ഇരുരാജ്യങ്ങള്‍ക്കുമിടയിലെ പ്രശ്‌നങ്ങള്‍ പരിഹരിക്കാന്‍ ഇന്ത്യയും പാകിസ്താനും ശ്രമിക്കണം. പരസ്പരമുള്ള ആക്രമണങ്ങള്‍ ഇല്ലാതാക്കാനും രാജ്യങ്ങള്‍ക്കിടിയില്‍ സമാധാനം കൊണ്ടുവരാനും സ്ഥിതിഗതികള്‍ സാധാരണഗതിയിലാക്കാനുമുള്ള മാര്‍ഗങ്ങള്‍ ഇരുരാജ്യങ്ങളും കണ്ടെത്തണമെന്നും ഡോണ്‍ ദിനപത്രം ആവശ്യപ്പെട്ടു. ചരിത്രം, സ്വപ്നങ്ങള്‍, ജനങ്ങളുടെ ആവശ്യങ്ങള്‍ അങ്ങനെ എല്ലാം പ്രദേശത്തെ സമാധാനത്തിന് ആഹ്വാനം ചെയ്യുന്നതാണെന്നു ഡോണിലെ ലേഖനം പറയുന്നു.

വ്യത്യസ്തവും അസാധാരണവുമായ ചരിത്രങ്ങളാണ് ഇന്ത്യക്കും പാകിസ്താനുമിടയിലുള്ളത്. അതേസമയം കൊറിയകള്‍ പുന സംഘടിക്കുന്നതാണ് കാണാന്‍ സാധിക്കുന്നത്. എന്നിരിക്കെ സാംസ്‌കാരികമായും മറ്റും സാമ്യതകള്‍ നിലനില്‍ക്കുന്നതും പൊതുവായ ചരിത്രവും സ്വപ്നങ്ങളും ആഗ്രഹങ്ങളും നിറഞ്ഞ ജനങ്ങള്‍ ഉള്‍ക്കൊള്ളുന്നതുമായ ഇന്ത്യയിലെയും പാകിസ്താനിലെയും ഈ മേഖലയില്‍ യോജിപ്പിന്റെ ലക്ഷ്യങ്ങളിലേക്ക് എത്തിച്ചേരാന്‍ ബുദ്ധിമുട്ടില്ലാതെ സാധിക്കുമെന്നും, പാകിസ്ഥാന്‍ വാര്‍ത്താ ഏജന്‍സിയെ ഉദ്ദരിച്ച് എന്‍ഡിടിവി റിപ്പോര്‍ട്ട് ചെയ്തു.

ആയിരക്കണക്കിന് വര്‍ഷങ്ങളോളം ഇന്ത്യയും പാകിസ്താനും ഒരു രാജ്യമായിരുന്നു. 1947 ല്‍ ബ്രിട്ടീഷുകാരില്‍നിന്ന് ഇന്ത്യയ്ക്ക് സ്വാതന്ത്ര്യം ലഭിച്ചതിനെ തുടര്‍ന്ന് രണ്ടു രാഷ്ട്രങ്ങളായി വിഭജിക്കപ്പെട്ടിട്ട് ഇപ്പോള്‍ 71 വര്‍ഷമായി. കഴിഞ്ഞ ഏഴ് ദശാബ്ദങ്ങളായി ഇരു രാജ്യങ്ങളും പലതരത്തിലുള്ള വൈരുദ്ധ്യങ്ങളെയും തര്‍ക്കങ്ങളേയും തുടര്‍ന്ന പ്രക്ഷുബ്ധമാണ്. 1965, 1971, 1999 വര്‍ഷങ്ങളിലായി യുദ്ധങ്ങളും നടന്നിട്ടുണ്ട്.

