ്യോമസേനാ മേധാവി മുജാഹിദ് അന്‍വര്‍ ഖാന്‍, നാവികസേനാ മേധാവി സഫര്‍ മഹ്മൂദ് അബ്ബാസി, 1992ല്‍ ഇമ്രാന്‍ ഖാന്‍ ക്യാപ്റ്റനായിരിക്കെ പാകിസ്താന് ലോകകപ്പ് ക്രിക്കറ്റ് കിരീടം നേടിക്കൊടുത്ത ടീം അംഗങ്ങള്‍ തുടങ്ങി നിരവധി പേര്‍ ചടങ്ങില്‍ പങ്കെടുത്തു. ഇന്ത്യയില്‍നിന്ന് കോണ്‍ഗ്രസ് നേതാവും പഞ്ചാബ് മന്ത്രിയുമായ നവ്‌ജ്യോത് സിങ് സിദ്ധുവും എത്തിയിരുന്നു.

#WATCH: Navjot Singh Sidhu meets Pakistan Army Chief General Qamar Javed Bajwa at #ImranKhan‘s oath-taking ceremony in Islamabad. pic.twitter.com/GU0wsSM56s

— ANI (@ANI) August 18, 2018

ജനങ്ങള്‍ക്ക് നല്‍കിയ വാക്കുകള്‍ പാലിക്കുന്നതില്‍ വിട്ടുവീഴ്ച വരുത്തില്ലെന്ന് പാര്‍ലമെന്റില്‍ നടത്തിയ പ്രസംഗത്തില്‍ അദ്ദേഹം ഉറപ്പുനല്‍കി. അഴിമതിക്കാരെ പിടിച്ചുകെട്ടും. ഏതെങ്കിലും സ്വേച്ഛാധിപതിയുടെ തോളില്‍ ചിവിട്ടിയല്ല ഞാന്‍ ഇവിടെ എത്തിയത്. 22 വര്‍ഷത്തോളം പൊരുതി തന്നെയാണ് ഈ സ്ഥാനത്ത് എത്തിയത്-ഇമ്രാന്‍ഖാന്‍ പറഞ്ഞു.

ജൂലൈ 25ന് നടന്ന പൊതുതെരഞ്ഞെടുപ്പില്‍ പിടിഐ ഏറ്റവും വലിയ ഒറ്റകക്ഷിയായി തെരഞ്ഞെടുക്കപ്പെടുകയായിരുന്നു. പാകിസ്താന്‍ തെഹ്‌രീകെ ഇന്‍സാഫ് പാര്‍ട്ടി(പി.ടി.ഐ) മേധാവിയായ ഇമ്രാന്‍ഖാനെ ദേശീയ അസംബ്ലി അംഗങ്ങള്‍ പ്രധാനമന്ത്രിയായി തെരഞ്ഞെടുത്തിരുന്നു. ക്രിക്കറ്റ് ജീവിതത്തിന് ശേഷം രാഷ്ട്രീയത്തിലെത്തിയ അദ്ദേഹം ഇരുപത് വര്‍ഷത്തോളം മുഖ്യധാരാ രാഷ്ട്രീയ പാര്‍ട്ടികളോട് പോരുതിയാണ് പാകിസ്താന്റെ ഭരണതലപ്പത്ത് എത്തിയത്. പ്രസിഡന്റ് മന്‍മൂന്‍ ഹുസൈനില്‍നിന്ന് സത്യവാചകം ഏറ്റുചൊല്ലുമ്പോള്‍ ഇമ്രാന്‍ഖാന്റെ കണ്ണുകള്‍ ഒരുവേള ആര്‍ദ്രമായി.

ഖൈബര്‍ പക്തൂണ്‍ ഖ്വ പ്രവിശ്യയില്‍ അടുത്ത 48 മണിക്കൂറിനുള്ളില്‍ മുഖ്യമന്ത്രിയെ പ്രഖ്യാപിക്കുമെന്നും ഇമ്രാന്‍ വ്യക്തമാക്കി. സിന്ധ് ദാരിദ്ര്യനിര്‍മ്മാര്‍ജ്ജനത്തിന് തന്റെ ഗവണ്‍മെന്റിന്റെ മുന്‍ഗണനകളില്‍ ഒന്നായിരിക്കുമെന്നും ഇമ്രാന്‍ വ്യക്തമാക്കി. പാക് സ്വതന്ത്ര്യ ദിനമായ ഓഗസ്റ്റ് 14ന് മുമ്പ് ഇമ്രാന്‍ സത്യപ്രതിജ്ഞ ചെയ്യുമെന്ന് പാര്‍ട്ടി വക്താവ് നയീമുല്‍ ഹഖ് നേരത്തെ വ്യക്തമാക്കിയിരുന്നു.

