രാഹുലിന് ഹോക്കി താരങ്ങള്‍ക്കൊപ്പം ഇരിപ്പിടം നല്‍കിയത് നാലാംനിരയിലാണ്. പ്രോട്ടോക്കോള്‍ പാലിക്കാത്തതിന് എതിരായാണ് വിമർശനം ഉയർന്നത്. എന്നാൽ, ഒളിംപിക്സ് ജേതാക്കള്‍ക്ക് ഇരിപ്പിടം നൽകാനാണ് ഇങ്ങനെ ക്രമീകരണം ഏർപ്പെടുത്തിയതെന്നാണ് അധികൃതരുടെ വിശദീകരണം.

വിവിധ സംസ്ഥാനങ്ങളിലെ രണ്ടായിരത്തോളം കലാകാരന്മാരും ചെങ്കോട്ടയിൽ പരിപാടികൾ അവതരിപ്പിച്ചു. പാരീസ് ഒളിംപിക്സിൽ പങ്കെടുത്ത ഇന്ത്യൻ സംഘവും ആഘോഷങ്ങളുടെ ഭാഗമായി. വിശിഷ്ട ഭാരത് 2047 എന്ന പ്രമേയം അടിസ്ഥാനമാക്കിയാണ് ഈ വർഷത്തെ ആഘോഷം.

രാജ്യത്തെ എല്ലാ ജനങ്ങൾക്കും സ്വാതന്ത്ര്യ ദിനാശംസകൾ. നമ്മളെ സംബന്ധിച്ചിടത്തോളം സ്വാതന്ത്ര്യം എന്നത് വെറുമൊരു വാക്ക് മാത്രമല്ല. അത് ഭരണഘടനാപരവും ജനാധിപത്യപരവുമായ മൂല്യങ്ങളിൽ ഇഴ ചേർത്ത ഏറ്റവും വലിയ സംരക്ഷണ കവചമാണ്. അത് ആവിഷ്‌കാരത്തിന്റെ ശക്തിയാണ്. സ്വപ്‌നങ്ങൾ നിറവേറ്റാനുള്ള പ്രതീക്ഷയാണ് എന്നും രാഹുൽ എക്‌സിൽ കുറിച്ചു.

ദേശീയ പതാക ഉയര്‍ത്തുമ്പോള്‍ ശ്രദ്ധിക്കേണ്ട ചില കാര്യങ്ങൾ

മൂന്ന് നിറങ്ങളാണ് ദേശീയ പതാകയ്ക്കുള്ളത്. മുകളില്‍ വരേണ്ട നിറം സാഫ്രണ്‍ ആണ്. മധ്യത്തില്‍ വെള്ള, താഴെ പച്ച. ഇങ്ങനെയാണ് ദേശീയ പതാക ഉയര്‍ത്തേണ്ടത്.

കേട് സംഭവിച്ചതും പഴകിയതുമായ പതാക ഒരിക്കലും കെട്ടാനോ ഉയർത്താനോ പാടില്ല.

അലങ്കാര വസ്തുവായും റിബണ്‍ രൂപത്തില്‍ വളച്ചും ദേശീയ പതാക കെട്ടരുത്.
ദേശീയ പതാകകൾ ഒരുകാരണവശാലും നിലത്ത് ഉപേക്ഷിക്കാൻ ഇട വരരുത്.

ദീർഘ ചതുരാകൃതിയില്‍ ആയിരിക്കണം ദേശീയ പതാക. പതാകയുടെ നീളവും ഉയരവും തമ്മിലുള്ള അനുപാതം 3:2 ആയിരിക്കണം.
കൈകൊണ്ട് നെയ്ത കമ്പിളി/പരുത്തി/പട്ട്/ ഖാദി എന്നിവ കൊണ്ടാകണം പതാക നിർമ്മിക്കാൻ.

പതാകയില്‍‌ മറ്റ് അക്ഷരങ്ങളോ ചിഹ്നങ്ങളോ പ്രിന്റ് ചെയ്യരുത്.
ശവസംസ്കാര ചടങ്ങില്‍‌ ദേശീയ പതാക ഉപയോ‌ഗിക്കാൻ പാടില്ല.
യൂണിഫോമായോ മറ്റ് വേഷങ്ങളിലോ ഉപയോഗിക്കരുത്.

തലയണകള്‍, തൂവാലകള്‍, നാപ്കിനുകള്‍ തുടങ്ങിയവയില്‍ ദേശീയ പതാക പ്രിന്റ് ചെയ്യരുത്.

മേശ വിരിയായോ തറയില്‍ വിരിക്കുകയോ ചെയ്യരുത്.
വാഹനങ്ങളില്‍ ദേശീയ പതാക കെട്ടാൻ പാടില്ല.
പതാക ഉയർത്തുമ്പോള്‍ വേഗത്തിലും താഴ്‌ത്തുമ്പോള്‍ സാവധാനത്തിലും വേണം.

ഇന്ത്യയിലെ ഭൂരിപക്ഷം വരുന്ന ജനങ്ങളും മതേതര ചിന്താഗതിക്കാരാണ്. മതേതര ചേരിയിലെ ഭിന്നിപ്പായിരുന്നു ഫാസിസത്തിന് എളുപ്പം വളരാൻ വഴിയൊരുക്കിയത്. എന്നാൽ വൈകിയാണെങ്കിലും മതേതര കക്ഷികള്‍ ഇത് തിരിച്ചറിഞ്ഞത് ശുഭകരമാണെന്ന് നേതാക്കൾ പറഞ്ഞു. ഏത് പ്രതിസന്ധികള്‍ക്കിടയിലും ശുഭാപ്തി വിശ്വാസം കൈവെടിയാതിരിക്കാനുള്ള ജാഗ്രത നമുക്കുണ്ടാവണം. വയനാട്ടിലെ ദുരന്തം നൽകിയ തീരാ നഷ്ടങ്ങളെ അതിജീവിക്കുന്നതിനിടയിലാണ് ഇത്തവണത്തെ സ്വാതന്ത്ര്യ ദിനം വന്നു ചേർന്നത്. ആൾ നഷ്ടത്തിനും സ്വത്ത് നഷ്ടത്തിനും ഒരേ വേദനയാണ് എന്ന പാഠം കൂടിയാണ് ദുരന്തം പഠിപ്പിക്കുന്നത്. ദുരന്തബാധിതരെ ചേർത്ത് പിടിക്കാൻ ജാതി- മത – രാഷ്ട്രീയ വേർതിരിവുകളില്ലാതെ കേരളം ഒറ്റകെട്ടാണ്. വയനാടിൻ്റെ വീണ്ടെടുപ്പിനായി സന്നദ്ധ പ്രവർത്തകർ എല്ലാം മറന്ന് ദുരന്തമണ്ണിൽ കർമ്മ നിരതരാണ്.

യുണിറ്റി ഡേയുടെ ഭാഗമായി ദേശീയ പതാക ഉയര്‍ത്തുകയും സ്വാതന്ത്ര്യ ദിന സന്ദേശം കൈമാറുകയും, പ്രതിജ്ഞ എടുക്കുകയും ചെയ്യും. ദേശീയ ഗാനാലാപനത്തോടെ പരിപാടി സമാപിക്കും. മുഴുവന്‍ ശാഖകളിലും യൂണിറ്റി ഡേ നടക്കുന്നുണ്ടെന്ന് മേല്‍ കമ്മറ്റികള്‍ ഉറപ്പ് വരുത്തണമെന്ന് നേതാക്കൾ അഭ്യർത്ഥിച്ചു.