അതേ സമയം 140ഓളം പേര്‍ ഇപ്പോഴും പാക് ജയിലില്‍ ദുരിതമനുഭവിക്കുന്നതായാണ് റിപ്പോര്‍ട്ട്. വിട്ടയക്കുന്നതിനു മുന്‍പ് നടന്ന ചടങ്ങില്‍ മോചിപ്പിക്കപ്പെട്ട തൊഴിലാളികള്‍ക്ക് ഇഥി ഫൗണ്ടേഷന്‍ തലവന്‍ ഫൈസല്‍ ഇഥി പൈസയും മറ്റ് സമ്മാനങ്ങളും നല്‍കി. നിലവില്‍ തടവില്‍ കഴിയുന്ന ബാക്കിയുള്ള 140പേരുടെ കാര്യം പരിഗണനയിലാണെന്നും അദ്ദേഹം പറഞ്ഞു. കനത്ത സുരക്ഷാ സംവിധാനങ്ങളോടെയാണ് മത്സ്യ തൊഴിലാളികളെ കറാച്ചി കന്റോണ്‍മെന്റ് റെയില്‍വേസ്‌റ്റേഷനില്‍ എത്തിച്ചത്. ട്രെയ്‌നില്‍ ലാഹോറിലെത്തിച്ച ശേഷം ഇവരെ വാഗാ അതിര്‍ത്തിയില്‍ വെച്ച് ഇന്ത്യന്‍ അതോറിറ്റിക്ക് കൈമാറി.

കുല്‍ഭൂഷണ്‍ ജാദവിന്റെ കുടുംബാംഗങ്ങളോട് മനുഷ്യത്വരഹിതമായാണ് പാകിസ്താന്‍ പെരുമാറിയതെന്ന് സുഷമാ സ്വരാജ് കുറ്റപ്പെടുത്തി. എന്നാല്‍ തങ്ങളെ മോചിപ്പിക്കുന്നതിന് പാകിസ്താന്റെ ഭാഗത്തു നിന്നും നല്ല സമീപനമാണുണ്ടായതെന്നും ഇന്ത്യന്‍ ജയിലുകളില്‍ കഴിയുന്ന പാക് പൗരന്മാരെ മോചിപ്പിക്കുന്നതിനായി ഇന്ത്യന്‍ അതോറിറ്റിയോട് സംസാരിക്കുമെന്നും മത്സ്യ തൊഴിലാളികള്‍ പറഞ്ഞു.

കുല്‍ഭൂഷണ്‍ ജാദവിനെ കാണാനെത്തിയ അദ്ദേഹത്തിന്റെ ഭാര്യയുടെ ആഭരണങ്ങളും മറ്റും ജയില്‍ അധികൃതര്‍ നിര്‍ബന്ധപൂര്‍വ്വം അഴിപ്പിച്ച നടപടിയില്‍ ഇന്ത്യന്‍ പ്രതിഷേധം തുടര്‍ന്നുകൊണ്ടിരിക്കേയാണ് പാകിസ്താന്‍ മത്സ്യതൊഴിലാളികളെ മോചിപ്പിച്ചത്. വര്‍ഷങ്ങളായി അതിര്‍ത്തി ലംഘിച്ച് മത്സ്യബന്ധനം നടത്തിയെന്നാരോപിച്ച് നൂറുകണക്കിനാളുകളാണ് ഇരു രാജ്യങ്ങളിലുമായി അറസ്റ്റിലാവുന്നത്.

താര്‍ മരുഭൂമിയില്‍ ഇന്ത്യ-പാക് അതിര്‍ത്തിക്കു സമീപം സതേണ്‍ കമാന്റിന്റെ ഹമേശ വിജയി പരിശീല പാരിപാടി വീക്ഷിക്കാനെത്തിയതായിരുന്നു അദ്ദേഹം. തീവ്രവാദികള്‍ക്കു നല്‍കുന്ന പിന്തുണ പാകിസ്താന്‍ അവസാനിപ്പിക്കണം. എങ്കില്‍ മാത്രമേ സമാധാന ചര്‍ച്ചകള്‍ പുനരാരംഭിക്കാനാവൂ എന്നം അദ്ദേഹം പറഞ്ഞു. അയല്‍ രാജ്യങ്ങളുമായി ബന്ധം മെച്ചപ്പെടുത്തണമെന്നാണ് ഇന്ത്യയുടെയും ആവശ്യം പക്ഷേ ജമ്മുകശ്മീരില്‍ തീവ്രവാദ പ്രവര്‍ത്തനങ്ങള്‍ വ്യാപകമാവുകയാണെന്നും ഇത്തരം പ്രവര്‍ത്തനങ്ങള്‍ക്കു നല്‍കുന്ന പിന്തുണയിലൂടെ പാകിസ്താന്‍ സമാധാനം യഥാര്‍ത്ഥത്തില്‍ ആഗ്രഹിക്കുന്നില്ലെന്നാണ് വ്യക്തമാവുന്നതെന്നും അദ്ദേഹം കൂട്ടിച്ചേര്‍ത്തു.