ജൂലൈ 25ന് നടന്ന പൊതുതെരഞ്ഞെടുപ്പില്‍ ഇമ്രാന്റെ പാര്‍ട്ടി ഏറ്റവും വലിയ ഒറ്റകക്ഷിയായി തെരഞ്ഞെടുക്കപ്പെട്ടിരുന്നു. എന്നാല്‍ കേവല ഭൂരിപക്ഷം തികക്കാന്‍ ഏതാനും സീറ്റുകള്‍ കൂടിവേണം. ഇതിനായി ചെറുകക്ഷികളുടേയും സ്വതന്ത്രരുടേയും പിന്തുണ തേടുമെന്ന് പാര്‍ട്ടി നേതാക്കള്‍ കഴിഞ്ഞ ദിവസം പറഞ്ഞിരുന്നു.

ഇസ്്‌ലാമാബാദ്: പാകിസ്താന്‍ മുന്‍ ക്രിക്കറ്റ് താരവും തെഹ്‌രീകെ ഇന്‍സാഫ് പാര്‍ട്ടി നേതാവുമായ ഇമ്രാന്‍ ഖാന്റെ മൂന്നാം വിവാഹവും തകര്‍ച്ചയുടെ വക്കിലെന്ന് റിപ്പോര്‍ട്ട്. ആത്മീയ ഉപദേശകയും ഭാര്യയുമായ ബുഷ്‌റ മനേകയെ ദിവസങ്ങളായി ഇമ്രാന്‍ഖാന്റെ വീട്ടില്‍ കാണുന്നില്ലെന്ന് പാക് മാധ്യമങ്ങള്‍ പറയുന്നു. ഈവര്‍ഷം ഫെബ്രുവരി പതിനെട്ടിനാണ് ഇരുവരും വിവാഹിതരായത്. ഇമ്രാന്‍ഖാന്റെ വളര്‍ത്തുനായ്ക്കളും മനേകയുടെ മക്കളുമാണ് വിവാഹബന്ധം ഉലയാന്‍ കാരണമെന്ന് റിപ്പോര്‍ട്ടുണ്ട്.

ഇമ്രാന്‍ഖാന്റെ അരുമകളായ വളര്‍ത്തുനായ്ക്കളെ മനേക പുറത്താക്കിയതാണ് പ്രശ്‌ന കാരണം. മതപരമായ കാര്യങ്ങള്‍ നിര്‍വഹിക്കുന്നതിന് നായകള്‍ തടസമാണെന്ന് ചൂണ്ടിക്കാട്ടിയാണ് മനേക അവയെ പുറത്താക്കിയത്. അത് ഇമ്രാന്‍ഖാന് ഒട്ടും ഇഷ്ടപ്പെട്ടില്ല. അദ്ദേഹം വളര്‍ത്തുനായ്ക്കളെ തിരികെ കൊണ്ടുവന്ന് വീടിനുള്ളില്‍ സൈ്വര്യമായി വിഹരിക്കാന്‍ അനുവദിച്ചു. പ്രശ്‌നങ്ങള്‍ രൂക്ഷമായതോടെ മനേക വീട്ടില്‍നിന്ന് ഇറങ്ങിപ്പോയെന്നാണ് പാക് മാധ്യമങ്ങള്‍ പറയുന്നത്.

നേരത്തെ മനേകയുടെ ബന്ധത്തിലുള്ള ആരും ഇമ്രാന്‍ ഖാന്റെ വസതിയില്‍ വരുകയോ ആത്മബന്ധം പുലര്‍ത്തുകയോ ചെയ്യരുതെന്ന് വിവാഹത്തിന് മുമ്പ് ഇമ്രാന്‍ഖാന്‍ വ്യവസ്ഥ വെച്ചിരുന്നു. മനേകക്ക് ആദ്യ വിവാഹത്തില്‍ അഞ്ച് മക്കളുണ്ട്. ഇവരില്‍ ഖവാര്‍ ഫരീന്‍ ഇസ്‌ലാമാബാദിലുള്ള വസതിയില്‍ തങ്ങാന്‍ തുടങ്ങിയിരുന്നു. ഇമ്രാന്‍ഖാന്‍ അതിനെ ചോദ്യംചെയ്തു. അതോടെ ഇരുവരും വാക്കുതര്‍ക്കമായി. പിന്നീടാണ് മുന്‍ പാക് ക്രിക്കറ്ററിന് പ്രിയപ്പെട്ട നായ്ക്കളെ മനേക്ക പുറത്താക്കിയത്. ഇതോടെ പ്രശ്‌നം രൂക്ഷമാവുകയായിരുന്നു.

