കരാര്‍ ലംഘിച്ചാല്‍ പോയിന്റ് നഷ്ടമാകുന്നതിന് പുറമേ മറ്റ് നടപടികളും ഇന്ത്യ നേരിടേണ്ടിവരുമെന്നും ഐസിസി അറിയിച്ചു. ആവശ്യമായ സുരക്ഷാസൗകര്യങ്ങള്‍ ഒരുക്കിയിട്ടുണ്ടെന്നും റിച്ചാര്‍ഡ്‌സണ്‍ വ്യക്തമാക്കി. പാകിസ്താനെതിരെ ഇന്ത്യ കളിക്കരുതെന്ന ആവശ്യം പുല്‍വാമ ഭീകരാക്രമണത്തിന് പിന്നാലെ രാജ്യത്ത് ശക്തമായിരുന്നു. അതേസമയം, സര്‍ക്കാര്‍ തീരുമാനം അനുസരിക്കുമെന്നാണ് ബി.സി.സിഐയുടെയും നായകന്‍ വിരാട് കോലിയുടെയും നിലപാട്.

അതിര്‍ത്തിയില്‍ പാക്കിസ്താന്‍ ആക്രമണം തുടരുകയാണ്. ഇതിനു പുറമെയാണ് പാക് സൈന്യം നിരന്തരം അതിര്‍ത്തിയില്‍ വെടിനിര്‍ത്തല്‍ കരാര്‍ ലംഘിക്കുന്നതും. ഈ സാഹചര്യത്തില്‍ പാക്കിസ്താനുമായി ക്രിക്കറ്റ് കളിക്കുന്നത് ശരിയല്ല. ക്രിക്കറ്റിലൂടെയല്ല നയതന്ത്രം നടത്തേണ്ടതെന്നും മന്ത്രി പറഞ്ഞു. ഇരു രാജ്യങ്ങളില്‍ നടത്തുന്നതിന് പുറമെ നിക്ഷ്പക്ഷ വേദിയില്‍ മത്സരങ്ങള്‍ സംഘടിപ്പിക്കുന്നതിനേയും സുഷമാസ്വരാജ് എതിര്‍ത്തു.

2012-നുശേഷം അതിര്‍ത്തിയില്‍ ആക്രമണം തുടര്‍ന്നതോടെ പരമ്പര കളിക്കേണ്ടെന്ന് ഇന്ത്യ തീരുമാനിക്കുകയായിരുന്നു. 2007-നു ശേഷം ഇന്ത്യ-പാക് പര്യടനവും നടത്തിയിട്ടില്ല.

ചാംപ്യന്‍സ് ട്രോഫി ഫൈനലില്‍ ഇന്ത്യയെ 180 റണ്‍സിന് തോല്‍പ്പിച്ചാണ് പാകിസ്താന്‍ കിരീടം ചൂടിയത്. ലോകത്തിന്റെ വിവിധ ഭാഗത്ത് പാകിസ്താനെ പിന്തുണച്ച് ആഘോഷങ്ങള്‍ സംഘടിപ്പിച്ചിരുന്നു. മധ്യപ്രദേശിലെ ബുര്‍ഹാപൂരിലെ മൊഹദ് ഗ്രാമവാസികളില് ചിലരും ഈ ആഘോഷത്തില്‍ പങ്കുചേര്‍ന്നു. പാകിസ്താന് അനുകൂലമായി മുദ്രാവാക്യം വിളിക്കുകയം പടക്കം പൊട്ടിച്ച് ജയം ആഘോഷിക്കുകയുമായിരുന്നു. ഇതിനെ തുടര്‍ന്നാണ് 20നും 35നും ഇടയില്‍ പ്രായമുള്ള 15 പേര്‍ക്കെതിരെ പൊലീസ് കേസെടുത്തത്.

രാജ്യദ്രോഹക്കുറ്റവും ക്രിമിനല്‍ ഗൂഢാലോചനകുറ്റവുമാണ് ഇവര്‍ക്കെതിരെ ചുമത്തിയത്. ഇതിനെതിരെയാണ് ആംനസ്റ്റി ഇന്റര്‍നാഷണല്‍ രംഗത്തെത്തിയത്. അറസ്റ്റ് ചെയ്തവരെ ഉടന്‍ മോചിപ്പിക്കണമെന്നും ഇത്തരത്തിലുള്ള നടപടി അസംബന്ധമാണെന്നും ആംനസ്റ്റി ഇന്ത്യ പ്രോഗ്രാംസ് ഡയറക്ടര്‍ അസ്മിത ബസു വ്യക്തമാക്കി. മത്സരത്തില്‍ കളിക്കുന്ന ഒരു രാജ്യത്തെ പിന്തുണക്കുന്നത് കുറ്റമല്ലെന്നും ആരെ പിന്തുണക്കമെന്ന് ആലോചിക്കാന്‍ ഓരോ വ്യക്തിക്കും സ്വാതന്ത്ര്യമുണ്ടെന്നും അവര്‍ പറഞ്ഞു. അറസ്റ്റിലൂടെ ഒരാളുടെ അഭിപ്രായ സ്വാതന്ത്ര്യത്തെയും ആവിഷ്‌കാര സ്വാതന്ത്ര്യത്തെയുമാണ് ഇല്ലാതാക്കിയതെന്നും ആംനസ്റ്റി കുറ്റപ്പെടുത്തി.

പാകിസ്താന്റെ വിജയം പടക്കം പൊട്ടിച്ച് ആഘോഷിച്ചു എന്ന പേരില്‍ കാസറഗോഡ് ബദിയടുക്കയിലും 20 ഓളം പേര്‍ക്കെതിരെ കേസെടുത്തിരുന്നു.