india-australia – Chandrika Daily

ഇന്ത്യഓസ്ട്രേലിയ രണ്ടാം ഏകദിനം; പരമ്പര നിലനിര്‍ത്താന്‍ ഇന്ത്യയ്ക്ക് നിര്‍ണായക പോരാട്ടം

webdesk18 — Thu, 23 Oct 2025 03:15:43 +0000

അഡലെയ്ഡ്: മൂന്ന് മത്സരങ്ങളടങ്ങിയ ഏകദിന പരമ്പരയിലെ രണ്ടാം മത്സരം ഇന്ന് അഡലെയ്ഡ് ഓവലില്‍ നടക്കും. ഇന്ത്യന്‍ സമയം രാവിലെ ഒന്‍പത് മണിക്കാണ് മത്സരം ആരംഭിക്കുക. ആദ്യ മത്സരത്തില്‍ ഏഴ് വിക്കറ്റിന് പരാജയപ്പെട്ട ഇന്ത്യ പരമ്പരയില്‍ 1-0ന് പിന്നിലാണ്.

ഓസ്‌ട്രേലിയക്കെതിരെ തിരിച്ചടിക്കാന്‍ ശുഭ്മന്‍ ഗില്ലിന്റെ നേതൃത്വത്തിലുള്ള ടീം ഇന്ത്യ ഉറച്ച തീരുമാനം എടുത്തിരിക്കുകയാണ്. ഈ മത്സരത്തിലും തോറ്റാല്‍ പരമ്പര 2-0ന് ഓസ്‌ട്രേലിയ സ്വന്തമാക്കും. അതിനാല്‍ തന്നെ ഇന്ന് ഇന്ത്യന്‍ താരങ്ങള്‍ക്ക് മുന്നിലുള്ളത് വലിയ അഗ്‌നിപരീക്ഷയാണ്.

വിരാട് കോഹ്ലിയും രോഹിത് ശര്‍മയും ഉള്‍പ്പെടെ മുന്‍നിര ബാറ്റര്‍മാര്‍ കഴിഞ്ഞ മത്സരത്തില്‍ നിരാശപ്പെടുത്തിയിരുന്നു. പെര്‍ത്തില്‍ മഴയെത്തി മത്സരത്തിന്റെ രസം നശിപ്പിക്കുകയും ഡക്ക് വര്‍ത്ത്-ലൂയിസ് നിയമപ്രകാരം ഓസ്‌ട്രേലിയ വിജയിക്കുകയും ചെയ്തു. കോഹ്ലി പൂജ്യത്തിനും രോഹിത് എട്ട് റണ്‍സിനും പുറത്തായിരുന്നു.

അഡലെയ്ഡിലെയും കാലാവസ്ഥയില്‍ മഴയുടെ ഭീഷണി തുടരുന്നുണ്ടെങ്കിലും മത്സരം തടസ്സപ്പെടാന്‍ സാധ്യത കുറവാണ്. ഇന്ത്യയ്ക്കു ഏറ്റവും പ്രിയപ്പെട്ട വേദികളിലൊന്നാണ് അഡലെയ്ഡ് ഓവല്‍ കഴിഞ്ഞ 17 വര്‍ഷമായി ഇവിടെ ഇന്ത്യ ഒരു ഏകദിനത്തിലും തോറ്റിട്ടില്ല എന്നത് ടീമിന് ആത്മവിശ്വാസം നല്‍കുന്നു.

അതിനാല്‍ തന്നെ, ഇന്ന് ഇന്ത്യ പരമ്പര നിലനിര്‍ത്താനുള്ള നിര്‍ണായക പോരാട്ടത്തിനായി ഇറങ്ങുമ്പോള്‍ ആരാധകരും ആത്മവിശ്വാസത്തിലാണ്.

ഇന്ത്യഓസ്‌ട്രേലിയ ഏകദിന പരമ്പര: ഇന്ന് ഇന്ത്യന്‍ സ്‌ക്വാഡ് പ്രഖ്യാപിക്കും

webdesk17 — Sat, 04 Oct 2025 05:39:31 +0000

ന്യൂഡല്‍ഹി: ഒക്ടോബര്‍ 19ന് ആരംഭിക്കുന്ന ഇന്ത്യഓസ്‌ട്രേലിയ ഏകദിന പരമ്പരയ്ക്കുള്ള ഇന്ത്യന്‍ ടീമിനെ ഇന്ന് പ്രഖ്യാപിച്ചേക്കുമെന്ന് റിപ്പോര്‍ട്ടുകള്‍. ഇതിഹാസ താരങ്ങളായ വിരാട് കോഹ്ലിയും ക്യാപ്റ്റന്‍ രോഹിത് ശര്‍മയും ടീമിലേക്ക് തിരിച്ചെത്തും. 2025 ചാമ്പ്യന്‍സ് ട്രോഫിക്ക് ശേഷം ആദ്യമായാണ് ഇരുവരും ഒരുമിച്ച് നീലജേഴ്‌സിയില്‍ ഇറങ്ങുന്നത്.

