കേരളം ഇന്ത്യയുടെ ഡിജിറ്റല്‍ പവര്‍ ഹൗസ്; മറ്റ് സംസ്ഥാനങ്ങള്‍ക്ക് മാതൃക: രാംനാഥ് കോവിന്ദ്

chandrika — Fri, 27 Oct 2017 12:30:09 +0000

തിരുവനന്തപുരം: കേരളം ഇന്ത്യയുടെ ഡിജിറ്റല്‍ പവര്‍ ഹൗസാണെന്നും കേരളം മറ്റ് സംസ്ഥാനങ്ങള്‍ക്ക് മാതൃകയാണെന്നും രാഷ്ട്രപതി രാംനാഥ് കോവിന്ദ്. രണ്ടു ദിവസത്തെ കേരള സന്ദര്‍ശനത്തിനെത്തിയ രാഷ്ട്രപതി, തിരുവനന്തപുരം പള്ളിപ്പുറത്ത് ടെക്‌നോപാര്‍ക്കില്‍ നാലാം ഘട്ടമായ ടെക്‌നോ സിറ്റിയുടെ ഉദ്ഘാടനം നിര്‍വഹിക്കുകയായിരുന്നു.

ടക്നോസിറ്റി രാജ്യത്തിനുതന്നെ അഭിമാനമാണെന്ന് പറഞ്ഞ രാഷ്ട്രപതി, സംസ്ഥാനത്തെ മറ്റു പുരോഗതികള്‍ എണ്ണി കേരളത്തെ പുകഴ്ത്തി.
കേരളം ആരോഗ്യം, വിദ്യാഭ്യാസം, വിനോദ സഞ്ചാരം എന്നീ മേഖലകളില്‍ കേരളം മറ്റു സംസ്ഥാനങ്ങള്‍ക്ക് മാതൃകയാണെന്നാണ് രാഷ്ട്രപതി വ്യക്തമാക്കിയത്.
ഡിജിറ്റല്‍ ഇന്ത്യയിലൂടെ കൂടുതല്‍ തൊഴിലവസരങ്ങള്‍ സൃഷ്ടിക്കാന്‍ കഴിഞ്ഞെന്നും, കേരളം ഇന്ത്യയുടെ ഡിജിറ്റല്‍ പവര്‍ഹൗസാണെന്നും രാഷ്ട്രപതി ചൂണ്ടിക്കാട്ടി.

ഉപരാഷ്ട്രപതി തെരഞ്ഞെടുപ്പ് ആഗസ്ത് 5ന്

chandrika — Thu, 29 Jun 2017 15:24:14 +0000

ന്യൂഡല്‍ഹി: ഉപരാഷ്ട്രപതി തെരഞ്ഞെടുപ്പ് ആഗസ്ത് 5ന് നടക്കും. രാവിലെ പത്തു മുതല്‍ വൈകീട്ട് അഞ്ചു വരെയായിരിക്കും വോട്ടെടുപ്പ്. വോട്ടെണ്ണലും ഫലപ്രഖ്യാപനവും അന്നുതന്നെയുണ്ടാവും. നിലവിലെ ഉപരാഷ്ട്രപതി ഹാമിദ് അന്‍സാരിയുടെ കാലാവധി ആഗസ്ത് 10ന് അവസാനിക്കും. ജൂലൈ നാലിന് തെരഞ്ഞെടുപ്പ് വിജ്ഞാപനം പുറപ്പെടുവിക്കും. അന്നുമുതല്‍ പത്രികകള്‍ സമര്‍പ്പിക്കാം. നാമനിര്‍ദേശപത്രിക സമര്‍പ്പിക്കാനുള്ള അവസാന തിയതി ജൂലൈ 18 ആണ്. രാജ്യസഭാ സെക്രട്ടറി ജനറല്‍ ആണ് റിട്ടേണിങ് ഓഫീസര്‍. 790 പാര്‍ലമെന്റ് അംഗങ്ങള്‍ അടങ്ങിയ ഇലക്ടറല്‍ കോളജാണ് പുതിയ ഉപരാഷ്ട്രപതിയെ തെരഞ്ഞെടുക്കുന്നത്. ആഗസ്ത് 11 നാണ് പുതിയ ഉപരാഷ്ട്രപതി ചുമതലയേല്‍ക്കുക. രാഷ്ട്രപതി സ്ഥാനത്തേക്കെന്നപോലെ ഉപരാഷ്ട്രപതി സ്ഥാനത്തേക്കും മത്സരമുണ്ടാകാനാണ് സാധ്യത. സ്ഥാനാര്‍ത്ഥികളെ സംബന്ധിച്ചുള്ള ചര്‍ച്ചകള്‍ക്ക് രാഷ്ട്രീയകക്ഷികള്‍ അടുത്തദിവസങ്ങളില്‍ തന്നെ തുടക്കമിട്ടേക്കും. ജൂലൈ 17നാണ് രാഷ്ട്രപതി തെരഞ്ഞെടുപ്പ്. എന്‍.ഡി.എ സ്ഥാനാര്‍ത്ഥി രാം നാഥ് കോവിന്ദും പ്രതിപക്ഷത്തിന്റെ സ്ഥാനാര്‍ത്ഥി മുന്‍ സ്പീക്കര്‍ മീരാ കുമാറും തമ്മിലാണ് മത്സരം.

India president – Chandrika Daily

കേരളം ഇന്ത്യയുടെ ഡിജിറ്റല്‍ പവര്‍ ഹൗസ്; മറ്റ് സംസ്ഥാനങ്ങള്‍ക്ക് മാതൃക: രാംനാഥ് കോവിന്ദ്

ഉപരാഷ്ട്രപതി തെരഞ്ഞെടുപ്പ് ആഗസ്ത് 5ന്