തീവ്രവാദികള്‍ക്കെതിരായി സൈന്യവും പാരമിലിറ്ററി വിഭാഗവും പൊലീസും നടപടികള്‍ എടുക്കുന്നുണ്ടെന്നും ഇത് ഇനിയും തുടരുമെന്നും റാവത്ത് മാധ്യമ പ്രവര്‍ത്തകരുമായി സംസാരിക്കവെ വ്യക്തമാക്കി. ഇസ്്‌ലാമാബാദ് തീവ്രവാദികള്‍ക്കെതിരെ ശക്തമായ നടപടികള്‍ സ്വീകരിച്ചാല്‍ പാകിസ്താനുമായി നല്ല ബന്ധം ഇന്ത്യ ആഗ്രഹിക്കുന്നുണ്ടെന്ന് കഴിഞ്ഞ ദിവസം വിദേശകാര്യ വക്താവ് രവീഷ് കുമാര്‍ പറഞ്ഞിരുന്നു. ഇന്ത്യയുടെ മുഖ്യ ആശങ്ക തീവ്രവാദമാണെന്ന് പാകിസ്താന്‍ മനസിലാക്കണമെന്നും പാക് മണ്ണില്‍ നിന്നും പ്രവര്‍ത്തിക്കുന്ന തീവ്രവാദികള്‍ക്കെതിരെ നടപടി എടുക്കണമെന്ന് ഇന്ത്യ നിരന്തരം ആവശ്യപ്പെടുന്നുണ്ടെന്നും അദ്ദേഹം പറഞ്ഞു.

ഇതിനു പിന്നാലെ ഇന്ത്യയുമായി സമാധാനപരമായ ബന്ധം പാകിസ്താന്‍ ആഗ്രഹിക്കുന്നുണ്ടെന്ന് പാക് സൈനിക മേധാവി ജനറല്‍ ഖമര്‍ ജാവേദ് ബജ്‌വ വ്യക്തമാക്കിയിരുന്നു. ഇന്ത്യയുമായി ചര്‍ച്ചകളിലൂടെ വിഷയങ്ങള്‍ പരിഹരിക്കുന്നതിന് സൈന്യം എല്ലാ പിന്തുണയും നല്‍കുമെന്നും അദ്ദേഹം പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തിരുന്നു. കഴിഞ്ഞ ദിവസം പാക് പാര്‍ലമെന്റിനെ അഭിസംബോധന ചെയ്യവെയാണ് സൈനിക മേധാവി ഇക്കാര്യം പറഞ്ഞത്.

Yes, Noorma. We are allowing visa for the liver transplant of your father in India. We wish him a successful surgery and a long life. https://t.co/HM6Cv3xM0O

— Sushma Swaraj (@SushmaSwaraj) October 6, 2017

We are issuing visa for the open heart surgery of your 3 year old daughter in India. We also pray for her speedy recovery here. https://t.co/BDqHPpFuaf

— Sushma Swaraj (@SushmaSwaraj) October 6, 2017

ഉടന്‍ വിസ അനുവദിക്കുന്നതിനുള്ള നടപടികളെടുക്കുമെന്നും ഇരുവരുടെയും ആരോഗ്യത്തിനായി പ്രാര്‍ത്ഥിക്കുന്നതായും സുഷമ ട്വിറ്ററിലൂടെ മറുപടിനല്‍കി.
മനുഷ്യത്വപരമായ നടപടികളിലൂടെ രാജ്യമൊന്നടങ്കം സ്വീകരിച്ച നേതാവാണ് സുഷമാ സ്വരാജ്. രാജ്യങ്ങള്‍ തമ്മിലുള്ള തര്‍ക്കം നിലനില്‍ക്കെ ഈയിടെയായി നിരവധി പാക് പൗരന്മാര്‍ക്ക് സുഷമയുടെ ഇടപെടല്‍മൂലം മെഡിക്കല്‍ വിസ അനുവദിച്ചിരുന്നു.