സെലക്ടര്‍മാര്‍ ഇന്ന് ടീമിനെ പുറത്തുവിടാന്‍ ഒരുങ്ങുകയാണ്. എന്നാല്‍ ഇന്ത്യവെസ്റ്റ് ഇന്‍ഡീസ് മത്സരഫലം വന്നതിന് ശേഷം മാത്രമായിരിക്കും സ്‌ക്വാഡ് പ്രഖ്യാപിക്കുക. ഓസ്‌ട്രേലിയന്‍ പര്യടനത്തില്‍ മൂന്ന് ഏകദിനവും അഞ്ച് ടി20 മത്സരങ്ങളും ഇന്ത്യ കളിക്കും. താരങ്ങളുടെ ഫിറ്റ്‌നസ് മാനദണ്ഡമാണ് തെരഞ്ഞെടുപ്പില്‍ പ്രധാനമായും പരിഗണിക്കുന്നത്.

ഏഷ്യാ കപ്പില്‍ പരിക്കേറ്റ ഹാര്‍ദിക് പാണ്ഡ്യക്ക് പകരം നിതീഷ് കുമാര്‍ റെഡ്ഡിയെ ഉള്‍പ്പെടുത്താനുള്ള സാധ്യത ഉണ്ട്. പരിക്ക് ഭേദമാകുന്ന വിക്കറ്റ് കീപ്പര്‍ ബാറ്റര്‍ ഋഷഭ് പന്തിന് വിശ്രമം നല്‍കുമെന്നാണ് റിപ്പോര്‍ട്ട്. അതിനാല്‍ കെ.എല്‍. രാഹുലിനൊപ്പം സഞ്ജു സാംസണ്‍ രണ്ടാമത്തെ വിക്കറ്റ് കീപ്പറാവും.

ജസ്പ്രീത് ബുംറ, ശുഭ്മാന്‍ ഗില്‍, കുല്‍ദീപ് യാദവ് എന്നിവര്‍ക്കും വിശ്രമം നല്‍കാന്‍ സാധ്യത ഏറെയാണ്. നവംബറില്‍ ദക്ഷിണാഫ്രിക്കക്കെതിരെ ഇന്ത്യ സ്വന്തം മണ്ണില്‍ കളിക്കുന്ന ടെസ്റ്റ് പരമ്പര മുന്നില്‍ കണ്ടാണ് ഈ തീരുമാനം. ഗില്ലിന് വിശ്രമം നല്‍കിയാല്‍ ടി20 ഓപ്പണര്‍ അഭിഷേക് ശര്‍മക്ക് ഏകദിന ടീമിലേക്ക് വിളി ലഭിക്കാം.

ഓസീസിനെതിരായ അഞ്ചാം ടി20 ഇന്ന്; വൈകിട്ട് ഏഴ് മണിക്ക് ചിന്നസ്വാമി സ്‌റ്റേഡിയത്തില്‍

webdesk14 — Sun, 03 Dec 2023 06:51:32 +0000

ഇന്ത്യ-ഓസ്‌ട്രേലിയ അഞ്ചാം ടി20 ഇന്ന്. ഓസീസിനെതിരായ പരമ്പര സ്വന്തമാക്കിയെങ്കിലും അവസാന മത്സരം വിജയത്തോടെ അവസാനിപ്പിക്കാനാണ് നീലപ്പട ഇന്നിറങ്ങുന്നത്. അതേസമയം ആശ്വാസവിജയത്തോടെ നാട്ടിലേക്ക് മടങ്ങാനാണ് ഓസീസ് ഇറങ്ങുക.

അഞ്ച് മത്സരങ്ങളടങ്ങിയ പരമ്പര 3-1 നാണ് സൂര്യകുമാര്‍ യാദവും സംഘവും സ്വന്തമാക്കിയത്. ബെംഗളൂരുവിലെ ചിന്നസ്വാമി സ്റ്റേഡിയത്തില്‍ വൈകിട്ട് ഏഴ് മണിക്കാണ് മത്സരം.

സിറാജിനു നേരെ വീണ്ടും വംശീയ അധിക്ഷേപം; കാണികളെ ഗ്രൗണ്ടില്‍ നിന്ന് പുറത്താക്കി

web desk 1 — Sun, 10 Jan 2021 06:17:15 +0000

സിഡ്‌നി: ഇന്ത്യന്‍ പേസര്‍ മുഹമ്മദ് സിറാജിനെതിരെ വീണ്ടും ഓസീസ് കാണികള്‍ വംശീയ അധിക്ഷേപം നടത്തിയതായി പരാതി. മൂന്നാം ടെസ്റ്റില്‍ ബൗണ്ടറി ലൈനില്‍ ഫീല്‍ഡ് ചെയ്യുന്നതിനിടെ സിറാജിനെ പ്രകോപിപ്പിച്ച ഒരു കൂട്ടം യുവാക്കളെ പൊലീസ് ഇടപെട്ട് ഗ്രൗണ്ടില്‍ നിന്ന് പുറത്താക്കി. കാണികള്‍ക്കെതിരെ മാച്ച് ഒഫീഷ്യലുകളോട് സിറാജ് പരാതിപ്പെട്ടിരുന്നു. ഇതിനു പിന്നാലെയാണ് പൊലീസ് ഇടപെട്ടത്. വംശീയ അധിക്ഷേപം നടത്തിയ ആറംഗ സംഘത്തെ ഗ്രൗണ്ടിന് പുറത്താക്കി.

