എന്നാല്‍ ചരക്കുവിമാനങ്ങള്‍, എയര്‍ ബബ്ള്‍ കരാര്‍ പ്രകാരമുള്ള വിമാനങ്ങള്‍ എന്നിവയുടെ സര്‍വീസ് തുടരും. അതുകൊണ്ടു എയര്‍ ബബ്ള്‍ കരാറുള്ള ഗള്‍ഫ് രാഷ്ട്രങ്ങളിലേക്കുള്ള പ്രവാസികളുടെ യാത്രയെ നിരോധനം ബാധിക്കില്ല.

രാജ്യത്തെ കോവിഡ് നിരക്കുകള്‍ ഉയര്‍ന്നു നില്‍ക്കുന്ന സാഹചര്യത്തിലാണ് വ്യോമയാത്രാ നിരോധന കാലാവധി നീട്ടിയത്. അടുത്ത വര്‍ഷം ആദ്യത്തോടെ നിരോധനം നീക്കാനാണ് സാധ്യത.

ആവശ്യത്തിന് മാസ്‌കില്ല, പിപിഇ കിറ്റുകളില്ല, വെന്റിലേറ്ററുകളില്ല, ഓക്‌സിന്‍ വിതരണമില്ല എന്നൊക്കെ ജനങ്ങള്‍ പറഞ്ഞ സമയമുണ്ടായിരുന്നു. ജനം ഒരുപാട് പ്രശ്‌നങ്ങള്‍ അനുഭവിക്കുകയും ചെയ്തിരുന്നു. നമ്മള്‍ പ്രവചിച്ചതിനും സമ്പൂര്‍ണമായി എതിര്‍ദിശയിലാണ് ഇപ്പോഴത്തെ സാഹചര്യങ്ങള്‍. നമ്മള്‍ ഒന്നിച്ചാണ് കോവിഡിനെതിരെ പൊരുതിയത്- ഹര്‍ഷ് വര്‍ധന്‍ കൂട്ടിച്ചേര്‍ത്തു.

ജനുവരി ഏഴിനാണ് കോവിഡ് വൈറസിനെ കുറിച്ച് ലോകാരോഗ്യസംഘടനയില്‍ നിന്ന് ആദ്യ ആശയവിനിമയം ലഭിക്കുന്നത്. അന്നു തന്നെ ആവശ്യമായ നടപടികള്‍ സ്വീകരിച്ചു. ജനുവരി 30നാണ് രാജ്യത്ത് ആദ്യ കോവിഡ് റിപ്പോര്‍ട്ട് ചെയ്തത്. അതിനു ശേഷം 162 പേരെ കണ്ടെത്തി. സമ്പര്‍ക്കം പുലര്‍ത്തിയവരെ കണ്ടെത്തുന്ന ജോലി അവിടെ നിന്നാണ് ആരംഭിച്ചത്- മന്ത്രി വ്യക്തമാക്കി.

ആഗോള തലത്തില്‍ തന്നെ കോവിഡ് ഏറ്റവും കൂടുതല്‍ റിപ്പോര്‍ട്ട് ചെയ്ത രണ്ടാമത്തെ രാജ്യമാണ് ഇന്ത്യ. 51 ലക്ഷത്തിലേറെ പേര്‍ക്കാണ് രാജ്യത്ത് കോവിഡ് സ്ഥിരീകരിച്ചത്. ഇതില്‍ 40 ലക്ഷം പേര്‍ രോഗമുക്തരായി. 83,198 പേരാണ് മരണത്തിന് കീഴടങ്ങിയത്. രാജ്യത്തെ മരണനിരക്ക് 1.63 ശതമാനമാണ്. മഹാരാഷ്ട്രയിലാണ് ഏറ്റവും കൂടുതല്‍ കേസുകളുള്ളത്. 10.7 ലക്ഷം. കേസുകളുടെ എണ്ണത്തില്‍ യുഎസ് മാത്രമാണ് ഇന്ത്യയ്ക്ക് മുകളിലുള്ളത്.