മത്സരത്തിന്റെ പൂര്‍ണ നിയന്ത്രണം കൈവശം വെച്ച ഇന്ത്യക്കെതിരെ മികച്ച നീക്കങ്ങളൊന്നും നടത്താന്‍ പാകിസ്താനിയില്ല. ഒരു ഘട്ടത്തില്‍ പോലും മത്സരത്തിലേക്ക് തിരിച്ചുവരുന്നതിന്റെ ലക്ഷണം പോലും പാക് താരങ്ങളില്‍ നിന്നുണ്ടാവാതെയായതോടെ മത്സരം പൂര്‍ണമായും ഇന്ത്യന്‍ വരുതിയിലായി. ആദ്യ പകുതിയില്‍ മൂന്നു ഗോളിന് മുന്നില്‍ നിന്ന ഇന്ത്യ രണ്ടാം പകുതിയില്‍ നാലു ഗോളുകള്‍ കൂടി പാക് പോസ്റ്റിലേക്ക് അടിച്ചു കയറ്റി. ജയത്തോടെ പൂള്‍ ബിയില്‍ നെതര്‍ലന്‍ഡ്‌സിനെ പിന്നിലാക്കി ഇന്ത്യ ഒന്നാം സ്ഥാനത്തേക്കു കയറി. നേരത്തെ സ്‌കോട്‌ലന്‍ഡിനെ 4-1നും കനഡയെ 3-0നും ഇന്ത്യ കീഴടക്കിയിരുന്നു. പാകിസ്താന്റെ തുടര്‍ച്ചയായ മൂന്നാം പരാജയമാണിത്.