തനിക്കെതിരായി വംശീയാധിക്ഷേപം നടത്തിയത് സിറാജ് ക്യാപ്റ്റന്‍ അജിങ്ക്യ രഹാനയെ അറിയിച്ചു. തുടര്‍ന്ന് മത്സരം ഏതാനും മിനുറ്റ് നേരത്തേക്ക് തടസപ്പെട്ടു.

മദ്യപിച്ചെത്തിയവരാണ് അധിക്ഷേപ പരാമര്‍ശങ്ങള്‍ക്ക് പിന്നിലെന്നാണ് വിവരം. സിറാജിനും ജസ്പ്രീത് ബുംറക്കുമെതിരെ ഇന്നലെയും സമാന രീതിയില്‍ അധിക്ഷേപങ്ങള്‍ നടന്നിരുന്നു.

വംശീയ അധിക്ഷേപം നടത്തുന്നവര്‍ ആരായാലും പിടിച്ച് വെളിയില്‍ കളയണമെന്ന് മുന്‍ ഓസീസ് താരവും കമന്റേറ്ററുമായ മൈക്ക് ഹസി പ്രതികരിച്ചു.

ഇന്ത്യക്ക് 407 റണ്‍സ് വിജയലക്ഷ്യം; ഓസ്‌ട്രേലിയ ഡിക്ലയര്‍ ചെയ്തു

web desk 1 — Sun, 10 Jan 2021 04:58:01 +0000

സിഡ്‌നി: മൂന്നാം ക്രിക്കറ്റ് ടെസ്റ്റില്‍ ഇന്ത്യ അല്‍പം വിയര്‍പ്പൊഴുക്കിയാലല്ലാതെ സമനില പോലും ആവില്ല. ഇന്ത്യക്ക് മുന്നില്‍ 407 റണ്‍സ് വിജയലക്ഷ്യവുമായി ഓസ്‌ട്രേലിയ ഡിക്ലയര്‍ ചെയ്തു. ഒന്നാം ഇന്നിങ്‌സില്‍ 94 റണ്‍സിന്റെ ലീഡുള്ള ഓസീസ് രണ്ടാം ഇന്നിങ്‌സില്‍ ആറു വിക്കറ്റ് നഷ്ടത്തില്‍ 312 റണ്‍സെടുക്കുകയായിരുന്നു.

ഒരു ദിവസത്തെ കളിയും ഒരു സെഷനും ബാക്കിയുണ്ട് ഇനി കളിയുടെ ഗതി തീരുമാനിക്കാന്‍. തോല്‍വി ഒഴിവാക്കാനായിട്ട് ഇന്ത്യ 100 ഓവറില്‍ അധികം പിടിച്ചു നില്‍ക്കുമോ എന്നാണ് ഉറ്റു നോക്കുന്നത്. ജയിക്കുക എന്നത് നിലവിലെ സ്ഥിതിയില്‍ ഇന്ത്യക്ക് ഏറെക്കുറേ അസാധ്യമാണെന്നാണ് ക്രിക്കറ്റ് വിദഗ്ധര്‍ വിലയിരുത്തുന്നത്.

ഓസ്‌ട്രേലിയന്‍ നിരയില്‍ മൂന്നു പേര്‍ അര്‍ധസെഞ്ചുറി നേടി. മാര്‍നസ് ലബുഷെയ്ന്‍ (118 പന്തില്‍ 73), സ്റ്റീവ് സ്മിത്ത് (167 പന്തില്‍ 81), കാമറൂണ്‍ ഗ്രീന്‍ (132 പന്തില്‍ 84) എന്നിവരാണ് ഓസീസ് ഇന്നിങ്‌സിന്റെ നട്ടെല്ലായി മാറിയ അര്‍ധസെഞ്ചുറിക്കാര്‍. ക്യാപ്റ്റന്‍ ടിം പെയ്ന്‍ 39 റണ്‍സുമായി പുറത്താകാതെ നിന്നു. ഡേവിഡ് വാര്‍ണര്‍ (29 പന്തില്‍ 13), വില്‍ പുകോവ്‌സ്‌കി (16 പന്തില്‍ 10), മാത്യു വെയ്ഡ് (11 പന്തില്‍ നാല്) എന്നിങ്ങനെയാണ് മറ്റു താരങ്ങളുടെ പ്രകടനം. ഇന്ത്യയ്ക്കായി നവ്ദീപ് സെയ്‌നി, രവിചന്ദ്രന്‍ അശ്വിന്‍ എന്നിവര്‍ രണ്ടു വിക്കറ്റ് വീതം വീഴ്ത്തി.