സന്ദര്‍ശക വിസാ ചട്ടം ലംഘിച്ച് ഡല്‍ഹി നിസാമുദ്ദീനിലെ മത സമ്മേളനത്തില്‍ പങ്കെടുത്തു, അനധികൃതമായി പള്ളിയില്‍ അഭയം തേടി എന്നതാണ് ഇവര്‍ക്കെതിരെ ചുമത്തിയിരുന്ന കുറ്റം. ഇത് കോവിഡ് വ്യാപനത്തിന് കാരണമായി എന്നും പൊലീസ് സമര്‍പ്പിച്ച എഫ്.ഐ.ആറില്‍ പറയുന്നു. ശിക്ഷാ നിയമത്തിലെ വിവിധ വകുപ്പുകള്‍, പകര്‍ച്ച വ്യാധി നിയമം, മഹാരാഷ്ട്ര പൊലീസ് ആക്ട്, ദുരന്തനിവാരണ നിയമം, വിദേശി ആക്ട് തുടങ്ങിയ വകുപ്പുകള്‍ ചേര്‍ത്താണ് ഇവര്‍ക്കെതിരെ കുറ്റം ചുമത്തിയിരുന്നത്.

ആറ് വിദേശികള്‍ക്ക് പുറമേ, ഇവര്‍ക്ക് പള്ളിയില്‍ അഭയം നല്‍കിയ ആറു പേര്‍ക്കെതിരെയും കേസ് രജിസ്റ്റര്‍ ചെയ്തിരുന്നു. ജസ്റ്റിസ് ടി.വി നലവാഡെ, ജസ്റ്റിസ് എം.ജി സെവ്‌ലികാര്‍ എന്നിവര്‍ അടങ്ങുന്ന ഔറംഗാബാദ് ബഞ്ചിന്റേതാണ് വിധി.

‘ഒരു മഹാമാരിയോ ദുരന്തമോ ഉണ്ടാകുന്ന വേളയില്‍ ബലിയാടുകളെ കണ്ടെത്താനാണ് ഒരു രാഷ്ട്രീയ സര്‍ക്കാറിന്റെ ശ്രമം. ഈ വിദേശികള്‍ ബലിയാടാക്കപ്പെട്ടു എന്നാണ് സാഹചര്യങ്ങള്‍ കാണിക്കുന്നത്. നിലവിലെ സാഹചര്യങ്ങള്‍ കണക്കിലെടുക്കുമ്പോള്‍ ഇവര്‍ക്കെതിരെ ഇത്തരത്തിലുള്ള നടപടി എടുക്കാന്‍ പാടില്ലായിരുന്നു. ഈ നടപടിയില്‍ ഖേദിക്കേണ്ട സമയം അതിക്രമിച്ചിരിക്കുന്നു. ഇതു പരിഹരിക്കാന്‍ ചില ക്രിയാത്മക ചുവടുവയ്പ്പുകള്‍ നടത്തുകയും വേണം’ – എന്നായിരുന്നു കോടതിയുടെ വാക്കുകള്‍.

ഐവറി കോസ്റ്റ്, ഘാന, ടാന്‍സാനി, ജിബൂത്തി, ബെനിന്‍, ഇന്തോനേഷ്യ എന്നിവിടങ്ങൡ നിന്നുള്ളവരാണ് ഹര്‍ജി സമര്‍പ്പിച്ചിരുന്നത്. തങ്ങള്‍ ശരിയായ വിസയിലാണ് ഇന്ത്യയില്‍ വന്നത് എന്നും ഇവിടുത്തെ സംസ്‌കാരം, പാരമ്പര്യം, ആതിഥ്യമര്യാദ, ഭക്ഷണം എന്നിവ ആസ്വദിക്കാനാണ് എത്തിയത് എന്നും അവര്‍ കോടതിയെ ബോധിപ്പിച്ചു. അഹ്മദ് നഗര്‍ ജില്ലയില്‍ എത്തുന്നത് ജില്ലാ മജിസ്‌ട്രേറ്റിനെ അറിയിച്ചിരുന്നു. മാര്‍ച്ച് 23ലെ ലോക്ക്ഡൗണ്‍ മൂലം സഞ്ചരിക്കന്‍ കഴിയാതെയായി. ഹോട്ടലുകളും ലോഡ്ജുകളും പൂട്ടിയപ്പോഴാണ് പള്ളിയില്‍ അഭയം തേടിയത്- അവര്‍ പറഞ്ഞു.