ഇന്ത്യയെ 180 റണ്‍സിന് തകര്‍ത്താണ് പാകിസ്താന്‍ ചാമ്പ്യന്‍സ് ട്രോഫിയില്‍ ആദ്യമായി മുത്തമിട്ടത്. റണ്‍സ് അടിസ്ഥാനത്തില്‍ ഇന്ത്യക്കെതിരെ പാകിസ്താന്‍ നേടുന്ന ഏറ്റവും വലിയ വിജയമാണിത്. പാകിസ്താന്‍ മുന്നോട്ടു വെച്ച 339 റണ്‍സിന്റെ വിജയ ലക്ഷ്യം പിന്തുടര്‍ന്ന ഇന്ത്യ 158 റണ്‍സിന് എല്ലാവരും പുറത്തായി. 2009ലെ ടി 20 കിരീടത്തിന് ശേഷം പാകിസ്താന്‍ നേടുന്ന അന്തരാഷ്ട്ര കിരീടമാണിത്. എട്ടാം സ്ഥാനക്കാരായി ടൂര്‍ണമെന്റിനെത്തി ഒന്നാം സ്ഥാനക്കാരായാണ് പാകിസ്താന്റെ മടക്കം. ക്രിക്കറ്റ് പണ്ഡിതന്‍മാരുടെ പ്രവചനങ്ങളെ പൂര്‍ണമായും അസ്ഥാനത്താക്കുന്നതായിരുന്നു കലാശക്കളിയില്‍ പാക് താരങ്ങളുടെ പ്രകടനം. ബാറ്റ്‌സ്മാന്‍മാര്‍ തങ്ങളുടെ റോള്‍ ഭംഗിയായി നിര്‍വഹിച്ചപ്പോള്‍ ബൗളര്‍മാര്‍ പുകള്‍പെറ്റ ഇന്ത്യന്‍ ബാറ്റിങ് നിരയെ വരിഞ്ഞുമുറുക്കുകയായിരുന്നു. 43 പന്തില്‍ ആറ് സിക്‌സറുകളും നാല് ബൗണ്ടറിയുമായി അര്‍ധ സെഞ്ച്വറി നേടിയ ഹര്‍ദിക് പാണ്ഡ്യ (76) ഒഴികെ മറ്റാര്‍ക്കും ഇന്ത്യന്‍ നിരയില്‍ തിളങ്ങാനായില്ല. പാണ്ഡ്യ ജഡേജയുടെ മണ്ടത്തരം കാരണം റണ്ണൗട്ടാവുകയായിരുന്നു. സ്‌കോര്‍ ബോര്‍ഡ് തുറക്കും മുമ്പ് ഓപണര്‍ രോഹിത് ശര്‍മയെ വിക്കറ്റിന് മുന്നില്‍ കുടുക്കി മുഹമ്മദ് ആമിറാണ് ഇന്ത്യക്ക് ആദ്യ പ്രഹരമേല്‍പിച്ചത്. ഞെട്ടലില്‍ നിന്നും മുക്തമാവും മുമ്പ് ആമിര്‍ മികച്ച ഫോമിലുള്ള ക്യാപ്റ്റന്‍ കോലിയേയും (05) മടക്കി. ശിഖര്‍ ധവാന്‍ നാല് ബൗണ്ടറികളോടെ 21 റണ്‍സെടുത്തെങ്കിലും ധവാനേയും ആമിര്‍ തന്നെ പവലിയനിലെത്തിച്ചു. യുവരാജ് സിങ് (22) ഫോമിന്റെ ലക്ഷണം കാണിച്ചെങ്കിലും അനാവശ്യ പ്രതിരോധത്തിന് മുതിര്‍ന്ന ശതാബ് ഖാന്റെ പന്തില്‍ വിക്കറ്റിന് മുന്നില്‍ കുടുങ്ങി പുറത്തായി. തകര്‍ച്ചകളില്‍ കരുത്താവാറുള്ള മുന്‍ ക്യാപ്റ്റന്‍ ധോണിക്കും (04) ഇത്തവണ പിഴച്ചു. കൂറ്റനടിക്കു ശ്രമിച്ച ധോണിയെ ഹസന്‍ അലിയുടെ പന്തില്‍ ഇമാദ് വസീം പിടിച്ച് പുറത്താക്കി. കേദാര്‍ ജാദവ് (09) വന്നതും പോയതും ഒരുമിച്ചായിരുന്നു. ശതാബ് ഖാന്റെ പന്തില്‍ വിക്കറ്റ് കീപ്പര്‍ക്ക് പിടികൊടുത്ത് ജാദവും മടങ്ങി. ജഡേജ (15), അശ്വിന്‍ (01), ഭുംറ (01) എന്നിങ്ങനെയായിരുന്നു മറ്റ് സ്‌കോറുകള്‍. പാകിസ്താനു വേണ്ടി ആമിര്‍, ഹസന്‍ അലി എന്നിവര്‍ മൂന്നു വിക്കറ്റുകളും ശതാബ് ഖാന്‍ രണ്ടു വിക്കറ്റും ജുനൈദ് ഖാന്‍ ഒരു വിക്കറ്റും നേടി.
നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ പാകിസ്താന്‍ നിശ്ചിത 50 ഓവറില്‍ നാലു വിക്കറ്റ് നഷ്ടത്തില്‍ 338 റണ്‍സെടുത്തു. ഇന്ത്യയ്‌ക്കെതിരെ ആദ്യം ബാറ്റു ചെയ്ത് പാക്കിസ്താന്‍ നേടുന്ന ഏറ്റവും ഉയര്‍ന്ന സ്‌കോറാണിത്. കന്നി ഏകദിന സെഞ്ചുറിയുമായി കളം നിറഞ്ഞ ഓപ്പണര്‍ ഫഖര്‍ സമാനാണ് (114) പാക്കിസ്താന്റെ ടോപ് സ്‌കോറര്‍. ഇന്നിങ്‌സിന്റെ തുടക്കത്തില്‍ ജസ്പ്രീത് ബുംറയുടെ പന്തില്‍ സമാന്‍ പുറത്തായെങ്കിലും, പന്ത് നോബോളായത് സമാനും പാക്കിസ്താനും അനുഗ്രഹമായി. ഓപ്പണിങ് വിക്കറ്റില്‍ അസ്ഹര്‍ അലിയുമൊത്ത് സമാന്‍ കൂട്ടിച്ചേര്‍ത്ത 128 റണ്‍സാണ് പാക് ഇന്നിങ്‌സിന്റെ നട്ടെല്ല്. അസ്ഹര്‍ അലി (59) അര്‍ധസെഞ്ചുറി നേടി. അവസാന ഓവറുകളില്‍ തകര്‍ത്തടിച്ച് അര്‍ധസെഞ്ചുറി തികച്ച മുഹമ്മദ് ഹഫീസും (57*)പാക്ക് ഇന്നിങ്‌സിന് കാര്യമായ സംഭാവന നല്‍കി. ഇന്ത്യയ്ക്കായി ഭുവനേശ്വര്‍ കുമാര്‍, ഹാര്‍ദിക് പാണ്ഡ്യ, കേദാര്‍ ജാദവ് എന്നിവര്‍ ഓരോ വിക്കറ്റ് വീഴ്ത്തി. ഇന്ത്യന്‍ ബൗളര്‍മാര്‍ ചേര്‍ന്ന് 25 റണ്‍സാണ് എക്‌സ്ട്രായിനത്തില്‍ പാക്കിസ്താന് സംഭാവന ചെയ്തത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ പാക്കിസ്താന്റെ തുടക്കം കരുതലോടെയായിരുന്നു. ഭുവനേശ്വര്‍ കുമാര്‍ എറിഞ്ഞ ആദ്യ ഓവര്‍ മെയ്ഡനാകുന്നതു കണ്ടുകൊണ്ടാണ് മല്‍സരത്തിന് തുടക്കമായത്. ഭുവനേശ്വറിനൊപ്പം ജസ്പ്രീത് ബുംറയും മികച്ച രീതിയില്‍ പന്തെറിഞ്ഞതോടെ പാകിസ്താന്റെ തുടക്കം പതറി. എന്നാല്‍, പതുക്കെ നിലയുറപ്പിച്ച പാക് ഓപ്പണര്‍മാര്‍ പിന്നീട് ഇന്ത്യന്‍ ബൗളിങ്ങിനെ പിച്ചിച്ചീന്തുകയായിരുന്നു. പാക് നിരയിലെ അപകടകാരിയായ ഫഖര്‍ സമാനെ നാലാം ഓവറിന്റെ ആദ്യ പന്തില്‍ ബുംറ മടക്കിയെങ്കിലും പന്ത് നോബോളായത് ഇന്ത്യയ്ക്ക് തിരിച്ചടിയായി. സെഞ്ചുറി കൂട്ടുകെട്ട് തീര്‍ത്ത ഇരുവരും പാക് ഇന്നിങ്‌സിന് അടിത്തറയിട്ടു. 23 ഓവര്‍ ക്രീസില്‍ നിന്ന ഇരുവരും 5.56 റണ്‍സ് ശരാശരിയില്‍ 128 റണ്‍സ് കൂട്ടിച്ചേര്‍ത്തു. ഒടുവില്‍ അസ്ഹര്‍ അലിയുടെ വിക്കറ്റിലൂടെ ഇന്ത്യ കാത്തിരുന്ന ആശ്വാസമെത്തി. മൂന്നാമനായെത്തിയ ബാബര്‍ അസമിനെ കൂട്ടുപിടിച്ച് ഫഖര്‍ സമാന്‍ പാക് ഇന്നിങ്‌സിനെ മുന്നോട്ടു നയിച്ചു. രണ്ടാം വിക്കറ്റില്‍ സമാന്‍അസം സഖ്യം കൂട്ടിച്ചേര്‍ത്തത് 72 റണ്‍സ്. അതിനിടെ സമാന്റെ കന്നി ഏകദിന സെഞ്ചുറിയുമെത്തി. 106 പന്തില്‍ 12 ബൗണ്ടറിയും മൂന്നു സിക്‌സും ഉള്‍പ്പെടെ 114 റണ്‍സെടുത്ത സമാനെ പാണ്ഡ്യയാണ് പുറത്താക്കിയത്. 46 റണ്‍സുമായി ബാബര്‍ അസമും മടങ്ങി. ഇമാദ് വാസിമിനെ കൂട്ടുപിടിച്ച് മുഹമ്മദ് ഹഫീസ് തകര്‍ത്തടിച്ചതോടെ പാക്ക് സ്‌കോര്‍ അനായാസം 300 കടന്നു.
പിരിയാത്ത അഞ്ചാം വിക്കറ്റില്‍ 7.3 ഓവര്‍ ക്രീസില്‍ നിന്ന ഹഫീസ്‌വാസിം സഖ്യം 9.46 ശരാശരിയില്‍ 71 റണ്‍സ് കൂട്ടിച്ചേര്‍ത്തു.