ഇന്ത്യ-ഓസ്‌ട്രേലിയ ആദ്യ ടെസ്റ്റ് ഇന്നുമുതല്‍

web desk 1 — Thu, 17 Dec 2020 03:15:21 +0000

ഇന്ത്യ-ഓസ്‌ട്രേലിയന്‍ പര്യടനത്തിലെ ടെസ്റ്റ് പരമ്പരക്ക് ഇന്ന് തുടക്കം. ഇന്ന് ഇന്ത്യന്‍ സമയം രാവിലെ 9:30ന് ആണ് മല്‍സരം ആരംഭിക്കുന്നത്. നാല് ടെസ്റ്റ് മത്സരങ്ങളാണ് ഉള്ളത്. ഏകദിന ടി20 മത്സരങ്ങളില്‍ ഇന്ത്യയും ഓസ്‌ട്രേലിയയും വിജയിച്ചിരുന്നു. ഏകദിന പരമ്പര ഓസ്‌ട്രേലിയ 2-1ന് ജയിച്ചപ്പോള്‍ ടി20 പരമ്പര ഇന്ത്യ 2-1ന് സ്വന്തമാക്കുകയായിരുന്നു. ടെസ്റ്റ് പരമ്ബരയില്‍ നാല് മത്സരങ്ങളാണ് ഉള്ളത്.

രാത്രിയും പകലുമായാണ് ടെസ്റ്റ് മത്സരം നടക്കുക. ആദ്യ ടെസ്റ്റിനുള്ള ഇന്ത്യന്‍ ടീമിനെ ഇന്നലെ പ്രഖ്യാപിച്ചിരുന്നു. ലോകേഷ് രാഹുലും ശുഭ്മാന്‍ ഗില്ലും ടീമില്‍ ഇടം നേടിയിട്ടില്ല. പന്തിന് പകരം സാഹ ആണ് ഇന്ത്യയുടെ വിക്കറ്റ് കീപ്പര്‍. ടിം പെയ്ന്‍ നയിക്കുന്ന ഓസീസ് അന്തിമടീമിനെ പ്രഖ്യാപിച്ചിട്ടില്ല.

ഡേവിഡ് വാര്‍ണര്‍ ഇല്ലാത്തത് ഓസ്‌ട്രേലിയക്ക് തിരിച്ചടിയാകും. സ്റ്റീവ് സ്മിത്തും മാര്‍ണസ് ലബുഷെയ്‌നുമാണ് അവരുടെ കരുത്ത്. ഇന്ത്യന്‍ ടീമില്‍ ഗില്ലിന് പകരം പൃഥ്വി ഷായാണ് ഓപ്പണറായെത്തുക. കൂടാതെ മധ്യ നിരയില്‍ ചേതേശ്വര്‍ പൂജാര, അജിന്‍ക്യ രഹാനെയും ഉണ്ട്. അശ്വിന്‍, ഷമി, ബുമ്ര, ഉമേഷ് യാദവ് എന്നിവരാണ് ഇന്ത്യയുടെ ബൗളിംഗ് ടീം.

ഇന്ത്യ-ഓസ്‌ട്രേലിയ രണ്ടാം ടി20 ഇന്ന്

web desk 1 — Sun, 06 Dec 2020 03:48:57 +0000

ഇന്ത്യ-ഓസ്‌ട്രേലിയ രണ്ടാം ടി20 മത്സരം ഇന്ന്. ആദ്യ മത്സരത്തില്‍ ഇന്ത്യക്കായിരുന്നു ജയം. ഇന്നത്തെ മത്സരം ജയിച്ചാല്‍ പരമ്പര ഇന്ത്യക്ക് സ്വന്തമാക്കാം. ഏകദിന പരമ്പര നഷ്ടമായ ഇന്ത്യക്ക് ഇതൊരു ആശ്വാസമാകും. അതേസമയം സമനില പിടിക്കാനായിരിക്കും ഓസ്‌ട്രേലിയയുടെ ശ്രമം.

പരുക്കാണ് ആതിഥേയരെ അലട്ടുന്ന പ്രശ്‌നം. ഡേവിഡ് വാര്‍ണര്‍, ആഷ്ടണ്‍ അഗാര്‍, മാര്‍ക്കസ് സ്റ്റോയിനിസ്, മിച്ചല്‍ മാര്‍ഷ് എന്നിവര്‍ക്ക് നേരത്തെ പരുക്കേറ്റിരുന്നു. ഫിഞ്ചിനും പരുക്കാണ്. ഇന്ന് കളിക്കുമോ ഇല്ലയോ എന്നതില്‍ വ്യക്തതയില്ല. മിച്ചല്‍ സ്റ്റാര്‍ക്ക് ആവട്ടെ കുടുംബപരമായ പ്രശ്‌നങ്ങളെ തുടര്‍ന്ന് നാട്ടിലേക്ക് മടങ്ങി.

