അമേരിക്ക ഇന്ത്യയുടെ നടപടിയെ ഗൗരവതരം എന്ന് വിശേഷിപ്പിച്ചിരുന്നു. ഇരുരാജ്യങ്ങളും ഓരോ നയതന്ത്രപ്രതിനിധികളെ പുറത്താക്കുകയും ഇന്ത്യ കാനഡക്കാർക്ക് വിസ നിഷേധിക്കുകയും ചെയ്തിരിക്കുകയാണ്. ഇതിനിടെയാണ് അമേരിക്കയിൽ നിന്ന് ന്യൂയോർക്ക് ടൈംസ് ദിനപത്രം ഈ വിവരം വെളിപ്പെടുത്തിയത്.

ഇന്‍ഡോപസഫിക് ബന്ധം കാനഡയ്ക്കു നിര്‍ണായകമാണ്. ഹര്‍ദിപ് സിംഗ് നിജ്ജറിന്റെ കൊലപാതകവുമായി ബന്ധപ്പെട്ട ആരോപണങ്ങള്‍ ശരിയാണെന്നു തെളിഞ്ഞാല്‍, രാജ്യത്തിന്റെ പരമാധികാരത്തെ ലംഘിച്ചതില്‍ ആശങ്കയുണ്ടാവുമെന്നും ബില്‍ ബ്ലയര്‍ കൂട്ടിച്ചേര്‍ത്തു.

ഖലിസ്ഥാനി നേതാവിന്റെ കൊലപാതകവുമായി ബന്ധപ്പെട്ട അന്വേഷണം നടക്കുമ്പോള്‍ തന്നെ, ഇന്തോ – പസഫിക് സഹകരണം ഉള്‍പ്പെടെയുള്ള മേഖലകളില്‍ ബന്ധം കൂടുതല്‍ ഊഷ്മളമായി തുടരാനാണ് കാനഡ ആഗ്രഹിക്കുന്നതെന്നും അദ്ദേഹം പറഞ്ഞു.

കാനഡയിലെ പൗരന്മാർക്ക് ഇന്ന് ഇന്ത്യ വിസ നിഷേധിച്ചിരുന്നു. നടപക്രമങ്ങൾ കാരണമാണ് നിഷേധം എന്നാണ് ഇന്ത്യ ഔദ്യോഗികമായി അറിയിച്ചിരിക്കുന്നത്. ഇരു രാജ്യങ്ങളും ഓരോ നയന്ത്ര പ്രതിനിധികളെ നേരത്തെ പുറത്താക്കിയിരുന്നു .ജൂൺ പത്തിനാണ് നിജാർ കൊല്ലപ്പെടുന്നത്. ഇതിൽ ഇന്ത്യയ്ക്ക് പങ്കുണ്ട് എന്താണ് കാനഡ പ്രധാനമന്ത്രി ജസ്റ്റിൻ ട്രൂഡോ പ്രസ്താവിച്ചത് .ഇത് അസംബന്ധമാണെന്നായിരുന്നു ഇന്ത്യയുടെ ശക്തമായ പ്രതികരണം .മാത്രമല്ല കാനഡയിൽ തീവ്രവാദികൾക്ക് സൗകര്യം നൽകുന്നുവെന്നും ഇന്ത്യ ആരോപിച്ചു. ജി.20 യോഗത്തിലേക്ക് ന്യൂഡൽഹിയിൽ ജസ്റ്റിൻ എത്തിയത് പ്രതീക്ഷ നൽകിയിരുന്നെങ്കിലും ട്രൂഡോ തിരിച്ചുപോയി രണ്ടാം ദിവസമാണ് ഇന്ത്യയ്ക്കെതിരായ പ്രസ്താവനയുണ്ടായത്.

ഏതായാലും കാനഡയിലെ 14 ലക്ഷത്തോളം വരുന്ന ഇന്ത്യക്കാരിൽ ഈ സംഭവവികാസങ്ങൾ ആശങ്ക ഉയർത്തിയിട്ടുണ്ട് .ഇന്ത്യയിൽനിന്ന് കഴിഞ്ഞവർഷം 32,0000 പേരാണ് കാനഡയിലേക്ക് പോയത്. ഇതിൽ അധികവും വിദ്യാർത്ഥികളാണ് .തർക്കം തുടരുമ്പോൾ ഇരു രാജ്യങ്ങളിലും പ്രശ്നങ്ങൾ ഉടലെടുത്തിട്ടുണ്ട് .ഇന്ത്യൻ വിദ്യാർഥികൾക്ക് കാനഡ ആവശ്യമെന്നതു പോലെ കാനഡയിലെ സർവകലാശാലകൾക്ക് ഇന്ത്യൻ വിദ്യാർഥികളെയും ആവശ്യമാണ് .സംഘർഷം തുടരുന്നത് ഇരു രാജ്യങ്ങളിലെയും ജനങ്ങൾക്ക് വലിയ പ്രശ്നം ഉണ്ടാക്കുമെന്ന ആശങ്കയാണ് ഉയർന്നിട്ടുള്ളത്. അതിനിടെയാണ് മാധ്യമങ്ങളെ നിയന്ത്രിക്കുന്ന തരത്തിലുള്ള പ്രസ്താവന കേന്ദ്രസർക്കാരിൽ നിന്ന് ഉണ്ടായിരിക്കുന്നത്.