അതേസമയം വാതുവെപ്പുകാരുടെ ഫേവറേറ്റ് ടീം ഇന്ത്യയാണ്. ഇന്ത്യ ജയിക്കുമെന്ന് പന്തയവെച്ചാണ് വാതുവെപ്പില്‍ കൂടുതല്‍ പേരും പങ്കെടുത്തിരിക്കുന്നത്. ഇന്ത്യന്‍ വിജയിക്കുമെന്ന് 100 രൂപക്ക് പന്തയം വെക്കുകയും അങ്ങനെ സംഭവിച്ചാല്‍ 147 രൂപ ലഭിക്കുന്നതുമാണ് പന്തയം. എന്നാല്‍ പാകിസ്താന്‍ അനുകൂലമായി പന്തയം വാതുവെപ്പില്‍ ഇത്തിരി കടന്ന കയ്യാണെങ്കിലും വിജയിച്ചാല്‍ 300 രൂപയാണ് ലഭിക്കുക.

നീണ്ട പത്ത് വര്‍ഷത്തെ ഇടവേളക്ക് ശേഷം ഇന്ത്യയും പാകിസ്താനും തമ്മിലുള്ള കലാശപ്പൊരാട്ടമാണ് വാതുവെപ്പിന്റെ വാശി കൂട്ടുന്നത്. സ്വപ്ന ഫൈനലിന്റെ വാതുവെപ്പില്‍ ഇന്ത്യക്കാരും പങ്കെടുക്കുന്നതായാണ് റിപ്പോര്‍ട്ട്. ഇന്ത്യയടക്കമുള്ള രാജ്യങ്ങളില്‍ വാതുവെപ്പ് നിയമവിരുദ്ധമാണെങ്കിവും ക്രെഡിറ്റ് കാര്‍ഡും ഇ-വാലെറ്റും ഉപയോഗിച്ച് ഓണ്‍ലൈന്‍ വഴിയാണ് ഇന്ത്യക്കാര്‍ വാതുവെപ്പില്‍ പങ്കെടുക്കുന്നത്. ഈ വര്‍ഷം ഇന്ത്യ കളിക്കുന്ന എല്ലാ മത്സത്തിനും കൂടി ഏകദേശം രണ്ടു ലക്ഷം കോടി രൂപയുടെ വാതുവെപ്പ് നടന്നതായാണ് വിവരം.