ഇന്ത്യന്‍ നിരയില്‍ പരുക്കേറ്റ രവീന്ദ്ര ജഡേജക്ക് പകരം യുസ്‌വേന്ദ്ര ചഹാല്‍ ഇറങ്ങും. കഴിഞ്ഞ മത്സരത്തില്‍ കണ്‍കഷന്‍ സബ്സ്റ്റിറ്റിയൂട്ടായി ഇറങ്ങി കളിയിലെ താരമായ ചഹാലിനൊപ്പം ബുംറയെ കളിയില്‍ ഉള്‍പ്പെടുത്താനും സാധ്യതയുണ്ട്. ആദ്യ ടി20യില്‍ വിശ്രമം അനുവദിച്ച താരം മുഹമ്മദ് ഷമിക്ക് പകരം എത്തിയേക്കും. ആദ്യ മത്സരത്തില്‍ ഭേദപ്പെട്ട പ്രകടനം നടത്തിയ മലയാളി താരം സഞ്ജു സാംസണ്‍ ടീമില്‍ തുടരും.

ഇന്ത്യ-ഓസ്‌ട്രേലിയ പൊരിഞ്ഞ പൊരാട്ടത്തിനിടയില്‍ പ്രണയം പറഞ്ഞ ആ രണ്ടുപേര്‍ ആര്?

web desk 1 — Tue, 01 Dec 2020 04:46:35 +0000

സിഡ്‌നി: ഇന്ത്യ-ഓസ്‌ട്രേലിയ രണ്ടാം ഏകദിന മത്സരത്തിനിടയിലെ ആര്‍പ്പുവിളികള്‍ക്കിടയിലെ മനോഹരമായ കാഴ്ചയായിരുന്നു ഗ്യാലറിയിലെ വൈറലായ വിവാഹാഭ്യര്‍ഥന. കളി നടക്കുന്നതിനിടെ ഇന്ത്യക്കാരനായ യുവാവ് ഓസ്‌ട്രേലിയന്‍ യുവതിയോട് പ്രണയാഭ്യര്‍ഥന നടത്തുന്നതായിരുന്നു വീഡിയോ. ക്രിക്കറ്റ് ഓസ്‌ട്രേലിയ ആയിരുന്നു ഈ വിഡിയോ പുറത്തു വിട്ടത്. വീഡിയോ പുറത്തു വന്നതിനു പിന്നാലെ ഇവര്‍ ആരാണ് എന്ന അന്വേഷണങ്ങളും സമൂഹ മാധ്യമങ്ങളില്‍ കണ്ടു.

ബംഗളൂരു സ്വദേശി ദീപന്‍ മണ്ഡാലിയാണ് വിവാഹാഭ്യര്‍ഥന നടത്തിയ ഇന്ത്യക്കാരനായ ആ യുവാവ്. രണ്ടു വര്‍ഷത്തെ പ്രണയത്തിനൊടുവിലാണ് ഓസ്‌ട്രേലിയക്കാരിയായ റോസ് വിംബുഷിനോട് സിഡ്‌നി ക്രിക്കറ്റ് ഗ്രൗണ്ടില്‍ വച്ച് ദീപന്‍ വിവാഹാഭ്യര്‍ഥന നടത്തിയത്.

നാലു വര്‍ഷം മുമ്പാണ് ദീപന്‍ മണ്ഡാലിയ ഓസ്‌ട്രേലിയയിലെത്തുന്നത്. ഡാറ്റാ അനലിസ്റ്റായി ജോലി ചെയ്യുന്ന ദീപന്‍ മെല്‍ബണില്‍ വെച്ചാണ് റോസ് വിംബുഷിയെ കണ്ടുമുട്ടുന്നത്. റോസ് താമസിച്ച വാടക വീട്ടില്‍ തന്നെയായിരുന്നു ദീപനും താമസിച്ചത്. റോസിന്റെ പേരില്‍ ആ വീട്ടിലേക്ക് കത്തും പല വിധത്തിലുള്ള അന്വേഷണങ്ങളും വന്നു കൊണ്ടേയിരുന്നു. ഇങ്ങനെ നിരവധി അന്വേഷണങ്ങള്‍ വന്നപ്പോള്‍ റോസിനെ കാണാന്‍ തീരുമാനിക്കുകയായിരുന്നു ദീപന്‍.

അങ്ങനെ ഫെയ്‌സ്ബുക്കില്‍ റോസിനെ കണ്ടെത്തി. ഇരുവരും തമ്മില്‍ കണ്ടുമുട്ടു. റോസിനായി ലഭിച്ച കത്തുകളെല്ലാം കൈമാറി. ആ പരിചയം പിന്നീട് പ്രണയമായി മാറാന്‍ അധിക കാലം വേണ്ടി വന്നില്ല.

ക്രിക്കറ്റിനോട് വലിയ അളവില്‍ ഇഷ്ടം കൊണ്ടു നടക്കുന്നവരാണ് രണ്ടു പേരും. ദീപന്‍ കടുത്ത ഇന്ത്യന്‍ ആരാധകനാണെങ്കില്‍ റോസ് ഓസ്‌ട്രേലിയന്‍ ക്രിക്കറ്റ് ടീമിന്റെ കട്ട ഫാനാണ്. ക്രിക്കറ്റാണ് ഞങ്ങളെ ഒന്നിപ്പിച്ചതെന്ന് ഇരുവരും പറയുന്നു. ക്രിക്കറ്റ് ഗ്രൗണ്ടില്‍ വച്ചുള്ള വിവാഹാഭ്യര്‍ഥന റോസിന് അറിയില്ലായിരുന്നെന്നും സര്‍പ്രൈസായിരുന്നെന്നും ദീപന്‍ പറയുന്നു.