എന്നാല്‍ വാര്‍ത്തകളില്‍ കഴമ്പില്ലെന്ന് മുതിര്‍ന്ന മാധ്യമപ്രവര്‍ത്തകന്‍ ഒമര്‍ ഖുറൈഷി അറിയിച്ചു. ബുഷ്‌റ അവരുടെ മാതാവിന്റെ വീട്ടില്‍ പോയിരിക്കുകയാണെന്ന് അദ്ദേഹം സോഷ്യല്‍ മീഡിയയില്‍ പറഞ്ഞു. ബ്രിട്ടീഷുകാരിയായ ജമീമ ഗോള്‍ഡ് സ്മിത്തിനെയാണ് ഇമ്രാന്‍ ഖാന്‍ ആദ്യം വിവാഹം ചെയ്തത്. 1995ല്‍ തുടങ്ങിയ ആ ദാമ്പത്യ ബന്ധം ഒമ്പത് വര്‍ഷം മാത്രമേ നീണ്ടുനിന്നുള്ളൂ. 2004ല്‍ ഇരുവരും വേര്‍പിരിഞ്ഞു ഈ ബന്ധത്തില്‍ അവര്‍ക്ക് രണ്ട് മക്കളുണ്ട്. 2015ലായിരുന്നു രണ്ടാം വിവാഹം. പാക് ടെലിവിഷന്‍ അവതാരകയും മാധ്യമപ്രവര്‍ത്തകയുമായ റെഹം ഖാനായിരുന്നു ഭാര്യ. ഒമ്പത് മാസം മാത്രമായിരുന്നു ആ ബന്ധത്തിന് ആയുസുണ്ടായിരുന്നത്. 2015 ഒക്ടോബറില്‍ അവര്‍ വേര്‍പിരിഞ്ഞു.

ലാഹോര്‍: മുന്‍ പാക് ക്രിക്കറ്റ് താരവും പാകിസ്താന്‍ തെഹ്‌രീകെ ഇന്‍സാഫ്(പി.ടി.ഐ) അധ്യക്ഷനുമായ ഇമ്രാന്‍ ഖാന്‍ വീണ്ടും വിവാഹിതനായി. ആത്മീയ ഉപദേശക ബുഷ്‌റ മനേകയാണ് വധു. ഇമ്രാന്‍ ഖാന്റെ മൂന്നാമത്തെ വിവാഹമാണിത്. ഒരു വര്‍ഷം മുമ്പാണ് അദ്ദേഹം ആത്മീയ ഉപദേശം തേടി മനേകയെ സമീപിച്ചത്. പിന്നീട് ഇരുവരും സുഹൃത്തുക്കളായി മാറി.

ഒടുവില്‍ അത് വിവാഹത്തില്‍ കലാശിക്കുയായിരുന്നു. തന്റെ പാര്‍ട്ടിയെക്കുറിച്ച് മനേക നടത്തിയ ചില പ്രവചനങ്ങള്‍ പുലര്‍ന്നതാണ് ഇമ്രാന്‍ഖാനെ അവരുമായി അടുപ്പിച്ചതെന്ന് അദ്ദേഹവുമായി അടുപ്പമുള്ള ചില വൃത്തങ്ങള്‍ പറയുന്നു. പിങ്കി പീര്‍ എന്ന പേരില്‍ അമറിയപ്പെടുന്ന മനേകക്ക് ആദ്യ വിവാഹത്തില്‍ അഞ്ച് മക്കളുണ്ട്. ഇമ്രാന്‍ ഖാനോടൊപ്പം ഒരുമിച്ച് ജീവിക്കാനായി മനേക ഭര്‍ത്താവില്‍നിന്ന് വിവാഹമോചനം നേടുകയായിരുന്നു. ലാഹോറില്‍ നടന്ന വിവാഹച്ചടങ്ങില്‍ ഉറ്റബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. ഇമ്രാന്‍ഖാന്റെ വിവാഹവാര്‍ത്ത പി.ടി.ഐ സ്ഥിരീകരിച്ചു. ഇമ്രാന്‍ ഖാന്റെയും മുഖാവരണം ധരിച്ച മനേകയുടേയും ചിത്രങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. 1995ല്‍ ബ്രിട്ടീഷുകാരിയായ ജെമീമ ഗോള്‍ഡ്‌സ്മിത്തിനെയാണ് ഇമ്രാന്‍ ഖാന്‍ ആദ്യമായി വിവാഹം ചെയ്തത്.

ഈ ബന്ധത്തില്‍ ഇവര്‍ക്ക് രണ്ടു ആണ്‍മക്കളുണ്ട്. 2004ല്‍ ഇരുവരും വിവാഹമോചിതരായി. ടെലിവിഷന്‍ അവതാരക റെഹം ഖാനെയാണ് അദ്ദേഹം രണ്ടാമത് വിവാഹം ചെയ്തത്. 10 മാസത്തിനുശേഷം 2015 ഒക്ടബോറില്‍ ആ ബന്ധവും അവസാനിച്ചു.