ഇന്നലെ പുലര്‍ച്ചെ 6.45നാണ് ആദ്യ ആക്രമണമുണ്ടായത്. 82 എം.എം, 120 എം.എം മോര്‍ട്ടാല്‍ ഷെല്ലുകള്‍ ഉപയോഗിച്ചായിരുന്നു ആക്രമണമെന്ന് പ്രതിരോധ വക്താവ് പറഞ്ഞു.
നൗഷേറ സെക്ടറിലെ ചിട്ടിബക്‌രി, ചിന്‍ഗസ് പ്രദേശങ്ങളിലാണ് ഷെല്ലുകള്‍ പതിച്ചതെന്ന് രജൗരി ഡപ്യൂട്ടി കമ്മീഷണര്‍ ഷാഹിദ് ഇഖ്ബാല്‍ ചൗധരി പറഞ്ഞു. ഈ മേഖലയില്‍നിന്നുള്ള ആയിരത്തോളം പോരെ ദുരിതാശ്വാസ കേന്ദ്രങ്ങളിലേക്ക് മാറ്റിപ്പാര്‍പ്പിച്ചിട്ടുണ്ട്. ഇന്നലെ വൈകിട്ടു വരെയുള്ള കണക്കു പ്രകാരം 978 പേര്‍ ക്യാമ്പുകളില്‍ എത്തിയതായി ഡപ്യൂട്ടി കമ്മീഷണര്‍ പറഞ്ഞു. 259 കുടുംബങ്ങളെക്കൂടി മാറ്റിപ്പാര്‍പ്പിക്കുന്നതിനുള്ള നടപടികള്‍ സ്വീകരിച്ചു വരികയാണ്. നൗഷേറെ സെക്ടറിലെ 51 സ്‌കൂളുകള്‍ അനിശ്ചിതകാലത്തേക്ക് അടച്ചിട്ടിരിക്കുകയാണ്. മഞ്ഞക്കോട്ടെ, ദൂംഗി സെക്ടറുകളില്‍ 36 സ്‌കൂളുകളും അടച്ചിട്ടിട്ടുണ്ട്. 87 സ്‌കൂളുകളിലായി 4600ലധികം വിദ്യാര്‍ത്ഥികളാണ് പഠിക്കുന്നത്.

മൂന്ന് ദുരിതാശ്വസ ക്യാമ്പുകളാണ് മേഖലയില്‍ പ്രവര്‍ത്തിക്കുന്നത്. ഇവിടേക്ക് ആവശ്യമായ ഭക്ഷണം, കുടിവെള്ളം എന്നിവ ലഭ്യമാക്കിയിട്ടുണ്ടെന്നും ആവശ്യമെങ്കില്‍ കൂടുതല്‍ ക്യാമ്പുകള്‍ തുറക്കുമെന്നും ചൗധരി കൂട്ടിച്ചേര്‍ത്തു. പരിക്കേറ്റവരെ ആസ്പത്രികളില്‍ എത്തിക്കുന്നതിനും മറ്റുമായി ആറ് ആംബുലന്‍സുകള്‍ മേഖലയില്‍ വിന്യസിച്ചിട്ടുണ്ട്. രണ്ട് മൊബൈല്‍ മെഡിക്കല്‍ യൂണിറ്റുകളെയും നിയോഗിച്ചിട്ടുണ്ട്. ഇതില്‍ ഒന്ന് നൗഷേറയിലും മറ്റൊന്ന് നിയന്ത്രണ രേഖയോടു ചേര്‍ന്ന പ്രദേശത്തുമാണ് ക്യാമ്പു ചെയ്യുന്നത്. ദുരിതാശ്വാസ ക്യാമ്പുകളുടെ പ്രവര്‍ത്തനങ്ങള്‍ ഏകോപിപ്പിക്കുന്നതിനായി വിവിധ വകുപ്പുകളില്‍നിന്നായി 120ഓളം സര്‍ക്കാര്‍ ജീവനക്കാരെ നിയോഗിച്ചതായി രജൗരി ജില്ലാ ഭരണകൂടം വ്യക്തമാക്കി. പാക് ഷെല്ലാക്രമണത്തില്‍ കൊല്ലപ്പെട്ടവരുടെ ബന്ധുക്കള്‍ക്ക് ജില്ലാ ഭരണകൂടം അടിയന്തര സാമ്പത്തിക സഹായം കൈമാറി. നൗഷേറ ഡപ്യൂട്ടി കളക്ടറുടെ ഓഫീസില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമും ആരംഭിച്ചിട്ടുണ്ട്.