പ്രണയ മുഹൂര്‍ത്തങ്ങളുടെ വീഡിയോ പുറത്തു വിട്ടത് ഓസ്‌ട്രേലിയയാണ്. ക്രിക്കറ്റ് ഓസ്‌ട്രേലിയ വീഡിയോ ട്വീറ്റ് ചെയ്തതോടെയാണ് സംഭവം വൈറലായത്. ഓസ്‌ട്രേലിയ ആദ്യം ബാറ്റു ചെയ്യുകയായിരുന്നു. ആ സമയത്താണ് ഇരുവരും പ്രണയാവിഷ്‌കാരങ്ങള്‍ നടത്തിയത്.

ഓസ്‌ട്രേലിയന്‍ ഇന്നിങ്‌സ് 20 ഓവര്‍ പിന്നിട്ടപ്പോള്‍ ദീപന്‍ റോസിന് മുന്നിലെത്തി. മുട്ടുകുത്തി നിന്ന് ഇന്ത്യന്‍ ആരാധകന്‍ നീട്ടിയ വിവാഹമോതിരം ഓസ്‌ട്രേലിയന്‍ ആരാധിക സ്വീകരിച്ചതോടെ ഗാലറിയിലും സന്തോഷം. ഇന്ത്യന്‍ വംശജയായ യുവതിയെ ജീവിത പങ്കാളിയാക്കിയ ഓസ്‌ട്രേലിയന്‍ താരം ഗ്ലെന്‍ മാക്‌സ്‌വെല്‍, ഗാലറിയിലെ ഈ ഇന്ത്യ-ഓസീസ് പ്രണയരംഗം കണ്ട് ഗ്രൗണ്ടില്‍ കയ്യടിക്കുന്ന രംഗവും തരംഗമായിരുന്നു.

പൊരിഞ്ഞ പോരാട്ടത്തിനിടയില്‍ പ്രണയം പറച്ചില്‍; ഇന്ത്യ-ഓസീസ് മത്സരത്തിനിടെയുള്ള വീഡിയോ വൈറല്‍

web desk 1 — Sun, 29 Nov 2020 14:37:43 +0000

ഗ്രൗണ്ടില്‍ ഇന്ത്യ-ഓസ്‌ട്രേലിയ രണ്ടാം ഏകദിന മത്സരത്തിന്റെ പൊരിഞ്ഞ പോരാട്ടം നടക്കുന്നു. ഗ്യാലറിയിലെ കളിയാവേശത്തിന്റെ ആര്‍പ്പുവിളികള്‍ക്കിടയില്‍ മറ്റൊന്നു കൂടി സംഭവിച്ചു. രാജ്യവികാരങ്ങള്‍ക്കപ്പുറത്ത് ഒരു പ്രണയം പൂവിടുകയായിരുന്നു. കളി നടക്കുന്നതിനിടെ ഇന്ത്യക്കാരനായ യുവാവ് ഓസ്‌ട്രേലിയന്‍ യുവതിയോട് പ്രണയാഭ്യര്‍ഥന നടത്തുന്നു. ആദ്യമൊന്ന് അമ്പരന്ന ശേഷം യുവതി ആ പ്രണയാഭ്യര്‍ഥന ഹൃദയത്തോട് ചേര്‍ത്തുവക്കുന്നു.

ഓസ്‌ട്രേലിയന്‍ ഇന്നിങ്‌സ് 20 ഓവര്‍ പിന്നിട്ടപ്പോള്‍ ഇന്ത്യക്കാരനായ യുവാവ് ഓസീസ് ആരാധികക്കു മുന്നിലെത്തി. മുട്ടുകുത്തി നിന്ന് ഇന്ത്യന്‍ ആരാധകന്‍ നീട്ടിയ വിവാഹമോതിരം ഓസ്‌ട്രേലിയന്‍ ആരാധിക സ്വീകരിച്ചതോടെ ഗാലറിയിലും സന്തോഷം. ഇന്ത്യന്‍ വംശജയായ യുവതിയെ ജീവിത പങ്കാളിയാക്കിയ ഓസ്‌ട്രേലിയന്‍ താരം ഗ്ലെന്‍ മാക്‌സ്‌വെല്‍, ഗാലറിയിലെ ഈ ഇന്ത്യ-ഓസീസ് പ്രണയരംഗം കണ്ട് ഗ്രൗണ്ടില്‍ കയ്യടിക്കുന്നതും വിഡിയോയില്‍ കാണാം.

https://twitter.com/FoxCricket/status/1332980709028360193

കോഹ്‌ലിയാട്ടവും ധോണിയുടെ ഹെലികോപ്റ്ററും; ഓസ്‌ട്രേലിയക്കെതിരെ ഇന്ത്യക്ക് ആറ് വിക്കറ്റ് ജയം

chandrika — Tue, 15 Jan 2019 11:56:20 +0000

അഡലെയ്ഡ്: നായകന്‍ വിരാത് കോലി കരിയറിലെ 39-ാം സെഞ്ച്വറിയുമായും മുന്‍ ക്യാപ്ടന്‍ മഹേന്ദ്ര സിങ് ധോണി അപരാജിത അര്‍ധ സെഞ്ച്വറിയുമായും നയിച്ചപ്പോള്‍ ഓസ്ട്രേലിയക്കെതിരായ രണ്ടാം ഏകദിനത്തില്‍ ഇന്ത്യക്ക് ആറു വിക്കറ്റ് ജയം. പരമ്പര നഷ്ടമാകാതിരിക്കാന്‍ വിജയം അനിവാര്യമായ ഇന്ത്യ, ഓസീസ് ആദ്യം ബാറ്റ് ചെയ്ത് മുന്നോട്ടുവെച്ച 299 റണ്‍സ് എന്ന വിജയലക്ഷ്യം നാലു വിക്കറ്റ് നഷ്ടത്തില്‍, നാലു പന്ത് ശേഷിക്കെ കിടിലന്‍ ഹെലികോപ്റ്റര്‍ ഷോട്ടിലൂടെ ധോണി സ്‌റ്റൈല്‍ സിക്‌സില്‍ മറികടക്കുകയായിരുന്നു. വിരാത് കോലിയാണ് കളിയിലെ കേമന്‍. ഇതോടെ, ഏകദിന പരമ്പരയിലെ ജേതാക്കളെ വെള്ളിയാഴ്ച മെല്‍ബണില്‍ നടക്കുന്ന മൂന്നാം മത്സരം തീരുമാനിക്കും.

ഉയര്‍ന്ന താപനിലയുള്ള അഡലെയ്ഡില്‍ ടോസ് നഷ്ടമായ ഇന്ത്യ ആദ്യം പന്തെറിയുകയായിരുന്നു. ഷോണ്‍ മാര്‍ഷിന്റെ സെഞ്ച്വറി (131) ആതിഥേയര്‍ക്ക് പ്രതീക്ഷ സമ്മാനിച്ചു. എന്നാല്‍, ഇന്ത്യന്‍ ബാറ്റിങിനെ കാര്യമായി പരീക്ഷിക്കാന്‍ മൂര്‍ച്ച കുറഞ്ഞ ഓസീസ് ബൗളിങ് നിരക്ക് കഴിഞ്ഞില്ല. വിരാത് കോലി (104) പുറത്തായ ശേഷം അവസാന ഓവറുകളില്‍ ചേസിങ് സമ്മര്‍ദമുനയിലായെങ്കിലും ധോണിയുടെയും (55 നോട്ടൗട്ട്) ദിനേഷ് കാര്‍ത്തിക്കിന്റെയും (25 നോട്ടൗട്ട്) പരിചയ സമ്പത്ത് സന്ദര്‍ശകര്‍ക്ക് ഗുണമായി.

#2009vs2019 @msdhoni still smashing sixes and finishing chases! pic.twitter.com/fv0wvz3rnS

— ICC (@ICC) January 15, 2019

ദക്ഷിണ ഓസ്ട്രേലിയയിലെ തീരദേശ നഗരമായ അഡലെയ്ഡിലെ 30 ഡിഗ്രി ചൂടില്‍ ടോസ് നേടിയ ഓസ്ട്രേലിയന്‍ ക്യാ്പ്ടന്‍ ആരോണ്‍ ഫിഞ്ച് ബാറ്റിങ് തെരഞ്ഞെടുക്കാന്‍ രണ്ടാമതൊന്നാലോചിച്ചില്ല. എന്നാല്‍, വലിയ ഇന്നിങ്സുകള്‍ കളിക്കുന്നതില്‍ മുന്‍നിര ബാറ്റ്സ്മാന്മാര്‍ പരാജയപ്പെട്ടത് അവര്‍ക്ക് തിരിച്ചടിയായി. ഒരു വശത്ത് വിക്കറ്റുകള്‍ വീഴുമ്പോഴും ആത്മവിശ്വാസത്തോടെ ബാറ്റേന്തിയ ഷോണ്‍ മാര്‍ഷ് ആയിരുന്നു അവരുടെ നെടുംതൂണ്‍. ഓപണര്‍മാരായ ആരോണ്‍ ഫിഞ്ചിനെയും (6) അലക്സ് കാരിയെയും (18) പെട്ടെന്ന് മടക്കാന്‍ ഇന്ത്യക്കായെങ്കിലും ഉസ്മാന്‍ ഖവാജ (21), പീറ്റര്‍ ഹാന്‍ഡ്സ്‌കോംബ് (20), മാര്‍ക്കസ് സ്റ്റോയ്നിസ് (29) എന്നിവരുടെ പിന്തുണയോടെ ഷോണ്‍ മാര്‍ഷ് ഇന്നിങ്സ് മുന്നോട്ടു നയിക്കുകയായിരുന്നു. 123 പന്ത് നേരിട്ട മാര്‍ഷ് 11 ഫോറും മൂന്ന് സിക്സറുമടിച്ചു.
അഞ്ചുവിക്കറ്റിന് 189 എന്ന നിലയില്‍ ക്രീസിലെത്തിയ ഗ്ലെന്‍ മാക്സ്വെല്‍ (37 പന്തില്‍ 48) മാര്‍ഷിന് മികച്ച പിന്തുണ നല്‍കിയതോടെ ഓസീസ് ഇന്നിങ്സിന് വേഗത കൈവന്നു. ഇരുവരും ചേര്‍ന്ന് ആറാം വിക്കറ്റില്‍ നേടിയ 94 റണ്‍സ് ആണ് കംഗാരുക്കളുടെ ഇന്നിങ്സില്‍ നിര്‍ണായകമായത്. ഇരുവരെയും ഭുവനേശ്വര്‍ ആണ് മടക്കിയത്.
നതാന്‍ ലിയോണ്‍ അഞ്ച് പന്തില്‍ നിന്ന് പുറത്താകാതെ നേടിയ 12 റണ്‍സ് അവസാന ഘട്ടത്തില്‍ ഓസീസിന് ആശ്വാസം പകര്‍ന്നു.

India edge past Australia in Adelaide to level the series!

Virat Kohli’s 104 guides the chase to win by six wickets with four balls remaining.#AUSvIND scorecard https://t.co/cU6nhMe2xE pic.twitter.com/nnWMKHlJwv

— ICC (@ICC) January 15, 2019

മൂന്നു മത്സര പരമ്പരയിലെ ആദ്യ മത്സരത്തിലെ ടീമില്‍ ചെറിയ മാറ്റത്തോടെയാണ് ഇന്ത്യ ഇറങ്ങിയത്. ഖലീല്‍ അഹ്മദിനു പകരം മുഹമ്മദ് സിറാജിന് അരങ്ങേറാന്‍ അവസരം ലഭിച്ചു. മൂന്ന് സ്പെല്ലുകളിലായി തന്റെ പത്ത് ഓവര്‍ എറിഞ്ഞുതീര്‍ത്ത സിറാജ് വിക്കറ്റൊന്നുമില്ലാതെ 76 റണ്‍സ് വഴങ്ങി.
മറുപടി ബാറ്റിങില്‍ ഓപണര്‍മാര്‍ ഇന്ത്യക്ക് മികച്ച തുടക്കം നല്‍കി. സ്‌കോര്‍ 47-ല്‍ നില്‍ക്കെ ശിഖര്‍ ധവാനെ (32) ആണ് ഇന്ത്യക്ക് ആദ്യം നഷ്ടമായത്. എന്നാല്‍, കോലി താളം കണ്ടെത്തിയതോടെ രണ്ടാമത്തെ വിക്കറ്റിനു വേണ്ടി ഓസീസ് 101 വരെ കാത്തിരിക്കേണ്ടി വന്നു. രോഹിത് (43) പുറത്തായ ശേഷം അമ്പാട്ടി റായുഡു (24) വിനൊപ്പം കോലി സ്‌കോര്‍ 160 വരെ കൊണ്ടുപോയി. റായുഡു മടങ്ങിയ ശേഷം ക്രീസില്‍ ഒന്നിച്ച കോലിയും ധോണിയും ഇന്ത്യയെ അനായാസ ജയത്തിലെത്തിക്കുമെന്ന് തോന്നിച്ചെങ്കിലും സെഞ്ച്വറി തികച്ചതിനു പിന്നാലെ കോലി മടങ്ങിയത് സമ്മര്‍ദമുണ്ടാക്കി. 44-ാം ഓവറില്‍ റിച്ചാര്‍ഡ്സന്റെ പന്തില്‍ മാക്സ്വെല്ലിന് ക്യാച്ച് നല്‍കി നായകന്‍ തിരിച്ചുനടക്കുമ്പോള്‍ ഇന്ത്യക്ക് ലക്ഷ്യം 40 പന്തില്‍ 59 ആയിരുന്നു. കൃത്യമായ കണക്കുകൂട്ടലുകളോടെ കളിച്ച ധോണിയും കാര്‍ത്തിക്കും അധികം നഷ്ടമില്ലാതെ ഇന്ത്യയെ വിജയത്തിലെത്തിച്ചു. ജയിക്കാന്‍ ഏഴ് റണ്‍സ് ആവശ്യമായിരുന്ന അവസാന ഓവറിലെ ആദ്യപന്തില്‍ സിക്സറടിച്ചാണ് ധോണി സ്‌കോര്‍ ഒപ്പത്തിലെത്തിച്ചത്. തൊട്ടടുത്ത പന്തിലെ സിംഗിളോടെ ഇന്ത്യ വിജയം സ്വന്തമാക്കുകയും ചെയ്തു.